شبكة همس الشوق - عرض مشاركة واحدة

11 - 7 - 2014, 11:32 PM

الجزء ال 20.. طلعت من المحاضرة وهي معصبة .. تأخرت على المحاظرة وطردها الدكتوور .. ما كان ودها تقعد بالجامعه أكثر من جي حست نفسها متضايقه .. اتصلت على جاسم كذا مرة بس ما رد فقررت انها تتصل على أحمد يمكن يسوي فيها خير مرة .. ويساعدها !! احمد: هلااا وغلاا .. هلا بماي سستر القاطعه ! دانه: احمدوو انا متضايقه احمد: افاا يا السستر .. لو النسيب مسوي شيء علميني وانا اوريه شغله دانه: لا لا اشدعوه !! ايصير تاخذني من الجامعه ما ودي اقعد .. احمد: والله عندي اجتماع .. بعد 10 دقايق .. وتعرفين ان جامعتج بعيدة !! دانه: اوك اوك .. خلاص .. باشوف جاسم اذا يقدر باي .. احمد: يله باي ماي سستر !!قررت انها تتصل على طلال .. وما صدقت اول ما رد .. لا واستانست اكثر يوم درت انه بالسيارة !! طبعا اعرفت من صوت الطريق لانه يبين على التلفون !! دانه: طلوولي طلال: هلا حبيبتي دانه: اوو اخوي يغازل .. من قدج يا دانه طلال: ههه اقول لا يكثر .. شبغيتي دانه: متملله !! طلال: شوفي وانا أخوج !! احنا زوجناج عشان نفتك منك .. مو كل اشوي تتصلين وتقولين متملله !! دانه: اقول !! المشكله اني محتاجتك ولا كان ما صبرت على اهاناتك !! طلال: فديتها هالمصلحجية ! وشبغيتي !!دانه: ابيك تاخذني من الجامعه !طلال: بس .. ما طلبي .. اشوي وانا عندك !! ما صدقت خبر على طول .. راحت للخزانه الي يحطون فيها اغراضهم .. ومسكت كتاب المادة الي عليها كوز فيها بووكرة وطلعت اشوي ولا تشوف نفسها تصدم في واحد .. والكوفي الي في يدها انكب على الارض وكتابها انكب على الارض بعد !! رفعت عيونها ولاكن من طول الرجال .. ودانه قصيره على فكرة !! ما شافت شيء .. كل الي شافته ابيض في ابيض .. من الثوب طبعا !!- اسف .. الشيخة !! دانه: لا لا عادي !! (( حست باحراج !! الي صدمت فيه كان مدير شؤون الطلبة بالجامعه !! ..ويوم شافت ثوبه كان كله كوفي .. اما هي عباتها ما جاه عليها شيء ..)) سورري !! لعوزتك !! انتبه على ثوبة الي كان عليها كوفي .. ولوى براطمه " بوزة".. وما علق !! أما دانه فمشت بسرعه لخارج المبنى !! اليوم من بدايته ثقيل دم !! أول مرة في حياتها ترسب في مادة !! لا وأي مادة هلي رسبت فيها .. الكتابة !! كان لازم تسوي تقرير كتابي .. والي نقصت عليه الاسلوب !! اعترفت انها ما عطت المشروع حقة ولكن الكتابة طول عمره كانت هوايتها !! هي مو من النوع الي تحب ادارة الاعمال او تهواها !! مع انها اشتغلت فيها فترة طويله !! بس طول عمرها كان حلمها دراسه الادب ! الصحافة والاعلام !! ما طول طلال .. اشوي وشافته جاي !! ركبت معاه وهيا متنرفزة !! طلال: بسم الله شفيك معصبة !! دانه: رسبت في مادة !! وكرهت الجامعه ..! ودعمت مدير الطلبة وانا طالعه .. وكبيت عليه كوفي !!كان حابس ضحكته على شكلها بس يوم سمعها وهي تتكلم ما قدر يمسك نفسه وانفجر ضحك أما هي شافته بقهر وشغلت المسجل !! طلع لها سي دي ماجد المهندس الجديد !! وبدأت تغني معاه !! طلال: تبين أوديك البيت !!دانه: اي بليز مالي خلق مكان ثاني !! طلال: خلاص تامرين أمر بس بشرط !! دانه: شنو .طلال:. لما نروح البيت تسوين لي فطوور !! دانه: اشتغل عندك !! افطر في بيتكم !! طلال: لا لا .. فطورك انتي غير .. ها وش قلتي !! دانه: قلت اني عجزانه .. مر اي مكان خل نفطر سواا !! طلال: خلاص باسامحك اليوم بس عشان اليوم العصيب الي مريتي فيه .. ( ورجع يضحك) دانه: اخبار سفرتك !! طلال: والله تمام .. شفت المشروع !! ورجعت !!