شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

19 - 5 - 2014, 10:58 AM

البارت السادس والعشرون

ابتديتك صح في قصة غرام
وانتهيتك جرح غافلني ونام

قال لي :

[ ببقى معك رغم الظروف ]

والحقيقة أنت مو قد الكلام
كنت أحاول بس فعلاً ماقدرت
لو مكاني أنت والله ماصبرت
بين جرحي والكرامةوالحنين
ضعت فيني
[ ورحت أدور لك وضعت ]
منهو غيري هالكثر إنسان حبك؟
منهو عاف الكل لعيونك وقلبك..؟
لاتفكّر
[ كل اجاباتك أنــا ]
حس فيني والا فيني خاف ربك
لاتردد والقضية في قرار
وحده من ثنتين جاوب بإختصار
يامعي تبقى أو إنك تبتعد
ياتأكد حجز أوتلغيانتظار
وإن بغيت تغيب عني
[ روح سافر ]
لاتفكر بالزحام وبالتذاكر
وإن بغيت
تعود لأرضك مانفيتك
لاتكابر وآخرالرحلة مقابر

صحت من نومهآ على صوت أخوآتها اللي يجهزون نفسهم للجامعه والمدارس .. بعد ماصلت وصلحت الفطور
هنادي تلبس عبايتهآ : شوق الغداء اليوم على ذوقك بس ابي شي يشهي
شوق تبوسها : من عيوني ياقلبي بس هذآ اللي تبين
سمر : شوقه بليززز نوعين سلطه
شوق : ابشري في اي طلب ثاني
كلهم : لا
رغد تطلع من غرفتها : ماشفتوآ عبايتي دورتهآ ماحصلتهآ رآحت علي محاضرآتي
شهد : كانت بالدولاب البارح شفتهآ ... ضربت رآسها نست انها كوتهآ وعلقتهآ .. ورآحت جري للغرفه
ريم بهمس : رغد من بعد ماحولت طب تغيرت وصارت وحده ثانيه
شوق : تحسين فيهآ حياه مو زي أول ذآبله
شهد تدف ريم : تأخرنا لو بنسولف ماراح تخلص السوالف ... ونزلوآ كلهم عدآ رغد اللي تلبس عبايتهآ
شق وهي شايله مشاري بين أحضانه ويودع شهد بيده الصغيره
شهد ترسل له بوسه سفري : باااي ميشووو ... باسته رغد وهي نازله ورآحوا كلهم
دخلت البيت وشالت السفره وبآلهــآ عند اللي أسر كيآنها وأشغل تفكيرها طول هالسنه وهي بعيده عنه

مها : شوقه حياتي أنتبهي لبنتي هي نايمه الحين بعد شوي بروح لمركز التوجيه عشان الغي أجازتي
شوق : طيب قلبي انا خلصت شغلي برجع أنوم ميشو وانام
مها : نوم العوافي يارب .. انا بجهز نفسي

بــــمــــكـــآآن ثآنــي
كآن جالس على مكتبه يلف الكرسي على الطاقه الزجاج اللي خلفه .. يذكر طيفهآ اللي يمر بهذي اللحظة بعيونه ... فقد شي كبير بغيابهآ فراغهآ ماحد قدر يسده .. تردد صوتهآ وغنجهآ بأذنه

؛؛
شافته جالس لحاله وتفكيره أسره لمكآن تجهله .. جلست جنبه وتسللت أصابعهآ وشبكتهآ بين فرآغات أصابعه
قالتهآ بصوت تردد صدآه بأذنه وماقدر يمحي حتى الزمآن : حبيبي ليش شآرد ؟
لف بأستغراب على كلمه حبيبي رفع حاجبه : حبيبك !!
لفت يدهآ ورى ظهره وتكت برآسهآ على كتفه : أيه مو زوجي اسميك حبيبي نصيبي أو حتى عدوي شي رآجع لي
فهد بأبتسامه خبيثه : أجل سميني على كيفك .. والحين ويش تبين ؟
شوق عفست وجهها : كيف ويش ابي .. أبيك أنت ؟
فهد يضحك بداخله على جرائتهآ معه وبثقل قال : ويش تبين فيني انا مشغول الحين الحين
بعدت يديه عن حضنه وجلست فيه ولفت يديهآ ورى رقبته وبدلع طفولي : لازم تسوي فيهآ ثقيل .. اصلا عارفه ان علومك ضاعت
أنطلقت ضحكه منه ماقدر يكبتها ولف يده ورى ظهرهآ وقربهآ أكثر لوجهه : بقووه تضيع علومي يوم أشوفك
لابسه هالملابس
قربت منه وهمست له بصوت رآيق : أنــــا زوجــتـــك ويحق لي البس لك كذآ
فهد : وأحلى زوجــــه ... نسى العالم وأمتزجت شفايفه بشفايفه الورديه

