شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

20 - 5 - 2014, 10:23 AM

البــآرت الثآمــن والثلآثين

لا تحسب انّي في رحيلك توفـّيت
في غيبتك .. أقدر أدبّر أموري ..
بس أنت يـ / المسكين لاغبت حنّيت

تشتاق لي دايم و تفقد عطوري

..

من جديد عآودهـآ الأتصال تآرة أخرى
عبير تنرفزت وعصبت أغلقت جوآلهآ ورمته بالدرج ( أوووف من جد شباب نشبه قلت له لآ تتصل صدق ان مخه تنك لا بعد التنك يمكن يفهم ...شكلي كنت أتكلم فرنسي وأنا مدري )
رجعت تكمل نومتهآ وأحلآمهآ اللي قطعهآ الاتصال السخيف بنظرهآ

أمــآ هنآدي
جفآهآ النوم قامت للصاله شآفت شوق جآلسه مع مهآ ويتكلمون
هنآدي: أيش عندكم سهرآنين ؟!
مهآ تلعب بشعرها وترفع حواجبها : بيننآ سر
هنآدي : ممكن أعرفه ؟
شوق تغمز لمهآ : شي خآص بالمتزوجآت
هنآدي : طـرآآآخ طيــــخ طـــــوخ ... الحق بس
مهآ عقدت حوآجبهآ : الحين ويش معنى طراخ طيخ طوخ
هنآدي : يعني انكم تفقشون عليا
شوق : هههههههه ابو المعنى يابنت
هنآدي تجلس معهم : يالله قولوآ ويش تسولفون فيه يمكن عندي شي أفيدكم فيه
مهآ تقرصهآ : صحيح أللي استحوآ مآتوآ
شوق : قلنا شي خاص يعني لاتحشرين نفسك بيننآ
هنآدي بتأفف : ياربي متى اتزوج عشان اعرف اسرآركم وارتآح
مهآ : ياشيخه وربي أنك مرتآحه احمدي ربك
هنآدي : يادنيآ مافيك رآحه اللي متزوجآت مو شايفات النعمه اللي هن فيها والعوآنس مو رآضيات بقدرهن والصبايا يبن يتزوجن .. ابن أدم طمآع
شوق ومهآ : هههههههههههههههههههه
شوق : الله على لسانك اللي يقول دُرر ياهنوده
هنآدي : الدنيآ تعلم
مهآ : طيب روحي حاولي تنامين
هنآدي : مافيني نوم غصب انام ؟
شوق : خلاص اجلسي معنا .. اعطينا اخبارك
هنادي : لآجديد
مها : اقول هنآدي ماسمعتي ريم قالت شي عن سيف ؟
هنآدي تحآول تتذكر : أأمــمــمممم لآ والله
شوق : متأكده ... لها يومين ساكته وماتتكلم مدري أيش قال لها عمي
هنآدي : ألا تــذكــرت .. سمعت سحر تقولهآ انا لو منك اوآفق أرجع أحسن من أكون مطلقه وأنآ لسى صغيره بالعمر
مها وشوق اللي مركزين معهآ : ايوه كملي
هنآدي : قامت ردت عليهآ وقالت انا أحبه وأبيه بس مقدر أعذره ..وقالت سحر
مهآ وشوق بأنسجآم : أيـــه
هنادي:اللي يحب بعذر .. واكيد عنده مبربر لطلاقك .. لاتضيعينه منك
شوق : وأيش قالت ريوم
هنادي : سكتت وماقالت شي بعدها
مهآ : اتوقع انهآ لآنت شوي وبتوآفق ترجع
شوق ترفع يدهآ : الله يسمع منك ويسعدهآ
مهآ وهنآدي : آمين
شوق أخذت جوآلهآ وأتصلت على فهد
انتظرت وأنتظرت لكنهآ رجعت خآيبه مثلهآ مثل محآولآتهآ السابقه بآئت بالفشل ..بان العبوس على ملآمحهآ وحطت جوآلهآ جنبهآ
مهآ : أيش فيك كشرتي
شوق بتأفف : ادق على فهد ولآيرد خآيفه يكون فيه شي
هنآدي : طنشيه هو يرجع يدق استآنسي دآمك بعيده عنه لاحقه على الهم
مهآ : شوفي حكيمة هالزمن لسانهآ يقول حروف من ذهب مدري ويش الألهام اللي جايها
شوق ضحكت : ربي رزقهآ العقل بس عليها شحطآت قويه شوي ههههههههههههه
هنآدي : اللي بيطبق كلامي بيحصد نتآئج باهره
مهآ : يعني أطنش بندوري
هنادي : لالالالالالا انتي بالذات لآتطنشيه قسم تطيحين بكبودنآ .. مدري متى يخلص دورته ويأخذك عنآ
جآت رنيم تبكي .. جرت لهآ مهآ وشالتهآ : ايش فيك ياماما
أخذت بنتهآ ورجعتهآ لسريرهآ تحاول تنومهآ .. وبقت شوق وهنآدي لوحدهم
هنآدي : كيف حآل بآسل أخو زوجك ؟
شوق أستغربت سؤالهآ : الحمدلله بخير .. بس أيش جآبه على بالك ؟
هنآدي : كذا جآء على بالي
شوق بشك : ماسألتي الا اذا في شي
هنآدي: والله مافي شي سؤال وأكلتيني عليه خلآص اسحب سؤالي
شوق : اووف اخلاقك صايره مره زفت حسنيهآ شوي
هنآدي وقفت ومشت لغرفتهآ ... أمــآ شوق كآن بالها مشغول بفهد اللي مايرد على مكالماتها ورسآيلهآ ... ماتعرف السبب والخوف ساكن قلبهآ عليه
شوق ( ليه مايرد .. معقول يكون مسافر برآ ولاقال لي .. ممكن ليه لا تجي على فهد يسويهآ ماهي بعيده عنه ... انا ليه شاغله بالي فيه اروح أنام أحسن لي )

طفت الأءضاه ومشت لغرفتهآ عشان ترتاح

:::
:::
:::

...: صباح الخير
...: صباح النور
...: كيفك .. وكيف الامور معالك ؟
...: الحمدلله كل شي ماشي زي ماتبي بس في خلل بسيط بالخطه
...: كيف خلل .. تصرف اهم شي اللي أبيه يصير
...: هو ان شاء الله بيصير بس السالفه بتطول معنا
...: اكيد بتطول اذا تكاسلت لكن اذا شديت همتك ماراح تطول ... ابي الموضوع يخلص باسرع مايمكن فهمت
...: انا خايف من استعجالك له .. ويش تبي منها ؟
...: ويش يهمك فيه ؟!.. عليك تنفذ اللي ابيه ويوصلك الشيك
...: بس ابي اعرف غايتك .. وبعدها مايهمني اللي يصير
...: شوف معك اسبوعين عشان تنهي هذي المهزله وبعدين لكل حادث حديث
قفل الخط بوجهه والشخص الاخر لا أحد يعلم ماهو شعوره او من هو

::
صبآح اليوم التالي في جده
صحى على صوت جوآله المزعج .. مآرد على الأتصال شآف الساعه وعرف أنه تأخر بالنوم
فهد : ويش صاير فيني أتأخر على موآعيدي مآهي بالعآده
دخل بسرعه يأخذ دشه اليومي بعد مىطلع فتح دولآبــه وطلع ثوبه الأبيض والشمآغ الأحمر لبسه وتعطر فتح علبة سآعته الجديده من Guess .. كآن كآشخ لأبـعــد مدى طلع بسرعه
واتجه للمكآن المقصود .. تأخر شوي على الأجتماع لكنه لحقه من البدايه
بعد ساعتين طلع من قاعة الأجتماعات ...
فهد : الله يكتب اللي فيه الخير
ابو فيصل : أميــن ... ألا ماقُلت لي ياولدي كيف أحوآلك وشغلك
فهد : الحمدلله
ابو فيصل : الله يوفقك ياولدي أنت تستاهل كل خير
فهد : تسلم يابو فيصل .. الحين ورآي مشوآر ضروري مضطر اروح له
ابو فيصل : خلنآ نشوفك
فهد ابتسم له : أن شاء الله .. في أمــآن الله
رد على الأتصال
فهد : هــلآ
...: وينك أنآ بالمطعم أنتظرك
فهد : خلآص الحين جآي قريب منك
...: لآتتأخر لأني ورآي سفر
فهد : اوك .. ربع ساعه وجآيك

