شبكة همس الشوق - عرض مشاركة واحدة

12 - 7 - 2014, 12:43 AM

نروح لريم الي كانت جالسه تنتظر السيارة مع امل عند الباب .. صار لهم ساعه ينتظرون ولما يتصلون بالسايق ما يرد عليهم .. جربوا اتصلوا على سايق بيت ريم بس كان مشغول ونفس الشيء حق بيت محمد !! ريم: اموول وش نسوي .. نقعد هنا اجل !! أمل: ما ادري والله !! الا اقول وش رايك نرجع مع موزو ريم: هي داومت اليوم 1!أمل: اي اي امس كلمتها . وجدولنا اساسا كل ثلاثاء يتشابه !! ريم: عيل خلاص كلميها يكون اريح بعد !! وعلى طوول اتصلت بموزة !! أمل: هااي موزانه موزة: هلا والله أمل: ليكون رجعتي البيت موزة: انتظر السيارة !!أمل: ممكن نرجع معاك !!موزة: يس يس ولووووو .. أكيد حياكم ؟؟ اما امل التفتت على ريم وابتسمت لها .. وراحوا لمبنى النشاط دام ان موزة جالسه هناك !! موزة : هلا والله بريمي أمل: بس على طول ريمي .. وانا ولا كأني هنا !! موزة: انا اشتقت لريمي انتي امس كلمتك !!ريم: لا داعي لا داعي !! والله تحرجوني .. يا ناس ترانني استحي امل: اي هيين موزة: اقوول انتي وياها امشوا السيارة قدام الباب ..تقدمتهم موزة . ومشوا بعدها !! لاحظت ريم ان موزة ركبت قدام !! وسحبت امل قبل لا تدخل السيارة !! ريم: امووول امل: نعم ريم: هذا الظاهر اخوها !! ( انتبهت امل للي داخل السيارة .. )امل: اي هذا عزوز !! يله ادخلي ريم: لا استحي !! أمل: اما تستحين عادي .. كانه اخووي .. ادخلي لا تفشلينا !! وركبت امل بسرعه ورا موزة !! أما ريم ما لقت خيار ثاني غير انها تركب وياه !!أما هو يوم قالت له موزة إن امل راح تيي معاهم ..ما توقع ان هالبنت تكون تقرب لامل !! معقوله تكون هالبنت من العائله !! بس منو بالضبط هذة مستحيل تكون العنوود انا اعرف العنود عدل !!بهاللحظة دخلت ريم السيارة ومبين عليها التوتر .. سلمت بصوت واطي !! هي متاكدة ان محد سمعها .. بس مو مهم !! المهم اني سويت الي علي وسلمت !! عبدالعزيز: اخباااركم بنات !! أمل: هلا والله عزوز .. الحمد لله تمام !!عبدالعزيز: هلا ببنت خالتي .. هلا بأموول .. الا امل .. هذة عندو الي معاك (( هو يدري انها مو العنود بس يستهبل ))أمل: لا لا هذة ريم بنت ولد عمي !! عبدالعزيز: وانا اقول بعد .. عندووو تستحي وقاعدة مكان واحد !!امل: عندوو الحين ثالث ثانوي عبدالعزيز: اها .. الا ريم مب انتي الي تصيرين اخت طلال ريم" بصوت واطي": اي .. ما سمعها بس ما حب يحرجها .. عيل وين لسانها الي شطول في التلفوون !! انا اورييج عبدالعزيز: اجل طلعنا اهل .. زين .. زين !! ريم" وش يبي هذا .. حنا مو اهل هو يقرب لأمول مب لي .."موزة: بناات وش رايكم تجون معي البيت تونسوني !! ريم" ومن دون شعور": لااااااااااء رفع حاجبة يوم سمعها تقول كذا .. وش فيها هذة .. ! بس شكلها فلله وهي منحرجة !!ريم: اه .. اقصد بووكرة عندي كويز !! تعرفين اول سنه لي .. ومعدلي نازل ! حرام انزله اكثر !موزة: ويييييي يا قلبي ! عادي عادي انا اول سنه كله رسوب !! أمل: هههههه موزو ما عليج منها .. ريمو كله تقول كذا وفي النهاية ما تدرس اعرفها بنت عمي !! ريم " وهي تساسر أمل": أموووول !! أمل: هااا وش تبين !! ريم: ليكون بيودينا بيتهم !! أمل: الا عزوووز !! عبدالعزيز: هلا والله ببنت الخاله!!أمل: ودنا بيتنا .. ريموو عورت قلبي وهي تتحندى !! عبدالعزيز " عبالك ميتين عليك !! طبعا باوديك بيتكم ": ان شاء الله أموول .. تامرين أمر !.....................................