شبكة همس الشوق - عرض مشاركة واحدة

11 - 7 - 2014, 10:00 PM

بعد اسبوع .. يوم الجمعه .. بيـــت موزة ..كانت متحمسه .. وقاعدة تتمكج .. خلاص ما بقى شيء على جيه البنات .. اسمعت صوت باب يفتح في الغرفة الي جنبها .. منو هاي .. تذكرت انها توها طاردة خوانها من البيت عشان جيه البنات .. منو هاي يا ترى .. راحت لغرفة طارق .. وكان الحين راح يطلع .. موزة : طرووووووق انتي بالبيت طارق: اصغر عيالج طروووق موزة: سوري ما اقصد .. بس !! طارق: بس شنووو .. موزة: صديقاتي الحين بيجووون .. وبنات خالتي بعد ،، طارق: الحين أنا ماشي بس جيت اخذ أوراق .. ! توها تبي تمشي الا رن جوالها ,, كانت ريم .. موزة : قولي انج وصلتي .. بليييز ريم: ههههههه لا حرام عليج توني الحين باطلع من البيت موزة: راح تجين مع أموول .. ريم: لاء ..أموول في بيت هيا وراح يجون مع بعض .. انا باجي مع الجوهرة موزة:والعنوود ريم: عندها امتحان .. المهم بيتكم اي لفة الاولى ولا الثانية موزة: الثانية على اليمين ..ريم: أوك .. بايوو !! راحت تشرف على التجهيزات وهي مشتطة ما صدقت إن ريم أخيرا راح تزورهم .. صحيح انهم اهل .. وهي شافتها كذا مرة من قبل بس حست إنها قريبة منها بشكل كبير .. حتى أكثر من أمل ..! …………………………………….ما صدقت ان جاسم يطلع .. اليوم ما طلع نهائي حتى الغدا ما تدى في بيت جدتهم تغدى في البيت .. حياتهم صايرة رسميه بشكل كبير .. علاقتهم رسمية وكلامهم رسمي .. ما كان عندها شيء تسويه ما ودها تدرس ولا ودها تطلع مع البنات الي راحوا لعزيمه موزة .. شغلت نجوم الخليج وشافت اغنية الحلوة والمرة للوسمي .. ما قدرت تمسك نفسها وقعدت ترقص .. دخل البيت .. وصل عند السيارة واكتشف انه نسى الجوال .. دخل الغرفة وسمع اغاني .. اشوي ولا يشوفها لابسة فستان قصير وترقص .. كان جسمها يتمايل بحركات سريعه ومنضمه وحلوهـ.. انصدم .. معقوله رقصها جي حلو .. ضحك على شكلها ووقف يطالعها .. نشوف اخرتها معاج .. خلصت الاغنية .. وقفت تنتظر الاغنية الي بعدها ودها ترقص .. كانت مشتطه " متحمسة" حييل .. الاغنية الي بعدها كانت اغنية حزينه لماجد المهندس هي تحب هالاغنية بس مو الحين .. الحين تبي ترقص وبس .. لفت على الريموت عشان تغير القناه وانصدمت يوم شافته واقف ووده يضحك !! بس كان ماسك ضحكته !! انحرجت وبالغصب كلماتها طلعت .. دانه " بحيا": انت من متى واقف جاسم الي كان يبتسم .. مشى بهدوء وقعد جنبها على الكرسي .. : امممم من اول ما غيرتي قناه روتانا .. وحطيتي نجوم !! دانه " تسوي نفسها مب مهتمه ": اها .. جاسم: حطو اغنية حلوة ما بترقصين !! دانه: اوووف .. خلاص روح ابي ارقص .! جاسم: افااا .. هاي بدال لا تقولين لي حياك !! دانه: اقول ولا كلمه يله اطلع .. جد تعبت وودي ارقص !! جاسم: وليش ما يصير اقعد دانه: لاني استحي !! عادددد جسوووم .. بليزز ابتسم على شكلها .. اخذ جواله وطلع .. اليوم حققوا انجاز كبير .. وارتاح لهالانجاز .. أول مرة من اسبوع تقريبا يتكلمون بشيء عدل .. ويكونون لوحدهم .. العادة كلامهم هذا اذا تكلموا يكون مع الناس ..أما هي ما صدقت انه طلع راحت للسرير وقعدت تصارخ وتنط مثل المجنونه .. فشيله فشيله فشيله فشيله !! اشوي ولا تدخل عليها الجوهرة الجوهرة: دودو بنطلع .. متاكدة ما راح تجين .. (( انتبهت على شكلها وهي تنط وتصارخ على السرير ))دانه " انتبهت ان في احد بالغرفة ": هاا الجوهرة: شفيج .. وانتي لابسة خلاص حلو فستانج .. يعني راح تجين معانا دانه: لاء لا ء ما راح اجي !! الجوهرة " وهي تضحك على شكلها": انزين ليش فشيله شالسالفه !! تذكرت الموقف وانحرجت .. ما عرفت وش ترد .. أكيد الجوهرة راح تشوفه عاادي !! دانه: لا سلامتج انتوا روحوا .. أنا باقعد ّّ!! الجوهرة: كيفك !!