شبكة همس الشوق - عرض مشاركة واحدة

14 - 7 - 2014, 11:17 AM

الجزء ال واحد والثلاااااااثوون ..أقسى كلامي لك رجا و اعذب كلامك لي جروحمافيني شي منك نجاو انت تخليني و تروح أقسى كلامي لك رجا و اعذب كلامك لي جروحمافيني شي منك نجاو انت تخليني و تروح ناديتك بقلبي قبل صوتي و لا رديتنادتك صورة جمعتنا و للأسف صديتناديتك بقلبي قبل صوتي و لا رديتنادتك صورة جمعتنا و للأسف صديتقامت من النوم وهي تتمنى ان الي صار أمس كان حلم .. شافت الغرفة مخربطة وكل شيء طايح على الارض .. طلعت من الغرفة وشافت جاسم نايم بالصاله وباب الغرفة الثانية مفتوح .. دخلت للغرفة وشافت بنت صغيرة نايمه وحاظنه لعبتها وكان واضح عليها انها تبكي .. !طلعت من الغرفة بسرعه واخذت شنطو وحطت فيها كتبها واوراقها للجامعه واشوية ملابس وواتصلت على الخدامه تجي فوق .. جاسم نومه ثقيل وما حس بالشغاله وهي تاخذ الاغراض لتحت !! طلعت الشغاله وودت كل شيء لبيت ابراهيم وطلعت دانه وراها وهي تبكي .. حست انها انخدعت ..! حست ان احلا ايام عمرها ضاعت ..! حست ان الحب الوحيد في حياتها كان وهم !! اي نعم وهم !!...........................سمعت صوت باب البيت يتبطل استغربت من الي طالع من البيت هالوقت الساعه 7 ونص الصبح معقوله حد راح للدوام .. راحت للصاله وتشوف الشغاله جايه - لوس ويـــــــن كنتي !!لوس : ماما انا في روه بيت بابا براهيم ام عبدالله : الصبح بيت ابراهيم ليش !!لوس: ماما دانه في ياخذ هدا سنتة كبير وفي روه في قول حقت انا روه اخد شنتة استغربت .. هي عارفة ان المشاكل في بين دانه وجاسم كبييرة لكن مب لدرجة ان دانه تروح بيت اهلها .. دخلت جناحهم على طول وشافت كل شيء معفوس وجاسم نايم على الكرسي !!شافت الغرفة الثانية مفتوحه وفي شنط قدام الباب راحت للغرفة وشافت بنت صغيرة نايمه فيها وحاظنه اللعبة .. راحت بسرعه لجاسم وشافت علبه بيبسي قريبة منه .. فتحت البيبسي وصبته على وجهه !! عشان يقوم .................................................. .. ...........دخلت للبيت وتمنت انها ما تشوف أي احد لكن خاب ضنها يوم شافت أحمد جالس يفطر بالصاله لوحدة !!أحمد : يا هلاا تو ما نور البيت .. دوينه زايرتنا من الصبح !!ابتسمت له وجلست على اقرب كرسي .. أما الشغاله طلعت لبرا وكلها دقايق ودخلت ومعاها شنطة كبيرة !!أحمد: دانوو جاسم بيسافر !دانه: لاء !!قرب منها وجلس جنبها ع الكرسي !! أحمد بحنان : دانه لا تضيعين حياتك بسبب هواش تافه !!دانه " اول مرة تكون طيب معاي لهالدرجة يا خووي ": تافــــــــــه !!أحمد : دانه .. جاسم يحبج . انا متاكد ..! لا تدمرين حياتك .. انا متاكد انك الحين طالعه من البيت من دون لا يدري .. ارجعي حبيبتي وحاولي تصححين الي بينكم .. ترا لو عرف راح تكبر المشكله !!ما قدرت تستحمل وبكت .. أما هو ضمها لصدره وهو مستغرب منها ..! أول مرة تسويها .. معقوله لهالدرجة الموضوع كبير !!دقايق ونزلت أمها من فوق .. أم خليفة : دانه عندنا من الصبح !!التفتت لامها وحاولت تمسح دموعها لكن امها قربت وجلست مكان أحمد الي قام يكمل فطورة أول ما شاف امه جاات !!أم خليفة : شفيك يمه !! اشوف شنطتك فوق .. رجلج بيسافردانه وهي تبكي : لا أم خليفة : أجل شنو !! بيروح البر ولا شيء ويا ربعه !!دانه : لا ام خليفة بعصبية : انتي متهاوشه وياه .. والله عارفة انك ما تقدرين تمسكين لسانك .. لا وطالعه من البيت بعد ! يا يمه افهمي ما يصير تتطلقين .. كلام الناس ما يرحم يا حبيبتي !!