شبكة همس الشوق - عرض مشاركة واحدة

17 - 7 - 2014, 03:25 PM

خالد " مدري ليه احس انك تبكين ": وشقررتي .. أمل تراني مب قادر اعيش هالحياه .. يا زواج كامل يا خلاص .. حركات نص نص ما احبها .. أمل : انت وش رايك خالد: في الحالتين ما عندي مانع .. بس لازم اسمع رايك بالاول .. أمل : عطني وقت أفكر هاي طلاق مهب لعبة .خالد " ليش يا أمل ليش .. " : خلاص على راحتك .. مع السلامه ..سكرت الجوال وجلست تبكي .. صحيح انها كانت معارضة للزواج بنفس الوقت عمرها ما فكرت بالطلاق ولا جت الفكرة على بالها .. ما كان ودها تتطلق .. ما اكن ودها تنظم لمسيرة المطلقات .. صحيح انها ما تحبة .. لكن ما فكرت بخالد الي ضربها ولا فكرت بخالد الي جبرها توافق عليه .. فكرت بخالد لي حبته يوم كلمته ع النت .. يوم تعرفت عليه أكثر ويوم عن يوم كان حبها له يزيد داخل قلبها .. فكرت بخالد الي متى ما احتاجته لاقتها جنبها .. ومتاكدة انه راح يكون جنبها على طول .. دخلت ع المنتدى الي صار لها شهور ما ادخلت عليه ولا تدري عنه شيء .. وجلست تقرى محادثاتهم بالملف الشخصي والرسايل الخاصة .. كانت كثيرة اي نعم كثيرة .. 20 صفحة بالملف الشخصي تقريبا .. ! كان ودها تمسك الجوال وتقوله انها موافقة لكن ما حبت يقل من قدرها بنظرة ولا حاجة .. تبي تتاخر فترة عشان يكون على اعصابة .. وكأنه قرار صعب بالنسبة لها ..! قرت كل الرسائل ونزلت لتحت شافت جدتها تتقهوى ومعاها نور .. أمل: السلام عليكم .. نور: وعليكم السلام يا هلا .. أمل: الا نور . نور: هلا أمل: ريمو ما ردت على عبدالعزيز نور: لا والله .. لحد الحين .أمل: مب كأنها طولت .. نور : محد مجنني الا هالبنت .. أمل : خالتي ترى لو رافضين عادي مافي حساسيه ..نور: لا بس هي كذا تحب تاخذ وقت بالتفكير .. ان شاء الله على نهاية الاسبوع ارد لكم خبر ..!أمل: اهاا .. جدتي ..ام محمد: سمي يمه ..أمل: أبي أطلع ..نور: انتي ما وراك جامعه .. ما وراك إمتحان ..أمل: امتحاني خلص الساعه 10 .. قدمت ورجعت واليوم أخر يوم إمتحانات .نور: ريم فديتها تخلص بعد بكرة ..أمل: اي ريمي هالكورس ماخذة مواد اكثر مني .. ............................................... ... ......- يمــــه ما راح نسافر السنه ..! - والله ما ادري يا هيا .. ابوك أمس يقول يمكن نمر على فرنسا .. هيا :طيب دام رايحين فرنسا .. خل نروح لندن بعد .. شريفة ( أم سعود) : وشنسوي بلندن .. هيا : يمه من زمان ما رحنا لها .. وبعدين انا اشتقت لدودو .. بليز .. شريفة : خلاص أكلم أبوك ..هيا بترجي : يس يمه بليز .. والله اشتقت لدنو ..!شريفة : طيب نشوف . لو أبوك يرضى ..هيا: بعد اسبوعين عرس أمل .. نروح قبل العرس ؟؟!شريفة: بس اسبوعين ما تكفي ..!هيا: يمه لأن بعد العرس نتايج مريم .. وبعدين حفله تخرجها .. ترا مافي وقت والله ..شريفة : طيب طيب .. ! اشوف ابوك بالاول ..................................