قطع شريط ذكرياته صوت سلطان وهو دآخل مع الباب
سلطان : أستاذ فهد مسؤول الشركه اللي بنتعاون معهم موجود برى
فهد أبتسم وأخير وصلت اللحظه اللي يتمناها : اوكِ دخله غرفة الأجتماعات انا جاي الحين
سلطان : تأمر ياطويل العمر ... وطلع يستقبل المسؤول
دق على حارس قصره
ابو هيثم : الوو
فهد : السلام عليكم
ابو هيثم : وعليكم السلام اهلين ياطويل العمر
فهد : هلا ابو هيثم .. بغيت أقولك تجهز لي العصر جيبي اللكزس
ابو هيثم : عاوز تسافر حضرتك
فهد بتأفف : ايوه بس العصر الاقيه جاهز .. يالله سلام .. وقفل جواله ورآح لغرفة الأجتماعات

:::
:::

بعد ماخلصت محاضرآتها جلست بالكوفي عن حرارة شمس المدينه الحارقه
شهد بتملل : ويش ذآ الطفش مافي احد يجي يسولف معي .. بعد ثوآني من كلمتهآ دق جوالهآ { غــلا روحــي}
شهد بدلع : هلا وغلا
يوسف : هلا بدنيتي كلهآ .. صباح الخير
شهد : صباح النور والورد المنثور
يوسف : كيفك اليوم حبيبتي ؟
شهد : من سمعت صوتك صرت بألف ألف خير
يوسف : لا مقدر على ذا الكلام لاتخليني اتهور واجيك الحين
شهد بجرائتهآ المعتاده : ياليت تفكني من الطفش والوحده اللي جالسه فيهآ
يوسف بخبث : بس تبين أجيك
شهد توردت خدودها : ايه بس تجيني
يوسف بضحك : بس انا ما أتحمل أشوفك قدآمي أخاف أتهور
شهد أستحت من كلامه : خلاص بلآهآ
يوسف : متى عندك محاضرات ؟
شهد : اليوم ماعندي الا محاضره وخلاص خلصت منهآ
يوسف : لا أجل جايك مافيهآ كلام بتجلسين لحالك مايصير .. ويش رايك نروح مطعم نفطر ؟
شهد بصوت خجول : نفطر ايوه غيرها نو
يوسف ميت ضحك : أمزح عليك يابنت الحلال والله بس فطور بس لامانع من بوسآت
شهد : طيب موآفقه اذا ولت كلمني عشان أطلع
يوس : أوك ترى انا قريب مو بعيد عن طريق الجامعات تجهزي
شهد : اوك .. وقفلت منه وفتحت شنطتهآ وطلعت روجهآ الوردي الأمع من أيفا سآن لورآن وحطت شوي على خدودهآ من البلاشر الخوخي ومانست تكحل عيونهآ وتعطرت من عطرهآ المفضل ( Miss Dior ) وعدلت شعرها .. لبست عبايتهآ وأتجهت للبوآبه الرئيسيه وبعد دقايق اتصل عليهآ يوسف
شهد : وينك ما اعرف سيارتك
يوسف : الحين أنزل لك .. ترآني لابس بنطلون جينز
شهد : مآ أشوفك .. وينك
يوسف : فتحي عيونك زين معاي كآمري فضي شوفيني وآقف قدآمها
شهد لفت بعيونهآ على الجهتين وشآفته بعيد عنهآ وشكله يعذب القلب خصوصا مع نظرآته الشمسيه اللي مخبيه نص وجه وبارزه ملامحه وسكسوكته اللي محددهآ .. نفسهآ تخبيه عن كل العيون وماتشوفه الا عيونهآ غارت عليه من نسمآت الهواء اللي تمر بجانبه ماتبي يتملكه غيرهآ ويحكم عليه مؤبد بحبهآ
يوسف استغرب سكوتهآ : شهد وينك ؟
شهد : شفتك خلاص الحين جايه
يوسف : أوكي
