شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

19 - 5 - 2014, 05:07 PM

طلت ريم بفستانها الأبيض الممزوج بلون الذهبي وملامح البرآئه طآغيه عليهآ وشعرهآ كله ملفلف على طوله ببف خفيف من فوق مثبت عليه التآج مشت للكوشه على ميوزك كلاسيك ممزوجه بزغاريط .. جلست بالكوشه وخوآتها وصديقاتهآ سلموآ عليهآ ورقصوآ معهآ بالأضافه لأهل سيف .. أنتهى وقت زفتهآ وبدت الزفه الثانيه

طلعت بفستآنهآ الأبيض المنفوش وبجنبهآ اميرهآ اللي أختارت تقضي باقي العمر معاه سآعدهآ بطلوع الدرج .. كآنت مسويه تسريحه شينون ومنزله منهآ خصلات كثيره عشوآئيه مثبته بورد كرستالي صغير والطرحه مثبته من الخلف على شكل ورده متوسطه ...أمــآ هو كآن أمير بلآ منآزع بهيبته وطوله وجسمه الفارع وملامحه القتاله وهم ابطال هذه الليله
كـــلللــــوووش
ألــــف الصـلآة والــسـلآم علـيـك ياحبيب الله مـحــمـد
كــللللــووش
كل عامٍ وانت عمري وِفَرْحِتَه
كل عامٍ وانت إنسي والسعود
إنتْ حبِّي وانت عيده وبَسْمِتَه
وانت عيد الحب في هذا الوجود
لك ربيع العمر يهدي باقته
لاجل عينك أجمل انواع الورود
وليلنا الحالم يضوِّي شمعته
يحتفل بالحب ولهانٍ ودود
هو مثلنا يحتفل بمحبِّته
عايش الأفراح ونجومه شهود
يا حبيب العمر كمِّل بهجته
واجعل البسمات لاحزانك ردود
شوف عمري فيك طابت علِّته
وحبك بقلبي ترى ماله حدود
إنت ساكن فيه مالك مهجته
وانت أغلى حب في هذا الوجود
بعدهآ أنطلقآت أنغآم اغنيه رآشد المآجد وأحلآم
مرحبا يا أجمل عروس في الوجود
مرحبا بالزين كله والجمال
مرحبا بك يا دفا القلب الوقود
يسري للمجد يا مجد الرجال
نال قلبي وردة من أحلى الورود
إلا أعذبهن وأكثرهن دلال
أشهد إن السعد في الدنيا يجود
يوم حظي كان بكل البنات
أنتي أجمل ما رأت كل العيون
أنتي آية في الحسن أنتي ملاك
أنتي ما مثلك بهالدنيا يكون
في دلالك في جملك في حلاك
أنتي قلب من الغلا وافي حنون
بك أرق دنياي عين تراك
دنيتي تضفي لها طعم ولون
كل ما أتخيل أنا نفسي معاك
شوف حظي كيف هو وافي معاي
يوم نلتك نلت في الدنيا كثير
من عزمتك يا أوّل وآخر غلاي
وابتسم قلبي وصار السعد خير
أوعدك أقطفلك نجوم الغرام
وأوهبك من نورها عقد فريـد
وأجعل الفرحة على قلوبك تنام
وأرسم الأيام لك بهجة وعيد
وأوعدك بالكون بنصحك سعيد
وأوعدك أشعل شموعي كل عام
واحتفل قربك بعالمنا الجديد

