شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

19 - 5 - 2014, 06:08 PM

شهد : فآكره يوم اقولك يحبك وما صدقتيني هذآ هو جآء وخطبك وحطي ببآلك زين مآحد سوآ اللي سوآه تركي وهذآ الشي يثبت لك حبه
فآتن : أنآ أستخرت وأحس نفسي مرتآحه
شهد : فتونه انتي بنت وحدآنيه فكري بنفسك لآزم أحد يحميك ويخآف عليك ... كلميه الحين وخبريه عن موآفقتك
فآتن : لالا يحسبني ميته عليه بعد اسبوع بقوله بعدين بفكر زين
شهد : ههههههه اوخص أموت ياللي بتفكرين
فاتن تمثل العصبيه : اقول زوجك وينه عنك
شهد ميته ضحك : ويش خصك بزوجي ..
فآتن : طسي له يالله بسكر بروح أكمل نومتي للعصر
شهد بتحسر : يابختك الآ ليت العنوسه تعود يومآ
فآتن : ههههههههههههههه قومي أمسحي الأرضيه وسوي لزوجك فطور وصحيه خليك زوجة سنعه
شهد كشرت : ماتبين تطسين يالله نآمي نومة أهل الكهف
فآتن : يآسآتر على الحقد ههههههههه .. بآآي
شهد بضحكه : بآآيو
دخل عليهآ فجأه وأربكهآ وعيونه عليهآ
يوسف : دوم الضحكه يآرب
شهد تعدل جلستهآ : أمين
يوسف يجلس قبآلهآ : يعني مانشوف ضحكتك الآ لمآ تكلمين الجوآل
شهد أنحرجت : انت ما تقول شي يضحكني
يوسف يرجع شعره على ورى ويكتف يديه: بآلله أشوى انك قلتي لي عشآن أضحكك
شهد تنزل رآسهآ وغيرت الموضوع لأنهأ عارفه انه راح يطولها معها : يوسف وديني لأهلي من زمآن عنهم وعن ميشو
يوسف: أبشري من عيوني
شهد أبتسمت له ومشت لجهته جلست جنبه : تسلم لي عيونك
يوسف بحب : الله يسلمك لقلبي
بعــد شهرين
أنقلبت بعض الموآزين وتغير بعض الروتين الذي يسكن حيآه ابطآلنآ وجعلت من حيآتهم قصة يملئهآ الغموض وروآيه تحكي عذآب الأمس والحآضر ..

{ مهآ & بندر }

رجعوآ لبعض بعد فرآق دآم سنه وأكثر ... حآولت انهآ تنسى سوآيآه وتمنحه فرصه يثبت لهآ صدق توبته ويعيشون مع بعض ويربون بنتهم الوحيده ويكونون أسرة مترآبطه

{ شهد & يوسف }

عآيشين أحلى أيآمهم مع بعض ... رغم بعض الصعوبآت اللي تعآنيهآ مع امه وملاحظآتهآ الكثيره لكنهآ تتحملهآ لكونهآ ام الأنسآن الذي تعشقه وتهيم بحبه لأبعد مدى
أمــآ هو فقط كرس نفسه لأسعآدهآ وكل شروق شمس يتجدد حبه لهآ وكأنه نهر لا ينضب

{ هنـــآدي }
صآحبة القلب الرقيق .. والمشآعر المسفوك .. تلك التي تحآول ان تظهر عكس مآ تشعر به تعآيش الخوف والرعب من تهديدآت من يؤرق منآمهآ .. ولكنهآ لآزآلت صآمده في وجه متآعبهآ ومخآوفهآ

؛؛
؛؛
لهآ يومين عند أهلهآ مآتقدر تتكلم وتشكي حآلهآ الصعب لهم ... ماتعرف كيف تتصرف بوضعهآ الحالي ... تستحي تقولهم عن معآنآتها مع زوجهآ مآتعرف تشخيص لحآلته سوء العصبيه المفرطه وبغضه لهآ في بعض الأحيآن

