شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

13 - 5 - 2014, 11:47 PM

طلعت تشوفه يبي شي .. وتقفل الباب ..
هنادي : تبي شي ثاني
فهد : ايه ... ابي شوق
هنادي تطالعه بنص عين : ويش تبي فيها ؟؟!!
فهد : ابي اكلمها بموضوع
هنادي : شوق تعبانه ونايمه .. ولو تموت ماتطلع لك .. بس ريح راسك
فهد : اقول ترى انا سمعت كل شي ... كل اللي قالته اختها سمعته
هنادي عصبت : دامك سمعت ويش تبي فيها .. تبي تزيدها .. كافيها اللي فيها ..
فهد : ههههههه لا بس كنت بتشمت فيها ..
هنادي بدون شعور تفلت بوجهه : انت منت كفو الواحد يطالعك .. كل شي فيك يقرف .. الله يعين شوق .. مدري كيف متحملتك انت ووقاحتك
فهد : طيب طسي عني .. ولا عاد اشوفك
هنادي : وووع من زينك اشوفك .. وطلعت وقفلت الباب
تركت فهد ... يفكر بدنيته اللي فرط فيها كثير .. وظلم فيها كثير .. وتجبر على كثيررر
تردد صوت شوق بأذنه وهي تتكلم والعبره خانقتها ..
((اكيد اعرفه انت 5 سنين مافارقت خيالي يوم واحد ولاتهنيت بنومي ليله وحده بسببك))
فهد (( معقوله تهوري يدمرها لذي الدرجه .. ويدمر عائلتها كلها .. انا خليت خطيبها يتركها
وابوها مات بحسرته .. شتت كل شي فيها ... رد عليه صوت بداخله .. طول عمرك يافهد وحش
وبتظل وحش ... ماترحم احد دمرت كل اللي حولك ... حتى امك ... ايه امك يافهد .. ))
فهد : لا ... انا ماسويت شي .. كله بسببها ... كله بسببها .. ماني ندمان على شي .. شوق هي اللي جات بدربي .. واي احد يقرب مني يتحمل ..
صدمه دخولها المفاجئ له .. ملامحها شاحبه .. ماحيها البكاء .. عيونها حمراء من شدت بكائها ..
شوق بصوت مبحوح : واخر هالهم معاك ... انا تعبت ماعاد فيني حيل اتحمل ... تحملت غلطة غيري .. ودفعت ثمنها ... "صرخت ".. تعبت جراح .. تعبت .. اختي تكرهني والسبب فعلتك
قسمتي ونصيبي رضيت فيها .. بس غيري مو راضي ويلومني .. تفهم ايش يعني تعبت ..
ضربته على صدره .. وكلها فتور وتعب ..
شوق : قولي ويش اسوي ... عطني حل اذا عندك ..
فهد : ماعندي حل ..
سندت نفسها على الجدار وراها .. وجلست ضمت رجولها لصدرها .. جلست تبكي بألــم

لذعته الذكرى ... شكلها مانساه يوم كانت تترجاه وتتوسل له.. نفس الموقف يتكرر عليه لكن بشكل ثاني .. حس بطعن لرجولته .. طعن في شهامته .. دمر عائله كانت حياتها غير قبل تهوره

شوق ترفع راسها ودموعها مثل السيول: الله لايسامحك .. الله لا يوفقك يافهد ... تشوفها بنفسك وحالك واولادك .. ان شاء الله تشوفها باختك ... عشان تعرف كيف اعاني !!.. اعاني من اهلي ومن الناس ومن كل شي
فهد : لاتدعين ياشوق ... الا الدعاء لاتدعين علي
شوق : دموعي جرحت خدي وعيوني تشهد ... 5 سنين وانا ليلي كله اناجي به رب العالمين
ياما دعيت عليك .. ياما تمنيتك تنمحي من الوجود .. لكن ربي كاتب اني اشوفك ويتجدد كل شي
مع شوفتك .. صح مانسيت لكني احاول اتناسى .. لكن كابوسك يلاحقني بكل مكان
فهد حس بشعريره سرت بجسمه ... كلامها زي السكاكين تطعنه .. قلبه مايتح