شبكة همس الشوق - عرض مشاركة واحدة

12 - 7 - 2014, 12:26 PM

كانت جالسه لحالها بالكفتيريا .. دانه وسهر طلبوهم لاجتماع مع الطلبه الي معاهم في المشروع لانه اخيرا الاستاذ داوم اليوم . حست بملل شديد وكن ودها تمشي بس تذكرت ان دانه قالت انها ما راح تتاخر دقايق وجايين .. طلبت لها موكا وجلست على احد الكراسي الي موجودة هناك !! حست ان في شخص واقف على راسها !! نواف: السلام عليكم !! ما ردت !!الجوهرة:.............نواف: السلام للهالجوهرة: وعليكم السلام !! نواف: الا وين اختي !! الجوهرة: لا تخاف ما كلييناها .. هي مع دانه !! نواف: خاطري اعرف انتي ليه تعامليني بهالاسلوب !! الجوهرة: انا ما سويت شيء .. بس ما حب هالحركات !! نواف " مسويتلي فيها مؤدبة يعني .. والله لا جيب راسج يا جوهوؤ.. ": انتي ليه تتكلمين بهالاسلوب .. درينا ان لسانك طويل بس انتبهي اشوي .. ومشى وجلس في الطاوله الي وراها .. اما هي ماتت قهر .. وشيبي هذا جاي لحد عندي ويهني .. صج ناس ما تستحي !!كان ودها تمشي بس حست نفسها ضعيفة بهذا الوقت .. اشوي ولا يجون شله شباب قطرين . طلبوا كوفي ووقفوا عند طاولتها !!- اقووول الشيخة ممكن المشروب الجاي على احسابي !!- الا انت وين قاعد ليكون في كابري .. - لا بس نسوي جو .. يمكن الحلوه تضحك !! - من ناحية حلوه فهي حلوة .. الجوهرة: عبالكم باستحي وباعطيكم وجه !! - وقويه عين بعد .. يا سلام !! - انا احب النوع هذا اتحس بمتعه وانت تطيحة !!الجوهرة: يا رببييييي لا لا ما اقدر !! وتوها تبي تطلع تركب الاصنصير .. الا تسمع صراخهم . شافت نواف ما عطيهم كف وتهاوش معاهم !! جد جد تخرعت !! وشفيه هذا .. أنا اقدر ادافع عن نفسي .. وش شايفني بابتدائي !! التفتت عله عطيته نظرة ومشت !! - وااي امووت انا ع النظرات !! قول انها القيرل فريند حقتك وبنمشي !! نواف: اقول انت وياه .. ثمنوا كلامكم لا اوريكم اكثر من كذا !! - اقول حمد خل نمشي !!حمد: لا لا لا ... خل اوريه شغله يتحداني (( وينادي)) يا حلوووووووووووووووووووووووة الجوهرة (( ما قدرت تتحمل .. ما تتقهر !! كان المفروض انها تمشي بس ما قدرت خافت على نواف !! هو مب طالب بهالجامعه !! سمعت كلامه وماتت قهر تمنت انها رجال عشان تراويه الويل .. بس خذت الموووكا وكانت حارة طبعا ورمتها بوجهه ومشت بكل شمووخ .. ))ركبت الاصنصير ولا انتبهت للي كانوا منذهلين لتصرفها .. اشوي ولا تشوف دانه متصله عليها !!دانه: جوجو انتي وين الجوهرة: راجعه البيت . دانه: شنوووووووووووووووووالجوهرة: تمللت بروحيدانه: وأنا من راح يرجعني !!الجوهرة: خلي ريلج ولا صديقتج .. ولا باطرش السايق .. شرايجدانه: خلاص خلاص بارجع مع سهر !!الجوهرة: اوك على راحتك .. دانوا باي وصلت !!دانه: اوك باي !!استغربت من ردت فعلها .. اساسا كان ودها تقضي اليوم معاهم بالجامعه لان دانه عندها محاضرات وسهر راح تتملل لحالها .. بس الحمد لله الدكتورة لغت محاضرتها لليوم !! والله اريح !!...............................رجع من البيت وهو تعبان .. اشوي ولا يحصل مسج من دانه !!على الجوال .. طول اليوم كان ناسي الجوال في البيت .. وتعيجز يجي ياخذة مرة ثانية !! تذكر ان الغدا اليوم عندهم .. كان وده يعتذر .. بس تذكر السالفه المهمه الي تبيه فيها .. اخذ جواله وطلع من البيت بعد ما بلغ أمه انه راح يتغدى في بيت جده اليوم !!طلع ووصل بيت جده بسرعه .. البيت قريب كثير دخل وشافهم كلهم متجمعين . ينتظرون الغدا !! دانه: هلا والله .. زين تذكرت انك معزوم ع الغدا جاسم: اقوول اليوم كنت وياك بالدوام ما جبت لي سيرة .. طلال: والله توني متذكر .. وجيت ركض .. قلت اكيد غداكم حلوو !! ام عبدالله: وااي حبيبتي .. دقايق ويحطون الغدا !!طلال" ويساسر دانه": شنهي سالفتك !!دانه: انتظر لي بعد الغدا .. بنروح انا وانت لحالنا ونسولف !!طلال: انزين قولي الحين متحمس !! دانه: انتظرت امس طول الليل واليوم مو قادر تصبر ساعه !!