ركب سيــآرتـه الفرآري السودآء وشغل المسجل على أعلى صوت ..ومشى فيهآ بسرعه جنونيه للمطعم اللي مآيبعد الآ كيلو عن مكآنه الحآلي .. وصل بوقت قيآسي وطلع للمطعم تشتت نظرآتـه بين المتوآجدون .. ميزهآ وهي تشرب كوب الكوفي ومشى بأتجآههآ .. سحب الكرسي وفاقت من سرحآنهآ
فهد : صباح الخير
...: صبآح النور
فهد : كيفك ؟!
...: الحمدلله بخير أنت كيفك ؟
فهد : زي مآتشوفين ... وين مسآفره ؟
...: بلجيكآ رآيح اغير جو
فهد ضحك : لسى تروحي النمسا ماتركتي ذي العاده
"تتأمل أبتسآمته الي تعذب قلبهآ وتسحر نظرهآ .. وتعصف بقلبهآ المتيم فيه ":فاكر لما كنت تجي هنآك
فهد : ايه أذكر أول مره قابلتك فيهآ كآنت في النمسا
..: جمعتنآ الصدف
فهد: وكمآن يجمعنآ شغل وشرآكـه مع أبوكـِ
...:أستغربت لما قال ابوي انك نقلت الرياض ونشآطك صار مابين الرياض ودبي
فهد : دبي ؟!... أبوكِ ويش دراه بشغلي هنآك
...: ههههههههه تبي أبوي يختفي عنه شي سهل زي هذآ هذا يدل انك مآعرفت من هو أبو حآزم
فهد رفع حآجبه وتكى على يده اليمين وميل فمه بحركه تعذب : لا ابشرك أعرف ادق ادق ادق التفاصيل عن أبوكِ
...: وهو كذآ يعرفك لاتنسى انك حفيد أعز صاحب في دنيته
فهد : أقول صفاء ممكن أسئلك سؤال خاص شوي ؟
صفاء تأخذ رشفه من كوبهآ وتنزل النظرآت الشمسيه الفخمه عن عيونهآ : أسئل
فهد : ليش مآتزوجتي للحين؟! .. يعني انتي جميله ومتعلمه وخطآبك كثير
صفاء : مآجاء النصيب ... وحاليا مهتمه بالمجال اللي انا فيه
فهد : اهنيك بصرآحه اثبتي انك سيدة اعمال ناجحه ..وطبعا ما انسى خبرتك في البورصه
صفاء ابتسمت : لاخلاص البورصه ودعتهآ ...الآ فهد ماجاك ولد ؟
فهد : ربي مآكتب
صفاء : الله يرزقك
فهد : ويرزقك بالزوج اللي تتمنينه
صفاء ( آآآآآآآآهـ الله يسمع منك ... الله يرزقني باللي أنتظره سنين وسنين )
جآء القرسون وحط له كوب قهوه تركيه طلبهآ من قبل .. بعد صمت دام بُرهه من الزمــآن
قطعت صفاء هذا الهدوء: متى بترجع الرياض ؟
فهد نزل الكوب من يده : بخلص شغلي هنآ وبسافر للمدينه
صفاء بأستغراب : ايش عندك هنآك ؟
فهد : بأخذ زوجتي معي لرياض
صفاء : أهـــآآآ زوجتك من المدينه
فهد :يس من المدينه
صفاء : على بالي بنت عمك
فهد عقد حوآجبه مستغرب كلامهآ : أيش معنى بنت عمي
صفاء : عآدآت القبايل يتزوجون من بعض مايتزوجون من برى القبيله آة انهم رفضوآ
فهد : مو الكل
صفاء : انت عارف قصة حازم اخوي عشان كذا اخذت فكره عن القبايل كلهم
فهد : مو معناته ان الكل كذا .. أصابع يدك مو سوآء
صفاء : اكيد مو سواء ..."طلت في سآعتهآ "
فهد : متى طيارتك ؟
صفاء : أنآ مسافره مع بابا
فهد : أهــآ ترجعون بالسلامه
صفاء وقفت تودعه : لازم اروح الحين ولنا جلسه ثانيه مو ؟
فهد وقف : اذا ربي كتب
صفاء : يجمعنآ شغل
فهد مد يده : هذا اللي بيجمعنآ اكيد
صفاء تصافحه : اشوفك على خير
فهد : وانتي بخير ...سلمي على أبوكِ
صفاء : ان شاء الله ... بـــآآآيـــــووو
بعد مآتركته صفاء جآه اتصال من باسل
باسل : وينك ياخي ؟.. تعال الشركه الحين
فهد : ليه ؟
باسل بعصبيه حاده: في وآحد ياباني رفع ضغطي اقوله انا بالنيابه عنك رآفض الا انت توقع مايفهم شنغ ينغ بوم
فهد انفجر ضحك : هههههههآآآي اوكي اوكي روق انت والحين جاي
الظهر

تعال..×. سمعني سواليفك وهمساتك .×
تراك اللي تسافر بي عن أحزاني و الآهات
تراك اللي تبعثرني وأنا اللي جامع شتاتك
جدار الصمت .. يقتلني
أبيك تجدد الضحكات
تراك انت الوحيد اللي
تزيل الهم ضحكاتك

صحت من بدري الكل كآنوآ نايمين صلحت لأبوهآ الفطور في الصبآح وضلت صاحيه النوم مجآفيهآ .. تحس بنفسهآ تبيه مشتاقه له ولشوفته
رغد( أدق وألآ ما أدق مقدر أتحمل اني افكر فيه اكيد هو بالعمل الحين خلوني أدق وأشوف )
أخذت جوآل شهد بشويش وطلعت بالصاله بغياب الكل ودقت على الارقام اللي حآفظتهآ عن ظهر قلب ... عدت الرنآت تتلوهآ رنآت لكن بدأ اليأس يتسلل لقلبهآ المشتاق ... كآنت مثل التآئهه في صحرآء ظلمآء قاحله .. العطش اتخذ من فؤادهآ الشيء الكثير وفجأه فوج من مطر اسقى قلبها العطشان .. صوته نزل عليها كالبرد اثلج فؤادهآ وانعش حياتها من جديد
عبدالله : الـــــووو
رغد تحاول تغير صوتهآ : السلآم عليكم
عبدالله :وعليكم السلام
رغد : هذآ جوال خالد
عبدالله : لا غلطانه
رغد : اسفه على الأزعاج
عبدالله : لا عادي
رغد : مع السلامه
عبدالله : مع السلامه
رغد : آآآآآهـ ياقلبي بغى يوقف من نبرته ... مشتاقه له حيل حيـــل .. ليه كنت السبب في بُعــدنــا ياعبدالله ليه !
حست انها بتبكي لكنهآ تحاشت ذا الشي وراحت للغرفه رجعت جوال شهد وانسدحت على سريرهآ .. قامت تلعب بشعرها والشخص اللي تهيم بحبه مستحوذ على تفكيرها

اما عنده
شك بالصوت .. النبره نبرتها قلبه مستحيل يغلط بأحسآسه فيهآ ... بعد عنها لكنه لازال يحس فيهآ . مافكر وتهور اتصل عليهآ ..
انقطع تفكيرها وسرحانها فيه من نغمة جوالها : اووف مين اللي متصل الحين شافت الرقم وارتجفت بدت نبضاتها تتسارع والبرود سكن اطرافها .. شعور غريب اجتآحهآ مآحست بنفسهآ الا وهي ترد عليه
رغد : نــعــم
عبدالله : صباح الخير
رغد : صباح النور ... مين معي ؟!
عبدالله عقد حوآجبه مصدوم : ماعرفتيني ؟
رغد : ليش انت تعرفني عشان اعرفك .. مين انت ؟
عبدالله احتد صوته : رغد لا تسوين حركاتك البايخه
رغد : ويش تبي
عبدالله : يعني تستهبلين معي
رغد : امممم لا بس تقدر تقول بعض من حركاتك معي
عبدالله : ليش اتصلتي
رغد تشهق : اي اتصال
عبدالله : لما قلتي هذا جوال خالد
رغد : شكلك مريض ومحتاج علاج
عبدالله : قولي ليه اتصلتي ؟
رغد بحده : قلت ما اتصلت غصب اقول اتصلت
عبدالله : قلبي يقول انه أنتي وانا مصدق ذا الشعور
رغد تصر على اسنانها : قلب كذاب ومخادع واناني كيف تصدقه الا اذا كنت "لحقت نفسها وسكتت"
عبدالله : كملي ليه سكتي عارف انك بتطلعين اللي فيك
رغد : انت ليه متصل ويش تبي مني ؟
عبدالله: اول شي بسئلك ليه رديتي علي ؟
سكتت وماردت على سؤاله رجع رد عليها : جاوبي ليه ساكته
رغد : بشوف ايش بتقول وتتحفني
عبدالله : أبي اشوفك ضروري
رغد عصبت : شكلك زي ماقلت مريض والا جرى لعقلك شي لعبه انا عندك
عبدالله : ماطلبتك الا عشان موضوع مهم
رغد : الموضوع المهم قوله الحين لاني مستحيل ارد عليك مره ثانيه او اشوفك على قولتك
عبدالله : اوعدك هذي اخر مره تشوفيني بحياتك بس مابي ابتعد وانتي شايله علي
رغد : قلبي مستحيل يصفى عليك مهم سويت ياعبدالله ... انا اتمنى اموت ولا اتمنآك انعكست كل الايات في حياتي وتحولت لمعجزات
عبدالله انجرح من حقدهآ عليه هي ماتركت له فرصه يبرر لها وقلبه يُدمي لكلامها الجارح معه :عشان كذا أبي اشوفك لأخر مره
رغد بحده : تحلم انت ...ايش الموضوع المهم اللي ماينفع تقوله بالجوال
عبدالله : مايصير الا وجه لوجه
رغد : مستوعب انك تخون زوجتك ؟
عبدالله سكت وبعدها قال : لا مآ اخونها لان نيتي صافيه
رغد تضحك بسخريه : نيتك صافيه ؟
الله عليك تحلل لنفسك اللي تبي
عبدالله بجديه: رغد اخر مره اقولك اليوم الساعه 8 العشاء أستنآك بفندق ".."ولك الحيره تحضرين او لا لكن تأكدي اني جآد في ذآ الشي وانتي لآزم تعرفينه وبعدهآ سامحيني او أحكمي باللي تبينه مع السلآمه
قفل الخط وتركهآ مصدومه من جديته والموعد اللي حدده لهآ رمت جوالها وهي تقول
رغد : مصدق اني بجي قلعتك .. دفنت نفسها بسريرها تحاول تنام بأي وسيله لك هيهآت النوم مُــحــرم عليهآ من بعد هذي المكآلمه اللتي أشقتها أكثر وأكثر

