شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

19 - 5 - 2014, 08:11 PM

البارت الواحد والثلاثون

زرعت الوفا في قلوب غيري وتجازيت بصدود ..
وداريت خواطرهم وكلن جرحــني

ليه الوفــا صار فـي قلوب البشرمفقود..
وليه كل من نصيته في زماني خذلني

حبـيت بكـــل إحساس وصنـت كل العهود ..
ووفيت.. ولكن من أغليته طعني

ياحسرتي على دمـع حرق الخدود ..
و آه من ونةٍ ونيتها ومحـد سمعني

شهد ضمتها : رغوده هدي نفسك
رغد تمسك يدها : والحسره اللي بقلبي من يمحيها ياشهد مين ؟
شهد تجلسهآ على الكنب : يوسف جيب لها مويه .. دخل يوسف المطبخ
رغد تبكي : والله شفته شفت ولده ينآديه بابا .. ليش تركني ليش
شهد مسكت يدهآ ومسحت دموعهآ اللي على خدهآ : رغد اكيد تتوهمين مستحيل يكون عبدالله
رغد صرخت عليها وهي تشهق ببكاها : قلبي مايكذب .. وعيني ماتتوهم " لفت رآسهآ بأتجآه يوسف وقآلت والغصه تخنقهآ ".. اسئلي زوجك انا اتوهم والا لا
شهد تعلقت عينهآ بيوسف اللي تنتظر جوآبه .. آمــآ هو نزل رآسه بأرتباك وتبدلت ملامحه
شهد بحده : يوسف رد على كلامهآ ... رد
يوسف لف باتجآه الغرفه : هدي اختك انا بخليكم على رآحتكم
رغد وقفت وبدآ يزيد بكآهآ وتتسارع شهقآتهآ وضربآت قلبهآ : ليــه يآيوسف تركني ..ليه خلآني اعيش سنتين بوهم حبه .. ليه وفيت له وهو خآنني قلي ليه ؟!
يوسف غمض عيونه بألم على رغد اللي كآنت منهاره لحد اقرب للهستيري .. وهو لايملك جوآب على أسئلتهآ اللي تطعنه كمآ لو تطعن قلب عبدالله
رغد دفنت وجههآ بكفوفهآ وانقطعت صوتها عن الكلام عدآ صوت أنينهآ وعبرآتهآ المتلاحقه

كآنت تتآمل بنت عمهآ اللي تعتبرها توأم روحهآ ذرفت سيل دموعهآ على حآلهآ .. ماتقدر تساعدها ولا تخفف عنهآ ألمهآ .. شافت معاناتها بكذبة موته اللي غيرتها والان بدآية لقصة معاناه لا أحد يعلم منتهاها .. جلست جنبهآ وضمتهآ تشاركها دموع حزنهآ ومشآعر قلبها

بعد ماقدرت تتحكم بنفسها وتحبس دموعها شوي انتبهت لشهد اللي جالسه جنبها بقميصها قالت بصوت مبحوح : أنآ اسفه جيتكم بوقت متاخر .. بس ماحسيت بنفسي
