شبكة همس الشوق - عرض مشاركة واحدة

11 - 7 - 2014, 09:59 PM

الجزء ال 19 ..دخل البيت وشافها قاعدة بالغرفة .. متكورة على نفسها . وهي نايمه على السرير .. بس كان متاكد انها مب نايمه .. وشكلها ما ودها تتناقش معاه بأي موضوع . بس هو يبي يتكلم يبي يبرر موقفة .. جاسم: دانه انا .. قاطعته .. دانه : لا تكمل .. أنا وانت وافقنا نلعب هاللعبة من البدايه .. جاسم: لعبة !! دانه " بعصبية ": اي نعم لعبة .. ولا شنهي حياتنا بالنسبة لك .. مو لعبة !! مرة اكتشف انك تحبني .. ومرة تكون مب طايقني .. ومرة اسمعك تقول لاخوك انك متزوجني بالغصب .. أنا تعبت من الاعيبك يا جاسم .. ابي اعرف دوري بالتمثيليه !جاسم : انتي الي مب فاهمه وش السالفه يا دانه !! دانه " جلست على الكرسي": ممكن تفهمني استاذ جاسم ..جاسم : ............................... كان مجهز كلام كثير عشان يقوله .. بس ما عرف وش يقوول وشلون يبدا .. يتكلم عنها .. ولا يتكلم عن حياتهم .. ولا يتكلم عن حياته قبل دانه ..دانه: شفت ان ما عندك كلام تقوله ..جاسم: دانه أنا .. دانه : خلاص جاسم .. انسى الي صار اليوم .. (( طاحت دمعه من عينها .. كانت تحاول تحبسها من أول ما دخل الغرفه .. )) قرب منها .. وقعد على الارض .. .. جاسم: أنا اسف .. أدري ان المفروض ما اقول كلام مثل هاي . دانه: قلت لك انسى .. تعشيت !! جاسم: لاء .. دانه: وش رايك احط لك عشى .. جاسم" غريبة انتي يا دانه .. مفقوله تسمعين كلام مثل هذة ولا تتاثرين .. لا اكيد الموضوع غير .. أنا متاكد .. بس شالسالفه .. جاسم: وش رايك نتعشى برا دانه: لا أنا ما اشتهى .. جاسم: خلاص عيل أنا ما ابي دانه : اوك .. (( وراحت تطالع التلفزيون .. )) كانت تطالع التلفزيون .. عندها بحث المفروض تسلمه .. بس ما تبي .. مالها مزاج .. مافي غير التلفزيون تقعد تطالعه .. خالد: وانتي كله مع هالتلفزيونالجوهرة: خلوووووووووودي .. انت وينك !! خالد " وهو يبتسم ": موجوود الجوهرة: لا لا انا اليوم ما شفتك !! خالد: اي كنت بالشركه وبعيد ويا الربع .. توني راد البيت !! الجوهرة: والله اشتقت لك خلود .. حياك حياك اقلط .. ضحك خالد على شكلها .. وقعد .. خالد: الا تعالي .. وين اهل البيت .. الجوهرة: شوووف يا طويل العمر .. أمي في بيت جدتي .. من العصر وهيا هناك .. وبعدين كأن راحت بيت عمي ابراهيم .. ابوي طالع بس ما أدري وين .. جاسم توه راجع في غرفته سمعت اشاعه انه متهاوش ويا دانو وراح يراضيها بس مب متاكدة من صحة المعلومه .. دانه كانت في بيت جدتي .. وتوها راجعه البيت من ساعه ونص تقريبا وراحت غرفتها بس ما عطتني ويه .. فيكون يكون الكلام الي سمعته صج .خالد: بل بل .. محد طلب منك تقرير عن أحوال البيت . الجوهرة: يا خوي متملله وش اسوي .. اليوم رجعت من الجامعه ورحت المكتبة بس خالد: اسمها طلعه !! الجوهرة: لاء لاء .. مب مثلك .. شوف توك راجع ؟ضحك خالد عليها : وتقارنين نفسك فيني .. الجوهرة: ليش مو اخوي خالد: قلتيها اخوي مب اختي !! المهم أنا رايح فوق .. غرفتي .. لا تزعجيني الجوهرة: ومن يبي يزعجك !! الا خلووود خالد: هلا الجوهرة: مفكرة اطلب بيتزا تبي .. خالد: اي ليش لاء .. خلاص اطلبي .. وطرشي السايقالجوهرة: اووك .. !