وقفل منهآ ودخل السياره وهو يدور بعيونه عليهآ .. شافهآ من بعيد تمشي بأتجاهه بجسمهآ المخصر وعبايتهآ الضيقه اللي بارزته أكثر .. وعيونهآ اللي سحرته ببريقهآ ونظره الأشتياق فيهآ .. قربت من سيارته وقلبهآ يرجف ويدها متردده تفتح الباب من خوفهآ .. وقفت ثوآني عند الباب وأنتبهت للباب ينفتح ويوسف يبعد نظارته عن عيونه
يوسف بأبتسامته الجذآبه : حياك شهودتي تفضلي .. ارتبكت وحاولت تترآجع لكن فات الأوآن .. وركبت وسكرت الباب ورآها وبرودت السياره تهدي وتخفف من ناره الوله والشوق اللي شابه بقلبهآ
يوسف : مافي سلام ولا كيف الحال ؟
شهد أنحرجت منه وأرتبكت من قربه منهآ وبصوت متقطع : سـ...ـلآم
يوسف : وعليكم السلام .. حرك سيارته وأبتعد عن الجامعه وهو حاس بخوفهآ وحياها منه حاول يلطف الجو شوي ويبعد عنها الربكه
يوسف : خير خير ليش خايفه تراني بني أدم مو وحش يأكل البنات
شهد ضحكت بهدوء : مو خايفه بس مستحيه
يوسف يمسك يدهآ البارده : ياساتر يدك زي الثلج .. وتقولين منتي خايفه
شهد تسحب يدهآ منه يده وقالت : أنتبه للطريق لايصير فينا شي
يوسف ابتسم : اروح ملح دآم كل الزين جالس بجنبي
ولعت خدودهآ من كلامه وماردت عليه وألتزمت الصمت .. وهو قدر أرتباكها وسكت حتى ترجع لطبيعتها
بعد دقايق قال : اختاري المطعم اللي تبين
شهد : الرأي رايك
يوسف : مشاء الله مطيعه من الحين .. والا عشان الحياء
شهد ضحكت : عادي انا وانت وآحد
يوسف تنهد ولفت عليه مستغربه منه وبصوت ولهآن قال : آآآآه من كلمتك ماتردين ويش سوت فيني
تمنت انها مانطقتهآ وفكرت يديها ببعض من الأحراج وضغطت على شفتها السفلى تحاول تتمالك نفسهآ ندمت أنها تهورت وطلعت معه وحاولت تهدي توترها .. فجأه سحب يدها وباسهآ
يوسف : ليش متوتره حبيبتي حسستيني اننا مسوين شي غلط
لزمت الصمت وماردت عليه وصدرهآ ضاقت فيه أنفاسها
يوسف لف على جهتها ونزل نظارته وهو عاقد حواجبه : شهد فيك شي ؟.. اذا تبين أرجعك الحين أرجعك
شهد بحياء : مافيني شي
يوسف : اجل علامك ساكته ؟
شهد : مستحيه
يوسف أبتسم : فديتك وفديت حياكِ يابعد عمري أنتي
وقف عند مطعم مشهور بأكلاته الشاميه بالمدينه ونزلوآ مع بعض وأختاروآ لهم طاوله

بآلجامعه وتحديدا في مبنى الطب
رغد : اوف مليت محاضرات ورى بعض ماتخلص
أسيل : ويش نسوي من يبي الدح ماقال أح
رغد : الله يكون بالعون
جات سحر لما شافت رغد : عندك بريك
رغد : يس ربع ساعه بس
سحر : حتى انا تو الدكتوره اعطتنا بريك ... تصدقين مافهمت شي
أسيل : عادي يوم كنا أولى زيك كذا مانفهم شي
سحر : والله ماعدت أستوعب انعس مره
رغد : في بريك غداء تغدي عشان تصحصحي خخخخخ
سحر : نفسي اروح اخذ دش بارد واجط راسي وانام
أسيل : يابنت ترى انا على الريحه النوم بيغزيني
رغد : هههههههههه مساكين .. امشوآ يالله نفر شوي عشان تصحصحوآ
سحر : يالله مشينا بدق على ريم تقابلنا تحت
رغد : لا ريوم عندها معامل الحين بعيده عنا مره
اسيل : اتركيها ذي خلونا نجلس نسولف شوي