كآنوآ جالسين بالغرفه وعندهم عبير يتقهون ويسولفون مع بعض خصوصا انه وقت أجآزه والوقت بدري
رغد توقف : عن أذنكم
هنآدي : على وين اجلسي
رغد : بروح اذآكر شوي
عبير انقهرت منهآ : هيه انتي تهني بالاجآزه ويش تذآكرين اقول اجلسي بس
رغد : هههههههه اقول خلوني اروح غرفتي أرآجع لي كم شي بكره يفيدني لاصرت دكتوره
سحر كشرت : تحسسيني اني خيبآنه مره ولا كأني ادرس طب
رغد ترفع حآجبهآ : قومي طيب افتحي لك شي
هنآدي تصرخ : روحوآ يالدوآفير اموت على شطآرتكم الزآيده
الكل : هههههههههههههههههههه
رغد جلست : اوف خلآص بجلس سديتوآ نفسي .. وسحبت الشيبس من يد سمر
سمر : بشويش ترى مارآح يطير
رغد تمد لسآنهآ : دآريه
أستئذنت منهم ورآحت لغرفتهآ وجلست لحآلهآ ودموعهآ على خدهآ
دخلت شهد عليهم ورمت شنطتهآ
شهد : ســــــــلآم
الكل : وعليكم السلآم
رغد توقف وتأخذ مشآري منهآ : الحمدلله انك جيتي
شهد تضحك : أشتقتوآ لي والا لميشو
هنآدي : اكيد لميشو انتي ويش نبي فيك
شهد تعفس وجههآ : أحد سألك انا اسئل رورو
رغد تبوس مشآري : وحستني يآحلوو .. انبسطت مع شهوده
مشآري يتعلق برقبه رغد وينطق : مآمآ
رغد : هههههههه كل الناس عنده مآمآ
شهد تنزل عبآيتهآ وترتب شعرهآ : وربي طفشني عليه يوسف لودريت انه بيطير فيه مآ أخذته معي
كلهم بصوت وآحد : لـــيـــش !!!
شهد طلعت عيونهآ قدآم : بسم الله " سكتت شوي " .. هههههههههه
رغد : قولي ليش !!
شهد : مايخليه يلعب ويعلمه يتكلم ... وأخذه معه عند أصحآبه وأهله وبعد يحطه قدآم الدركسون وربي شوي وانجن منه
عبير : اجل زوجك لو يجيه ولد يدلعه بقووه
مشآري قآطعهم : ميـــووآ
هنآدي : هههههههه ويش ذآ بعد أنقلب بِــِس
شهد : قصه طويله
سمر تحط مشآري بحضنهآ : تكفين علمينآ
شهد تأخذ فنجآن قهوه : رحنآ عند عمتي وشآف بالحوش بسه ويبكي مره خآف منهآ واخذه مآجد أخو يوسف ويركض ورى البسه ومسكهآ وجآبه له
عبير وسمر : وووووووع
شهد تضحك : مو بسه شوآرع بسه اوربيه
رغد تسحب خدوده : والله ماهو هين ميشو بعد أروبيه أحسن لك جيبي افريقيه
شهد تضربهآ على ظهرها : حدك بس .. الا وين ريم
الكل : بآلغرفه
سحر : انا بروح لهآ
شهد بشك : لالا اآ بروح لهآ ووحده تسوي لنآ عشآء ترآني جوعآنه مره
قآمت وأتجهت لغرفه ريم ودقت الباب
مسحت دموعهآ بسرعه وأنتبهت للبآب أنفتح
شهد : مسآء الخير ياقمر
ريم بأبتسآمه صفراء : مسآء النور .. متى جيتي ؟
شهد تجلس جنبهآ على السرير : من شوي .. ليش جالسه لحالك هنآ
ريم ارتبكت : هآآه .. كنت اكلم سيف
شهد طآلعة بيدهآ ومآشافت الجوال جنبهآ رفعت حآجبهآ بأستغراب : اجل وين جوآلك ؟
ريم تغير لون وجههآ وهي عارفه ان شهد متقصده تسألهآ عشان تحاصرهآ وتعترف : حطيته بالشاحن
شهد مسكت يد ريم وضمتها بين كفوفهآ : ريومتي ليش تكذبين علي ... قولي ويش صآير معك ترى أنآ أختك وأخآف عليك وما اقدر اشوفك متضآيقه ولا أسآعدك
ريم ابتسمت لهآ : والله عآرفه هالشي ياشهد بس مافيني شي أبدآ لآ تشيلي هم
شهد حطت عينهآ بعين ريم : بس عيونك تقول غير كذآ ... في شي بينك وبين سيف ؟
نزلت رآسهآ ولمعت عيونهآ من تجمع الدمع اللي تحآول تحاربه .. تأكدت شكوك شهد
شهد : متهآوشين ؟!
ريم بصوت بآكي : ياليت
شهد أنقبض قلبهآ : اجل شنو بينكم
ريم رمت نفسهآ على حضن شهد وبدت تبكي مسحت عليهآ وتحاول تهديهآ لكن ريم منهآره مره
ريم : شهد اوعديني الكلآم مايطلع
شهد ضمتهآ اكثر لصدرها : اوعدك ياقلبي .. بس قولي خوفتيني
ريم رفعت رآسهآ وبآن وجههآ الأحمر : ســيــ...ـــف