دانه: اها !! طلال: وين تبين نروح !! دانه: خاطري في الانتركونتلينل .. اوك !!طلال: خلاص تم !! توهم واصلين قدام الهوتيل عشان ينزلوون الا طلال يرن جواله !! دانه: رد !! طلال: هذة ريموو خليها !! دانه: لا لا طلوول .. الا ريموو !! ماي فريند !! طلال: اقول من زينك انتي وياها !! ورد على الجوال !! ريم: طلوول الحق علينا !! طلال" تخرع": وشفيك !! ريم: سوينا حااادث !! ................................طلعت من المحاظرة وهي متنرفزة .. دانوا بين عليها انها معصبة يوم شافت الدرجة . بس مو لدرجة انها تطلع من المحاظرة من دوون حتى لا تستأذن من الدكتوور .. راحت للخزاين بس مالقتها .. ومرت للكفتيريا هم ما لقتها !! جربت تتصل عليها بس جوالها كان مشغول .. وش قصتها هذة !! فضلت انها تطلع من الحين !! الحين عليها عملي وما تبي تضيع الوقت !! لا والعملي راح يكون في شركه هالمرة مب بالجامعه !! بس هذة البنت هبله معقول تضيع عليها العملي وتطلع !! بس وين راحت يا ربي !!مرت خذت كتابها لكوز بكرة وطلعت .. لانها خلاص بعد ما تخلص العملي ما بيكون عندها اي حاجة للجامعه مرة ثانية !! خلصت محاضراتها اليوم .. اليوم كان جدولها خفيف !! ركبت السيارة .. وشغلتها وطلعت .. نسيت اقولكم انها خلاص قررت تسوق في الدوحة .. ويوم بلغت نواف ما صدق خبر ثاني يوم وداها تقدم امتحان السوالفه عشان يكون عندها رخصة قطرية .. وراح شرا لها السيارة !!طول الطريق وهي تحاول تتصل على دانه بس مع الاسف مافي فايدة .. ما قاعدة ترد عليها !! استسلمت .. وشغلت المسجل .. وبدأت تدندن مع الاغنية !! .............................................طل ال: شنووو حادث ! ريم: طلول لا تتخرع .. الحمد لله ما صار فينا شيء !! بس السيارة تأذت اشوي وناطرين المرور .. بليز تعال شكلنا مصخرة واقفين بالشارع !! طلال: انتي ومن !! ريم: انا والعنوود ومريم !!ما صدق يوم سمع اسمها .. كان جد مشتاق لها ووده يشوفها .. ما شافها اخر مرة يوم راح بيت جدته !! بس طرد الافكار والتفت لدانه الي كانت تسمعه بهتمام وشكلها متخرعه اكثر منه !! دانه: شفيها ريم .. اي حادث طلال: لا لا ما حصل الا الخير !! حاجث بسيط .. وبنروح لهم دانه: ليش هي مو بروحها ..طلال: لاء معاها العنود ومريم !! دانه: غريبة .. ذوول وش مطلعهم من المدرسه هالوقت .. الساعه 10 الحين !! راحوا لهم بسرعه المكان ما كان بعيد .. كان قريب من مدرسة البنات !! ركبوا السيارة ورا . اما طلال فراح يشوف الحادث !! طلال: الحين راح يجون المرور دانه:: اها .. الا عندوو مريوم .. انتوا ما وراكم مدرسة !! مريم: لا .. اليوم اجازة .. يوم مفتوح !! طلال: ودامه يوم مفتوح ليش رايحين الجامعه .. السايق قال انكم راجعين من الجامعه !! ريم: كانوا معاي بالجامعه يسجلون لامتحان القبوول .. وبما ان اليوم أنا اووف تكرمت ووديتهم .. والحين كنا بروح مدرستهم لان العنود ناسية كتابها وبكرة عندها كووز !! مريم: اي صح .. طلال ودنا المدرسة الله لا يهينك دانه : بيخلونكم تدخلون المدرسة هالوقت !! مريم: يس يس عادي !! ما عليج منهم احنا الي نتحكم فيهم !! ضحك طلال على كلامها وما علق .. أما العنود فضلت ساكته طول الوقت كانت جالسه ورا كرسي طلال .. حتى ما كانت منتبه لهم طول الوقت كانت تناظر الشباك وشكلها سرحانه ! وصلوا للمدرسة من دون لا تنتبه !! دانه: عندوو ترانا جدام مدرستك !! مريم: لا لا انا الي بادخل مب هي طلال: ليش مب العنود الي ناسية كتابها !! مريم: الا بس المشرفة ما تحب العنود .. واذا شافتها مستحيل تطلعها !! دانه: يعني انتي الي ميتين عليج !! مريم: يس يس !! اقول دانه !