حست نفسها متضايقه ولا لها خلق تدرس .. هي ودها ترفض هذا الي اسمه عزيز لكن كل ما تستخير تحس نفسها مرتاحه للموضوع .. تحس نفسها بدوامه ما لها نهاية .. معقوله تضطر توافق عليه .. طيب والكره الي تحمله له وش تسوي به .!ليه تحس بحقد وكره كل ما تشوفه ولا تسمع صوته .. ليه تتضايق لما تسمع أي خبر عنه ..!ليه يعاملها بهالتصرف .. مع انهم ما يعرفون بعض .. معقوله يحبها من زمان مثل ما قالت لها دانه ..! ولكن ما يبين ..! ما تعرفه من فترة طويله لكن الفترة الي عرفته فيها كانت كافيه عشان يبين الكره الي تشر فيه اتجاهه ..! كان ودها تبكي وتروح تقول لابوها انها رافضة لكن كل ما تروح .. وتبي تقوله بقرارها يقولها فكري أكثر .. انا مرتاح للولد ..! تحس بالذنب وترجع ..!جلست على سريرها تحاول تدرس اشوي لإمتحان بكرة .. لما رن جوالها وشافت المتصله حصة ..ريم: هلا حصوو عزيز بصوته البناتي : وليه تقولينها كذا .. ما اشتقتي لي ..ريم: حصيص انا بورطه ..عزيز " وزواجك مني صار ورطة ": افاا ليش .. شالموضوعريم: تذكرين يوم اقولك مرة عن أخو صديقتي . الي وين ما أروح القاه قدامي .. عزيز: اي اي .. ريم: خطبني ..!عزيز: وااي مبروك حياتي .. تستاهلين .. ريم: المشكله اني ما ودي اتزوجه .. دوم تصيرلي معاه مواقف وكل موقف اكرهه زياده .. احسه يضحك علي .. ويوم استخير القى نفسي مرتاحه له .. ما عرف وش اسوي عزيز " الحمد لله أهم شيء الاستخارة ": ما فكرتي انه ممكن يحبك .. ريم: يحبني .. لا مستحيل عزيز: الا .. ممكن يحبك ويكون الحب نتيجة تصرفة .. ريم: طيب ليه يعاملني كذا ..عزيز" ودي انهي هالتمثيليه .. تعبت من دور البنت خلاص .. احس بالاهانه وانا اتكلم كأني بنت ": يمكن لأنه مب عارف يعبر عن مشاعره ..ريم : يمكن ..! بس مع طولت اللسان الي عنده ومب عارف يعبر عن مشاعره والله مشكله .. عزيز " ما ادري من الي لسانه طويل ": لا حرام عليك بس المواقف الي تحكم ..ريم: حصة رايك اوافق .. حس بالندم انها خلاها تتعود عليه بهالطريقة .. للدرجة انها صارت تستشيرة بأمور خاصة .. وتقوله أشياء مستحيل تعلم عليها أي احد بحياتها .. عزيز " اخااف اقولها وافقي واحس اني لعبت عليها .. حرام استغل البنت بهالشكل .. " : انتي سمعتي راينا والحين المفروض تقررين .. ............................................... ... .......رجعت من الجامعه بدري .. وراحت لشقة جاسم على طول .. طول اليوم وهي تفكر في شهد .. صحيح ان علاقتها بجاسم لحد الحين ما رجعت مثل ما كانت .. لكن تحس ان الي بينهم علاقة صداقة .. وتحس انها مسؤوله عن هالبنت .. يمكن عشان نادين وصتها عليها قبل وفاتها ..!دخلت للشقة بالفتاح الثاني الي معاها .. وما شافت أي حس للمربية .. استغربت إن المربيه مش موجودة .. مع إن جاسم شكله لحد الحين ما رجع من الشغل .. راحت لشهد وجلست عندها تراقبها بحنية .. طول عمرها تحب الاطفال .. تتمنى طفل .. لكن عمرها ما تخيلت هالنهاية لزواجها .. لحد الحين تحس بتردد وخوف منه .. تخاف لا يكون في سر ثاني بحياته .. جالسه تحاول تبتعد عن التفكير في نهاية الموضوع .. كيف راح يكون ..! هل راح يطلقون ولا يرجعون لبعض .. ولا معقوله يظلون على هالحال للابد .. لحد متى .. - دانـــــــــــــه .. انتي هووندانه: يس شهوودة.. اشلونك الحين ..!