دانه تبكي : يمه لو سمحتي خليني ارتاح ..!صعدت لفوق من دون لا تقول ولا كلمه اما ام خليفه تنهدت على حال بنتها واتصلت في أم محمد على الاقل تشوف شالسالفه منها ..!............................................... ... ...............................قامت من النوم على صوت الازعاج والصراخ الي تحت .. اسمعت صوت غريب عليها كأنه صوت أحمد ولد عمها لبست شيلتها وعبايتها ونزلت تحت على طول ..احمد يصارخ : يعني انت شايفنا لعبه عندك .. بعد 6 ما ادري 7 شهور تطلع عندك بنت .. جاسم يصارخ : هالموضوع مالك دخل فيه بيني انا وزوجتي !! خالد: هدوا نفسكم يا جما عه انتو خوانأحمد: اخوان ويلعب على اختي !! ( ويصارخ ) انت لو ما طلقتها ما تشوف طيب !!جاسم بعصبية : طلااق ما اطلق .. مب كفايه جبرتوا اختكم ع الزواج .. الحين بتجبرونها ع الطلاق احمد: محد جبر حد يا جاسم .. جاسم: انت شايفني ياهل ولا ما افهم .. دانه كانت مجبورة وانا واثق من هالشيء .. ما فتحت الموضوع معاها عشان ما احطها بموقف بس هي مجبورة أحمد: مب احنا الي نجبر اختنا على شيء!!خالد: خلاص يا احمد .. دانه وجاسم يحلون الموضوع بين نفسهم !!أم محمد : يا يمه يا احمد لازم يحلون المشاكل بين نفسهم !!جاسم يصارخ : يقول الي يقوله .. طلاق مب مطلق !! وطلع من المجلس وهو معصب .. أما الجوهرة حست انها مب قادرة تقعد في البيت أكثر .. عدلت شيلتها وراحت بيت ابراهيم ..@الجوهرة: السلام عليكم !!كانت أم خليفه جالسه وتلعب مع حسن ..@أم خليفة : عليكم السلام حبيبتي !!الجوهرة : خالتي وين دانه .. أ/ خليفة : في غرفتها يمه .. من يوم ما جات ما رضت تطلع .. والله تعبتني هالبنت !!الجوهرة : خالتي ترا جاسم كان مطلقها لما تزوج دنوو ..!أم خليفة : بس ما قالها ان عنده بنت هاي الي قاهرها .. وكان متزوج رفيجتها يا جوهرة !!طلعت فوق وهي تركض ..!- ممكن ادخل ..!دخلت قبل لا تسمع الرد .. شافتها جاسه تبكي على السرير وتتصفح البوم مليان صور .. الجوهرة :دانه ..!التفتت لها وعيونها مليانه دموع .. دانه : شفتي اخوج وش سوى !!الجوهرة : دانه الموضوع ما يستاهل هو ما تزوج عليج يا عمري !!دانه وهي تاشر على صورة بالالبوم : هذة نادين ..اخذت الصورة من يدها وتاملتها فعلا هي حلوة وايد .. لكن ما حبت تبين هالشيء لدانه عشان ما تزيد حالتها ..دانه : انتي مب فاهمه !! ( وتاشر ع الالبوم ) تذكرين يوم قلت لج في بيت سهر احنا مكتوب علينا الشقى سهر ماتت .. ونادين ماتت .. أماني تطلقت وانا لاحقتها !! يوم جيت قطر توقعت ان حياتي بتتحسن .. بالقى أهل يحبوني ..! لقيت أهل وعشت احلى ايام عمري ويا جاسم وفجأه كل شيء صار وهم .. جوجو انا ما ابي اعيش في قطر ( ورجعت تبكي ) الي قاهرني يا الجوهرة معقوله اكون مع شخص لمدة 5 شهور وانا ما ادري انه متزوج صديقتي .. طيب نقوول انه طلقها قبل يوم كنا بلندن اشلون ما دريت اشلون ما حسيت ..الجوهرة : دانه لا تخلين لحظة غضب تدمر حياتك .. احمد جا يتهاوش مع جاسم ويقوله يطلقك !!دانه: انا قلت له .. مب راجعه لجاسم وابي اتطلق !!الجوهرة : وبعد الطلاق شبتسوين !!دانه: باروح لندن ... ما ابي اعيش هنا خلاص !!!الجوهرة بعصبية : وانتي عبالج بكيفك .. تروحين لندن .. ترجعين قطر .. يا ماما ما يصير خلاص رن جوالها شافت اسم المتصل وابتسمت باستهزاء ..!الجوهرة : من !دانه : جاسم !! بو شهدالجوهرة : طيب ردي عليه ..!دانه : لا لا .. ما لي بارض له .. جوجو الجوهرة : هلا دانه: لو سمحتي اطلعي ..!