شبكة همس الشوق - عرض مشاركة واحدة

11 - 7 - 2014, 10:02 PM

كانت العنود في غرفتها..و دخلت عليها و حده من الخدامات..تقولها ان واحد من العيال جاء عند جدتها ....و تبيها تسوي قهوه..لأنها ما كانت تقتنع بقهوة الخدامات..و بما إن أمل في بيت خالها .. طلعت..و هي تحسبه خالد لأنه هو اللي دائما يزور جدتها..لكن الصوت اللي سمعته و هي ماره من عند المجلس..خلاها تتجمد مكانها..كان صوته..صوت طلال..ابتسمت..اخر مرةو راحت للمطبخ تسوي القهوة و هي متحمسه..دخلت و شافت سلة حلاو كبيره و فخمه على الطاوله..العنود: نينا مين جاب هاذي؟نينا: اللي يجي تو هو اللي يجيب هذاالعنود بهمس: من طلال!راحت تتأملها بحب..و كأنه جايبها لها..لفت انتباهها شي..خلى أنفاسها توقف..ألوان السله..كانت ليموني بسماوي..نفس بدلتها اللي كانت لابستها آخر مره شافها..(معقوله طلال يقصد هالحركه؟ أو صدفه و بس...لااا أكيد صدفه ما أصدق ان طلال يفكر كذا! مستحيل أكون في باله لهالدرجه..الظاهر اني بديت احلم فيه أكثر من اللازم)في المجلس-كان طلال جالس عند جدته اللي فرحت بجيته..وهو يفكر باللي سواه..كان رايح للشركه..ما يدري ليه خطرت في باله العنود..و كيف غير طريقه للبيت مرة ثانية وجه يزور جدته بس عشانها بنفس البيت مع إن عنده رحله بعد ثلاث ساعات الا انه ماراح قبل يمر عليهم..والأكثر من هذا سلة الحلاو اللي جابها على نفس لون لبسها..(معقول تنتبه؟ لا يارب ما تنتبه..الظاهر اني بديت أخرف..مو ناقص الا عندووو تلعب في راسي و أنا بهالعمر!)دائما يحاول ينساها..لكنه اذا تذكر ملامحها..و عيونها الدامعه الي شافها أول مرة يوم في المزرعه .. يسرح فيها أكثر..جدته: طلال..وين سرحت؟طلال انتبه ليد جدته اللي تمد له القهوه..و يفكر انها هي اللي سوت هالقهوه..لأنه سمع جدته و هي تقول للخدامه تناديها..ضحك على نفسه و تفكيره السخيف..مع هذا أول ما شرب قهوته كان يحس انها غير أي قهوه قد شربها..ليه ما يدري..ام محمد: وش فيك يمه؟ لا يكون سرحان في شغلك؟طلال: ايه يمه صفقه ما ربحتها مع ان فيه غيرها أحسن..لكن عجزت انساهاام محمد: لا تضايق نفسك يمه يمكن ما فيها خير لك الله يعوضك بغيرهاطلال: صح ما يسوى علي اللي اسويه بنفسي عشانها ام محمد بإستغراب: مين هذةطلال ينتبه لنفسه: هاه..لا يمه أنا اقول يعني ان المسئولين فيها تركونيحس انه غبي..كيف صار يتكلم عنها وهو مو حاس في نفسه..(لازم اطلعك من بالي يا العنود .و انتبه لشغلي احسن..بس كيف انسى و هالشغل أنت كنت السبب في بدايته..نفعتيني من غير ما تدرين ياالعنود)أم محمد: وش فيها؟فارس ينتبه: نعم يمه؟أم محمد: أنت تقول العنود! وش فيها؟طلال انصدم: آآ..لا..بس كنت أقول..وش أخبارها ؟ لحد الحين تجيها الحالات لما تتذكر أمهاأم محمد: بسم الله عليها لا والله مب نفس الاول .. الحمد لله السنه اريحطلال حس انه اليوم فضح نفسه بما فيه الكفايه..