شهد تمسح دموعها : عادي حبيبتي البيت بيتك
يوسف بيغير الجو : بدري توك تنتبهين يارغد
رغد انحرجت من يوسف : من جد اسفه .." وقفت " .. انا رايحه
شهد تمسك يدها : رغد اذا نفسيتك تعبانه خليك عندي
رغد تضمها واخذت نفس طويل وحست بانها مرتاحه بحضن شهد : ماعليش لازم ارجع البيت مع السلامه
وصلتها عند الباب وقبل تودعتهآ مسكت يدها بحنان صادق : كلميني خلاص
رغد : اوكي
بعد ماسكرت الباب ورآهآ شآفته جالس على الكنب وباين عليه انه متضايق
شهد بحده : يوسف
يوسف رفع راسه : هلا
شهد : كنت تدري عن حقارة صديقك
يوسف بنبره حاده: شــــهـــــــد
شهد : يوسف اذا هو صديقك وماترضى عليه انا رغد اختي وما ارضى اي احد يزعلها ... كافي مصايب تجي على راسها .. اخر شي توقعته انك تدري عن عبدالله وماتتكل�
شهد : يوسف اذا هو صديقك وماترضى عليه انا رغد اختي وما ارضى اي احد يزعلها ... كافي مصايب تجي على راسها .. اخر شي توقعته انك تدري عن عبدالله وماتتكلم .. كيف هانت عليك كـــــيــــف !!!
يوسف : انا مالي ذنب لاتحمليني المسؤليه ناقشته كثير بس هو رفض يفتح الموضوع من اصله
شهد رفعت حاجبها : لو يصير لرغد شي مستحيل اسامحه او اسامحك
يوسف عقد حواجبه وانقهر منها : ويش خصني انا ؟!
طنشته ومشت للغرفه ومشى ورآهآ وقال بحده : جاوبيني ويش خصني
فتحت الدولاب وهي مطنشته على الاخير كأنهآ ماتسمعه وطلعت لها بجآمه لكنه مسك يدها بقوه ولفها عليه : شــهـــد لا تطنشيني سآمعــه
شهد تفك يدها من يده بقوه قالت له بحده : انت طحت من عيني .. يكفي انك ساعدته وخبيت عنا
يوسف عصب : انتي ماتفهمين انا مالي خص
شهد :يكفي انك خبيت عنآ
يوسف مسكيدها بقوه وقال بتهديد : شهد لاتخربين حياتنا حنا مالنا خص بأحد خلينا نعيش زي مانبي وبدون مشاكل
شهد رفعت حاجبها وهمست له وهي تصر على اسنانها : الا رغد ما اقدر اشوفها تذبل قدآمي واسكت
يوسف يترك يدهآ وطالع فيهآ بعصبيه : يعني تفضلينهآ على زوجك
شهد بعدت عنه ورمت بجآمتهآ على السرير : أفهمهآ زي ماتبي .. لوسمحت ببدل ملابسي اتركني لحالي
طلع للصاله وصفق الباب ورآه بقوه