::
::
العصر كل البيت صآحي
شوق : عمآتي بيجون هم وبنآتهم
سمر بفرحه : جـد ونآآآســـه
هنآدي : يس يس ونآسه اكيد هديل بتجي ونتونس مرآآ
شوق تضحك : حتى عمتي أم سآمر بتجي
مهآ : اجل خلونآ نقوم نسوي حلى وبسبوسه
هنآدي : انا بروح السوبر مآركت أجيب مكسرآت من زمآن ماجونآ لازم نضيفهم
سمر تدقهآ : صايره تعرفين بالأصول
هنادي تقرصهآ : تعلمي ياحظي " مدت لسآنهآ وهربت "
سمر عصبت وقالت : بروح معهآ للسوبر مآركت هين ياهنيد انا اوريك
مهآ : انا بشوف ايش ناقص وأكتبه لكم عشان تجيبونهم معكم
سمر : طيب بسرعه عشان يمدينآ نرجع بدري
دق جوآلهآ مشت للغرفه وسكرت علي نفسهآ
شوق : ألـو
فهد : السلآم عليكم
شوق بنبرة زعل : وعليكم السلام
فهد : كيفك
شوق : بخير
فهد حس انها زعلآنه : خير ويش فيك
شوق : سلآمتك مافيني الا العافيه
فهد بحده : شوق قولي ويش فيك
شوق بعتاب : يعني مآتدري ايش فيني ثلاث ايام اتصل عليك وما ترد علي ماتفكر باللي قلبهآ قلقان عليك ماتدري عنك انت حي وألا ميت
فهد : تدرين اني رايح لشغل مهم وطول الايام اللي فاتت مشغول مافضيت حتى أتصل عليك
شوق : أرسل مسج مآ أجبرك تتصل بس طمني بأي وسيله وانت تاركني ما ادري عنك
فهد ضحك : يالله كل هذآ خوف علي
شوق بوزت ضمت رجلهآ لصدرهآ وحطت رآسهآ على جنب : له تفسير غير هذآ
فهد : الله أعلم يمكن له تفسير ثآني
شوق انقهرت منه : ويش تقصد
فهد : أنك تخآفين علي من نسمة الهوآء الطاير
شوق ابتسمت وعظت شفايفهآ : على بالي شي ثآني
فهد ميت ضحك .. قالت بصوت منقهر : ويش قايله عشان تضحك
فهد : أبدآ ماقلتي شي
شوق : روحتك لجده سببت لك نفسيه
فهد يفكر : أممم يمكن مآهي بعيده
شوق بتنجن : فـــهــــد ويش فيك
فهد بيرفع ضغطهآ قال بنبره طويله: سكرآآآآآن
شوق شهقت : سكرآآآن
فهد انفجر بالضحك : امزح يابنت الناس والله امزح
شوق بعصبيه حآده : والله فيك شي مو طبيعي
فهد : ايه مشتآق لك
شوق :قول غير ذآ الكلام اللي مأخوذ خيره
فهد : اجل ويش اقولك أنجنت مثلآ عشان تصدقين ؟
شوق : ذي اصدقهآ انك انجنيت
فهد يلف الكرسي من دخول السكيرتير : نــعــم سلطآن ؟
سلطآن : أتصل استآذ باسل
فهد: دقايق طيب .. " رجع للجوآل وقال "..أكلمك بعدين عندي شغل مع السلامــه
قفل الخط قبل مآينتظر منهآ كلمه ودآع
ضلت تطالع جوآلهآ فتره طويله نزلت دمعتهآ من القهر اللي بدآخلهآ .. طلعت ورقه وقلم حتى تطلع كل المشآعر المبكوته فيهآ ..ماتدري ليه مآيفهمهآ أو يحآول يفهمهآ .. بعيد عنهآ وعن قلبهآ الرقيق بسهوله تذرف دمعآتهآ عليه وتتألم بسببه ...تحاول تكون قريبه منه لكنهآ تتفاجئ بأبتعآده الدآئم عنهآ

.
.

مَدري ؛
وش اكتب لك على شَان تقرا؟
مادامنِي ماعدت قادِر أكلِمك ..
أهمّ شي :.
ان انت بشعُوري أدْرى؛
سواء أعلِمك أو ما أعلِمك !
مادامك الجلاَّد وَ أفراحي أسْرى،
مافيه داعِي اشتكي وَ اتظلمك !
الجَرح /
دامه مِنك جعله مايبْرى !
يشفِيني الله .. وانت الله يسلِمك ..!
الله يسلمك ..!
الله يسلمك ..!

طلعت منها هذي الكلمات وسكرت بعدهآ الدفتر وطلعت للصاله عند أخوتهآ عشان تنسى اي شي ممكن يعكر مزآجهآ

:::
:::

بمكآن ثآني بالمدينه
جآء من الشغل ومنذ الصبآح تفكيره محصور بالقرآر الذي نوى أنه يطبقه حرفيآ
جلس عند امه وبنظرات جديه قال : يمه
امه : هــلآ ياولدي ويش بغيت
يوسف : يمه ابي شورك بموضوع مهم
امه جلست وبآن عليها الأهتمــآم : ويش الموضوع يمه ؟
يوسف : أممم ابيك .."وسكت "
امه : قول يمه ليه سكت
يوسف : ابيك تخطبين لي
أنصدمت امه من قرآره وظلت تطالعه بنظرآت تآيهـه

::
::
نرجع لبيت ابو مهآ
دخل وقت المغرب ...جوآ عايله ام سامر وام هديل
هديل وخلود يضمون شوق : مشتاقين لك
شوق تبوسهم : والله انا اكثر .. مشتاقه لكم حيييل
هديل : وآآآآآو صايره تهبلين
خلود تتخصر : ويش تهبل شوفي كيف صايره عصلاء
شوق رفعت حاجبه : ما اسمح لك تسبين انا رشيقه يالبطه
خلود : أمحق رشآقه .. المهم علومك
شوق تمسك يد عمتهآ : عمتوو مشتآقه لك مووت
أم خلود تضحك : انتي القاطعه حتى اتصال ماتتصلي نسيتينآ بعد الزوآج
ام هديل : ماتوقعت الزوآج يسوي فيك كذآ
هديل : بالله يمه لقت لها زوج ويش تبي فينآ
ام خلود : صدقتي ياهدوله .. امشوآ نروح بالمجلس نسولف مشتآقه لسوآليف شوق
شوق : والله انا اللي مشتآقه لجلسنآ وجمعتنآ مع بعض الله يحرمني منكم
جلسوآ كلهم بالمجلس
هنآدي : هديلووه خليد مشينآ لغرفتي نسولف مآ تعجبني جلسة العجآيز
ام خلود : حنآ عجايز .. قومي قومي طسي لغرفتك
الكل فطسوآ ضحك أمآ هنآدي تبي تقهر عمتهآ : الحين قلت انتي عجوز .. والله مشكله ياعمه مارديتي علي ألا تدرين انك صرتي عجوز
الكل : هههههههآآآآي
ام خلود تلعب بشعرهآ : حبيبتي أنــآ صبيه ورآح اضل صبيه
هنآدي : لخود ألحقي على أمك فاصله عدآد عمرهآ على 25
مهآ ميته ضحك : بس حسبي الله عليك قطعتيني ضحك
هنآدي : أهنيك ياعمتو على ثقتك بنفسك بس حابه أقولك انهآ مو في محلهآ
شوق : ومن قال انهآ مو في محلهآ بسم الله عليهآ تهبل عمتي
ام هديل : تعلمي ياهنآدي من شوق الحسي عقلهآ شوي لا تحطمينهآ
هنآدي : شفتي اللي اصغر منك مقتنعه انهآ عجوز وسآكته
ضربتهآعمتهآ بالكآسه اللي بجنبهآ وقالت : عجوز بعينك
هديل تبوس أمهآ: كل من شاف امي يحسبهآ بنتي زولهآ وجمآلهآ يعيطهآ بالعشرين
هنادي ميته ضحك : هذا اللي يقول القرد بعين أمه غزآل هههه
الكل : ههههههههه
شوق : بس ياهنآدي تكفين وربي مافيني للضحك
شهد تمسك بطنهآ : الله حسيبك ضحكتينآ
هنآدي توقف : والله خرفوآ عجزنآ .. مشينآ للغرفه والا بيرحون ضحايا للضحك
ام هديل : روحي وفكينآ من تعليقاتك ماخليتي أحد بحاله

