شبكة همس الشوق - عرض مشاركة واحدة

11 - 7 - 2014, 10:03 PM

كان جالس على المسن .. صار له فترة طويله ما دخل ولما يدخل ما يلاقيها .. اي طبعا الحين خلاص عرفت اني ولد عمها .. كان وده يشوفها .. اخر مرة شافها أول يوم دراسه يوم اضطر يوديهم للجامعه .. كانت غير يوم شافها كانت نظراتها مليانه حزن .. وكانت صاده عنها .. شكلها ما ودها تشوفه .. جلس في الوفي شوب والاب توب معاه هالمرة .. ما كان مواعد حد من الشباب ., كان وده يفكر بالموضوع ..لحد الحين يحس ان الموضوع حلم .. اي نعم حلم !! فتح محادثاتهم القديمه يقراها .. كل ما يحس باشتياقه يجلس ويقرى المحادثات القديمه .. كان وده يشوفها .. يسمع صوتها .. يعرف عنها أي معلومه !! ولكن مع الاسف كل شيء صعب .. اي نعم كل شيء صعب !! فتح المنتدى عشان يشوف ملفها الشخصي .. انتبه ان اخر دخول لها كان اليوم الفجر .. لهالدرجة يا امل .. تدخلين الوقت الي ما ادخل فيه عشان ما تشوفيني !! ما عرف و يسوي .. حس انه متضايق !! اغلق المحادثات والاب توب بهدوء !! وتأمل الفراغ الي قدامه .. رن جواله بهاللحظة وكانت الجوهره !!الجوهرة: الوووو خالد: هلا موجوو .. في شيء !!الجوهرة: يسس .. ممكن تاخذنا خالد: من وينالجوهرة: بسم الله عليك .. من المكان الي وديتنا له . بيت خال امل خالد: والسايق وينه !!الجوهرة: الوقت متأخر وما يخلونا نركب مع السايق هالوقت نسيت !! المهم يله كلنا جاهزين تعال بسرعه !!دفع الحساب ومشى وهو يدعي ربه انه يشوفها .. البيت ما كان بعيد عن الكوفي شوب .. خمس دقايق الا هو عند الباب .. اتصل على الجوهرة وقال لها انه عند الباب .. شاف مجموعه بنات .. عرفها طبعا لانهم ما يتغشون .. الجوهرة جلست جنبه .. وهيا وراها ريم بالنص وأمل وراه !! كان طول الوقت عينه على المرايا عل وعشى يقدر يشوفها ولكن مع الاسف ما عطته وجه !!وصل هيا لبيتها لانه الاقرب لبيت بو طارق .. وبعدين راح بيتهم لان كل البيت جنب بع ض .. التفت لها قبل لا تنزل !! شاف في عيونها دمعه عيت تنزل !! عوره قلبه على شكلها !! كان فيها الصيحة ودها تصيح بس انزلت على طول !! دخلت الجوهرة لداخل البيت وعلى طول ما عطت وجه للي قاعدين بالصاله على كول راحت لغرفة دانه .. وفتحت الباب بقو من دون لا تطق الباب هي عارفه ان جاسم مب بالبيت .. شافتها قاعدة تسولف بالجوال وتضحك .. اشرت لها لتقعد .. اشوي وسكرت الجوال !! دانه: بسم الله .. اشفيك داخله بهالطريقة .. حتى ما طقيتي الباب الجوهرة تشوفها ببراءة : لاني اشتقت لج !! دانه" تضحك عليها ": اي هين الجوهرة " من تكلمين دانه: اقول انتي وش تبين حتى جاسم عمره ما سئل هالسؤال الجوهرة: كيفي لقافة منو تكلمين دانه: لما .. صديقتي بلندن !! الجوهرة: اي اي عرفتها ذيك البنت الي ابوها بزنس مان وقطري بس متزوج سعودية صح دانه: ما شاء الله عليك ما في حد ما عرفتية .. اي هي الجوهرة: هههه لا بس شفتها بفرنسا العام .. وريم قالت لي انها صديقتك .. حتى رحنا سلمنا عليها لان ريم تعرفها !! دانه: اي اي اذكر قلتولي !! المهم وش بغيتي !!