الجوهرة : افاا تطرديني يا اختي دانه: لا فديتج .. بس مالي بارض والله .. تعبانه !!مسحت دموعها وحاولت تنام .. يمكن تكتشف ان كل الي صار حلم ..!كانت جالسهـ تفكــر لحد الحين مب مستوعبه الي صار أمس .. أمس كان يوم غريب اول شيء الي صار مع عزيز .. وبعدين سالفه جاسم من كان يصدق ان جاسم طلع متزوج .. وقاطع تفكيرهـا صوت الجــوال .. صاحبهـ الرقم : مــرررررحبــاااا ريم :هلا .. عزيز بصوتهـ البناتي : وراك تقولينهـا من غير نفس .. ريم : بلاك رافعهـ ضغطي ..! عزيز : أنــا ..!! ليييييهـ .. ريم : أبــي اعرف من انتي اخلصي علــي ..؟ عزيز : يابنت الحلال .. وسعي صدرك ومو لازم تعرفيني ؟؟! ريم : لابعرفك عاجلاً وإلا اجلاً .. عزيز: طيب طيب .. شكلك متضايقه ريم: افففف بلاوي ..! عزيز : بسم الله .. شالموضوع ريم: اخوي طلع متزوج !!عزيز " اي اخو معقوله طلال ": اخووك ريم : اقصد عمي .. بس انا اسميه اخوي عزيز : الله يهنيهريم: عمي اساسا متزوج .. طلع متزوج قبل زوجته وعنده بنت !!عزيز " بل هااي كله يطلع من جسووم ": اها ريم: لا وفوق هااي امس صار لي موقف زفت بالستي ..!! والله منقهرة لحد الحين !!عزيز " معقوله تكون زعلت مني ": موقف !!قالت له ريم كل السالفه وهو يحاول يكتم ضحكته !!عزيز : طيب يمكن يحبك !!ريم: حصوو انتي تبين تذبحيني .. أما يحبني !! عزيز : ليه له .. ياما حصلت بعد الكره حب !!ريم : بس هو مستحيل !!عزيز : ليه مب وسيم ريم: الا بس الوسامه مب كل شيء .. عزيز " حلو البنت الي تفكر بهالطريقة .. مب نفس موزو من شافت واحد حلو جنت .. الحمد لله والشكر .."وسمعت صوت رجالي عندهــا .. كان عزيز بالدوام ودخل عليهـ سكرتيرهـ .. ريم : اسمع صوت رجال اخووك عندك .. عزيز ابتسم على التصريفهـ اللي جات من اللهـ واشر على السكرتير يطلع عزيز وهو ينعم صوته زيادة : مشكله الاخوان !!السكرتير طالعه بنظرة .. مستغرب من مديرة أما عزيز اعطاه نظرة كرهته حياته ورجع لها : آيــهـ .. واللهـ غثهـ هالاخوان .. ريم : مايحتاج تقولين عندنا وعندكم خيــرر ومرت فترهـ وعزيز يكلمها على انه بنت وهي دخلت معها البنت سوالفها تجنن .. ! وصارت تسولف معها بكل برائهـ ..! .............................................. .... .فتح الجوال بعد ليله طويله مرت عليه ما صدق ان الوضع هدى خلاص .. طول اليوم والبيت يه مشاكل .. مشاكل مع أمه مشاكل مع ابوه .. وبالاخير تقبلوا البنت بس لحد الحين يعاملونها بتحفظ ..!شاف 3 مكالمات من عمه ..اتصل فيه على طوول ..خالد: الوو ..!!راشد: انت ووجهك مسوي نفسك بزنس ماان ..!خالد: ههههههه راشد: شعندك الجوال مسكر تعبت وانا اتصل .. وفوق هذا ما داومت اليوم خالد: والله مشاكل يا عمي ..! راشد: مشكله جاسم خالد: ما شاء الله .. السالفــــــــــهـ انتشرت راشد: اشوف وحدة من الخدامات قالت لامي .. وامي اتصلت في مرت ابراهيم ..!خالد: قالي جاسم اهم شيء الخدم ما يدرون ههههههه ..!راشد: ابراهيم ما شفته اليومخالد: ولا انا بس سمعت ابوي يكلمه ويعتذر منه راشد: ما كبر المشكله الا الاهل ..خالد : بهااي صدقت يا عمي ..!راشد: اي تذكرت ليش اتصلت عليكخالد: آآآآآآمر راشد: ترا البنت وافقت !! خالد " اخيراااااا ": .....راشد:يله بعد فترة جيب ابوك واخطبوا رسمي ..! الوضع الحين ما يسمح !!خالد: ان شاء الله خير .. مع السلامه عمي !!راشد: الله يسلمك يبة ...........................................