شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

19 - 5 - 2014, 08:44 PM

بآلـــريــآض
صحت على صوت جوآلهآ سحبته بتعب من على الكمودينه ما عرفت الرقم الظآهر على الشآشه ترددت ترد أو مآترد لكن بالأخير ردت
..: الـــو
..: صبآح الخير
..: صبآح النور .. مين معي ؟!
..: أفــآ يآشوق مآعرفتي صوتي
شوق أنصدمت عدلت جلستهآ وتوهآ تستوعب : أحـــمـــد ؟!
أحمد ضحك : مشاء الله ميزتي صوتي على طول
شوق عصبت : ويش تبي دآق علي ؟
أحمد بنبره غريبه : بقوم بالوآجب بتحمد لك بسلآمـه زوجك
شوق بحده : لو سمحت لا عآد تدق علي سآمع ..قبل تقفل الخط
أحمد : شــــوق .. أنآ مادقيت ألعب معك والا أكذب عليك انا دآق اعرض عليك عرض
شوق عقدت حوآجبهآ بأستغراب : عــرض ؟! .. أي عرض تتكلم عنه
أحمد : خلينآ نرجع زي أول اطلبي الطلاق من فهد وبعدهآ أنآ بتزوجك ونرجع زي مآكنآ قبل .. أنتي بدوني مآتقدرين تعيشين وأنآ بدونك ماأقدر أعيش
شوق بحده : انا قدرت أعيش حيآتي بدونك وكملتهآ بدونك ومستحيل ابعد عن فهد لأني أكتشتفت اني أحبه وحبي لك كآن وهم وفتره مرآهقه انت مآسويت لي أي شي غير انك صدمتني فيك " غيرت نبرتهآ للحده " أسمع يآ أحمد لاتظن اني مجنونه ومصدقه كلامك لا ياشاطر انا فاهمتك زين وعارفه لعبتك القذره مع بنت أخت الحقيره أحسن لك أبعد عني وخلني بحالي
أحمد : أعتبر كلامك هذآ تهديد
شوق : تهديد تحذير اعتبره اللي تبي .. خلني أكمل حيآتي لاتنغصهآ علي حتى مآ أنغص عليك
أحمد بسخريه : يالله فجأه صرتي قويه .. انتي زي ما انتي الضعف وحده من صفاتك مستحيل تكوني قويه
شوق : أتركني بحالي ولاعاد تتصل علي والا بتشوف شي ثاني ...قفلت الخط بوجهه
تنهدت بصعوبه وتحس ان صدرهآ بدت تضيق أنفاسه وكل الكون أصبح صغير بعينهآ كل مافرحت دقيقه حزنت بعدهآ أيام وليالي .. تذكرت فهد اللي بالمستشفى وماتدري عن حالته اليوم .. دقت على المستشفى وسألت عنه وتطمنت عليه .. صحت تأخذ لها شور حتى تريح أعصابه المتوتره من اتصال احمد اللي عكر عليها بدآية يومهآ
بآلمستشفى

عينه على الشبآك البعيد طول الليل مآغمضت عينه يفكر بسنينه اللي مضت وأسرآره الغامضه اللي خبآهآ عن الكل .. تذكر انهآ عرفت كل شي فار الدم بعروقه وأرتفع ضغطه الذكرى صعبه عليه والأصعب انهآ هي من درت .. كآن أهون عليه لو درى أخوه بآسل ولاتدري هي
فهد ( ويش تنتظر بعد .. تنتظر تتشمت فيك .. اصلآ هي دخلت حيآتك غلط وبتطلع منهآ غلط انت بيدك كل شي يافهد كل شي .. أشتر رآحتك ولاتسمح لقلبك يضعف أو يحن عليهآ مهمآ صار ... هذآ أبوك وبدأ يضغط عليك من جهه والجهه الثانيه ضغوطك الدآخليه تخلص منهآ كلهآ كــــــلــــــهــــآ )
أنفتح الباب ودخل الدكتور وعلى وجهه ابتسآمة رضاء : مشآء الله وجهك أحسن من امس
فهد : الحمدلله على كل حال
اخذ الملف اللي على الطاوله وبدا يشوف معدلآته الحيويه ... الــــخ : لالا مشاء الله صرنآ أحسن نقدر نطلعك الحين للبيت بالوقت اللي تبيه
فهد : يعني بكره أقدر اطلع
الدكتور : أن شاء الله بس اليوم لازم تشرفنا