دانه: هلامريم: انا معاي جوالي اذا رنيت لج .. ادخلي وطلعيني طلال: وعادي اي وحدة تطلعك مريم: باقولهم ان دانه مرت اخوي ضحكوا عليها .. وكلها دقايق الا وهي داخله السيارة ريم: الحمد لله طلعتي مريم: ههههههه كل المدرسة غياب .. الا كذا وحدة العنود : ومن حاظر من صفنا مريم: شله الدوافير !! طلال: اقول انتوا ضيعتوا علينا فطوورنا ريم: اي فطوور دانه: كان المفروض نطلع نتفطر برا مريم: اقوول تراني بعد جوعانه ريم: يس يس .. بنروح معاكم !! التفت بالمريا .. للعنود الي كان شكلها انها غير مهتمه !! طلال: وانتي العنوود وش رايك العنوود " افف هذا وبعدين معاه .. صب اتكلم .. يله عاد .. لا تخلين يبين انك منحرجه ولا حاجة ": لا لا انا ما اشتهي !! ريم: توك تقولين انك تبين كوفي من ستار بوكس دانه: خلاص عيل دام عندوو مشتهيه ستار بوكس نروح ستار بكس !! طلال" ويسوي نفسه معصب": وفطووري !! دانه: خذ لك ساندويش خفيف من هناك !! ريم: خلاص تم !! خل نروح !! طلال: بكيفك هوو .. يمكن اقول لاء مريم: ما تقدر !! اساسا قربنا منه .. هو بعد هاللفه !!وفعلا كلها دقايق .. الا وهم داخلين الكوفي شوب ... وبما ان الوقت نص الاسبووع .. والحين صبح كان المكان فاضي ولا كان فيه اي أحد .. خذو راحتهم وطلبوا الي يبون !!طبعا طول الوقت العنود كانت جالسه ومنحرجة . هي اساسا منحرجة منه ولا كان ودها تجي بس يوم شافت اصرار دانه وريم ومريم ما قدرت ترفض .. مريم !! يا ربي ليه هالبنت قاطة الميانه معاه .. أنا دارية إن مافي في قلبها اي شيء عليه .. ولا حب ولا شيء من هالكلام بس مو كأنها مصختها معاه .. كل شيء له حدوود .. اوووووووف !! أما هو فكان يشرب الفرابتشينوا بهدوء وهو يناظرها .. كان وده انها تتكلم تقول اي شيء بس ما في فايدة لازالت ساكته وتناظر التشيز كيك الي قدامها !! شكلها ما كانت مهتمه بسوالف بس ليه .. ليه يا العنود !! ودي افهم سبب هدوء هذا هل هو خجل .. أو ملل .. ولا وش السالفه بالضبط !! حس نفسه مقهور ووده يمشى .. خلص اكله بسرعه .. وشافهم لساتهم قاعدين يسولفون .. وحتى ما كلو ..! طلال: اقول خلصو الي قدامكم بسرعه عشان نمشي !! ريم: افااا تونا كنا حلوين يا خوي !! ابتسم على كلامها .. وما عرف وش يرد !! بس دانه اسعفت الموقف !! دانه : الظاهر عنده اجتماع .. انا اساسا بعد ابي امشي !! عندي عملي بالبنك ولا رحت .. باروح اخذ لي عذر من المستشفى لا ارسب في التدريب بعد !! طلال: لا تكفين ! اليوم رسبتي بمشروع وبغيتي تموتين !! العنود: جد دانو رسبتي !! دانه: تخيلي !! والله قهر ريم: اي والله .. تدرين انتي اشطر مني !! دانه: من زمان دارية !! ريم: لا جد أنا هذا اول كورس لي ودرجاتي تفشل .. ومعدلي يفشل من قلب لا الاه الا الله عليك !! طلال: اقول قولو ما شاء الله لا تنظلون اختي !! دانه: ههههههه اي والله !! بعدين اتوهق !! مريم: الا انتي كم سنه باقيلك !! دانه:3 كورسات ونص !! ريم: اووف وايد !! دانه: اخ شاسوي بعد .. المشكله التخصص ثقيل ما حبة !! العنود: اجل ليه اخترتيه !! دانه: عشان ابوي .. كانوا محتاجين حد يدير شركات لندن .. ويوم كلموا الشباب محد فيهم وافق يسافر ويتغرب !! ريم: هههههه وشوفي سخريه القدر رديتي قبل لا تديرين !! دانه: بس اشتغلت فيها لفترة بسيطة ..! وتعلمت كثير !! ريم: اي والله .. الله يخلي عمي !! طلال: اقول انا طالع من الشغل عشان ارتاح .. تسولفون بالشغل !! مريم: وانت كله معصب كذا !! بسم الله تخرع !! ضحك على كلمتها .. اساسا مريم دووم كذا كأنها ياهل .. الي في قلبها على لسانها .. ولا تستحي منهم .. تموون عليهم كلهم !! انصعق يوم تذكر شيء .. العنود ومريم نفس العمر !! معقوله يكون تفكير العنود طفولي مثل مرييم !! ولا هي بتفكيرها اكبر من عمرها !! حاول يطرد هالفكرة في باله لكنها ظلت ملازمه له !! حتى بعد ما وصلهم وظل بالسيارة لحاله مع دانه .. همه كلهم بنفس الحوش .. البيوت كلها تتشارك حوش واحد ما عدا بيت عبدالله .. الي يبعد شارعين وهو جنب بيوت عيال محمد .. لاكن ريم قررت تنزل بيت جدتها .. أما دانه ظلت بالسيارة !! دانه: اقول طلوول ابي اكلمك بموضوع !! طلال: امري !! دانه: لا انت شكلك بزي ّّ!! وانا مالي مزاج لك !! وش رايك نسولف الليله !! طلال: اقول انتي مالك بيت .. مالك ريل !! الصبح تطلعين معاي وبعد بالليل .. ليكون ريلك وانا ما ادري !! دانه: هههههه اقول بلا كلام فاضي !! خلاص بكرة أو اي يوم تبي على راحتك !! طلال: خلاص خلاص .. بكرة غداي عندكم واشوف اخرتها معاك !! دانه: اوك .. وطلعت من سيارته وركبت سيارة السايق الي تصلت فيه من قبل لا توصل بشوي عشان يجهز السايرة وتروح المستشفى تجيب عذر !! أما طلال كان حاس دانه عن وشو تبي تكلمه !! دانه ذكية وتفهم على الطاير . بس الله يستر من الكلام الي راح تقوله !! ما كان وده يرجع الشركه .. ففضل انه يروح البيت ويقيل قبل الغدا !!!....................نروح لأمل .. كانت جالسه مع نوف .. اليوم رات تطول بالجامعه عندها محاضرات لحد الساعه 3 العصر .. فقررت انها تتغدى مع نوف وبعدين ترجع لمحاضراتها .. كانوا جالسين بكفتيريه الجامعه .. ونوف شكلها متنرفزة !! وأمل احتارت معاها .. ما عرفت وش تسوي فيها .. وما ودها تساله بشكل مباشر عشان ما تحس بشيء ..! اسكتت لحد ما تتكلم بنفسها .. نوف مستحيل تسكت تحب تفض فض !! وصل الاكل ونوف ما صدقت خبر !! نوف: يبين علي اني محترة !! أمل: اي نوف: أجل ليه ما تكلمتي أمل: ابيك تتكلمين لحالك .. متى ما تكونين مستعدة !! ليش وش السالفه !!نوف: احس نفسي ضايعه !!أمل: نوفو تكلمي ولا تحوسين راسي !! نوف: ولد عمي !!أمل: اي واحد فيهم .. لا تقولين المملوح !!نوف: اي .. أمل: وشفيه !!نوف:تهاوشت وياه أمل: شالسالفه !!نوف: تذكرين يوم قلت لك ان الويك اند رح نروح الشاليهات .. وفعلا رحنا .. عاد هو شافني عند البحر لحالي وجه هاوشني!!أمل: اكيد مسويه شيء !!نوف: لا والله بس في اثنين كانوا وراي كلموني .. رديت عليهم !! وبس !!أمل: بس !!نوف: امووول !! تعرفين ان عادي عندنا !أمل: تدرين اني مستغربة من ابوج !نوف: ليش امل: يعني عادي تكلمين شباب !!نوف: مب انتي مصادقة بنات !! وعادي ومحد ممكن يقولك شيء .. انا بعد بس انا الاثنين ولازم الامور ما تتعدى حدود الصداقة !!استغربت أمل منها .. يعني همه صديقات وايد .. بس أول مرة تفتح لها قلبها بالهشكل .. أمل توقعتها تسوي هالحركات من ورا اهلها .. أما مساله إن اهلها عادي عندهم .. وابوها سامح لها .. بس ولد عمها هاوشها !! هذة مصيبة !! اي نعم مصيبة !! ما عرفت وش ترد ولا وش تسوي !! ضلت سامته وهي تسمع لنوف تكلم . بس عقلها ما كان مع نوف ابد !! كانت مستغربة من الوضع .. اذا هي لانها اكتشفت انها كلمت ولد عمها بالمسن وتعلقت فيه وش سوت بعمرها !! اجل لو سوت مثل نوف وش راح يصير فيها !! بس مهما يكون تراهي اعز صديقه عندها !! وكأنهم خوات !! يمكن يكونون عايلتها متفتحين وانا وش علي راح اناسبهم مثلا !!