و قرر ينهي هالغباء..و لا يرجع يزورهم مره ثانيه أحسن..و لا يفكر فيها بعد اليوم أبدا..طلال .: يله يمه أنا لازم أروح اللحينأما العنود لما سمعت انه يروح راحت تركض للصاله الثانية عشان ما ينتبه لها .. ما صدقت انه طلع من البيت راحت لجدتها .. تجلس معاها !! ام محمد: واااي فديته !! العنود: منو يدتي ام محمد: طلال .. مر علينا قبل لا يسافرالعنود: يســـافر !! وين !! ام محمد : مما ادري والله .. بس الظاهر شغل ! يقول راشد هالايام هم مشغولين بشكل كبير !! حتى ابوك اليوم طلع بعد الغدا على طول !! العنود: اي اي . . شفته !!نروح حق موزة .. كانت في الصاله الكل وصل بنات عمها .. أمل وهيا وصديقاتها .. بس باقي ريم والجوهرة !! كانوا جالسين يسولفون .. بهالوقت !! رن جوال موزة توقعتها ريم !! موزة : هاااي ريمي عبدالعزيز : اخر عمري يسمووني ريمي موزة: ههههه لا لا .. ولو .. علا عزوز عبدالعزيز : ابي ادخل البيت !! موزة: ليش عبدالعزيز : باغير ملابسي .. واقول ترانا في مجلس الرجاحيل لحد يجي موزة: اوك ادخل من المطبخ .. واركب الدرج الثاني .. حق الخدم .. وبعدين من راح يروح مجلس الرجاحيل يا فالح !! سكر الجوال .. وكان يبي يدخل البيت من الباب الخلفي الا سمع صوت الجرس .. توقعه عامل توصيل الطلبات في المطعم .. فتح الباب ومن دون لا ينتبه للي قدامه .. عبدالعزيز : كم راح يكون المجموع !! ريم: لو سمحت .. ممكن ادخل عبدالعزيز : اي اي طبعا .. اسف توقعتك عامل المطعم ! اتفضلي . الا الشيخة ّّّ!! كان هاي الصوت مب غريب عليه وكان حاب يتأكد .. كانت حلوة .. وتعرفون ريم ما تغطي وجهها بعكس الجوهرة !! ريم: نعم .. عبدالعزيز: انتي البايخة الي كنتي ع التلفون !! انتبه ان وجها صار احمر .. ومشت بسرعه والجوهرة ما عرفت وش السالفه بس لحقتها !! اما هو ضحك على شكلها .. الحق ينقال حلوة !! دخل من الباب الخلفي وراح يغير ملابسة وهو معصب على ولد عمه لانه كب عليه البيبسي .. غير ملابسة وطلع من الغرفة بسرعه خاف وحدة من البنات تجي فوق ولا حاجه موقفه ما راح يكون حلو .. بغى ينزل من الباب الرئيسي .. الا شاف بنتين واقفين امام المنظرة الكبيرة المعلقة تحت .. بما ان البيت كله مفتوح على بعض ما كان في اي مشاكل ان يشوف البنت الاولى بوضوح من دون لا هي تنتبه له اما الثانية ما كانت تبين !! ريم: اقوول جوجو شوفي شعري اخترب !! الجوهرة: عادي عدليه .. اقول انا بادخل المجلسريم: لا لا انتظري !! سمع صوت اخته جايه لهم .. خاف لا تشوفه وراح على طول من الدرج الثاني وطلع من باب المطبخ .. يعني الي كانت عند المرايه ريم .. هي نفسها الي كلمتها بالتلفوون !! والله انها حلوة واحلى من دون شيله بعد !! قرر انه يسأل موزة عنها بعدين !! بس بطريقة غير مباشرة .. عشان ما تنتبه له !! ..