طلع من القصر الكبير وتفكيره كله بكلام زوجة اخوه اللي كشفت له أشياء مآ كآن يدري عنهآ أبدآ ..مانآم طول ليله مصدوم من اللي سمعه عن شوق
بآسل ( يالله ماني مصدق للحين ان هذيك البنت اللي شفتها تكون قصتهآ كذآ .. اللي مجنني فهد أخوي كيف رضا يتزوجهآ أكيد مآ يدري لالا ويش مايدري هو زوجهآ كيف مايدري اكيد بيكتشف انهـآ ... لاحول ولاقوة الا بالله السالفه ورآهآ مليون سر وسر لازم افتش ورى السالفه حتى أعرفهآ فهد ورآه مصايب " طرت فكره على باله " معقوله فهد يكون هو اللي أغتصبهآ .. لاآآآ مستحيل أخوي فهد تفكيره أكبر من كذآ يمكن ياباسل يبي يستر عليهآ ماتدري عن حيآتهم الخاصه ... طيب كيف عرف أهلها وتزوجهآ هي بالمدينه وهو بجده هو من قبيله وهي من قبيله .. الدنيا قسمه ونصيب هذي كلها الغاز وحلها عند فهد وشوق مو عند أحد ثاني رزآن اعطتني بدآيآت أشياء كبيره مالهآ نهايه )
مآحس بنفسه الا وهو قدآم مبنى المستشفى نزل وطلع لغرفته أخوه .. وقف يتأمل سكون الغرفه فتح الباب ودخل على أخوه اللي مبين عليه الشرود .. تنحنح والتفت عليه فهد
فهد : هلا باسل
باسل : كيفك ؟
فهد : بخير .. في شي صار بغيابي
باسل : لا ابد مآصآر غير كل خير
فهد : والبيت ؟!
بآسل : أموره كلهآ تمآم كأنك موجود
فهد يحآول يوقف : بروح الحمام انتظرني بأتكلم معك بموضوع مهم
بآسل يجلس على الكنب : مآني متحرك .. غآب فهد عن عيونه ولفت أنتباهه بوكيه ورد مشى بأتجآهه وقرأ الكرت اللي عليه (( الحمدلله على السلآمه ... مآتشوف شر .. خآلد ))
ابتسم لما تذكر خالد اللي ماشافه من ثلاث سنين شآف اغراض فهد متشتته على الكمودينه لمهآ ورتبهآ .. أخذ محفظته الجلد وتحرك الفضول فيه فتحهآ وأستغرب من كثرة الأورآق اللي فيهآ جذبته ورقة لونهآ أحمر فتحهآ وقرأ محتوآهآ اللي ابهره
�
تصدقين ...!!
{ رقيت في حب?ْ ?ْثير .. !
حتى وصلت , اني
اطير !!
تخيل ..
أطير في | زرقة | سمآك
واذوب في ذرة هوآك
واستعذبك ..
خوف و هلآك ..!
غصبن علي ..
من كثر ما :-
أحبك ..
و
ابيك ..
ابغى اكون بدآخلك ..
مالي شبيه ولا شريك
إلا .. \ أنا / .. وبسس
وأخر الورقه مكتوب جمله
عآهديني على حبك
بخط مختلف ...<<~
أعآهدك على حبي ونبض قلبي الدآئم لك