شهد بتعب : تماام .. دانه بدي ماما ..صحيح ان عمرها ما إعتبرت نفسها امها .. لكن حست نفسها تألمت من هالكلمه ومن حال البنت الصغيرة .. كل طفل محتاج أم وأب .. وهي انحرمت من أمها بعمر صغير .. وأبوها صحيح انه ما كان يبيها بالبدايه لكن كأن اخيراً استيقظ ضميرة وكانه توه متذكر ان عنده بنت المفروض يهتم فيها .. إلتفتت للباب وشافته واقف يتاملها .. غطت البنت وطلعت وهو لحقها على طول ..!جاسم: اشوفك تعودتي ع البنت ..دانه: اي فديتها تجننمسك يدها وجلس جنبها : مب كأن طولنا وايد واحنا على هالحال ..!ابتعدت عنه بسرعه ..!دانه: أي حال أنا مرتاحة جاسم: بس أنا مب مرتاح ..!دانه بعصبية : وما فكرت براحتك قبل لا تحطنا بهالموقف ..!جاسم: بليز انسي وخل نبدا من جديد .. انتي ليه عنيدة كذادانه: مب عنيدة بس ما ابي اندم مرة ثانية ..! خل نبتعد عن بعض .. انشوف .. جاسم لو سمحت ..! جاسم: ولو شفنا ان الحياه تستمر !!دانه : نظل على هالحال .!جاسم بعصبية : تستهبلين انتي دانه: وش اسوي يعني ..!جاسم: دانو .. شوفي يا بنت الحلال قدامنا حلين ..! يا نرجع لبعض وتضلين هنا .. يا نتطلق وعلى أول طيارة لقطر ..!دانه: شنو . وشدخل قطر !! انا جيت هنا بموافقه هلي .. وبعد الطلاق ما لك حكم علي جاسم: هلك موافقين على قعدتج هني عشان زوجك معاك ..!دانه : مب حياه هذة ..!جاسم: انتي الي مسويه الحياه مستحيله ..! قلت لك اني غلطت والحين لازم تختارين .. صار لنا اكثر من 4 شهور على هالحال ..! يا بنت ارحميني اشوي عصبت وطلعت من الشقه بسرعه .. " أنا الغلطانه الي كنت اجي وأتطمن على بنته .. لازم انفصل عنه .. لازم أرتاح منه ..! " ................................................ .. .......صحت من النوم بدري .. طول الليل ما كانت تقدر تنام . طول الليل سؤال واحد في بالها .. توافق ولا ترفض ..! ودها تتصل فيه وتقوله توافق عمرها ما تخيلت نفسها تتطلق وهي بهالعمر ..!لكن بنفس الوقت مترددة ما ودها ترخص نفسها قدامه .. ما ودها ترخص في عيونه ..!تحس نفسها خايفة ومترددة بنفس الوقت ..!انتبهت للساعه وشافت انها 8 ونص أكيد يستعد للدوام .. هو دوامه يبدى 9 ..!اتصلت فيه ورد على طول ..!خالد : الوووووأمل: ....................خالد: أمل .. انتي معاي !!أمل بصوت خايف : الوووووخالد " الله يستر ليكون طالبه تتطلق ": هلا اخبارك أمل: الحمد لله تمام ..!خالد: ليش ساكته .. ما صدقت اسمع صوتك ..!أمل: لا سلامتك بس " يا ربي وش اقول .. اقوله اني موافقه اخاف يقول هذة ما صدقت " اممم خالد: أمري ..!أمل: ما يامر عليك عدو بس بغيت أسئلك عن تجهيزات القاعة .. اذا خلصت ودي اشوفها قبل العرس ..!