:::
:::
:::
بآلرياض
كآنوآ توهم وآصلين من الشرقيه .. هي نزلت للمطبخ تسوي لهآ شي تأكله لانهآ جوعآنه وما أكلت شي من الظهر .. آمــآ هو كآن يتحمم بعد المشوآر الطويل اللي أتعبه
دخلت غرفتهم بصينيه مجهزه فيهآ شوية نوآشف حطتهآ على الطاوله وفتحت بآب البلكونه حتى تدخل نسآيم هوآء صآفي للغرفه تجدد فيه روحهآ بعد الضيق اللي عانته بالشرقيه ... حست برآحه تسكن قلبها وهدوء يطغى على كيانها مخلوط بشوية خوف من القادم أو مستقبلهآ المظلم .. سمعت صوته جآي من الجهه الثانيه بجنآحهم .. لفت عليه وشآفته بالديشمبر حمر وجههآ ومشت للطاوله وجلست على الكرسي
فهد كآنت عينه على الأكل : كأنك حآسه اني جيعآن .. جآء في وقته
شوق ابتسم : بالعافيه عليك .. يالله تعال جنني الجوع
فهد وهو ينشف شعره : بس البس بجآمتي وأكل .. لبس بسرعه وجلس قبآلهآ بدآ يأكل وهي تأكل
فهد غمض عيونه بتعب : صحيني بدري عندي شغل بالشركه
شوق كشرت قالت بزعل : بس احنآ رجعنآ مو عشان تروح للشغل اتركه شوي وربي كل وقتك بالشركه والا بمكتبك تحت
فهد : ياحبيبتي ويش اسوي هذآ روتيني من زمآن تعودت عليه
شوق : بس انا زوجتك لي حق عليك تكفى اتفرغ لي شوي
فهد ضحك : اخاف تملين مني
شوق بتلقائيه ردت عليه : انا مستحيل امّل منك .. انت روحي كيف امل منهآ
فهد ابتسم على كلامهآ آمآ هي ضغطت على شفايفهآ بقوه حست انها احرجت نفسهآ قدآمه
فهد يرفع حوآجبه : كملي كلامك ليش سكتي
وقفت بسرعه شالت الصينيه تبي تصرف نفسهآ ولعت خدودهآ من الأحراج وارتبكت من عيونه اللي مافارقتهآ دقيقه .. ونزلت الصينيه للمطبخ
شوق ( جد انا غبيه على طول اتهور بالكلام ... بس انا ماصدقت انه يعترف لي بحبه لا ياشوق لاتضيعينه منك دآمه يحبك بيني له حبك ماراح تخسرين شي ) رجعت لغرفتهآ بسرعه لقته مظلم الغرفه ومنسدح على السرير .. مشت بشويش حتى ما تزعجه وانسدحت جنبه لفت على جهته لاحظت سكون حركآته وانتظآم انفاسه ابتسم بقلبها عليه وتنهدت برآحه غمضت عيونهآ وهي تحس بتعب يسري بجسمهآ ... صحت على ضمته لهآ
شوق : حسبتك نمت !
فهد : معقوله آنآم بغير حضنك
توردت خدودهآ وحست بفرحه ماحد يشآركهآ فيهآ غيره هو ..
شوق : فرحتي ماتنوصف
فهد فتح عيونه وكشر بأستغراب : والسبب ؟!
شوق ابتسمت على جنب امتكلتها جرئه خلتهآ تقول : السبب اني ماتوقعت تحبني بيوم من الأيآم بس كل اللي رسمته لحياتي معك تغير وجآء عكس مآ كنت انا اتوقع .. فهد انت ماتدري عن قدر حبي لك بس أكفتني كلمه نطقتهآ أنت من فمك خلت الدينآ بعيني لهآ لون ثاني
تنقلت عيونه على ملامحهآ مع كل حرف طلع من شفاتهآ حس انه مقصر معهآ كثير وانه مو مقدر النعمه اللي وهبهآ ربي له ... كآن نفسه بهذي اللحظه يخبيهآ عن الكل حتى عن نفسسه وعن عينه يغبط روحه اللي تحضن روحهآ ويغبط صدره اللي يتنفس انفاسهآ ... نفسه
تنقلت عيونه على ملامحهآ مع كل حرف طلع من شفاتهآ حس انه مقصر معهآ كثير وانه مو مقدر النعمه اللي وهبهآ ربي له ... كآن نفسه بهذي اللحظه يخبيهآ عن الكل حتى عن نفسسه وعن عينه يغبط روحه اللي تحضن روحهآ ويغبط صدره اللي يتنفس انفاسهآ ... نفسه يصرخ ويقول لهآ عن أحسآس قلبه بهذي اللحظآت اللي ماعمره ذآق حلاوتهآ الا معهآ نسى من يكون ونسى هي من تكون وماشاف فيهآ الآ ملاك طآهر يسحره برقه احساسه وصدق مشآعره .. سرح بعيونهآ وبحرهآ الشاسع وتأمل برآئة ملامحهآ النآعمه
مررت يدهآ على شعره الاسود الدآكن وبعدته عن وجهه لكنه سحب يدهآ وبآس باطن كفهآ رفع عينه لعينهآ ونظرآت كل وآحد فيهم تحكي حكآيه عشق يصعب وصفه
فهد : أحـــبــــكـ .. ورب الـكـون أحــبــكـ

