شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

19 - 5 - 2014, 06:02 PM

تركي : مآشي الحمدلله .. ممكن تدخليني ابي أكلمك بموضوع مهم
فاتن خآفت وبنفس الوقت أستغربت جيته لهآ : بس انا لوحدي بالبيت مافي أحد
تركي : أدري يافاتن بس الموضوع مايصلح اقوله من ورى الباب
فاتن : طيب استنى شوي البس عباتي وانت ادخل المجلس
تركي : طيب
بعد عشر دقآيق دخلت بعبايتهآ ولثمتهآ .. جلست بعيد عنه
فاتن : خير ويش الموضوع ؟!
تركي بأرتبآك وشآبك يديه ببعض : فاتن بقولك كلام كثير بخآطري عشآن نكون وآضحين من البدآيه
فآتن : خير ويش تبي تقول ؟
تركي رفع رآسه وركز نظره عليهآ : أنآ يافاتن قبل ثلاث سنين كنت مأخذ اخوآتي وامي واخوي ورآيحين لمكه للعمره .. وبرجعتنآ في الطريق صآر لنآ حآدث مآتوآ كلهم ومانجآ منهم أحد غيري كآن عمري أطول من عمرهم.. وعشت من بعدهم وحيد بعمآره ورثتهآ من أبوي مآحد يقاسمني بشي
فاتن : الله يرحمهم جميعآ .. بس مافهمت ويش تبي ؟
تركي بآن التوتر عليه تمالك نفسه لايرتبك زيآده : انا وحيد زيك وقررت أني أتزوج
فآتن سكتت وبآنت الصدمه عليهآ : مبروك مقدمآ .. لآيكون تبيني اخطب لك
تركي نزل رآسه : لا مابيك تخطبين لي لأني أخترت البنت
فآتن نزلت رآسهآ بأسى : الف مبروك الله يوفقك بس للحين مافهمت ويش خصني بالموضوع
تركي حس انهآ مافهمت عليه فقرر انه يقول لها الكلام بصراحه : فآتن أنا ابي اتزوجك ... موآفقه ؟
شهقت بصوت عالي : أنـــآ
تركي : أيه انتي .. والا ماتبين تتزوجيني
فاتن ارتبكت : لا بس .. سكتت أنحرجت منهآ أو بالأصح تفاجئت من طلبه لهآ .. ماتعودت على شي ممآثل بالعاده الشآب يخطب من الأب او الولي لكن هي حالتهآ أستثنآئيه
تركي يوقف: اتمنى تفكرين زين .. وأعرفي اني أخترتك برغبتي
فاتن بحياء نزلت رآسهآ : خلني افكر وارد لك خبر
تركي يمشي : خذي وقتك .. وانا بأنتظآرك .. مشى لحد الباب .. وأي تحتآجينه كلميني مع السلامه
فاتن : مع السلامه .. سكرت الباب ورآه ونزلت الطرحه حست خدودهآ محمره من شدة خجلهآ تفأجئت بطلبه
فاتن : وي وي تركي خطبني والله ما أصدق .. شكل شهد أحسآسهآ صآدق يحبني والدليل كل اللي سوآه معي مايسويه القريب .. بس لآزم أستخير وأفكر زين هذآ زوآج مو لعبه
ببيت ابو مهآ .. بعد المغرب
كآنت تكلم شوق
هنآدي : ياشيخه احلفي
شوق : والله بنروح الرياض
هنآدي بقهر : ياربي كنا بنجيك بجده .. زوجك من اي طينه ؟
شوق : خلاص تعالوآ لي بالرياض منهآ تشوفون الرياض
هنادي : وع لابحر ولا شي صحراء قآحله
شوق : ههههههههههه بس حلوه والله
هنآدي : غير الحجاآآز نووو
شوق : المهم قولي لهم الخبر احنآ فهد مستعجل يمكن نروح الأسبوع الجاي بعد للرياض
هنادي : تصدقين شوق البيت صآير كئيب .. لا شهد ولا ريم ومهآ يمكن ترجع لبندر مرره صاير فاضي
شوق حزنت عليهآ : ياعمري انتي ياهنوده .. ماتعودتي على البيت بدونهم
هنآدي : لا ماتعودت بس ما ابين لهم أمآ سحر ورغد بس يبكون لو تشوفين رغد نحفت مره وسمرت تغيرت مره
شوق : هنوده خلي بالك عليهم وعلى ميشو ياقلبي ... انتي قويه
هنآدي : الله يكون بالعون يارب
شوق : يالله حبي بشوف زوجي وسلمي على الكل
هنآدي : الله يسلمك .. مع السلامه
شوق : مع السلامه