ما لقت عذر افضل من كذا .. وبنفس الوقت تبين له انها لحد الحين على كلمتها ولا ودها تنفصل ..!خالد " يعني موافقة نتظل .. طيب ليه ما قالتها ": والله ما ادري .. الي اعرفه ان باقي الكوشه محد اعطاهم الراي النهائي .. لان جوجو قالت تبي تشوف رايك .. ما كلمتك هي ..!أمل" افففف نسيت هي أمس كلمتني ": لا لا ما اتذكر ..! باتصل فيها بعدين وباسئلها !!خالد: خلاص .. أجل بالليل ان شاء الله راح أمر لي عندكم !!أمل: خلاص مع السلامه ..!خالد : في امان الله !!شكرت السماعه بسرعه وهي تحس نفسها ترتجف .. كان ودهل ترقص من الفرح مو لأنها تحبه ولا حاجة بس لانها سعيدة أنها ما راح تتطلق .. لمست في خالد نبرة صوت أول مرة تسمعها ..! حست انه سعيد اشوي لإختيارها ..! لكن ما حب يبين لها ..!معقوله الحب الي تشاركوه بيوم من الايام راح يرجع ..! ولا بيكون مجرد وهم وحب ضائع !!دقايق ولا تسمع طق ع الباب ..!- عادي أدخل ..! أمل :يس يس طبعا ماله داعي تستأذنين ..مريم: رجعت مع عندل من المدرسة والشيخة نامت على طول قلت اشوف شتسوين ..!أمل الي تذكرت أن اليوم أخر امتحانات عندل : الا هي اخبارها .. مريم: الحمد لله تقول حلت زين أمل: كان صعب مريم: كان متوسط .. بس الي يقهر ان كله من برا المنهج تخيلي لحد الحين بس الشرعية من منهجنا ..ّأمل باستغراب: بس ..!مريم: اي بس ..!أمل: ومتى نتايجكم ان شاء الله ..!مريم: يقولون نهاية الاسبوع .. عشان يكون نهاية 6 تقريبا ..!أمل: اهاا .. يله ان شاء الله خير ..!مريم: فستاني لعرسج اليوم بيخلص ..!أمل: اي لون ما شفته ..!مريم: ادري .. حتى هيون ما وريتها ولا خليتها تجي معاي البروفة .. أبي كل شيء يكون سبيشل !!أمل: مالت عليج وعلى السبيشل .. يله براا !!مريم: افااا أمل: سوري بس ابي انام والله . مريم: تدرين بكرة بنروح لندن مع سعود أمل: نعم !! من جدك مريم: يس يس هيوون كانت تحن تبي تروح لندن بالصيف لانها مشتاقة لدودو .. عاد امي قالت لابوي وطلع يعود راح يروح هناك 3 ايام لانه يبي يحضر مؤتمر مع احمد وخليفة بيكون مندوب شركتهم ..!أمل: اوك .. مريم: واحنا بنروح معاه .. هو راح يكون مشغول بالمؤتمر واحنا نطلع مع دنو ..!أمل بحماس : والله فلله يا ريت اروح معاكم !!مريم: انتي عروس بتسافرين قريب أمل: الي يسمع يقول ما راح تروحون مكان مريم: الا بعد عرسك بنروح فرنسا ..! بس يمكن على نهاية الاجازة أمل: اهاا ..!مريم: الا انتي وين بتروحين ..!أمل: والله ما ادري . ما سئلته !!مريم: لانج هبله .. يا رب يوديج مكان رومنسي مثل هاواي أمل: ههههههههه أما هاوي وش اسوي فيها !! ............................................... ...صحت من النوم على صوت ازعاج وطق على الباب .. فتحت الباب بهدوء وشافته واقف قدامها وشكله ناوي يطلع واكيد يبي شيء .!.- نعم .. ما تعرف تطق الباب انت- انا برا .. ابيك بموضوع مع أبوي .. يله بسرعه !!