بطريقهم للغرفه

هديل : ههههههه لييش على أمي هآه تبين أفترسك الحين
هنآدي : اتحدآك .. أمشوآ بس جايبه لنا شيبسآت وشوكولآتآت شي تأكلون اصابيعكم ورآهــآ
خلود تبوسهآ : ياختي انتي رهيبه تعرفين كيف تخلينا ننبسط
هديل : يس يس أنآ اشهد على ذا الشي
هنآدي تقفل باب الغرفه وتشغل المسجل على الصوت العالي : أنطــربـووآ يافتيآت
سحر تفتح الشيبس : انا بأكل وبعدين أرقص مآ أتحمل اشوف الأكل قدآمي وما افترسه
خلود : صح اول شي نبلع بعدين تجينآ الطاقه بدون طاقه مانقدر نسوي شي
هنادي : تفكير أرهآبي بس أعجبني على الأرض لو سمحتوآ عشان تتم عملية ألفتراس بأنتقان
نزلوآ الشيبسات وباقي العلب على الأرض وبدوآ يأكلون
ببيت سيف
ساميه جات وجلست على الكنبه : بشري يمه ما اتصل ابو ريم
امها : لا والله ما اتصل يابنتي خلي البنت تفكر زين
ساميه خآيفه تسأل أمها لكنها تشجعت وقالت :يمه قلتوا لهم القصه ؟
امها لفت على جهتها : أي قال ابوكِ كل شي لأبو ريم وأكيد هي تعرف
ساميه شوي وتبكي : يمه انا مدري كيف طاوعت نفسي وساعدت كوثر والمصيبه كلها جت على راسي
امها : كل ابن ادم خطاء وخير الخطائون التوابون وانتي تبتي وان شاء الله ربي يتوب عليك
ساميه تبكي بحضن امها : امين يايمه امين
كآن توه طالع مع الدرج وسمع كلامهآ مع امهآ مشى بسرعه لغرفته بدون ما يمر عليهم
وبدآخله قهر على حيآته اللي تدمرت بسبب غلطة اخته وغوآية بنت عمهآ لهآ

بعد عدة سآعــآت
وصلت للمكآن اللي حدده لهآ من قبل ... قلبهآ تتسآرع نبضآته مع كل خطوه تخطيهآ وأنفآسهآ تزدآد حرقتهآ أكثر وأكثر
حست بالمسآفه طويله وأتعبتهآ كثير .. اخيرآ حست بوجوده ورآهآ
..: تأخرتي ربع ساعه .. كنت اضنك ماراح تجين
رغد قالت بنبره جافه جدآ: اخلص علي انا جايه اسمع ويش تبي تقول
عبدالله مشى قبلها ودخل للمطعم ودخلت ورآه ومسفاتهم متقاربه .. فتح لها الطاوله اللي استأجرهآ المحاطه بخشب حولهآ وباب كانها غرفه مصغره معزوله عن الكل
رغد بخوف : هنآ ؟
عبدالله : لاتخافين ماني نذل عشان أأذيك .. وماهقيتك تخافين مني
رغد : الدنيا مافيها امان حتى اقرب الناس لك ممكن تخون " دخلت وثبتت لثمتهآ سكر الباب الخشي الموجود وجلس قبالها
رغد تتأمل المكآن: اول مره أجي هنآ دايم اروح للقسم الثاني ماتوقعت فيه شي معزول كذا
عبدالله : هذا المكان حسب الطلب
رغد : باين من ديكوره .. المهم ويش تبي تقول
عبدالله نزل راسه : ويش تشربين اول
رغد تهز رجلها وتحاول تخفي توترها: مشكور مابي شي .. انا جايه " قاطعها "
عبدالله : جايه تسمعين ويش بقول ... اول شي يارغد انا يعذبني ظنك اني خدعتك او كذبت عليك
رغد طالعته بنظراتها السهميه :ماحكمت عليك من فراغ كل تصرفاتك هذا مبررها الوحيد
عبدالله : ماتركتي لي فرصه اقولك عذري
رغد :أنا اللي ماتركت لك فرصه والا انت اللي طعنتي ورحت انا مانسيت وعودك بس الظاهر انت نسيتها وضربت فيها الحيط
عبدالله : ليه مآ سألتيني
رغد رفعت حاجبها وقدمت على قدآم شوي وقالت : أسألك .. انت خليت فيهآ سؤال .. بعدين ليش جايبني هنآ عشان تقولي الخرابيط هذي
عبدالله : صايره عصبيه ماحد يقدر يتفاهم معك
رغد : انت اللي ماتعرف ايش تقول ..انا جايه اسمعك مو جايه العب اذا ماعندك شي لا تعطلني رجاء
عبدالله سكت شوي وبعدها قال: ماتبين تعرفي ليش ابتعدت عنك
لفت على الشبآك الزجاجي اللي جنبهآ : مآيهمني أعرف ولآ أبي أعرف
عبدالله : حتى لو قلت لك أن نظرتك لي رآح تتغير وبعدهآ مستحيل تشوفيني بحياتك ببتعد عنك للأبد اهم شي تعرفي الح
عبدالله : حتى لو قلت لك أن نظرتك لي رآح تتغير وبعدهآ مستحيل تشوفيني بحياتك ببتعد عنك للأبد اهم شي تعرفي الحقيقه اللي كانت غايبه عنك
طلت فيه شآفت بعيونه الصدق نفس نظرآته لهآ قبل سنين ...خدرتهآ نظرآته وكلامه اللي ينطق فيه كأنه مشعوذ ويقرأ عليها تعويذآت الأبديه في حبه ..كل ثانيه تنصدم بالكلام اللي يتفوه فيه لا شعوريا بدت تنزل دمعآتهآ بأنجرآف هآدئ بعد ساعه من كلامه المتواصل
عبدالله : هذا كل شي قلته لك
رغد تمسح دموعها: انت نآوي تعذبني أكثر .. كلامك هذا مثل السم يسري بعروقي
عبدالله : انا المهم عندي الحين تكونين عارفه كل شي عشان ماتظلميني وتظنين فيني شي ماكنت افكر فيه بتاتاً
رغد تسحب نفسها وتطلع وهو يطلع ورآهآ
عبدالله : رغد .. رغد .. استني شوي
رغد : ويش تبي ثاني ناوي تذبحني اكثر
عبدالله : الله يوفقك بحياتك ويرزقك بـاللي يستاهلك
رغد لفت عليه قبل تروح : وتظن في أحد يستآهلني غيرك
مشت بسرعه للسياره واتجهت لبيتهم

:::
:::
:::

بجده

خالد : هههههههههه ماتوقعتهآ تطلع من باسل
فهد: باسل ماعنده صبر نهآئيآ ..مدري شسوي فيه
خالد : انت خلصت اللي لك هنآ
فهد : ايه وبكره ان شاء الله مسافر للمدينه
خالد:مآطولت عندنآ خلك شوي المدآم عند أهلها ماهي طايره
فهد يضحك : والله مأجل اشغالي بالرياض ولآزم اجلس بالمدينه يومين ... وعدت ابو مهآ اجيهم
خالد : حـــركــآآآت
فهد : اقول شخبار بنتك ؟
خالد : طيبه مآعليها قمر مافي زيها
فهد يضحك : والله اني أشك بس اذا طلعت على أمهآ اكيد بتكون حلوه
خالد بتهديد : اشوفك تتغزل بزوجتي
فهد : ماقلت ألا الحق
خالد :طيب لاتجيب طاري زوجتي على لسآنك ترى أغــآر
فهد يشرب عصيره : خل ختآمهآ مسك ههههههههههه
خالد : اقول فهد ويش رايك تخطب لأخوك باسل ترآه صار رجال وكبير بعمره
فهد يفكر : خلني أدرس الفكره برآسي واشوف
خالد : ليه هو مشروع تدرسه ...خل اخوك يستقر بحيآته بدل ماهو مشتت
فهد: معك حق بس هو مآفتح لي الموضوع وقآل انه يبي يتزوج
خالد يغمز له : لآ تنتظره يجيك ان أزرع الفكره برآسك ..هو بس يأشر مليون بنت تتمنآه
فهد يبتسم :بنتظر الوقت المنآسب وأشآوره
خالد : أستعجل شوي ترى الأيآم تركض فينآ
فهد : حسستني أني شآيب ياخي
خالد : هو الصدق ههههههههههههههههههه
فهد يوقف : والله أنت مآورآك الا الدجه ...انا رآيح البيت أنــآم عشآن امشي الفجر للمدينه
خالد : توصل بآلسلآمــه
فهد يسلم عليه ويودعه : الله يسلمك نشوفك على خير
خالد : وانت بخير يارب .. مع السلآمـه
وأتجهه كلاهمــآ الى بيته
:::
::: دآم ربي مآگتب يجمع "مصـيـري "
مع مصـيـرگ ؟!
يقطع آلله [ سيرة آلحُب] . . وَ . . رجآه وَ يقطعگ
نآوي أرحل ,
وَ إنت مآقصرت بي . . مگثـور خيرگ~
وَ آدعْ بـ/ آلتوفـيـق { لي ’
مآدمت جآي أودعگ !
لو معگ قلب وَ تبيني . . مآرحلت لـ : حدّ غيرگ!
گيف معگ آقضي حيآتي..؟
............................وَ إنـت قلبـگ مـو معـگ!!

