شبكة همس الشوق - عرض مشاركة واحدة

12 - 7 - 2014, 12:40 AM

كانت جالسه تقلب بقنوات التلفزيون بملل وهي اصلا مو عارفة وش تسوي !! راحت فوق لامها شافتها تتكلم بالتلفون .. راحت لخوانها .. طلال كان طالع وفهد يدرس!! ريم:فهووود بالبيت سبحاان الله !! فهد: هههه صكيتيني بعين .. الحين باطلع !! ريم: جد فهد: اي والله !! باطلع ويا ربعي !! شافت اخوها وهو طالع ولا عطاها وجه ما عرفت وش تسوي .. كانت جد زهقانه وودها تطلع !! يا ربي مشكله اني بنت وحيدة !! كان ودها حد يطلعها بس المشكله ما في والوقت الحين الساعه 8 ما يصير تطلع مع السايق !! اكيد بيسون لها سالفه !! قررت انها تلبس عباتها وتروح بيت جدتها على الاقل تغير جو !! دخلت ولا كأن حد موجود بالبيت !! - ياناااااااااااااااس يا هوووووووووووووو ريم جت ريم جت !! ( وتصارخ باعلى صوتها )التفت لناحية الصوت وضحك عليها وتذكر دانه يوم تدخل عليهم .. " وشو هذة تبي تقلد خالتها يوم تدخل علينا وتصارخ .. ههههه صج انهم عايله مهابيل .. بس الحق ينقال جميله ..))ريم حست ان في حد يناظرها .. لفت وياها وكأن حد صافقها .. هذا ولد عمتها !! ما عرفت وش تسوي عدلت شيلتها وركضت على فوق على طول .. حست جد باحراج .. يا ربي هذا وبعدين معاه .. وش قال عني الحين !! أما هو ابتسم على شكلها وجلس على الكراسي بانتظار جدته !! صار له فترة ما مر سلم عليها .. ويوم جه لعمه عشان الشغل .. قرر يستغل الفرصة بالمرة ويسلم عليها !! بس ما كان يدري ان في مهابيل بالعايله غير خواته !! نروح حق ريم الي ركضت على فوق وصدمت بجدتها بالغلط ام محمد: ووووووووجع ريم: سوري والله سووري !! ام محمد: وانتي وراج جايه تراكضين عندنا !! ريم: افا جتي لا بس شفت واحد تحت وتخرعت !! ام محمد: اي اي هذا سعوود .. ليكون ركضتي مثل الهبله قدامه !! ومن دون لا تسلمين !! ريم " والله الوهقة .. الحين وش اقولها اخاف اقولها سلمت تزفني وتقول عيب واقول ما سلمت بعد تقول عيب": ما سلمت !! ام محمد: وش .. يله جدامي انزلي سلمي .. يمكن يفكر يخطبك ونفتك !! ريم: جدتيييييي !! لا لا !! ام محمد: اقول يله جدامي !! ماتت من الحيا .. ووجها صار كانه صلصة !! ما عرفت وش تسوي !! توها صار لها موقف وياه !! يا ربي وش راح يقول عني هذا .. اكيد بيقول ميته علي .. وووع ما في غيرة !! حتى كاني احلى منه !! نزلت تحت وهي منحرجة !! سعود: شنوو بنت العم نست شيء ! ريم: ماني بنت عمك سعود: داري بس علاقتنا طويله .. وعجزان اقولها ..! وتعالي مو كأن لسانك طويل !! ريم" وش يقول هذا .. والله لا اوريه ": وش بتسوي يعني !! جلس على الكرسي وحط رجل على رجل ولا عطاها وجه .. سعود" اووريج .. مسويتلي مثل دانو .. صج ما تسحون انتي وياها": نادي جدتي ابي اسلم عليها !! ريم: خدامه ابوك !! سعود: زين علمتيني .. اقول جيبيلي ماي بالمرة !!توها تبي ترد الا جدتهم نازله .. ومن وجه يبين انها سمعت كل الكلام !! احس اج تبين تزوجيني له !! والله انتحر .. الله يهداك يا جدتي عبالك كل الناس مثل دانو وجسووم تلعبين فيهم وتزوجينهم !! .........................................كانت نايمه وهي معصبة عليه .. وشو هذا ما يستحي !! اليوم تهاوشنا قدام الجوهرة.. دخل الغرفة .. عرف انها مب نايمه فتح الليتات وسكر المكيف !! وطلع !! انقهرت من حركته .. راحت له برااا وكان يطالع التلفزيون راحت سكرت التلفزون والليتات والمكيف ودخلت !! ضحك على حركتها " ويلوموني فيها .. "، دخل وسوا نفسه معصب !! دانه: ووع ما يليق عليك !! ماني مراضيتك !! جاسم: وانا تكلمت !! دانه: شكلك .. احسك تقول ي رب تراضيني !! جاسم: انتي الي ماخذة بنفسك مقلب !! دانووودانه: هاا جاسم" ردينا لقله الادب .. اووف .. بس حلوة الها منها .. شكلي باخليها كلمتي المفضله": ليش سكرتي المكيف وقاعدة بالحر !! وطفيتي الليتات انتي تحظري ارواح !! ضحكت على كلامه وطلعت من الغرفة بس لحقها . راحت للمطبخ ولحقا .. خذت الكاسة وكانت بتشرب ماي .. بس سحبها من يدها .. جاسم: مشكورة !! كنت عطشان !! (( وشرب الماي ))دانه" اووف يقالي رومنسي الحين !! ام حق .. صج قطري !!": تامر امر حبيبي ..