استغربت من لهجته الرسميه وراحت بسرعه تغير ملابسها لأن اكيد الموضوع مهم ولا ما كان جا يومها من النوم والساعه لحد الحين ما صارت 9 ونص ..!ريم: هلا يبة !!عبدالله: صباح الخير ..!ريم بابتسامه وتجلس جنبه : صباح النور !!عبدالله : شوفي ريمي .. طلول بكرة بيسافر ان شاء الله !!ريم بحماس : وباسافر معاه .. ثانكس يبة !!عبدالله يضحك : لا وين ..!طلال : نبي نسمع ردك النهائي على عبدالعزيز عشان اقوله الرد قبل لا اسافر !!ريم " اففففف وش اسوي الحين .. خلاص انا سهرت طول الليل أفكر وباتوكل على ربي .. ": أنـــــــا موافقة !!راح لها أبوها وضمها وشافت الفرحة بعيونه حتى طلال بين عليه انه مبسوط وفرحان .. استغربت من سر هالفرح لهالدرجة عزيز قريب من أخوها ..!ريم: طلول ممكن طلبطلال: أمريريم: سفرني معاك !!!!طلال: أنا رايح لندن !!ريم: طيب وناسه دندون هناك .. انتوا تشتغلون وانا باقعد عند دودو .. وبالمرة اشوف شهد !!طلال: خلاص مب مشكله .. كأن سعود قال راح يودي خواته بعد ..!ريم بحماس : الله فلله .. وش رايك اقول لجوجو تجي بعد ..!طلال: أقول انتي راح تنادين العائله كلها .. انتوا ونحاتي اشلون راح نقدر عليكم !!ريم: طيب من بيروح بعد . طلال: أحمد وخليفة وسعود رحوا عشان المؤتمر .. وكذا واحد من الربع تدرين عزيز بيكون معانا ..! أنا بعد رايح عندي شغل مع جاسم ..! وانتي وخوات سعودريم وكانه احد كب عليها ماي بارد : من ..! عزيز طلال: اي ..!ريم: خلاص ما ابي اروح !!عبدالله : ليش يبة .. روحي غيري جو .. لأن أكيد بعد عرس خالد بنسوي ملكتك ..! ما اعتقد بيكون في وقت نسافر ..!ريم: لا لا ما ابي خلاص ..!عبدالله : الا متى طيارتكمطلال: بكرة الساعه 10 الصبح .. ها ريمي احجز لك ولا لا .. ريم بعصبية وهي قايمه : لا تحجز غيرت رايي .!عبدالله وهو يلتفت لطلال: لازم تقولها يعني ..طلال وهو يضحك : كان ودي اشوف ردت فعلها .. يحيلها ريمي ..!عبدالله : البنت كان ودها تسافر ..!طلال: طيب خل تسافر ولا يهمك بعد عرس خالد ان شاء الله انا باسفرها ..!............................................كان ت جالسه في غرفتها .. ما لها مزاج تطلع ولا تشوف أحد .. كلمت جاسم من اشوي وتطمنت على شهودة.. البنت صار لها يومين مريضة .. صحيح ما ظلت عندهم فترة طويله لكن كانت مسويه جو . اشتاقت لحس الياهل لما يكون بالبيت ..!فتحت دفترها وابتدت تكتب .. ما تدري ليه طرى على بالها ..!من زمان ما سمعت أي خبر عنه ..!من زمان ما شافته ..!اخر مرة شافته لما راحت مع دانه تاخذ اغراض المرحومه سهر ..!تذكر انها دخلت غرفته بعد ما طلع ولقت صورة طايحة له مع سهر واختهم الصغيرة اختها واحتفظت فيها .. حست بالذنب وقتها كأنها سارقه حاجة ..كن الحين تحس بفرحة كبيرة .. تحس بمتعه لأن خلاص صار عندها أي شيء يذكرها فيه ..!مسكت القلم وابتدت تكتب ..!أبطيت وينك.؟أشتقت أنا اسمع احوالك..اشتقت.!!لصوتك ..وهمسك ..ونبضاتك ..اشتقت.!!لعتابك ..يوم تقول تعالي وحشتيني..اشتقت..!!لجنونك .. يوم تقول انتي بجد تحبيني ؟؟