(( شوق ))
شآف توقيعهآ المؤرخ وتوقيع أخوه بجنبه .. قفل الورقه بسرعه لما سمع حركآت فهد قريبه منه .. لف خباها عن فهد
فهد : اجلس بتكلم معك
باسل : شكل الموضوع مهم مره
فهد : بآسل بكره ابيك تروح للمحكمه
باسل عقد حوآجبه بأستغراب : لــيـــش ؟
فهد: ابيك تسوي أجرآت طلاق شوق
بآسل بصدمه : شوووق ... ليه ؟
فهد بحده : ويش اللي ليه .. انا بطلقهآ عندك أعتراض
باسل وقف بوجه فهد بعصبيه : أيه عندي اعتراض ..ليه بتطلقهآ مدآمك تحبهآ
فهد رفع حآجبه الأيمن بحده : ومين قال هذآ الكلام ؟
باسل طلع الورقه ورمآهآ عليه : هذا اللي قالي ..
فهد انقهر منه : انا بطلقهآ قررت وخلاص
باسل قال ببرود : أذا طلقتهآ انا بتزوجهآ
ارتسمت الاف علامات الاستفهام على وجه فهد مصعوق من كلمته أخوه : شنو قلت ؟
باسل : اللي سمعته .. وحده ملتزمه وخايفه ربهآ الف وآحد يتمنآهآ وفوق ذآ كلهآ حلوه
عصب فهد من القهر وطلع الشرار من عيونه خنق أخوه ودفه على الجدآر : شلون تتجرأ وتقول عنهآ كذآ وقدآمي بعد
بآسل ابتسم بلئم : أذا مو أنآ تزوجتهآ بيتزوجهآ غيري وبتنحرم من شوفة وجههآ الحلو طول العمر
فهد جن جنونه من وقاحة أخوه وصر على اسنآنه : لو سمعتك مره ثانيه تقول هالكلام عن حبيبتي أنهيك عن الوجود سآآآمـــــــع
باسل فطس ضحك على جنون أخوه بعد يده عنه : حبيبتك هآه .. وبتطلقهآ شلون تجي هذي .. فكر زين يافهد ولاتتسرع بقرارك فكرتي من كلامي أني أحسسك بالخساره اللي بتخسرهآ
وبعدين هي عيونها تفضحهآ باين أنهآ تحبك وتموت عليك ماشفتهآ يوم تبكي لما أغمي عليك وضمتهآ وانت بحضنها
فهد توتر من أخوه : كنت مآخذ رآحتك تطالع بزوجتي
باسل جلس على الكنب وحط رجل على رجل : ويش الفرق دآيم أطالع رزآن
فهد عصب : رزآن غير عن شوق " قال بنبرة تهديد " شوف ياباسل لو أدري والا أحس انك تطالع بشوق بيصير لك شي مايرضيك
باسل ماقدر يكتم ضحكه أكثر وانفجر ضحك : صدق انك مجنون فيهآ وبتطلقهآ ... الله على تفكيرك بس يافهد احيان يخونك
فهد : ويش رايك تقضب الباب وترتني بكلامك أبي ارتآح
باسل : ابشر مآ طلبت شي الحين افكك من خشتي
فهد : ترى بكره ابرجع للبيت خلهم يجهزون لي غرفتي وقسم الضيوف
باسل يبي ينرفز أخوه : طيب بقول لشوق
فهد صرخ عليه صرخه ارعبته : بــــــــــرآآآآآ
طلع بسرعه وسكر الباب ورآهآ وانفجر ضحك لأنه نجح بتوتير اخوه زيآده

{بــآســل }

أنآ بنجن كيف يحبها ويبي يطلقها .. انا متأكد اني في سالفه بس ياترى ويش هي ؟.. كيف يحبها وهي كانت مخطوفه ووو.. الـــخ وهوآشهم أول قبل يطيح فهد .. ويش حقيقة فهد ؟ وويش قصد شوق بكلمتهآ له انا مسامحتك على كل اللي سويته ؟

بعد أسبوع

ملخص االاسبوع
جوآ اهل شوق ثلاث أيام ورجعوآ لشغل ابوهم الطاري ...وبقت هنآدي لان فهد كلم ابوها تظل عند شوق لان ابوه سوآ له كذآ مشكله بسبب كلام رزان
أمــآ ليان تغيرت حالتها بعد جيت اهل شوق للرياض اللي غيرت فيها اشياء كثيره وردتها لأيام ماتبي تذكرها
رزآن كآنت عند اهلها لانها تضايقت من توآجد اخوآت شوق عندها بكثره وعدم حبها لهم
فهد تحسن كثير وبدأ يسترجع قوته وعلاقته بشوق جدا سطحيه وبعيد كل البعد عنهآ
أمــآ باسل كان مسافر للشرقيه مع عيال عمه واصحابهم