دخلت البيت ومشت على طول لغرفتهآ نزلت عبايتهآ وغسلت وجههآ انتظرت شوي لمآ خفت معآلم البكآء عن خفونهآ ورمت كل شي على سريرهآ .. همومهآ , افكارهآ , وضنونهآ
طلعت للغرفه اللي الكل جالس فيهآ وقبل ماتدخل مرت على المطبخ تشرب لهآ شي بآرد يبرد لهيب النآر المشتعله بجوفهآ ... دخلت وقالت بصوت يادوب ينسمع : السلآم عليكم
الكل : عليكم السلام
ام هديل : رغوده ايش فيه وجهك ؟
رغد ابتسمت ابتسآمه ميته وذآبله : تعبت من الحر
ام هديل : اي والله اليوم الحر زآيد
شهد : الله يعينآ على الصيف وربي رآح نشتوي فيه
شوق : يعني مآتعودتي هذآ جونــآ
مهآ تدخل بصينيه حلى : يالله بردوآ على أنفآسكم اليوم مووت
رغد سحبت لهآ على طول صحن حلى وأكلته بدون ماتحس بنفسهآ .. امآ شهد مآغاب عنهآ ضيقة رغد ..وملامحهآ الحزينه وبدت الشكوك تستحوذ عليهآ
شهد (رغد اللي فيها ماهو بس تعب من الحر فيهآ شي غيره وأنـآ لآزم أعرفه يارغد لآزم )

بالغرفه الثانيه
دق جوآلهآ وتركت البنات يرقصون وراحت بزآويه ترد شآفت رقمه واستغربت او بالأحرى أنصدمت
هنآدي ( ويش يبي متصل ..أكيد جن وأستخف ماهو صاحي يدق علي ماهو راضي يتركني بحالي ) اعطته مشغول وحطت الوضع سآيلنت ورجعت عند بنات عمتها
خلود : مين اللي أتصل ؟
هنادي : رقم غريب ومارديت
هديل تسحب هنآدي وترقصهآ معهآ والبقيه يصآرخون ويضحكون
سمر : ياعيني عليك ياهنوده
خلوده مسكت سمر وقالت: تعآلي يازوجة أخوي خلينآ نرقص
هديل تتخصر : من متى زوجة أخوك .. يآ مشاء الله وأنــآ اخر من يعلم
خلود تدفهآ : اقول بعدي بس خلينآ نرقص
هديل : مالت عليكم والله
سحر : ويش رايكم نروح عند عمآتي من زمآن عنهم
هنآدي : اي والله يالله نروح
سمر : انا بمر المطبخ يمكن مهآ وشوق محتآجين شي
خلود :ايه خلينا نساعدهم
أمــآ هنآدي خلتهم لمآ يروحون ورآحت للجوال شآفت 5 مكالمآت من نفس الرقم
انقهرت منه ومن تصرفاته الغبيه اللي مآتعجبهآ أبدآ
هنآدي (ويش اسوي معه شكله ماراح يتركني بحالي راح يطلع جنوني اممم طيب لو اغير رقمي افتك منه نهائيا ) اتصلت على عبير بسرعه
عبير : هلا والله
هنادي : هلا فيك .. وين مختفيه ؟
عبير : بالدنيا
هنادي : اقولك مآجد يتصل عليآ ويش أسوي ارد وألا اطنشه
عبير : مجنونه اذا رديتي عليه طنشيه ولاتعطينه وجه
هنآدي : متخلف مايفهم ويش أقوله .. أزعجني والله بأتصالاته
عبير : زي ماقلت لك طنشي الخصرآن يقطع المصرآن
هنآدي : شورك وهدآية الله...باي
عبير : بايوو حبي
لحقت البنات للمطبخ تسآعدهم بتحضير العشاء مابين ضحكهم وصرآخهم اللي ملئ اركآن وزوآيا البيت

بالغرفه
شهد بهمس : رغد ايش فيك من جيتي وأنتِ مو على بعضك
رغد : تعبانه .. والحين بروح أنــآم
شهد : طيب اتعشي
رغد : نفسي مسدوده... "وقفت وقالت"..تصبحون على خير
ام هديل : بدري يارغد أتعشي معآنآ
رغد قالت بصوت مُتعب : مقدر ياعمتي سامحوني مره تعبانه بروح انام عشان أرتاح
الكل : سلآمتك
قامت ام خلود وحطت يدها على جبينها : فيك شوي حرآره خذي مسكن ونآمي .. ماتشوفي شر حبيبتي
رغد : الشر مايجيك .. يالله تصبحون على خير
تركتهم وركضت بسرعه للغرفه قفلت الباب ورمت نفسها على السرير بكل قوتها ودموعهآ تتسآبق لوسآدتهآ وببآلهــآ تتردد كلمآته
" لمآ صار لي الحآدث كلهم ظنوآ اني مت لكن طلع في لخبطه بالأسم لأن نفس الوقت مآت وآحد أسمه عبدالله بحآدث بعدهآ دخلت العنآيه المركزه شهر فاقد الوعي مآأدري باللي حولي وصحت الحمدلله ورجعت لأهلي بعد مآتشافيت وقررت أني ابتعد عنك شوي وبعدهآ نمهد لك أني حي عشآن مآتنصدمين كنت نآوي أوفي بوعدي وأخطبك ونتزوج لكن صار اللي لخبط كل أموري .. رحت لمهمه في شغلي وأنتي أدرى بطبيعة شغلي ...كآن معي صديقي سطآم بهذي المهمه اللي كآنت خطيره مره قال لي قبل يصير لنآ الحآدث ونن�
" لمآ صار لي الحآدث كلهم ظنوآ اني مت لكن طلع في لخبطه بالأسم لأن نفس الوقت مآت وآحد أسمه عبدالله بحآدث بعدهآ دخلت العنآيه المركزه شهر فاقد الوعي مآأدري باللي حولي وصحت الحمدلله ورجعت لأهلي بعد مآتشافيت وقررت أني ابتعد عنك شوي وبعدهآ نمهد لك أني حي عشآن مآتنصدمين كنت نآوي أوفي بوعدي وأخطبك ونتزوج لكن صار اللي لخبط كل أموري .. رحت لمهمه في شغلي وأنتي أدرى بطبيعة شغلي ...كآن معي صديقي سطآم بهذي المهمه اللي كآنت خطيره مره قال لي قبل يصير لنآ الحآدث وننقلب أن زوجته وولده بذمتي وترك لي مسؤليتهم لو يصير له شي لآسمح الله ... مآت سطآم وترك أمآآنـه برقبتي لآزم أنفذهآ .. ولهذآ السبب مآطلعت في حياتك وقلت ليوسف مآيغلط ويقول أني حي عشآن تعيشين حيآتك بسعآده وتزوجت زوجة سطآم والولد اللي شفتيه ولد سطآم مآهو ولدي "

{رغــد}
آآآآآآآآه ياقلبي أنآ ظلمته ظلمته كثير مآكنت متخيله أن السبب هذآ .. بس ليه تركتني ياعبدالله كنت بعيش معك على الحلوه والمره .. عذبتني ألف مره بكلامك اللي قلته .. مآفي أحد بعيني مثلك .. أنت ضعت مني ضعت للأبد قولي كيف بعيش بدونك كيف بعيش بدون حبك الضآيع
يآليت أنى اللي مت ولآ ذقت اللي ذقته
دفنت نفسهآ اكثر وصوت بكآء يتردد بزوآيآ غرفـتهآ تعاني كثير وتتمنى أنهآ لم تعرفت طريق الحب ولآسآرت فيه ... محرومه من كل شي بدنيآهآ حتى بأمنيتهآ الوحيده اللي كآنت تسعى أن تتحقق لهآ حُرمت منهآ ...قدرهآ أن تقاسي وآقعهآ المؤلم ووتتجرع كأس المرار الحآذق
وسيلتهآ الوحيده للتعبير هي الدموع فقط لآغير .. لآتعرف وسيله للتعبير عن الحزن أكثر منه فهي سنه من الخالق ودليل على شدة الحزن أو الفرح الذي لاتعرف له طريق

:::
:::

جآء ابو مهآ وجلس مع خوآته وبقية البنآت
ابو مها : تسلم يدك يامها الأكل ماعليه كلام
مهآ : صحتين وعافيه على قلبك يآبوي
ام هديل : والله الجَمَعه هذي ماتتعوض بكنوز الدنيا
ابو مها : وين رغد مآ اشوفها ؟
شوق : تعبانه شوي وراحت تنام عشان ترتاح
ابو مها : وانتي يام سامر كيفك وكيف العيال
ام سامر : بخير انت شخبارك من زمان عن اخبارك لاتمر ولانشوفك
ابو مها : مشاغل الدنيا الله يكفينا شرها
هنآدي : أحنآ لازم نرجع نجتمع زي اول كل اسبوع
ام خلود : والله انك صادقه المفروض كل اسبوع نجتمع بالمزرعه
سحر : والله ونآسه نستانس ونغير جو البيت
ابو مها : ماعندي مانع ..انا طول وقتي بالمزرعه
شوق تتخصر: وانا اللي اتحسر ماني عندكم .. قهــر
ريم توقف : الحمدلله .. يبه اذا خلصت ابيك
ابو مهآ : أنا رايح لغرفتي تعالي هنآك
ريم : أغسل وأجيك بالغرفه
ابو مها : عن اذنكم خذوآ راحتكم البيت بيتكم
لحقت أبوها لغرفته وجلست قبآله والتردد بآين عليهآ ... تغتصب الكلام والحروف
ابوهآ : خير يابنتي
ريم : يبه أنــآ " وسكتت "
ابوهآ : انت أيش يابنتي .. تكلمي لآتستحين
ريم ركزت نظرآتهآ اللامعه على ابوهآ وقالت بحياء ممزوج بخوف : أنـآ موآفقه أرجع لسيف بــس عندي شرط
أبوهآ : أمريني ويش هو الشرط
ريم : يبعد أخته المجرمه عني ... لآتجيني ولآتقرب مني هذآ شرطي
أبوهآ: أبشري يابنتي بقوله على كلامك والله يوفقكم ويكتب لكم السعآده بحيآتكم
ريم تبوس يد أبوهآ وجبينه : الله يخليك لي ولآيحرمني منك ياتاج رآسي