الرياض ... الساعه 11 صباحاًانتبه للساعه وعرف انه متأخر الساعه 11 الحين .. أكيد ابوه وعمه راح يسون له سالفه مثل العادة لأنه تأخر وما راح الدوام .. نزل تحت وشاف أمه ومرت عمه ولميا جالسين .. سلم على أمة وجلس جنب لمياء نواف : اخبارك أم علي ..!أم علي: الحمد لله .. بخير دامك بخير !!نواف: اجل اخبار علي .. ما قال متى ناوي يرجع ..!أم علي بحسرة : والله ما ادري عنه هالولد .. شكله ناوي يمسك الشغل هناك على طول ..! من بعد المرحومه مب طايق يجلس عندنا ..!التفت على أمه وشاف شكلها متضايق .. صحيح ان عمرها ما نست بنتها .. ولا تبي تتناساها .. لكن بعد تتضايق اذا حد تكلم عنها بصيغه الماضي أو الغائب ..! تحب تحس انها لحد الحين موجودة معاهم ... موجودة بينهم ..! لكن عايشة برا مثل ما كانت طول عمرها برا !!أم علي وهي تحط يدها على يد أم نواف عشان تواسيها : خلاص يوخيتي .. الحزن ما راح يسوي شيء ..! لمياء الي حست لإن امها متضايقه بشكل كبير .. من يوم وفاه سهر وهي الحزن مب راضي يفارقها لكن اليوم غير .. اليوم بزيادة ..!لمياء : يمه وش رايك نزوج نواف !!ناظرها بنظرة عتاب .. هو ما يحب أي أحد يفتح معاه هالموضوع .. ودام أمه زعلانه ما وده يزعلها أكثر .. غصبن عليه يوافق !!أم نواف بحزن : ومن له نفس يخب ويستانس والمرحومه توها متوفية !!أم علي: لا توها ولا شيء قريب تكمل سنه .. الله يرحمها !! الحي ابقى من الميت يختي على قوله المصرين ..!أم نواف وهي تناظر نواف وكانها تترجاه انه يوافق ..!نوا ف"يا حبهم هالحريم لطاري العرس ": خلاص يمه موافق بس البنت انا اختارها !!أم علي : مب مشكله يمه المهم انك تعرس ونشوف عيالك !!لمياء " صحيح هالحرمه طيبة وايد .. يا حبيبتي يا سهر .. طول عمرها وهي تحبها وكانت تقول علي طيب على أمه .. " ام نواف : ومن هالبنت !!نواف بحيرة : هي قطرية يمه ..! شفتها يوم كنت اشتغل بالدوحة !!لمياء وهي تصارخ : جوجو صح !!التفت عليها وهو مستغرب وش عرفها هذة من الي ابي اخطبها .. أما هي اضحكت لأن سهر قبل لا تتوفى قالت لها مرة ..!تذكرت إنهم كانوا في غرفة سهر يسولفون عن حياه سهر بالدوحة وجابت لها سيرة نواف وانها هي ودانه شاكين أنه يحب الجوهرة .. وانهم ودهم يكتشفون هالشيء ..! ابتسمت يوم تذكرت اختها ومسحت دمعتها اليتيمه الي طاحت ..أم نواف: من الجوهرة !!لمياء : يمه هي بنت عم دانه .. وبنفس الوقت اخت زوجها !! طيبة وايد والله .. عمرها 22 .. كبر دانو تقريبا .. الحين رايحة سنه الثه تخصص هندسة بس مب عارفة اي فرع بالضبط !!أم نواف : اهاا ..نواف بتوتر : موافقة يمه !!أم نواف: لو ما وافقت راح تاخذ وحدة ثانية !!نواف ببرود : لا ..!أم نواف بابتسامه : لمياء عندك رقمهم ..@نواف بحماس : انا عندي يمه !!الكل ناظرة بشك بس نواف تكلم بسرعه .. دانه كلمتني مرة تتطمن عليه وحفظت رقمها عندي ..! أم نواف : دانه تصير مرت اخوها صح !!لمياء : اي اي ..!أم نواف: طيب عطني رقمها اتصل فيها !!