بآلصاله
هنآدي نزلت من غرفتها بالعبايه كانت رافعه شعرها اللي طول شوي وحاطه روج ومكحله عيونها شآفت فهد وتغطت
هنآدي : أحم أحم .. طريق ياولد
شوق ضحكت : تعالي مافي الا فهد
هنادي من بعيد : ليه فهد مو رجال انتي الثانيه
فهد ابتسم على كلامها اللي يبسطه ويحسسه كأنه أخ لها مو زوج أختهآ : رجال ونص
هنآدي : يؤبشني الرجال والله
شوق : هناديوه هجدينا عن الرجه
هنادي : دوعآآآبه يابنت ما اقصد شي
فهد : تعالي ليش وآقفه
هنادي : اخاف اقطع جوكم بعدين انا ما تزحزحت من غرفتي الا عشان ابي احد يمشيني بالرياض .. تعرف ما اعرف شي هنا
فهد يضحك : بتقنعيني انك الحين ماقطعتي جونا ؟!.. خلي أي سواق يوديكِ
هنادي: طيب اجل بخليكم تكملون جلستكم وبروح اشوف السواق
فهد : كل سواقين البيت تحت امرك بس ارفقي عليهم مانبي ضحايا
هنادي :هههههههههههه يااااي ماتوقعت دمك خفيف
شوق : اشوفك قطيتي وجهك
هنادي : ياساتر بدينا بالغيره ... يالله يافهد مالنا نصيب فيك
فهد فطس ضحك على شكل شوق اللي عصبت وبدت الغيره تنهش بقلبها : هنآآآآآدي
هنادي تضحك : خلاص بروح باااي
طلعت لعند الكراج حق السيارات ووقفت ونزلت غطايتها : الحين اي سياره اختار احترت كل وحده اكشخ من الثانيه ... مشت شوي وشآفت وآحد وآقف ولابس كآب اسود وبنطلون جينز وبلوزه أبيض
هنآدي زآدت سرعتهآ له أكثر وقفت جنبه وهو مصدوم : هيه سلآم ياصديق بسرعه يالله ابيك توديني .. أمممم يوه نسيت أسئل فهيدآن ويش أحلى الامآكن هنآ .. المهم لفلف فيني بالرياض جلدي جلدي (( بسرعه بسرعه)) .. أوكي رفيق
ركبت سياره واستنته يجي ورآهآ بعد دقايق طلعوآ من القصر
بالطريق كآنت السياره مظلله وهي متلثمه قالت : صح رفيق وت أز يور نيم ؟
باسل : مآي نيم خآن
هنآدي : والله اني قايله ان الجمال هذا كله من عايلة خان
باسل كآتم ضحكته على البنت اللي أول مره يشوفها : يس يس مآمآ
هنآدي : مآمآ بعينك طالع قدآم ولا تلف علي عشان لا أهفك بجوالي ... اتصلت على عبير
عبير بصوت كله فرح : هـــــــــــــــــــــــــلآ
هنادي بفرح : مرحبا الف يالله حيهم
عبير : الله يحيتس .. وشلونتس يابنت الرياض
هنآدي : بخير عساك بخير ... هاه كيف اتقن اللهجة النجديه
عبير : لوعتي كبدي خليك على الحجازي ابرك
هنادي : ياه صح يقولون في مثل ثوب ماهو ثوب لاتلبسه
عبير : هههههههههههه من جبتي هالمثل شكله من راسك
هنادي : تئدري تؤلي هيك
عبير: تطورات ياهنادي
هنادي : صبر خليني احط سبيكر أذني توجعني
عبير : اموت عالنعومه صايره تحسسين من الجوال
هنادي : اي صايره حساسه مره
عبير : المهم ايش مسويه انتي ويش اخر اخبارك ؟
هنادي : بخير دآمني ماشوف خشتك المنحوسه
عبير : منآك بس يوم سعدك وهنآك لما تشوفيني "سكتت شوي بعدهآ قالت "تصدقين فقدت صراخك يوم تنادين عليا
هنآدي : حتى انا اشتق
هنآدي : حتى انا اشتقتلك يادوبه