نرجع عند البنات
بعد ماخلصوآ العشاء .. رجعت لهم ريم وكآنوآ مرتبين كل شي بوقت وجدهآ عند أبوها
مهآ : ويش السر اللي بينك انتي وابوي ؟
ريم ابتسمت : رحت اقوله عن قرآري
ام هديل : عسآكِ وآفقتي ترجعين لزوجك
ريم :ايه .. بكره ابوي بيكلمه
شوق تضمهآ : مبروك .. الله يوفقكم مع بعض
ام خلود : هذي ريم اللي نعرفهآ عاقله بتفكيرهآ
هنآدي: عقبال شهد عشان تفكنآ وبالمره شوق ترجع مع زوجها ومها النشبه يجي زوجها بالسلامه وتطس عنآ ويصير البيت هدووووء
شوق : مالت عليك المفروض تتمسكين فيني لأخر رمق
مها : والله طلعتي على حقيقتك كرهتينآ يالنذله
هنادي تضحك : والله البيت صاير ازعاج يكفي بنتك الرجه مسويه لنا قلق بصرآخها وبكاها
مها : حلالهآ تبكي تصرخ ان شاء الله تكسر البيت مالك فيهآ
هنآدي تصفق يديهآ ببعض : آآه بس نفسي أدربيك أنتي وبنتك مع الدرج
سمر : اي مساعده تحتاجيها هنادي انا جاهزه ترى
شوق تضحك : والله يامهاوي كارهينك مره
مها تغمز لهنادي: انا عارفه ليه كارهيني عشان ما اخليهم ينامون زي مايبون وحاشرتهم
هنادي : اصلا الأجازه بتخلص ونرجع للدراسه والهم هههههههههه
مها بتكآسل: اوف انا دوامي بعد اسبوع
ام هديل: ماجاء نقلك للمدينه
مها : لا والله لسى ماجاء شي
سحر تهمس : والله لو تنقل المدينه غير تنتفنآ زين
ريم : هههههههه الحمدلله مالها سلطه عليا
مها تصرخ : لاتحشون فيني .. هيه انتي وهي ويش مسويه انا عشان تشنوآ حرب ضدي
سمر : والله يامهاوي احنا خايفين على حياتك الزوجيه لايصير فيها تشتت اسري خصوصا ان بنتك صغيره ودايم بعيده عن ابوها لازم تكونوا ببيت واحد عشان تصيروآ اسرة متماسكه ومثاليه
الكل : هههههههههههههههههه
خلود : ابو الكلام اللي ينـبُع عن ثقافه قائلته
مها : فكوني من شكرم ودعآويكم وانا بالف خير
سمر تهمس لهنادي : اقول ماحد رايح فيها الا انا وانتي
هنادي : اي والله حنا اللي صرنا بالحضيض
دق جوآل شوق وكآن المتصل فهد .. أستئذت منهم وآحت لغرفتهآ
شوق : هــلآ
فهد : صبآح الخير
شوق تطل في الساعه اللي صارت نص الليل بدون ماتحس : صباح النور
فهد : كيفك ؟
شوق : الحمدلله
فهد : جهزي نفسك بمرك
شوق طلعت عيونهآ قدآم : وين تمرني ؟
ف
فهد : ببيت أهلك حجزت فندق وبأخذك معي
شوق : أنت بالمدينه ؟
فهد : لسى مآوصلت باقي لي 50 كيلو
شوق:طيب تعال نآم بمجلسنا
فهد : لا .. البيت كله بنآت رآح اقيد حركتهم بعدين انا حجزت وخلصت يالله جهزي نفسك
شوق بتأفف : طيب .. مع السلآمه
فتحت شنطتها وحطت فيهآ كل أغرآضهآ وملابسهآ اللي تحتاجها
رجعت للغرفه وهي معصبه شوي
شهد : ياساتر ليش معصبه
شوق : شكل هنادي دآعيه علينا من قلب
هنآدي شهقت : أفــآآآ شفتوآ ياعماتي وبنات عماتي الظلم عيني عينك
ريم : ويش صاير ؟
شوق : فهد جاء المدينه واتصل يقول بيأخذني
الكل : هههههههههآآآآآآآآي
سمر : أجل انتظروا بندر يتصل يقول يالله يامهاوي بمر أخذك
سحر وسمر وهنادي بصوت وآحد : أميـــــن
مها : (قل اعوذ برب الفلق من شر ماخلق ) عينكم قويه ياليته يجي ويش ابي فيك اجلس عندكم من حلآيآ وجيهكم اقابلها
سحر : منآك بس انتي توآسين نفسك بنفسك
مهآ : اقول شوق روحي تجهزي وانا بجي اساعدك
خلود : هههه شوفوآ هربت منآ

بعد ساعه وصل فهد وأخذ شوق معه للفندق اللي حجزه
بآلسياره
فهد : أنبسطي مع أهلك
شوق : الحمدلله بس بكره ترجعني عندهم أوكِ
فهد ابتسم : أوكِ ... يالله وصلنآ
وقف سيآرته عند بوآبة الفندق وأتجه للجنآح اللي حجزه لهم ... وخلفهم عربيه فيهآ شنطهم
بعد مآدخلوآ نزلت عبآتهآ ورآحت للمرآيآ تشيك أخر مره على شكلهآ وتتعطر

أمــآ هو جلس على الكنبه بتعب يشرب مويه ويأخذ أدويته ..شافهآ مو مهتمه له أبدآ .. جات جلست على الكنبه وأخذت الريموت تقلب في القنوآت
فهد : ويش فيك متضايقه ؟
شوق بدون مآتلف عليه : ابد مو متضايقه يتهيأ لك
فهد بطالعهآ بتفحص : لآ مآيتهيأ لي .. قولي ويش فيك
شوق بصوت يميل للحده شوي : قلت مآفيني شي
فهد أستغرب من نبرتها قال بصوت حآد : شوق لآتحاولين تلفين وتدورين اذا فيك شي قولي
شوق لفت عليه : وانا قلت مآفيني شي
قامت ورآحت للسرير وأتغطت بالشرشف

{ شوق}

مو حآس فيني تآركني مآيسأل عني فترة مآكآن بجده ... والحين ينفخ عليآ ويش سويت أنآ بدنيتي عشآن يصير فيني كذآ ... فهد مآ أحسه قريب مني أوقآت أحسه بعيد كل البعد عني ومشغول بنفسه وخصوصياته ..نزلت دموعهآ على خدهآ بأنسياب متلاحق
زآد استغرآبه من حركآتهآ بدل ملابسه وانسدح جنبهآ بهدوء وبدون اي حركه منه

{فــهــد }
أكيد في شي مضآيقهآ وماتبي تقول او تتكلم .. بس كانت تتكلم معي عادي مو باين ان فيهآ شي
أسئلهآ وألا اخليهآ الصبآح ؟!.. لالا الحين ممكن تكون ماتبي تتكلم احسن اكلمها الصباح تكون رآيقه أكثر واقد اخذ واعطي معهآ

{ شوق}
ماكلمني يعني أنـآ ماهميته ... مدري اي قلب جوآته كذآ يجي من السفر حتى كلمه حلوه مآسمعتها منه .. ماقال لي مشتاقلك ولاجبر خاطري حتى بسلآم يشفيني ..وين أحسآسك يافهد ليش تقسى علي كذآ .. اي ذنب ارتكبته حتى تكون هذي عوآقبه ..انت صاحب قلب ميت يافهد قلب ميت مستحيل يحس بالحياه ابدآ
قامت من جنبه ورجعت للصاله بعد ماغسلت وجهها .. اخذت لها كوب مويه بارد يمكن يطفي النار اللي مشتعله بجوفها .. جلست بالزآويه وهي ضامه رجولها ودفنت راسها بين ذرآعيها

بس القهر ../رجـآل قلبهمن خش’ـب
مايدري وش معنى الهوىـآ ..؟
لوتسـأله وش آخر علوم الهوىـآ
قـآلالهوى شرقي وحـآر ..
يمكن يجي بـآكر شمـآلي ونبردشوي ..
يـآبرد قلبك يـآخشـ’ـب