:::
:::
:::

بآلمدينه .. رجعت وعلآمة البكآء مرتسمه على وجههآ وتجآعيد الحزن متخذه حيزآ في وجههآ
دخلت غرفتهآ بسرعه وطنشت كل اللي قابلوهآ وقفلت الباب على نفسهآ نزلت عبايتهآ ورمتهآ على الارض .. وقفت قبآل مرآيتهآ شافت نفسهآ كيف كآنت وكيف صارت
كيف كآنت قبل تعرفه ... وكيف صارت بعد مآ رحل وتركهآ تعاني لوحدهآ
كيف حآولت تتكيف مع بعده وحنينهآ له .. وكيف كشفت كذبته وغشه لها
الوهم اللي عاشته سنين اكتشفت انه غيمه اغشت عيونهآ عن الواقع وأخسرتهآ ايام لن تعود
أيام كلها حزن وعذآب وكأبه ... لمحت السلسال اللي مانزل من صدرها بكل حالتها السلسال اللي جمع دبلتها ودبلته اللي اشترهآ لهآ كعهد على بقائهم مع بعضهم مدى الزمان قبل ان تفرقهم الأقدار

ركضت لسريرها حآضن احزآنهآ وأحلآمهآ .. بكت الى ان شكت وسادتها الدموع الى قاضي الاحزآن .. بكت وتمردت شهقات صدرها على قلبها الضعيف .. مآحست بالوقت اللي مر وهي دآفنه نفسهآ بسريرهآ تنآجي صدى نوآح أصدره بكآئهآ .. تعدلت بجلستها ودخلت تحت اللحاف خبت وجهها تحته وأتذكرت ابيآت كآنت تسمعهآ وتحسهآ تعني لهآ شي
كلّ ما يلقى الفـَرَح يمِّي طريق
.................... لا لقى وجهي ..؟..0 وانتحَب ...!!
كن ّ ( عيني ) صارت فـ ( همّي ) بريق !
.................... وكن ّ جوفي نـــار وضلوعي حـطـَـب
والعِـشِـق ماهوب من حظ العشيق
.................... وش لقينا من وراه إلاالـتـعَب
لا لقينا صِدْق محتاج لـْ صديق
.................... والهــَـنا لا ذاق وعـْد ولا شرَب
ومـا يطيح الورد من ثـقل الرحيق
.................... ما تشوف الأرض تمـسك بالخشَـب؟
بأسهر الليله بلا لـيـل ورفـيـق
.................... دام غصن التـــّوت ما طالالعنــَب
مجرم الأحلام من نومي طليق
.................... وهاجس السجّـان في همّـي لعَب
رحت ابطفيبالبكا نار الحريق
.................... واثرني طـفـّـيت عيني بالـلـهَـب !!
صاحبي ما عاد لي نفس ٍ تطيق
.................... وماعلى المحروم من نفسه عتــَب
إنثر اْدموعك عليّ ..( ودي أفيق ..
.................... وادري إنـــّي مت ّ ..).. طال
.................... وماعلى المحروم من نفسه عتــَب
إنثر اْدموعك عليّ ..( ودي أفيق ..
.................... وادري إنـــّي مت ّ ..).. طالبتـْـك طلـَب
ليتها بسْ جت على كوني يضيق
.................... البلا ضاقت عظامي ياعرَب
الحياة اليوم ما تسوى شهيـــق
.................... كنتأبحــيـا ... بس ...ربي ما كتـــَب
وكل ماينسد ّ في وجهي طريق
.................... تضحك الفرحة عليّ .. ْ بــلا سبَب ؟!....

مسحت دموعها ورجعت تنذرف من جديد على خدهآ تذكرت صوته وهمسه ..رجع لها الموقف يمر قدآم عيونهآ من جديد صرخ قلبهآ بدآخلهآ
( لــــيــــه يآعبدالله .. كنت عايشه على ذكرآك ليه طعنتني بالظهر ...مآ أستآهل الجزآء اللي جازيتني فيه كذآ تجآزي قلبي اللي حبك بصدق وأخلص لط .. قلبي اللي عاش على ذكرى كذبتك سنتين سكرت قلبي من بعدك وهذي نهايتهآ .. أنا كيف صدقتك كيف وثقت فيك .. آآآآه ليت الايام ترجع ورى واصحح اغلاطي .. لته يرجع واشيل فكرت الحب من رآسي الحب اللي عذبني وذوقني المرآر " تردد صوت بأعمآقهآ " ويش كنتي ترتجين يارغد كنتي ترتجين الزوآج من بعد حب اكتشفتي انه كآن وهم ضيعتي فيه نفسك وقلبك وماعشتي أحلى أيامك ... نسيتي أهلك نسيتي ابوك اللي مستحيل يوآفق لو درى عن علاقتك فيه .. والا نسيتي مجتمعك اللي مايرحم لو عرف بقصتك ... غمضتي عيونك عن الواقع المر وعشتي بحلمك الوردي وصحيتي عليه بعد مآصار رمآدي )
غطت وجههآ بالشرشف ورجعت تبكي بصمت بينهآ وبين نفسهآ