:::
:::

سمعت صوت نغمة جوآلهآ جريت له بسرعه وشآفت رقم المتصل ( نوره ) أرتجف قلبهآ وكأن كهربآء سرت بجسمهآ كل مآ قربت تنسى حبهآ اللي مآت ترجع الذكرى والأمهآ .. مر طيفه على بآلهآ .. طيف أشتآقت له كثير أشتآقت تشوفه لو من بعيد صوته حنت له ولهمسآته... ذآب قلبهآ من فرآقه ومالقت من يحبهآ ويشعرهآ بلذة الحب مثله حينمآ كآن للحب معه لذه أستثنآئيه
حست على نفسهآ وردت بسرعه : الــو
نوره : السلآم عليكم
رغد : وعليكم السلآم .. هلآ وغلآ بنوره
نوره والضحكه على شفاتهآ : هلآ بك زود ياقلبي .. شخبارك
رغد : الحمدلله من سمعت صوتك صرت بخير.. انتي شخبارك .. وخالتي كيفهآ
نوره : كلنا بخير الحمدلله .. والله جيتي على بالي قلت لآزم أدق واتطمن عليك
رغد : فديتك .. تسلمين ياقلبي
سمعت صوت فز قلبهآ معه : نوره تعالي ابيك
نوره بأرتباك : طيب طيب .. اقول رغد عبدالرحمن يبيني .. توصين على شي
رغد : سلآمتك حبيبتي بس سلمي على خالتي
نوره : يوصل ان شاء الله وانتي سلمي على خواتك
رغد :أن شاء الله ياقلبى يوصل
نوره: يالله مع السلامه
رغد قفلت منها الخط ورآحت عند خوآتهآ ورجعتهآ هذي المكالمه الى أيآم تتمنى رجعتهآ لو تدفع بآقي عمرهآ ثمن لهآ .. لكن مآتدري ليش قلبهآ رآوده شعور غريب لمآ سمعت عبدالرحمن ينآديهآ
{رغــد }

ويش صآر فيني ؟!.. عبدالله لسى بقلبي وبآلي مآرآح منه كيف أفكر بغيره .. آآه بس تلخبطت موآزيني ... أخوه يطلع بحيآتي كيف مآكآن وأستحل كل آمآكن وجوده .. مآترك لي أي ذكرى اتذكره فيهآ بس مهمآ صار مستحيل افكر بغير عبدالله ولايمكن أخونه حتى في غيبته