بعد ساعه قرر انه يلحقهآ للصآلـه لانها طولت مارجعت .. فتح باب الغرفه اللي كان شبه مسكر وشآفهآ بحالتهآ سآكنه وهآديه أعتقد انها نآيمه قرب منها أكثر وصدرت منه شهقه بسيطه تكآد أن تـُسمــع .. عرف أنهآ تبكي وهو يجهل سبب بكآهآ .. مايدري كيف يغصبها تتكلم وتقول اللي فيهآ .. مو من طباعه انه يترجى احد او يوآسيه ولايتقن ابدآ فن الموآســآه ... ترقبهآ دقآيق يمكن ترفع راسها وتشوفه لكنه مارفعته ابد .. جلس على الكنبه اللي هي جآلسه عليها حست فيه لكنها ماتبيه يشوف وجههآ وهو متورم من البكي
قالت بصوت مبحوح جدآ وبدون مآتشوف : أرجع للغرفه مابي أشوفك
فهد عقد حوآجبه وأحتدت ملامحه حآول انه يمسك نفسه ومايعصب وقال في نفسه لآزم يجآريهآ : ويش سويت لك عشآن أرجع للغرفه ؟
شوق : انت أدري ..لو سمحت أرجع الغرفه ابي اكون لوحدي
فهد : شوق استهدي بالله وأرفعي رآسك ...وبعدهآ قولي اللي فخآطرك ومالك ألا اللي يرضيك
شوق رفعت راسهآ وهي مشعلله منه ومن كلامه البارد : خاطري !!انت يهمك خآطري اصلا
فهد رفع حاجبه مستغرب : ليش تقولين هالكلام ؟
شوق : أسئل نفسك ... قولي انا ايش سويت لك عشان تعاملني كأني عدوتك
فهد بحده: عدوتي ؟
شوق : مستكثر حتى تتصل علي او تسأل عني لو انا ما اتصل ماتفكر فيني ابد ولا امر حتى على بالك
فهد : شكلك تتحلمين
شوق تبكي بحده وتشهق : انت تعاملني كأنك مجبور تعيش معي تعاملاتك معي مزآجيه
فهد: ويش مناسبة الكلام هذا الحين ؟
شوق : والله مدري ويش مناسبته اسئل نفسك تلقى الجواب ...وقفت وكآنت بتمشي لكن يد فهد كآنت أسرع لها ومسكها مع ذراعهآ بقوه ولفهآ عليه وبنظرات جديه
فهد : مآ اعرف الجوآب ياليت تقولينه لي
شوق بدت تضعف طال سكوتهآ وبعدهآ قالت بنبره متقطعه: حتى أشتقتلك ماقلتها لي ويش أرجي منك بعد
تركته ورجعت للغرفه مسحت دموعهآ وجلست على طرف السرير وهي متأكده انه رآح يحلقها
ثواني معدوده ودخل بعدهآ على طول مشى بأتجآهه وجلس جنبها ... أخذ يدهآ ومسكها
فهد : بس هذا السبب اللي مزعلك
شوق : انت تتجاهلني كثير ..ماتدري انك تجرحني
فهد : والله العظيم مآ اقصد اني اجرحك بس انتي تفهميني غلط
شوق : انت اللي تخليني افهمك غلط ...ليش ماتحسسني اني زوجتك مافي احد بحياتك غيري ولا احس اني مهمه عندك
فهد : أنتي تتوهمين بس انا ما اعرف أعبر عن حبي ... الله وحده يعلم اللي بقلبي
شوق : انا ماجي افتح قلبك واعرف اللي فيه
فهد : بس اللي بالقلب بالقلب
شوق : أنت قلتهآ يظل في القلب وأنــآ مابيه يظل بقلبك ابيك تقوله لي مآاستحق تقولي كلمه حلوه .. كم يوم مآشفتك وبالاخير تكون جآف بالطريقه هذي ؟
فهد بآس كفهآ وقال بحنيه : شوقتي حبيبتي ... انا جاي تعبان ترضين يزيد تعبي
شوق : طبعا مايرضيني
فهد : وانا مايرضيني زعلك " لف ذراعه عليها وقربها من حضنه بعد ماباسهآ على جبينها " والله اني احبك وجاي من جده مشتاقلك بس ماعرفت اعبر لك
شوق ترفع راسها له : أحلف
فهد : والله " ابتسم لها " اهم شي تكونين رآضيه علي
شوق : انا بسرعه ازعل وبصعوبه أرضى
فهد ضحك : يعني مارضيتي علي لسى
شوق تقرصه : اكيد لا مارضيت ..عطني شي يخليني ارضى
فهد يغمز لها : ابوسك
شوق طالعته بنظرات شريره : لالا هذا مايرضيني بالمره
فهد: اطلبي اللي تبين وأنا موآفق
شوق تفكر : مافي شي معين
فهد اجل خليهآ علي
بعد يومين
رجعت ريم لسيف وقضت أحلى يوم بحيآتهآ معه نست كل شي واعطته فرصه جديده حتى يثبت لها صدقه واخلاصه لها والأهم منها حبه ووفائه لها ..وتعويضه عن كل الالم اللي عانته ببدآية زوآجهم ...رجعت لها الحياه وبدت تجع ريم الاولى صاحبة القلب العاشق والمشاعر الرقيقه
سحر تضمها : اشتقتلك مـــووت ياريومتي
ريم تضمها بشوق ووله : والله انا اكثر ...يوم مر علي كأنه سنه بعيد عنكم
شوق تسلم عليها وتضمها من قلب:نفسي أجلس معك بس فهد يستنآني أسمعي لآتروحي أي مكآن انا رآيحه مشوآر بسيط ورآجعه
ريم تضحك : لا تطمني مطوله سيف معزوم لزوآج وآحد من اصحآبه وماراح يجي بدري
شوق تبتسم : الحمدلله " غطت وجههآ ولبست قفآزآتهآ ونزلت مع الدرج
سحر : مو كأننآ وآقفين على الباب
ريم فطست ضحك : هههههههههههه اي والله يالله ندخل .. "جريت لغرفه شهد ورغد عشان تسلم عليهآ "
شهد : هلا ريومه .. مشاء الله ويش الكشخه هذي
ريم تأخذ لفه : ويش رآيكم بلبسي
رغد : مره نآآعــم ويجنن
كآنت لابسه بنطلون جينز برمودآ وبدي بيج حبل وعليك جآكيت تول بني وقآصه شعرهآ مدرجآت على طوله وصآبغه خصلآت ثلجي وحآطه ميك آب نآعم مره وطالعه كيوت
شهد : لالا أبصم بالعشره أنه مو ذوقهآ
ريم جلست جب شهد وباستهآ : فديتك خمنتي على طول
سحر جلست على التسريحه بحماس : تلكمي من جابه لك
ريم بغرور : سوسي
رغد : ســــــــــيــــــــف ؟
ريم تهز رآسهآ بالأيجآب : يس افكورس سوسي حبيب ألبي فديت ذوقه يجنن
شهد تحط يدهآ على كتف ريم : اللبس من لبآسه وانتي اللي محليته
ريم حمرت خدودهآ : وي أمــوت على هالكلام
رغد : اقول ترى تجاملك
شهد تطالع رغد بعيون شر : ويش أجآملهآ ريومه مو محتآجه شهآده منآ
رغد : يمه منك ماقلت شي
سحر : ههههههه بس بس بتتهآوشون
رغد تحط رجل على رجل وتعض شفايفهآ : يآزين من يرفسهآ مع كرشتهآ ذي تقول حآمل بعشر
شهد شوي وتبكي : صدق لي كرش
ريم : تمزح عليك تبي تنرفزك
سحر : تبين الصدق ياشهد بطنك تفجع كأنك حامل بتؤائم احسك تكذبين علينآ مو طفل وآحد اكيد اثنين أو ثلآثه
شهد : هذآ سر مابي أقول هو واحد هو اثنين او صفر
دخلت هنآدي بحمآس تصارخ بصوت كسر البيت : مين اللي 2-0
ريم تسد أذنهآ : متى تعقل هنآدي مــــــــــتـــــى ؟
هنآدي ترمي نفسهآ على سرير رغد : لآحجت البقره على قرونهآ
كلهم ضحكوآ على كلمتهآ ..وكملت كلامهآ : ماقلتوآ مين 2-0
رغد تدفهآ عنهآ : محد احنآ نتكلم على كرش شهد
هنآدي حطت رآسهآ على حضن رغد وقالت : العبي بشعري وخليني اتفحص شهد هآنم
شهد بتحطم : حطمتوني مررهـ أنــآ أشوفهآ صغيره
هنآدي : معقوله مو كبيره بس هذول عندهم طول نظر يعني يشوفون البعيد قريب وكبير
ظربتهآ رغد على رآسهآ وشدت شعرهآ:لآتفتين من رآسك عن شي مآتعرفينه
هنادي : هيه لاتشدين شعري كله شعرتين ويادو�
هنادي : هيه لاتشدين شعري كله شعرتين ويادوب محآفظه عليها
ريم : سحر خلينآ نروح الغرفه ابيك تساعديني بشي
هنادي : خذوني معآكم
ريم وقفت وسحر : طيب يالله ...ورآآحو كلهم لغرفتهم
شهد لقتها فرصه عشان تستفرد برغد : رغد بسالك بس تجاوبين بصراحه
رغد : طيب اسئلي
شهد : لما كانوا عماتي عندنا
رغد تغيير وجهها وقطعت كلام شهد : مافي شي ولاتسالين ايش صار
شهد : لا بسال وراح تتكلمين غصب عنك
رغد : وفري التعب على نفسك انا ماراح اتكلم ابدا
شهد : ماتوقعتك تخبين عني ...أيش معنى ذآ الشي اللي ماتبي تقوليه
رغد بتهرب:أنــآ نسيت كل شي بس انتي تبغين تذكريني بأي طريقه
شهد وقفت وقالت بحده : مشكوره ...أنآ ماسألتك الا لأني خآيفه عليك بس ألظآهر كل يوم تتغيرين للأسوء
طلعت وتركتهآ لوحدها بالغرفه وقفت بالصاله مثل التائهه تفكر برغد اللي تغيرت جذريآ وماتدري هل بترجع لها وتفصح لها عن المستور أو لا

::
::