بو عبدالله: ودي اعرف انتو وش تقولون !! طلال: جدي هذة سوالف شباب .. خلك بعيد عنها .. الكل: هههههههههههههبو عبدالله: اياااا الملعوووووووووووون !!جاسم: وانتوا عبالكم بس انتوا الشباب .. يله قولي وش السالفه !! خالد: بس اشتغلت اللقافة ََ !!أم عبدالله : يلله حياكم ع الغدا !! طلال: واو غداا يله بسرعه !! خالد: اقول انتوا ما عندكم اكل .. جاي تتغدى عندنا !طلال: وانا ماكل عشاك .. بنت عمك هي الي عزمتني !! جاسم: خلاص عيل بس عشان دانه .. بنرحب فيك !!! خالد: اقول دانوا .. بليز لا تعزمينه مرة ثانية !! دانه: افاااا ليش !! خالد: عشان ما تنسد نفسي !! طلال : ه ه ه ما يضحك !! ابو عبدالله : اقول يله كلوا وانتوا ساكتين .. ما له داعي الهواش على الظهر !! طلال: الا وين جوجو دانه: نايمه .. ما تشتهي تتغدى !! خالد: احسن توفر !! جاسم: وانت ما توب ! الحمد لله ان ما مسكناك الماليه !! كان الموضفين ما استلموا ولا ريال !!خلصوا الغدا .. وطلال على طول ما كذب خبر .. راح للصاله الثانية ينتظر دانه.. تجية !! دانه: تدري اول مرة اعرف انك ملقوف !! طلال: انا مب ملقوف .. امس كنت متوتر وما كان ودي اجي !! بس اليوم حسيت اني عارف موضوعج ومتحمس اني اتكلم عنه !! دانه: انزين تفضل .. تكلم !! طلال: هههههه اقول تلعبين على منو انتي !! انتي تكلمي وانا باشوف !! دانه: انت في بينك وبين العنود شيء !! كان متوقع هالسؤال .. وكان مجهز كلام كثير لدانه .. من اول ما تذكر السبب الرئيسي ورا العزومه وهو جالس يفكر باجابة لحد ما توصل لاجابة مقنعه .. بس بلحظة يوم سمع السؤال منها .. حس انه نسى كل شيء !! اي نعم نسى كل شيء .. نسى اجوبته !! ونسى شنو المفروض يقول !! طلال: هاااااا دانه: افهم من كلامك انك انصدمت .. ما كنت متوقع اني راح اتكلم عنها !! طلال: الا بس !!! دانه: بس شنو !!طلال: شوفي يا بنت الحلال !! حاليا ما في شيء بيني وبين العنود دانه: حاليا !!!طلال: اي حاليا !! دانه: عيل ليه كنتوا كذا امس بالمطعم !! طلال: شلون يعني !! دانه: يعني مبين انكم متوترين وفي شيء . بعكس مريم !!طلال: مريم دومها كذا عفوية !! كأنها اختنا !! دانه: طلاااااااااااااااااااااااااااااااااااااااااااااااا ااااااااااااااااالطلال: دانوو الصراحة هي عاجبتني !! دانه: شنووووووووووووووووووووووطلال: ما توقعتي اقولها !! دانه: توقعتك بتقول شايف عليها شيء .. طلال: ليه انتي شايفه عليها شيء دانه: لا والله .. العنوود تنحب !! انا وايد احبها !! ومتربية عدل بس الي امس شفته كان غير كذا طلال: اشلون يعني دانه: يعني كان شكلها معصبة عليك .. ما ادري محتره منك .. يعني شيء زي كذا !!طلال: يمكن !! بس شوفي دانووووو دانه: هلا طلال: انا صريح معاج .. وربي العالم ان محد يدري بهالموضوع الا ربي !! ما ابيك تقولين لحد !!دانه: ولو خيووووووو لا توصي حريص !!بهاللحظة دخل جاسم !! طلال: اوو جا السخيف !! جاسم" وهو يجلس": سخيف بعينك !! طلال: اخلص وشتبي !! جاسم : صحيح انك ما تستحي تكلم عمك بهالطريقة .. يله يله قم فز جيب لي كاسه ماي !! طلال: ااي هين !! قول لزوجتك !! جاسم: لا لا انا زوجتي ابيها ترتاح ..دانه: احم احم .. اي عبالي جاسم: الا وش عندكم تساسرون .. وجالسين هنا لحالكم طلال: قلتها يا خوي اسرار !! دانه: هههههه لا جاسم ما عليك منه !! بس هنا اريح لي عشان اقدر افصخ الشيله !! جاسم: اهااا !! الا جوالك كان يرن براا !! دانه: منو !! جاسم: سهرطلال: منو هذة !! جاسم: صديقتها !! دانه: ورديت عليها طبعا !! جاسم: طبعاا !!طلال" باستغراب": انت تكلم صديقات دانه !! جاسم: لا بس هذة .. استانس لما ازعجها !! دانه: خااطري اعرف بس هي وش سوت لك !! جاسم: ولا شيء .. بس كذا !! دانه: سبحان الله .. كانهم حاسين .. حتى هي ما تداني سيرته !جاسم: تكذب عليج .. هي تموت فيني !! دانه: ههههههه اي يصير خير !! ...........................