مشت بخطوآت يشاركهآ فيهآ عريسهآ وحبيب عمرهآ متجهين للكوشه على ميوزك هآدي وأخت عبير الصغيره ترش عليهم من سلة الورد عليهم وتفرش لهم الأرض بالجوري والفل والياسمين الشآمي ...جلسوآ بالكوشه وجوآ أهل يوسف يسلمون عليهم
أم يوسف ودمعتهآ بعينها : الف مبروك ياولدي الف الف مبروك
يوسف يوقف ويبوس رآس ويد امه : الله يبارك فيك يالغاليه
أمه تبوس شهد : الف مبروك يابنتي عقبال ما أشوف ذريتكم
شهد بحياء : بحياتك ياخالتي
غدير تسلم علي أخوها وتضمه وهي تبكي ماهي قادره تبعد عنه .. وبعدهآ ضمت شهد .. ونفس الشي أخوآته نآديه ومريم
مريم : الله يسعدكم ويوفقكم مع بعض
يوسف : أمين يارب .. أم يوسف تسحب شهد ويوسف وترقصهم معهم
شهد أنحرجت وعيونهآ على خوآتهآ اللي صافين على جنب ومعهم صحباتهم ومتغطين
هنادي : خلاص اووف نبي نسلم عليهآ
رغد اللي ملتزمه الصمت ودموعهآ ماليه خدهآ على أختها ريم وتؤآئم روحهآ شهد .. وريماس ضآمتها لصدرهآ وتحاول توآسيهآ
شوق تمسح دموعها : ماقدر اتخيل ان أثنينهم بنفقدهم
مهآ بنفس الحال لكن متماسكه أكثر منهم وتصبر نفسهآ .. أما عمتهآ أم هديل ماتقل حال عن رغد وهي تتذكر ام شهد وريم وسوآلفهم زمآن معهآ ووصيتهم لهآ
مها تهدي عمتهآ : المفروض تفرحون مو تبكون
أم هديل طلعت برى ماقدرت تتماسك أكثر
رجعت شهد للكوشه وأتصورت مع يوسف بكذآ وضعيه .. وبعدهآ تعلقت عيونهآ برغد اللي نزلت ثلمتهآ وجريت لحضن شهد تبكي بنحيب ملفت للأنتبآه
شهد : رغودتي ايش فيك
رغد تدفن وجهها بصدر شهد : لاتروحي وتتركيني لحالي
شهد تأثرت بس قاومت نفسهآ : ماراح اتركك بس لاتبكين افرحي عشان خآطري لاتخربين علي فرحتي
رغد تبعد عنهآ وتلثمت أي كلام : مابي أخرب ليلتك بس مابي أرجع للبيت لحالي .. لفت لجهة يوسف اللي أشغل نفسه مع خواته اللي وآقفين على يساره وقالت
رغد : يوسف الله يخليك لا أوصيك على شهوده ترآهآ أمانه برقبتك
يوسف : أفا عليك يارغد توصيني على روحي
شهد ضمة رغد وبدت دموعهآ تنزل بصمت وجوآ بقية خوآتهآ وأتجهه يوسف للباب حتى يروح للسياره ينتظر شهد
شوق تبوسهآ : لا أوصيك أنتبهي لنفسك وأي شي تحتآجينه كلمينا
شهد : أن شاء الله .. مهآ مسحت دموع شهد
هنادي تبي تغير الجو شوي : فكه افتكيت من 2 بليله وحده
ريماس تخنقهآ : يامفتريه
شهد تضحك : هين يا هناديوه دوآك عندي
هنادي تمد لسآنهآ : روحي بس ترى زوجك برى لا تبطين عليه
أنفجعوآ من صوت شهقه جآت من ورآهم ولفوآ بسرعه وشآفوآ سحر وآقفه عند الطاوله وتبكي بشكل هستيري .. مشت لهآ شهد بخوف
شهد ترفع وجه سحر : سحر ليش تبكين
سحر بصوت مقطع : مــ..ـآعـ..ـدآ بشوفك ولا أشوف ريم .. ائــــههههـــئ
شهد تضمهآ : لا ياقلبي والله لا أجيكم كل يوم
شوق تأخذ سحر بحضنهآ وهي تغمز لمهآ تأخذ شهد لغرفتهآ عشان تلبس عبايتهآ وتطلع لزوجهآ
مشت شهد وعينهآ على شوق ورغد وسحر اللي وآقفين بمكآنهم ويبتسمون لهآ من بين دمعاتهم عليهآ وعلى ريم