عبير بحده : انتي ماتعرفين تكملين المود الرومنتك
هنآدي : ههههههههه اعصابك شوي شوي لايطق فيك عرق
عبير : ماحد بيموتني الا انتي .. تعالي صوتك كأنك بسياره
هنآدي تنهدت : يس طالعه اتمشور بشوآرع الرياض الوآسعه الجميله
عبير : مين معك ؟
هنآدي : لوحدي ...تدرين نفسي أغني يــآآرفيق آآآه يارفيق آآآآه
عبير : وي لو كنتي بالمدينه رحت معك
هنآدي : طيب ممكن ابي اروح لحالي مابيك معي
عبير : مو من قلبك هالكلام
هنآدي : ايش رأيك اقدم في الجامعه اللي بالرياض والا اللي بالمدينه ؟
عبير صرخت : ويــــــش .. أي رياض يرحم اهلك مخليتني ادخل ادبي على اساس نكون مع بعض بالاخير تسحبين علي .. وربي ماتدخلين الا جآمعة طيبه وبعد كثيره عليك
هنآدي : يمه منك طيب خليني اكمل لك ايش الخطه اللي براسي
عبير : لاخطه ولاهم يحزنون .. كيف تتركيني وتقدمين بمدينه ثانيه ياعبيطه
هنادي : خلاص خلاص بطلت بجي اووف المهم شوفي متى الموآعيد لايروح علي التسجيل
عبير : هنآدي تكفين لاتتمنذلين وربي ما ادآوم بجامعه انتي مو فيهآ
هنادي : خلي الجامعات تقبلنا أول بعدين تشرطي على كيفك
عبير : عكرتي مزآجي الله يصلحك
هنآدي : انتي اللي تعصبين على طول ماتخلين لي فرصه افهمك اللي براسي
عبير : داريه ان اللي براسك شي ماراح يعجبني
هنآدي : المهم بقفل الحيين
عبير : ايش فيك طفشتي مني بسرعه
هنآدي : ماعندك شي ليش اطول معك
عبير : ايـــــــه لو كآآن الموضوع يخص مآجد كان تغير كلامك
هنادي عقدت حواجبه : ويش دخل ذا بذا لانخلطي الامور ببعض
عبير : طيب لو قلت لك اني شفته
هنادي بشهقه : وين شفتيه ؟!
عبير بصوت عالي : أأيــــوووه .. باني على حقيقتك يالنصابه
هنآدي تقاطعها بحده : عبيروه لاتكوني تلعبين من وراي انتبهي ترى وربي هو معفن انا خايفه عليك
عبير : مستحيل العب من وراك هنوده ايش جرى لعقلك عشان تفكرين فيني كذا
هنآدي : طيب وين شفتيه ؟
عبير بخوف : ماتصدقين وين ياهنوده
هنآدي بنبره خوف : وين تكلمي ؟
عبير : قدام العماره شفته وآقف واحنا رايحين بيت جدتي
هنادي : واحد شافه غيرك عبوره
عبير : لا بس وربي ياهنوده شكله نآوي على شي
هنآدي بخوف : الله يستر بــــس .. الله يأخذه ويفكني منه
عبير : اقولك اسمع امي تنادي .. اكلمك بعدين بايو
هنادي : باااي
قفلت الجوال ورمته جوآ الشنطه سرحت بالطريق وصارت تتأمل كل مكآن تمر فيه
( يآآربي ويش بيكون ورآه انا قلبي قارصني من نآحيته ... يارب بعده عن طريقي وارزقني على قد نيتي )
أمــآ هو كآن مستمع جيد للحوار اللي دآر بينهم أصغى باخلاص لكل كلمه وانصدم يوم سمع عن مآجد
بآسل ( مين مآجد هذآ ؟.. وهذي البنت اصلا مين ؟!... قريب بعرف كل شي بس باين انها بنت من اللي قلبي يحبهم .. ليش ماتستغل هذي الفرصه ياباسل لاتضيعها