شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

14 - 5 - 2014, 09:11 AM

:::
:::
:::
رغد ماسكه الجوال وتبكي : انا ابي اجيك .. ابي اشوفك .. وحشتيني
مها تمسح دموعها : رغد .. ابوي حلف عليكم .. لا تندمي بعدين
رغد : ماراح اندم ... ابي اشوفك يعني اشوفك
مها بعقل : احد جنبك ؟؟
رغد : ايوه البنات كلهم ...
مها : افتحي السبيكر ابي اكلمكم كلكم
رغد تطالعهم تفتح السبيكر .. مسحت دموعها : فتحته
ريم : مهـآآآآآآوي .. وحشتينا .. وربي البيت بدونك ماله داعي
مها : وانتم اكثر والله ..
شهد : بشرينا كيف صرتي الحين ..
مها : بخير الحمدلله .. احسن من اول بكثير
هنادي : وزوجك .. طيب معاك والا لا ؟؟
مها ابتسمت على كلام هنادي : ايه طيب مررره .. لاتخافي علي
هنادي : مها .. تعالي عندنا لما ابوي يطلع المزرعه تكفين
مها : تيب تيب .. اوعدكم اننا نتقابل بس اصبروا اشوي الموضوع صعب ويبي له تفكير
شهد : خلاص خلي زوجك يكلم ابوي ويقول له بيسوي حفله وتنحل المشكله
مها : ياليت الموضوع كذا ... انا عارفه ان ابوي زعلان على اللي سويته
سحر : لا تتعبين نفسك عمي ان شاء الله يرضى عليك بس خلي وقت يعدي على السالفه
مها : اكيد بخلي وقت يعدي .. الا شوق وينها
سمر : شوق بالمطبخ تسوي لنا غداء ..
مها : ياسلام .. اكيد جالسات على التلفزيون وتاركينها المسكينه تكرف لكم
رغد : خلاص بنروح نساعدها يمه منك
مها : يالله ترى بدق اسئلها ساعدوتها والا لا
سحر : خلاص لا تجين تريحينا من زنك يا نحووله
مها : نحوله بعينك ...
جاء زوجها شافها جالسه عالسرير وتكلم الجوال
بندر جلس جنبها وباسها على خدها : كيفك حبيبتي اليوم ؟؟ ..ان شاء الله احسن
البنات : ههههههههههههههههههآآآآآآآآآآي
مها تأشر له بيدها : يالله باي
هنادي : تتهني ياحبيبتي
مها : ههههههههههه يقلع شيطانك ... مع السلامه
بندر يسحب الجوال ويحطه عالكمودينه : هاه ياحبي .. كيفك اليوم ؟؟!!
مها : بخير ... احسن بكثيررر
بندر : الحمدلله على كل حال ... يالله ياقلبي جهزت الغداء بالصاله
مها تمسك يده بهدوء وتطالع عيونه : الله لايحرمني منك يااحلى زوج بالدنيا
بندر يبوس يدها : ولا منك يا حبي انتي .. يالله نروح نتغداء
مها بابتسامه هاديه : يالله

بـــآآلــمـــطــبــخ

وقفت جنب شوق جلست تتأمل اختها عن كثب .... تراقب تصرفاتها وصمتها الدائم
وابتسامتها اللي ماتفارق وجهها ... دققت اكثر بملامحها جذبتها عيونها حست بتعب اختها
وكتمانها المؤلم .. تحاول ماتحسس اللي حولها بحزنها وآلمها
رغد : شــهـــد يسعدك ربي سوي السلطه بروح الغرفه دقايق واجي
شهد : اوكي .. بكمل عنك .. جلست على الطاوله تقطع الخيار والطماطم وتحط الليمون
هنادي اول مادخل المطبخ وقفت وطلعت شهقتها : شــــــهــــــد
شهد طالعتها بسرعه على بالها صاير شي : ويش فيك هنوده ؟؟
هنادي : انتي بالمطبخ !!!... لالالا الدنيا تغيرت ما اصدق اللي اشوفه