طلعت من الغرفه للصآله وشآفت مشاري يمشي ويطيح .. ويلعب فتحت جوآلهآ وصورت له مقطع وهو يضحك ويلعب .. وأرسلته لشهد على طول
هنآدي تشيله وتدور فيه : يــآآآآآوآآآآد أحبك
مشاري يصارخ : نـــووونــــو
هنادي تجلسه بحضنهآ : قول هنوده واتركك
مشاري يضحك : نونو
هنآدي : لالا .. هنآآآآآآآآآآآدي .. يالله قول .. أنهبلت على بسمته البريئه وبوسته على خده وشآلته معه لغرفة التلفزيون تلعب معه
مهآ اللي كآنت ترتب الغرفه : هنآدي تكفين شيلي رنومه عن الأرض بكنس
هنآدي : طيب اقول مهآ مارجع بندر كلم ابوي
مهآ لفت عليهآ وعقدت حوآجبهآ بأستغرآب : ليش تسألين
هنآدي تضحك : لقافه ياختي
مهآ تلم شعرهآ بشبآصه كبيره : الا كلمه اليوم ... شكلي برجع له ابوي يقول تغير كثير
هنآدي : أعطيه فرصه الرجال يستآهل
مهآ بتوعد : بس والله لو يرجع يسكر مآعآد ارجع له أبدآ
هنآدي : الله يكتب لك اللي فيه الخير بروح أشوف سحر وسمر
مهآ : طيب
قبل تدخل الغرفه سمعت صوت سمر تكلم التلفون بغرفه مهآ
سمر : لآ ياسامر مآ اقدر أوآفق سحر ورغد وهنآدي ما أنخطبوآ صعب انآ أوآفق
أنشلت عن التفكير من صدمتهآ .. ركزت بالكلام أكثر وسمعت صوتهآ بعد ثوآني
سمر : طيب خل أبوك وعمتي يكلمون أبوي وبعدهآ يصير خير
هنآدي ( ووووي ... من ورآنآ ياسمر تكلمين سآمر وتتفقون على كل شي وحنآ ياغافلين لكم الله والله طلعتم مو سهلين وتعرفون تخططون .. حتى البزآرين يحبون .. تطورآآآت )
جآء صوت من دآخلهآ
( وأنتي ياهنآدي مين تحبين ؟!!.. ومتى بتفصحين عن حبك ) رد الصدى بأعمآقهآ الدفينه
( اصلا من يفكر فيني .. أنا مهمشه كالعاده ولا أحد يهتم فيني ... ليش أفكر بالحب وكلهم يحسون أني الولد بينهم بتصرفاتي وستآيلي وكلامي )
رجع الصوت الأول يصحى بدآخلهآ من جديد ويقول ( بس انتي مهمآ سويتي بنت وبتظلين بنت لك قلب ومشآعر وتحلمين بأمير يحبك ويتمنآك أميره له )
تجدد همس صدآهآ ( ههههه أنا أحد يتمنآني .. مستحيل مين يتمنى بنت بهيئة ولد مين ؟!! آآآه ياقلبي وين مرسآآك ؟! ) مشت بطريقهآ وهي تبحث بدآخلهآ عن حلقه مفقوده عجزت تلآقي مشآعرهآ كأي فتآه ...أحلآمهآ الصبيآنيه متى تتحول الى أحلآم ورديه ... ستآيلهآ البوي متى يكون ستآيل أنثى ... أسئله كثيره بحثت عن أجآبتهآ ولآ زآلت تبحث عن أجآبه تشفي فضولهآ وأحتيآجهآ لهذي الأجآبآت
فجأه وبدون أي مبررآآت طرآ على تفكيرهآ وأستحل على كيآنهآ .. حآولت تفسر حركآته وتهديدآته لهآ .. هي تركته لضميره ولربه هو القآدر على عقآبه .. لكن هو رآفض يبعد عن سمآهآ ومتيقنه من نوآيآه الغير صآلحه لهآ وملاحقته ومحآولآته لأيذآئهآ
هنآدي ( الله يستر منك يامآجد .. يارب أحميني منه يآآرب وبآعد بيني وبينه كمآآ بآعدت بين المشرق والمغرب )