بالغرفه الثآنيه
ريم : بنآت بقولكم خبر أمس عرفته وصدمني
هنآدي وسحر لفوآ عليهآ بأهتمــآم : أيش الخبر ؟
ريم تلعب بالسلسآل اللي على رقبتهآ : يوسف زوج شهد ...يبي يتزوج
هنآدي وسحر بصوت حــآد :أيـــــش
ريم تحاول تسكتهم : أأوووش مابي شهد تدري وربي غير تنهآر وأنتم عارفين انها مو ناقصه
هنآدي : صدق انه نذل كيف يتزوج عليهآ
ريم تعدل جلستهآ لأنهم قربوآ منهآ : تصوروآ خطب ميــن ؟
بصوت وآحد : مــيــن ؟!
ريم والحقد بعيونهآ : سآميه أخت سيف بس عمي رفض قال انت متزوج وأنا ما أزوج بنتي رجال متزوج وما اظن عنده سبب يشفع له انه يتزوج
سحر والدموع بعينهآ : ياحسرتي على أختي والله لو تدري غير تروح فيهآ
ريم بترجي : الله يخليكم لا تقولون عندهآ شي ...يمكن يترآجع عن قرآره ويرجعون لبعض حرآم نفتح لهم بآب مشآكل انتم عارفين شهد مستحيل تسكت عن هالشي
هنادي: تحزن شهد ..أوف أيش ذآ كل يوم مشآكل مشاكل نبي نفرح نبي نستانس مانخلص من مشكله الآ ندخل بالثآنيه والله أحسهآ عين وصابتنآ
سحر : لآتتسخطين هنوده هذآ قدر من رب العالمين لازم نرضى فيه ومكتوب من قبل ننخلق على الدنيا
هنآدي دمعت عينهآ : أنآ ماحب اشوف احد من خوآتي ماهي سعيده بحياتهآ وأسكت
ريم : مابيدنآ حيله ...مانقدر نسوي أي شي
سحر تمسح دمعه هنآدي اللي نزلت على خدهآ : زي ماقلت ريوم مابيدنا حيله بس لو نقول لعمي هو يتصرف ويكلم زوجهآ
ريم :يعني اقول لأبوي
سحر تفكر : هذا الحل المناسب بذآ الوقت حبيبتي ماعندنا حل ثاني

:::
بــآلــعــيــآده

د: مــآعندنآ حل غير أننآ نوقف النزيف مانقدر نسوي شي ثآني لأن العمليه مامضى عليها شهرين
فهد : مافي أي حل ثاني يادكتوره
د: مافي انا رآح اعطي مدآم شوق أدويه لآزم تستمر عليهآ وتبعد عن الاشياء اللي توي قلتهآ وان شاء الله رآح تكون بخير
شوق : والألــم اللي يجيني
د : هذا طبيعي من تأثيير العمليه لآتنسي أنك خضعتي لعمليه صعبه ولها تأثيرآت جآنبيه منهآ النزيف اللي حصل ..وألألــم لابد انك تتحمليه
فهد : دكتوره دبري لنآ اي حل
د : أسفه هذآ اللي اقدر عليه ..لو رحتوآ اي دكتور بيقولكم نفس كلامي
شوق تطالع فهد بيعون دآمعه وهي تحس بنغزآت موجعه جدآ :خلاص يافهد انا سويت العمليه لازم اكمل العلاج
فهد يتنهد : الله كريم

ببيت أبو مهآ
دخل أبو مهآ ينآدي على بناته
مهآ : هــلا يبه
ابو مهآ : وين البنات ؟
ريم وسحر وهنآدي ورغد : هــــــــنــــآ
ضحك ودخل الغرفه اللي فيها التلفزيون : مشاء الله مجتمعين عساه على خير
رغد : ان شاء الله يكون على خير
هنادي : يبه احسك بتقول لنا خبر
ابوها : مشاء الله عليك تفهميني على طول
هنادي : احم احم ولو انا تربيتك
ابو مها : جهزوا نفسكم بكره رايحين للمزرعه مسوي عشاء لجية فهد وشوق
مها : بس احنا
ابو مها : لا بكلم أزوآج عماتكم وسيف وأهله وبعد يوسف واهله
سحر : وآآآآو يعني عزيمه كبيره
ابو مها : وبعزم كم وآحد من خوياي
هنادي : ونــآآآســه
ابو مهآ : وين شهد مآ اشوفهآ
رغد : رآحت بيتهى تجيب لها أغراض
ابو مها : زين انا بروح غرفتي ارتاح وانتي ياريم اتصلي على زوجك وقولي له عن عزيمة بكره وانا بكلم أبوه والبقيه
ريم : أن شاء الله يبه

:::
:::
:::

لاتثور ..!
أنتبه باقي شعور
وباقي بصوتي كدر
وباقي بليلالصباح
اوجاع واشلاء وكسور ..!
آآآه ياكثرالغياب
وما أقلك يالحضور ..
آآآه لو تدري وتدري
كمعروق تموت لجلك .. ؟
وكم عروق تعيش حلم
وتسقي الميت شعور
كآنت تجمع أغرآضهآ من الدولاب وشهقآتهآ ماليه المكآن ...طلعت تيشرت له وصارت تتأمله وتبكي رمته على السرير وبعشوآئيه ترمي اغراضهآ في الشنطه
شهد ( مــآبي أبقى هــنـآ بأخذ كل شي يخصني وافضي له البيت ...أذآ هو مآيبيني ليه أنـآ أبيه ..ليه قلبي يبيه ومآيكرهه )
خلصت تجميع أغرآضهآ .. حست بتعب وحركآت جنينهآ تزدآد وتألمهآ جلست على السرير ودموعهآ ماجفت ابدآ .. شافت التيشرت اللي رمت .. أنسدحت بتعب وهي تبكي بحده تحس بغصه وحرقه بصدرها ماحد يقدر يدآويها بتاتا ... ماتدري كم مر عليها من الوقت وهي تبكي لكنها متيقنه انها فتره ليست بالبسيطه ... قامت من مكانها وهي تمسح وجهها بعشوآئيه مماثله للأطفال .. نزلت لمستوى الشنطه وقفلتها ... شالتها ولفت تبي تمشي لبيت اهلها لكنهآ انصدمت لما شافته واقف عند باب الغرفه

{ يوسف }

كنت جآي من العمل .. شفت سياره السوآق قلت أتأكد اذا هو جلالي او لا ..قربت اكثر وطلع جلالي سلمت عليه وسألته ليه جآي ..قال لي ان شهد جوآ تبي تأخذ أغراض وترجع قلت له يرجع للبيت وأنــآ أوصل شهد بنفسي استجاب لي ومشى بدون اي نقاش .. شفت باب الشقه مفتوح دخلت وسكرته ورآي .. من أول مادخلت سمعت صوتها تبكي وتشهق خفت يكون فيهآ شي مشيت بسرعه للغرفه وظليت أراقبهآ وهي تجمع ملابسهآ بالشنطه
سألت نفسي كم شهر مآشفتهآ ...شكلها متغير 180 درجه ماهي شهد اللي أعرفهآ جسمهآ متغير شعرهآ وجههآ كل شي فيهآ تغير

مشت بدون ماتعطيه أي أهتمـآم واتجهت لخارج الغرفه .. عدلت طرحتهآ وكانت ماشيه بأتجآه الباب
يوسف : جلالي رآح .. ماردت عليه وكانت تبي تطلع
يوسف : قلت لك رآح يعني بس راح تطلعين على الفاضي
طلعت جوالها تبي تدق عليها لكنها تفاجئت بانها نسته بالبيت ..كانت متمالكه نفسها لكن هذا الشي فجر الاعصاب فيها رمت الشنطه بقوه على الارض ونفسها تضرب اي شي بطريقها عشان تطلع حرتها فيه
يوسف : انا اللي بوصلك
شهد بدون ماتطل عليه : شكرا مابي منك شي
يوسف : تراني زوجك خلي ذا الشي في بالك وراح اكون ابو ولدك قريب
شهد : زوجي ؟!.. تصدق نسيت انك زوجي
يوسف استغرب لهجتها اتجهت لكنبه جانبيه وجلست عليها لانها تحس بثقل وتعب لاتستطيع تحمله
يوسف : بس انا مانسيت
شهد : باين انك مانسيت
يوسف تكى على الطاوله : تبين أوصلك للبيت
شهد بحده : قلت مابي شي منك
مشى للباب وقفله بالمفتاح ... وبعدهآ جاء رمى نفسه على الكنبه الطويله وقال : أنتي جيتي برجولك هنآ ومالك خرجه من هالبيت
شهد أنصدمت من كلامه : مو على كيفك .. بطلع غصب عنك
يوسف طالع فيها بنظرآت خبيثه وابتسم : نشوف اذا تقدرين غصب عني
شهد اول مره تحس بالخوف منه : يوسف انا ماني جايه اخذ وأعطي معك .. انا باخذ اغراضي وامشي
يوسف : وانا قلت لك مالك طلعه من هنآ " طلع جواله وحطه على الطاوله " عندك حل وحيد انك ت�
يوسف : وانا قلت لك مالك طلعه من هنآ " طلع جواله وحطه على الطاوله " عندك حل وحيد انك تتصلين على ابوك وتقولين له انك رجعتي لبيتك وزوجك
شهد طلعت عيونهآ من مكآنهآ ماهي مستوعبه الكلام اللي يقوله : ايش قلت ؟
يوسف : اللي سمعتيه ...أنا زوجك وآجب عليك تنفذين أوآمري
شهد تحط رجل على رجل وتخزه بعيونهآ : زوجي يروح يدور غيري
يوسف ابتسم : مآ سألتي نفسك ليه أدور غيرك ؟
شهد وقفت : هآت المفتاح بروح بيت اهلي
يوسف بكل برود يضحك