:::
:::
بــآلـــريــآض
شآفته جالس يقرآ جريده رياضيه ويتآبع مسلسل تركي من الطفش ... مشت بأتجآهه وجلست على نفس الكنبه اللي جالس عليهآ رفع عينه من الجريده وهو ملاحظ انها تبي تقوله شي من فتره
فيصل : تبين شي
كآنت تفرك يدها ببعض من التوتر : ممكن تترك الجريده شوي بكلمك بموضوع مهم
فيصل يرمي الجريده على الأرض : خير ويش الموضوع هذا
ليان : فيصل انا حامل ... كان صدمه له الخبرهو محذرهآ بدل المره ألف وشرطه الأول والأخير لهآ انها تمنع نفسهآ عن الحمل بأي طريقه لين تنتهي فتره زوآجهم ويتطلقون
فيصل وقف وقال بحده : ويش تقولين ؟!
ليان خافت منه ومن نظراته وقالت بصوت شبه باكي : انا مادريت بس
فيصل صرخ : بس ويش؟! .. ويش منبه عليك انا بأي لغة تفهمين انتي
ليان تكت اكثر على الكنبه : والله مادريت يافيصل انا وعدتك بس ماحسيت الا توي
فيصل : ليش بقره انتي ماتحسين "مسكهآ مع يدهآ بقوه ووقفهآ وهو يقول بحده " نزليه مابي منك عيال موتيه بأي طريقه سآآمعه
بعدت عنه وصرخت عليه وهي تبكي : مو بكيفك حرآآم أموته كافي انك أذيتني وعذبتني .. جاي كمان تحرمني من ضنآي ماعندك أحساس أنت .. ماتحس بالأبوه حررآآآم عليك زي انت ما تبي مني عيال انا بعد مو ميته عليك ولا ابي منك عيال لكن هذآ اللي كاتبه رب العالمين
فيصل رجع مسكهآ مع يدهآ بقوه والشر بعيونه : قلت لك موتيه سآآمعه
ليان حطت عينهآ بعينه وبقوه أستحلت كيآنهآ هذي اللحظه : مستحيل اسوي اللي أتقول عليه يافيصل الموت أرحم من اني أنفذ لك هالطلب .. واللي تبي سوه
فيصل متفاجئ منها ومن أصرارها : يعني تتحدين ياليان ؟!
ليان دفته وسحبت يدهآ بقوه منه : أنت قلبك ميت .. مـــيـــت
ورآحت للغرفه وقفلت الباب عليهآ حتى مايحلقها ويمد يده عليهآ
بآلمدينه
بعد مارجعوآ من الزوآج
رغد دخلت غرفتهآ وقفلت الباب وصوت بكاهآ وآصل لأخر البيت وشوق بالصاله جالسه مع عمهآ ودموعها تنسكب على خدهآ بهدوء .. أمآ سحر كآنت بغرفتهآ وهنادي وسمر معهآ يحاولون يخففون عليهآ
مها : والله مايصير كذآ قلبوآ البيت عزاء
ابو مها اللي تأثر كثير بحالة رغد وسحر وشوق نزلت دموعه لأول مره : مو سهل يروحون يابنتي ريم وشهد رآحوآ
مها تمسك يد ابوها : يايبه الله يهديك حتى أنت لسى باقي رغد وهنادي وسحر ربي يحفظهم البيت مافضى
ابو مها : يابوك انتي تزوجتي وشوق تزوجت وبعد ريم وشهد من بقى علميني من بقى !!
شوق تأثرت أكثر وقآمت لغرفتهآ تكمل مسيره بكآهآ

آمـــآ بالنسبه لفــآتن وصلهآ جلالي بعد ماوصل البنآت لبيتهم .. نزلت وأخذت شنطتهآ ودخلت للعماره اللي سآكنه فيهآ ... طلعت مفتآح الشقه نزلت طرحتها وطلعت الدرج وقبل تنهي أخر درجه تطلعهآ شهقت وهي تشوفه يحط الأكياس عند الباب
فآتن بصدمه : تــــــركــــي
لف بسرعه كأنه مقروص وأرتبك من وجودهآ كشفته بعد كل المده اللي كآن كل شي يسويه بالخفآء سكت ونزل رآسه
فاتن : أنت اللي تسوي كذآ من زمآن
تركي : أنا .. أنــ...
فاتن بحده قالت له : أنت ويش .. انت ارعبتني باللي سويته بس ربي كآتب اني أكفشك
تركي عصب منهآ : هذآ جزآتي تصرخين علي
دفته وفتحت الباب ووقفت عليه وهي تقوله : خذ أغراضك أنا مو بحاجتهآ
تركي عصب ومسكهآ من يدهآ: اصلا انتي ماتستاهلين
سحبت يدهآ بقوه منه : اجل ليش متعب عمرك اذا ما أستآهل
تركي : لأني حمار وما أفهم .. ومشى بسرعه وهي تسمع خطوآته الى ان أختفت
سكرت الباب بقوه وخلت الأغراض على الباب وغيرت ملابسهآ وهي مقهوره منه ومن تصرفاته معهآ ونآمت من التعب اللي تحس فيه
:::
:::