:::
مر وقت طويل على خروجه .. بدأ القلق يتسلل الى قلبهآ خوفآ عليه .. خآيفه من تغيره الغريب عليهآ لكن قلبهآ مايعرف الآ حبه .. وينتظر لحظة وصوله مشتآق وولهآن للقيآه
ريم ( وينك ياسيف .. ليش غآوي تعذيبي .. يآرب رجعه لي سآلم يارب )
سمعت صوت الباب ينقفل ركضت للصآله .. شآفته دآخل ومنزل غترته على كتفه والتعب مبين على وجهه
ريم بلهفه : الحمدلله على سلامتك حبيبي
سيف بتعب وأنهآك : الله يسلمك
ريم قربت منه : خوفتني عليك ... تأخرت مره
سيف : ماحسيت بالوقت اعذريني
ريم عقدت حوآجبهآ حطت يدهآ على جبينه وخآفت أكثر : بسم الله عليك حرآرتك مرتفعه .. مسكت يده ومشت معه لحد السرير وسآعدته بتبديل ملابسه
سيف يضغط على رآسه من ألم الصدآع : ريم دوري لي بروفين أو اي مسكن قوي رآسي بينفجر
ريم : طيب أتصل على أحد يوديك المستشفى
سيف : لا مابي بس أعطيني دوآء أو اي شي
ريم : من عيوني الحين ادور لك مسكن ...طلعت تدور له أي مسكن وهو يصآرع ألم رآسه الفظيع
سيف : آآآه ويش ذآ الألم ماعمر الصدآع كآآن كذآآ .. حط رآسه على المخده ومآحس بنفسه الا غآفي بالنوم
رجعت للغرفه وقآلت : لقــ... وشآفته نآيم وآضح عليه التعب سكرت الاضاءه وطلعت بالصاله حتى ما تضآيقه وتخليه ينآم بهدوء .. وبدآخلهآ الف سؤال وسؤآل وخوف يعتصر قلبهآ على زوجهآ
:::
:::
:::
ع’ـڷمينـﮯ }--

...............ڷآ صآرت آڷدنيآ تعـَـَـآندنـﮯ ۈين آرۈحّ .؟!!!

عڷمينـﮯ--{
.............. ڷآ ص’ـَـَـَآرۈ آصحآبـﮯآغ’ـِـِرآب ڷمـَـَـَـَين آبۈح .؟!!!

