شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

15 - 5 - 2014, 12:01 PM

بعد ماوصول المعازيم وامتلت صالة الاستقبال .. وبدأت حفلة الخطوبه واشتغل الدي جي
شهد : ريم انتبهي لميشو ترى نايم
ريم : اوكي بأنتبه له
شوق : انا بجلس شوي عند ريم .. انتي ورغد روحوا استقبلو مع مها وعماتي
رغد : ايه تأخرنا بالطالعه يالله شهد نروح
شهد : يالله .. لفت على ريم بتعيد وصيتها
شوق تقاطعها : قلت لك انا باجلس راح انتبه له روحي خلاص
شهد بنظرة شك : ويش تبين تقولين لها
شوق : سر بيني وبينها ممكن
رغد تسحب شهد وتبتسم : اوكي خذوا راحتكم . وطلعوا لبرى
شوق تلف على ريم وجلست جنبها على الكرسي ضمت يد ريم بين يديها : ريومه بقولك شي
ريم : ويش ؟!
شوق : بعد التصوير انا راح اطلع لاني بكون معك .. وبتجلسين مع سيف لحالكم .. لاتخلينه يقرب منك .. حتى بوسات حاولي ماتعطيه مجال اكيد فاهمتني انتي ؟!
ريم حمرت خدودها : أيه فاهمتك بس انا خايفه ياشوق بموت من الرعب
شوق : لا تخافين صح هو زوجك بس الحرص واجب ياقلبي
ريم : لا تتركوني وصحابتي اذا جوا دخليهم اوكي
شوق ابتسمت ووقفت بتروح : ان شاء الله .. انتبهي لميشوو لاتقتلنا شهد
ريم : خلي سيرنا تجي عندي عشان لو احتاج شي
شوق : بقول لعمتي تخليها تجي عندك . واي شي تبينه كلميني على جوالي
ريم ابتسمت وبداخلها ميته خوف من التجربه الجديده عليها ما مرت فيها قبل بس تحاول تتمالك نفسها وتتحكم بأعصابها : اوكي
شهد ورغد شهقوا : كوثر !!
كوثر بمثل صدمتهم : ايش جايبكم هنا
رغد : انتي ويش جايبك هنا
كوثر بقهر : هذي خطوبة ولد عمي سيف
شهد تغيرت ملامحها : اللي كنتي تحبينه ؟!
كوثر بتحطم : ايه اللي كنت .. رفعت راسها .. وانتم ويش جايبكم
رغد رفعت حاجبها : والله سيف خاطب ريم اختي ..
كوثر انصدمت وانشلت عن الكلام ما نطقت بحرف ومعالم الصدمه باينه عليها
رغد بقوه : مافي مبروك على الاقل
كوثر بدون نفس : مبروك الله يوفقهم
شهد تبي تقهرها : امين يارب .. ويكفيهم شر العواذل
كوثر : استاذن بشوف بنت عمي .. وراحت
رغد : هههههه عجبتيني يابنت
شهد : ولو انها تحزن وكانت تحبه بس كل شي قسمه ونصيب ... امشي ندخل
هديل تقلب عيونها في شلة بنات على الطاوله اللي قبالها : بالله شوفوا هذولك قاهراتني يأشرون علينا ويضحكون