عشان تعرف اني افكر فيك !!! اما هو بطل عيونه وما صدق .. وشو هذة دانه وش فيها البنت ! اكيد تزوجت مجنونه !! هذة كل ساعه لها راي . الله يعينك يا جاسم اذا طلعت مجنونه !! جاسم: داري انك حاسه فيني .. انتي اتحبيني !! دانه: ههههههه اقول لا يكثر !! بس شفت شكلك يحزن تناظر الماي .. كأنك مو شايف خير !! جاسم: اناظر الماي ولا الي ماسكه الماي !! حددي !! دانه: الي ماسكه الماي انت ما تحبها عشان ينظرها .. وتحب الماي !! جاسم: افااااااااااااااااااا !!دانه: اقول .. روح برا .. ابي انام !!جاسم: تنامين بالمطبخ !!دانه: اقصد في غرفتي !! جاسم: غرفتك المطبخ !! وشدعوه .. متزوج ذبانه انا !! دانه: جااااااااااااااااااااااااااااااااااااااسم .. جاسم: عيونه !! دانه: اذلف !! جاسم " وش هاللغه يا شيخ .. الي يسمع يقول متزوج واحد من الشباب .. وين الدلع الي يقولون عنه ما شفت شيء": عبالك تكلمين سهر انتي !! تراني جاسم !! دانه: والنعم !!جاسم: اي طبعا ما تقدرين تقولين شيء !!دانه: جسوووووووم أنا باروح !! جاسم: وين !! دانه: شكلي بانام في غرفة الجوهرة !!جاسم: اريح !! وراح للغرفة ورقعد على السرير أما هي ضحكت على شكله وشفيه هذا مب صاحي .. خذت الاب توب وطلعت .. لازم اشوف لي صرفه معاه زهقني !! والله اني افشل ام حق رومنسية اقول !! في وحدة تقول عن زوجها زهقني !!بس انا جد لازم احسن الفاظي !! ابي يشوفني على اساس اني بنت .. انثى مو واحد من الشباب !! طلعت من عندة وراحت تحت تقعد ع الاب توب !! ...........................................ثاني يوم .. جامعه كارنجي .. الساعه 10 الصبح .. راحت للمحاظرة وهي متنرفزة على الجوهرة .. اخرتها .. على قولتها لازم اكشخ ولازم اكشخ .. يمكن اتزوج دام الجامعه فيها شباب . لو فيها حد عدل كان لحقت عليه قبل لا اخذ جاسم .. ضحكت على كلامها .. والله وطلعتي هبله يا دانه .. بس انا وشفيني اسب بعمري !! خل اسب بلي تمشي وراي !! التفتت لها وكانت تمشي ببطئ عشان يقال لها انها عارضة ازياء .. دانه: موجو .. سرعي بسرعه !! الجوهرة: هندي جدامك تكلميني بهالاسلوب دانه: اقول يله باتاخر على المحاضرة .. هذا الدكتور ما يرحم الجوهرة: مو هذا الدكتور القطريدانه: يس !!الجوهرة: اقول اجل خل اركض ابي اجلس قدام .. راحوا للقاعة بسرعه .. كانت سهر جالسه وشارية الكوفي !! وحاجزة أماكن لهم !! التفتت دانه للقاعه وما شافت الا مجموعه هنوود .. اوف وش فيهم ذول .. والله شاكه انهم ينامون بالجامعه .. متى يمديهم يجون الصبح !! الجوهرة: هااي سهر سهر: هلا .. ليش متاخرين !! دانه ( وهي تجلس): جوجو اخرتني .. تقول تبي تعرس !! الجوهرة الي انحرجت من كلام داه بس ما بينت !! : اقوول وين استاذكم .. يا رب يكون حلو !! :: في ضيفة جديدة .. وبعدين تعالوا منو هالحلو ليكون واحد من الهنود .. افا يا بنات بلادي ما في ذوق !! ضحكوا على كلامه .. أما الجوهرة انحرجت .. منو هذا .. هي عارفة ان دانه فري اشوي بس مستحيل تكلم رجاجيل . اعرفها بنت عمي !! دانه: وش رايكم اعرفكم !! نايف: شنو في طالبه جديدة ما طرشولي مسج !! سهر: اقول مسوي نفسك ابو التكنلوجيا قدامها .. انت حتى تلفزون اشك ان عندك !! دانه: اقول موجو نايف: بسم الله .موجو .. مصادقين وحش انتم !!أما الجوهرة انحرجت من كلامه مرة .. يا ترا منو هذا دانه: هذا استاذ نايف . الدكتور الجوهر" بليز قولي انه مب خاطب .. ": تشرفنا !! نايف: انتي طالبه هني الجوهرة: لا بجامعه قطر !! نايف: اها .. وش جابك اجل !! سهر: قررت تتعرف عليك وجايه لك .. دانه: هههههه اقول لا تطلعين كلام على بنت عمتي !! نايف: اجل وين الناس .. باشرح انا للهنود اليوم !دانه: ههه شنو نطلع يعني !! اشوي الا دخلوا اغلب الطلاب .. أما الجوهرة ماتت على المحاظرة .. حرام عليهم يقولون ان محاظراتهم ممله . الاستاذ هذا يجنن.. اووف يا ريتني سجلت بهذة الجامعه !!