فهمينـﮯ
.......... آذآ آحتج’ـَـَـَت ڷڪ بڷيڷـﮧ ظڷمـﮧ ۈٍمآڷقيتڪّ ڪيف آعيشْ

ۈفهمينـﮯ
........... ڷۈٍ ضآعْ آڷۈقتَّ منـﮯ ۈرحتِّّ عنـﮯ
.....ڷيـﮧ آعيشِّ |..~
........ڷيـﮧ آعيشِّ |..~
...........ڷيـﮧ آعيشِّ |..~
كآن جآلس عندهآ بالغرفه بعد ماتعشوآ... يشتغل بأورآقه ويدرس بعض الصفقآت والعروض المهمه لشركته تعب من كثر الأورآق وترآكم الشغل أكوآم وأكوآم خلص نصف الشغل وقفل المفآت رجع على الخلف وظهره يألمه من كثر ما أنحنى على الأورآق .. فتح عيونه وشآفهآ على السرير مغمضه عيونهآ وحآطه كفهآ على خدهآ .. حط يده على خده وقدم على قدآم يتأمل وجههآ المليئ بالبرآءه والملامح الفاتنه .. شكلهآ يوحي بهدوئهآ وأبحآرهآ بعالم ثآني ... قآم بشويش وقرب من السرير وكلمآتهآ تتردد ببآله
انــت مــا تـــحــــس فـــيــنـــي ..!
مــاتــحـــس بــأوجـــآعـــي...!
تنهد بصمت وسكون ولمس كفهآ بشويش لكنهآ حست بلمسته وفتحت عيونهآ بتكآسل ... تفآجئت لمآ شآفته جآلس جنبهآ قآمت وتعدلت بجلستهآ
شوق وعيونهآ مركزه عليه : تبي شي ؟
فهد ابتسم لهآ : لا .. لآيكون نكدت عليك نومتك
شوق رجعت شعرهآ على ورى : أصلآ ماكنت نآيمه بس متكآسله
فهد وقف : قومي البسي عبآيتك
شوق بأستغراب تطآلع السآعه : الحين ؟
فهد : ايه الحين .. يالله البسي
شوق وقفت معه: ليش طيب
فهد بتأفف : وبعدين .. يالله شوآقتي البسي
أعطآهآ ظهره ورآح يلبس .. تركهآ بحيره وأستغراب من تصرفاته المتناقضه
شوق ( شوآقتي !!.. والله مدري ويش النهآيه معك يافهد ).. مشت للمرآيآ رفعت شعرهآ ذيل حصآن ولبست عبآيتهآ ونزلت معه .. والسكون يعم بأرجآء قصرهم الوآسع
بآلسيآره
شوق : غريبه بنص الليل طآلعين
فهد أبتسم: حبيت أغير جو شوي وبمآ أنك صآحيه أخذتك معي .. والا ماكنتِ تبين
شوق تتأمل الطريق الفاضي : لا عآدي بس بجد مستغربه منك كل سآعه لك مزآآج
فهد : انا طبعي مزآجي ... بس يعجبك
شوق ضحكت : أمآ يعجبني .. بس تعجبني ثقتك الكبيره بنفسك
فهد فأجئهآ بسؤآلهآ : شوق انتي صدق تحبيني والا على قولتك زلت لسآن
ردت بسرعه عليه بدون أي أحسآس منهآ : طبعآ زلت لسآن
فهد رفع حآجبه وبأبتسآمه : توقعتهآ كذآ .. وقف على جنب ونزل من السياره رآقبته بعيونهآ وهي تشوفه يوقف ويتأمل البحر .. نزلت ورآه وقفت بعيد شوي عنه
شوق : ليش جايبني للبحر
فهد لف عليهآ : ليش يعني عشآن نتصور معآه
شوق كشرت : لا تتريق وخلك جِدي
فهد : طفشآن وأحب البحر
شوق : بيتنآ على البحر مافرقت يعني
فهد بحده : انتي ايش فيك اليوم جآلسه لي على الكلمه
شوق بحده : انت اللي ايش فيك عليآ .. طنشته ورجعت للسيآره انقهر منهآ ولحقهآ على السياره معصب من حركتهآ سكر الباب بقوه وصرخ عليهآ
فهد : لما أكلمك ماتعطيني ظهرك وتروحين
شوق تتخصر : ومن حضرتك عشآن ما اعطيك ظهري
مسكهآ مع كتفهآ بقوه وصر على اسنآنه وبصوت يخوف : انآ زوجك عآرفه يعني ويش زوجك
شوق تحآول تسحب يدهآ لكن ماسكهآ بقوه : لا ما أعرف علمني بليز
فهد زآدت نيرآن عصبيته وترك يدهآ بقوه : شوق اتقي شري احسن لك
شوق تلف على الجهه الثانيه وتحط يدهآ على مكآن قبضته اللي ألمتهآ : مآ قلت شي أنا
فهد ضرب الدركسون : هذي اللي بتجنني
شوق عصبت : ليش أجننك معي حق مآسويت شي
فهد يهدي نفسه : طيب انآ أسف تمآم كذآ
شوق : لا تتأسف لأني تبلدت منك ومن تصرفآتك
فهد جن جنونه منهآ وعآرف غآيتهآ من حركاتها : لآحول ولا قوه الآ بالله

:::
:::
:::

اليوم اللي بعده
صحى من النوم ورآح للمستشفى بسبب التعب اللي ارهقه كثير صحت ومالقته جنبهآ .. انتظرتهآ بالصاله بعد مآجهزت الفطور ...بعد التحآليل والتعب لمدة سآعتين بالمشفى رجع للبيت والأرهآق بآين على معآلمه
ريم : سيف أفطر معي
سيف يرمي نفسه على الكنبه بتعب : أفطري أنتي مآني مشتهي شي
ريم ودمعتهآ بعينهآ : بس شوف وجهك كيف أصفر
سيف : مآعليه أنآ بروح أنآم ... مشت ورآهآ لحد مآشافته تلحف ونآم
ريم ( يآترى ويش فيك ياسيف ... ليش كل هذآ التعب بعيونك .. عسآه فيني ولآ فيك )
رجعت للصآله بعد مآسكرت البآب وأفطرت لحآلهآ وبدت تشتغل ببيتهآ وتنظف

ببيت يوسف
شهد بفرح : أحلفي فتون
فآتن : وربي مآ أكذب عليك
شهد : ويش رآيك أنتي ؟
فآتن بحيره : والله مدري ياشهد هو فأجئني بطلبه مني وبنفس الوقت مرتآحه له وكمآن خآيفه منه