شبكة همس الشوق - عرض مشاركة واحدة

11 - 7 - 2014, 11:30 PM

دخل مجلس خاله ... عشان يزور عمامه .. اليوم يوم الاثنين .. والعائله كلها تتجمع هاليوم .. شاف ان الكل موجودين ! طبعا استغربوا إن خالد جايهم . لأنه العادة ما يزورهم الا بالشهوور .. بس هو حس بضيق ما كان وده يزور جدته لانه راح يشوفها ولا وده يروح المجلس .. ولا وده يروح لربعه ! فقرر يزور اهل ابوه صار له فترة ما زارهم ّّ !! بو عبدالرحمن .. : وينك يا خالد من زمان عنك يا ولدي !! بو عمر: اي والله !! زين تذكرت ان لك عمام !! خالد: لا والله .. دوم على بالي يا عمامي !! بس الصراحة مشغول ويا الشغل .. كثير وما يخلص !! جلس يسولف مع الشباب لحد ما خلص ما طلعوا كلهم وما تم غير الاهل .. عيال عمامه وعيال عمته وبس ! خالد كان عايش مع عمامه بعد وفاه امه وابوه في الحادث .. وكان يزور اخوانه بالرضاعه كل جمعه .. ولكن بعد ما كبروا بنات عمامه وصاروا يتغطون عنه فضل ان يجلس مع اخوانه .. طبعا كان هذا الاقتراح من ابوه !! وخالد ارتاح له كثير خصوصا ان علاقته مع اخوانه وعيال عمهم يحسها افضل من علاقته بعيال عمه !! جلس مع عمامه بعد من طلعوا الرجاجيل . الا ان دخلت عمته عشان تسلم عليه ما صدقت ان خالد جاي .. ام سلطان : حياا الله بولدي .. خالد: الله يحيج عمتي !! ام سلطان: وينك يا حبيبي .. من زمان ما شفتك !! تعبان يمه !! خالد: لا يا خالتي .. بس الصراحة مشغول !ام سلطان: لا يا يمه .. لا تصير مثل ابوك الله يرحمه .. كان لاهي بالشغل ولا يلتفت لنفسه !خالد: ان شاء الله !ابو عمر: الا اخبار عمامك .. سمعت ان عمك ابراهيم رجع للدوحة خالد: اي والله .. انتهت فترة شغله بالسفارة هناك .. ورجع ! الحمد لله اشوفهم مستقرين ام سلطان: تزورهم دووم يمهخالد: اي عمتي كل اسبوع نتجمع بالمجلس .. والجمعه الغدا في بيت جدتي ام سلطان: اجل .. وراه ما تجي كل سبت الغدا عندنا !! خالد حس انه توهق .. فعلا هو مقصر مع عمامه كثير !! خالد: خلااص ولا يمهمج .. عمتي !! الاسبوع الجاي اجيكم !! ام سلطان : اي كلام !! انتبه ان باب المجلس انفتح بسرعه ودخلت بنت !! - يمممممممه .. انتي هنييي وانا ادورك !! أحمد قاعد يصيح وما عرف اتصرف معاه !! شهقت فجأه وهي تشوف إن في المجلس رجاجيل غير خوالها !! طلعت بسرعه وهي تركض .. ومنصدمه من الي صار !! راحت لداخل .. انتبهت ان كل البنات يطالعونها وهم منصدمين .. وش فيها هذة .. بس ما عطتهم وجه وراحت غرفه بنت عمها !! مشاعل " واااي .. فشيله ..ش افني .. بس منو هذا .. أول مرة أشوفه " دخلت منى وهي منصدمه من شكلها .. وش فيها هذة ! منى : شعووول وش فيك !! مشاعل: فشيله منووي فشيله !!منى: ليش شالي صااار !! مشاعل: رحت أنادي أمي لان أحمدووو كان يصيح ومب عارفه اسكته .. أمه وابوه مب بالبيت !!منى: وبعدين !! مشاعل: دخلت وشفت واحد هناك !! منى " بحمااسس": حلوو .. وسيم .. مملوح !! مشاعل: ما اري والله ما ادري !! انا من شفت غترة وعقال .. وواحد مب شيبه تخرعت وطلعت !! ما عرف منو .. المهم انه مب من خواني !! منى " شهقت": ليكوون حمد !! مشاعل: ما ادري .. ما ادري منى: والله لو كان حمد ذبحتج .. الحين اكيد شافج من دون شيله وعبايه .. وانتي الدووبا اليوم كاشخة .. راح يخطبج ولا راح يخطبني !! مشاعل: انتي وين وانا وين !! أنا متوهقة .. الحين اكيد امي وخوالي راح يزفووني .. وبعد فششله .. أكيد الرجال هذا من أهلنا ولا ما كانت أمي راحت جلست معاه .. منى : اي والله صج !! بس منو !! مشاعل: لو كنت ادري .. ما كنتي شفتيني متوهقة بهالطريقة !! منى: شوفي أمي وخالتي أم عمر لحد الحين موجودين .. وش رايك اسئلهم !! مشاعل: لاء لاء .. شوفي الحين الساعه 11 بالليل !! اسئلي أمك لما الكل يمشى !! او اسئلي ابوك !! منى: انتي من جدك تبغيني اسئل ابوي .. باقوله بابا مشاعل اليوم دخلت وشافت واحد منو هذا .. مشاعل : هههههههههه خلاص خلاص اسئلي امك . وانا باحاول اسئل أمي .. مع ان عندي احساس اني راح انزف اليوم منى: انزين احمدى ربك ان سلطان ما كان موجود !! مشاعل: اي والله .. كان انطقيت ..َ! انتي تعرفين سلطان اشلون عصبي منى: اقول ولد سلطان يصيح تحت !!مشاعل: اوووف خليه .. الخدامات موجودات .. وامك وخالتي .. وحتى وعد ومي موجودات .. خل يتصرفوون !! منى " قعدت على الابتوب تشغل اغاني ": على رايك .. يكفي ما جا منه اليوم !!