:::
:::
بغرفه ثانيه
تشجعت تدق .. ماعادت تقدر تستحمل فرآقه وبعده عنهآ أكثر .. تنازلت عن كرآمتهآ عشان قلبها اخذت جوالهآ ودقت على رقمه وبقلبها شوق ووله له يفوق التصور .. عدت الرنه الاولى والرنه الثانيه وبدأ قلبها تزيد نبضاته وتتسارع خوف من انها ماتسمع صوته حست بانكسار وحرارته الدمع بعيونها لكن سرعآن ماتجلت مع اول حروف نطقه
سيف : الــو
ريم ابتسمت وضغطت على نفسهآ : السلآم عليكم
سيف : وعليكم السلآم
ريم بشوق : كيفك ؟
سيف : الحمدلله انتي بشريني عنك ويش مسويه ؟!
ريم بصوت حزين : وتسألني ويش مسويه بدونك ؟
سيف سكت شوي وبعدها قال : ريم انا مضطر
ريم : ويش السبب اللي يخليك تبعد عني وانا وانت بنفس المدينه .. سيف قولي انا زعلتك بشي طلع مني تصرف ضايقك صارحني يمكن ماحسيت على نفسي وضايقتك
سيف : يشهد الله اني ماشفت منك الا كل خير يابنت الناس
ريم نزلت دمعتها : اجل ويش السبب ريحني وقول .. انا اتعذب ياسيف اتعذب كثير
سيف غمض عيونه بألم وبدت انفاسه تضيق : انا نفسي ما ادري يا ريم بس يمكن نفسيتي تعبانه شوي كلها كم يوم واهدى ونرجع لبيتنا
ريم انقهرت منه : سيف فكر زين ترى اذا انت ماتبيني انا مابي ارمي نفسي عليك .. وقفلت الجوآل ورمت على الكمودينه جنبها وضمت رجولها لصدرها ونزلت راسها وبالها وافكارها في شتات عآم
دخلت عليها سحر وخافت لما شافتها بهذي الوضيعه مشت لها بسرعه وجلست على طرف السرير جنبهآ حطت يدها على كتفهآ
سحر :ريومه ويش فيك ؟!
ريم رفعت راسها وابتسمت : ولاشي بس مصدعه شوي
سحر : ريومه لا تصرفيني انا عارفه ان في شي مكدرك بس متى ماحسيتي انك بتفضفضين بتلاقيني استنآك وقلبي مفتوح لك .. ضمتهآ لحضنهآ وقالت بحب صآدق
ريم : الله لايحرمني منك ياسحر
سحر : ولا منك ياقلبي
دخلت هنآدي وشهقت بقوه : استغفر الله " غمضت عيونها وحطت يدها على عيونهآ " لاحول ولاقوه الا بالله انحرآف علني .. اتقوآ الله
سحر وريم ضحكوآ عليها وعلى هبالها اللي يضيف طابع كوميدي على حياتهم
ريم تتخصر : وعلى نياتكم ترزقون صفي نيتك
هنادي وهي واقفه بمكآنهآ : والله انا شفت شي مخجل بصراحه والله يعلم بنيتك انتي وهي
سحر رمت الخدآديه عليها : ياشين نيتك .. دآيم تفكيرك يروح بعيد
هنآدي ترميهآ عليها : امزح معكم ياخبول شفت جوكم حزين ورومنسي وزي دآيم خرابيطك انتي وهي قلت نفرفشكم شوي
ريم : اقول ماشفتي رغد
ه،ىدي جلست على مكتبهآ وفتحت الاب حق سحر : الا جآت ودخلت غرفتهآ على طول قفلتها وباين انها زعلانه وكآنت تبكي بس مدري ايش فيها ماردت علي وصفقت الباب
سحر عقدت حوآجبها : غريبه اكيد صاير معهآ شي
ريم توقف : بروح اشوفهآ لايكون فيها شي واحنا ماندري .. ورآحت ريم وسحر لغرفتهآ دقوآ عليهآ الباب بس ماردت عليهم
ريم بخوف تدق الباب : رغــــد فيك شي افتحي الله يخليك
رغد صرخت عليهم من مكآنهآ : ويش تبون فيني أتركوني لحالي مابي اشوف أحد
سحر طلت بريم مستغربه صرآخ رغد : رغد ويش صار
رغد زآد صرآخهآ وبكآئهآ الهستيري : قلت خلوني لحالي مآآآآآآآبــــــي اشوف أحد
ريم تمسك يد سحر : امشي شكلها متضايقه من ش اذا هدت تطلع من حالها
سحر : طيب يالله نمشي
رجعوآ لغرفتهم ولقوآ هنآدي ميته ضحك
سحر : ياباسط .. ويش اللي يضحك هنوده ؟
هنآدي من بين ضحكهآ : مين اهتدآء ؟
سحر ابتسمت : وحده ضافتني وتعرفنا على بعض
هنادي : شكله خطيره بس تعالي ليش تضيفين ناس ماتعرفينهم ؟
سحر تتخصر : سبحان الله واللي يدور ايميلآت اللاعب الفلاني والحارس العلاني
هنادي : هذول ناس معروفين ياقلبي مو حي الله
سحر تقومهآ عن الكرسي : ممكن تقلبين وجهك ؟
هنادي تقرب خدهآ : على أي صفحه
سحر تنرفزت وبحده : هنآآدي
ريم : روق ترى هذي تبي تنرفز اعرفها اذا مزآجهآ رايق
هنادي : تف تف بسم الله علي اذكري الله لاتصيبني عين منك
ريم تمد لسانها : انتي تجيك عين على ويش ياحظي
هنادي طنشتهآ ومشت : ترآني احلاكم اذا تكشخت لاتاخذون بنفسكم مقلب
سحر : ماقلنا لك شي بس سكري الباب ورآك ولايكثر
هنادي لفت عليها : لك رجول ما اشتغل عند حضرة جنابك
سحر عصبت منها : من اي طينه مخلوقه هالبنت
ريم ضحكت بصوت عالي : هههههه والله م