رجع ت من الجامعه وهي معصبة .. محد راح الجامعه اليوم من بنات عمها .. وكلهم جواويلهم مطفيه .. دخلت للصاله وشافت أمها تتكلم بالتلفون وشكلها زعلانه .. جلست عندها بس ما فهمت شيء من الي تقوله .. شكلها معصبة ..راحت تحط لها غدا لان الساعه 3 العصر الحين .. وصعدت فوق لمريم الي كانت تدرس .. هيا: مريووم شالسالفه !!مريم: افففففف اسكتي بلاوي ..!هيا: بلاوي !!مريم: توهاا عندل تتصل فيني ..! تقول ان جاسم ولد عمي طلع متزوج وعندة بنت .. ودانه عصبت وراحت بيت اهلها .. والحين جالسه تصيح تقول ودوني لندن .. وامل بنت عمي راشد انخطبت .. خالد ولد عمي محمد خطبها ..! وووووووو لحد الحين بسهيا: بل بل كل هذا يصير من وراي !!مريم:هههههه انا ما ادري ترا جوجو وريم ما قالو شيء حتى دانه .. الخدامات قالوا لبعض ووصلت السالفه لبيت عمي راشد .. وسمعوا يقولون ان أمل خالد خطبها .. وصلت السالفه لعمي محمد وزعل من عمي راشد وخالد لان ما قالوا له .. حتى امه زعلت .. تقول اشلون تخطب وما تقولي !!هيا تضحك وهي متحمسة : هههههههه والله فلله !! بس دودو ما تستاهل !!مريم: يس يس !! والله الكل معصب من جسووم هيا: الحين امي شكلها تكلم جدتي .. خل تسكر ونسمع باقي الاخبار !مريم: انا قاعدة ادرس لان المغرب امي بتروح بيت جدتي وابي اخلص كل شيء عشان اروح معاها .. لازم اكون موجودةهيا: طيــــــب .. امي وسعود ما راح يأجلون سفرهم ..!مريم: ما اعتقد الا العمرة يومين .. وابوي بيروح دبي نفس الوقت عنده مؤتمر !!هيا: واحنااااااااا !!مريم: امي قالت بتودينا بيت جدتي هيا: لا ما ابي !!مريم: ليش !!هيا: ابوي ما بيتأخر ثاني يوم راجع .. بنجلس بالبيت ما يسوى !!مريم: عااد هيون بيكون فلله !!هيا: لا تسوين سالفه مالي مزاج اروح اناام ببيت حد !! وباقول لامي !!.........................................مر الاسبوع بسرعه على الجميع .. الكل لاهي بامورة الخاصة .. دانه وجاسم على حالهم .. اتصل فيها جاسم كم مرة لكن ما ردت عليه .. جرب يزورها كذا مرة لما البيت كان فاضي لكن ما اطلعت له ولا رضت انها تشوفه .. بالنسبة لخالد وأمل العائله كلها عرفت عن موضوع الخطوبة والكل متحمس لها الا امل ..! كلها يومين ويسون حفله لخطوبتهم .. مع الملكه بيوم واحد .. عمتهم شريفة سافرت للعمرة اسبوع وما راح تحظر الملكه مع الاسف ..!دانه رافظة تروح الجامعه وتقدم الامتحانات .. رافضة تشوف احد ولا تنزل من الغرفة .. بيت ابراهيم .. غرفة دانه ..- دووووووووووين انتي عارفة ان الخطبة بكرة ما راح تحظرينها يعني دانه : لا ريم: طيب علشان أمل بس .. المسكينه مالها ذنب !!دانه: ما ابي اشوف حدالجوهرة : حد مثل من الخطبة عائليه .. حتى راح تكون في البيت عادي .. كفايه عمتي شريفة مب حاظرة .. على الاقل احظري انتي !! دانه بملل : لا يعني لا .. مالي بارض اففريم: طيب وليه رافضة تشوفين الناس .. حتى جدتي ما تبين تشوفينها .. بس انا وجوجو واخوانك الي سامحه يدخلون دانه: كلمه زيادة وحتى انتوا ما باخليكم !! جاين تسولفون سولفو بس بليز هالموضوع لا تفتحونه خلوني انسى بليز !!رن جوال الجوهرة وشافت رقم البيت الجوهرة : الوو !!- الوو عميمة جوجو الجوهرة: هلا شهوودة !!التفتت لها دانه بعصبية .. أما الجوهوة طلعت من الغرفة بسرعه !!ريم: دانو تراها ما تقصد تقول الاسم قدامك اكيد بالغلطدانه: لا عادي .. البنت مالها ذنب .. مستحيل ازعل من البنت عشان ابوها !!ريم: يس يس هااي دندون الي اعرفها .. طيبة وعقلها كبير دانه: انتي مب فاهمتني ريمي .. محد فاهمني !!