شبكة همس الشوق - عرض مشاركة واحدة

17 - 7 - 2014, 03:29 PM

طلعت من الشقة هي ومريم فتح الاصنصير وشافو طلال بوجهم. .طلال: اخباركم بناتمريم: هلا والله بولد عميهيا بصوت واطي: استحي على وجهجطلال يضحك: لا هيا خليها. . الا مريم وش سويتي سمعت ان النتايج ضهرتمريم: جبت 86 %طلال: افااا. . والعنود ما لقيت اسمها مع الاوائل اليومهيا: مسكينه عندل والله من يوم ما شافت النتيجة وهي حابسه روحها بغرفتها وتبكي وما ترضى تشوف احد. .طلال الي خاف من كلام هيا: ليشهيا: جبت 88طلال: افاا. . العنود أخبر انها شادة حيلها طول السنهمريم: كل البنات كذا. . تصدق الاولى جابت 94 %طلال: بل. . ليش السنه درجاتكم كذا- اخبر الناس اذا حبو يسولفون يسولفون بكوفي شوب. . وبالشقة مب نصهم داخل الاصنصير والنص الثاني براالتفت على جهه الصوت وابتسم شاف خليفة وأحمد جاين من برا. . خليفة الي كان يضحك أما أحمد شكله تفاجأ من وقفتهم مع بعض. . "وش الي ممكن يكونون يقولونه ". . ضحكت يوم شافته شكله سرحان لكن ما حبت تعطية وجه طلعوا هي ومريم من الاصنصير وراحوا يتمشون قدام العمارةمريم: هيوون أنا تمللت. . وش رايك نروح المول الي ورا هارودزهيا: نو نو هالشارع احلى! !التفتت وشافت واحد كان يلاحقهم من اول ما طلعوا من العماره. . كان شكله عربي. . لكن ما اعطته أي اهمية وراحت ناحية الرجال الي يرسم. .هيا: وش رايك اقوله يرسمني. .مريم: وعع صدقيني ما راح يسويها! !هيا بحركه درامية وهي ناسية ان في ناس في المكان لكن ما انتهت لان اغلب الموجودين اجانب. . بدت تسوي حركات نفس عارضات الازياء ومريم تصورها ويضحكون مع بعض. . على اساس ان محد يشوفهم لأن كل الموجودين اجانب ومحد راح ينتبة لهم. . كلها دقايق ولمحت الرجال الي شافته أول ما طلعت من العمارة مرة ثانية. . لفت وجها لكن هالمرة كان قدامها وجهها لوجة بعدت خطوتين اما هو ابتسم. . ّمريم بعصبية: هيوون تعالي! !- لحظة لو سمحتممريم: انت عربي- سي. . (ويلتفت لهيا) انتي الي يتزوجك فلوسه حلالبطلت عيونها مثل الكرتون بهاللحظة وهي مستغربة من كلمه وش يقول هذا. . صاحي ولا! ! أما فلوسه حلال. هيا وهي متخرعه: لـــــــــــــيش- أمورة ما شاء الله عليك! !استغربت من كلمه الرجال ومسكت يد هيا ومشوا بسرعه أما هيا كانت متخرعه من الموقف وودها تصيح لتفتت على مريم وشافتها تضحك. .هيا بعصبية: شفيك تضحكين! !مريم: يضحك ههه. . اما فلوسة حلالهيا: انا ابي ارجع الشقةومشت بسرعه من دون لا تلتفت لمريم. . أما مريم ابتسمت ومشت وراها! !................................................. . ...........حست بالضيق وهي تتذكر ان خلاص كلها كم ساعه وتكون زوجته رسمي .. لحد الحين تحس نفسها مو مستوعبه ..! معقوله كلها ساعات وتكون زوجه الانسان الي كرهته واحتقرته طول عمرها .. بس مع هاي ما تحس بالكره الي كانت تحس فيه اول ما تسمع سيرته .. تحس نفسها متجردة من أي مشاعر ..! التفتت لهيا وهي تشوف الفرحة مو سايعتها لولا ان عيب كان جلست ترقص ..! بالنسبة لهيا واحمد كل شيء بينهم تم بسرعه .. وكانت فكرة احمد أن ملكتهم تكون بنفس يوم ملكه ريم وعبدالعزيز ..ّالجوهرة : شفيك شكلج معصبة وشوي وتكفخين احد .. طلعتي اسوء من دانو بيوم عرسها ..!ريم بعصبية : اسكتي لا تذكريني فيها .. الحين هالدوبا معقوله ما تحضر ملكه اخوها وبنت عمتها ولا تحضر ملكتي انا !!الجوهرة : وش يسون اذا ما لقوا حجز ..! ريم: حتى لو يلاقون طريقة يجون فيها !!الجوهرة : يا ريتهم جاين بالسيارة ..!ريم: تستهبلين انتي ووجهج اي سيارة بيجون من الحسا هم .. هي لندن !! دام بالطيارة 7 ساعات !!...................الفت حوله وشاف الكل فرحانين ويضحكون .. تذكر فرحة امه يوم كان طالع من البيت ..! لحد الحين مو مصدق ان ريم موافقة عنده احساس ان باي لحظة طلال بيدخل ويقول اسف البنت غيرة رايها .. اتصل فيها أمس كذا مرة لكن ما ردت عليه .. يمكن كانت بتقول لحصة عن خطتها الحقيقية ..! وصل الشيخ وطلبوا منه انه يوقع وهو يدعي ربه ان ريم ما تحطة في موقف محرج وتحرجة ..! كل الي يعرفة ان هالبنت ما تستحي وجريئة وممكن تسوي اي شيء !!خالد مبتسم : مبروووووووووووووووك .. عبدالعزيز بابتسامه صفرا : خل توقع العروس اول !!خالد يضحك : هههههههه وش فيك متخرع !!عبدالعزيز : دامك عمها ينخاف منها يا خوي !!..........................كانت ترتب الاغراض وهي معصبة وتنرفزة .. مو لاقين حجز الا لبكرة الصبح .. يعني بتوصل بنفس يوم عرس أمل .. ولا راح تحضر ملكه اخوها وريم .. لتفتت لما سمعت صوت أحد يدخل من الباب ..جاسم بابتسامه : السلام عليكم !!دانه بعصبية : عليكم السلام جاسم : خاطري مرة ادخل ولاقيك تضحكين وش فيك !!دانه " اففف ما صار لنا اسبوع راجعين وبعد بدينا بالهواش "دانه : لقيت حجز ..!جاسم : اي بكرة الصبح بس بدال لا نوصل 10 راح نوصل 8 .. يعني بعد اربع ساعات لازم نكون بالمطاردانه : اي اشوى على الاقل يمدني نرتاح . جاسم: شهودة وين .. دانه : تلعب !!قرب منها وضمها .. جاسم بهمس : ثانكس على اهتمامج بشهد دانه " يا ربي هذا دووم يغلبني .. " نروح لريم الي كانت معصبة وهي تشوف الجوهرة ومريم يرقصون .. أما العنود كان الحزن باين على وجها لحد الحين .. لحد الحين موضوع درجاتها مأثر عليها .. التفتت لموزة وشافتها تسولف مع أمل كان ودها تروح لها وتعطيها كف وتقولها قولي لاخوج يطلع احسن له ..1 لكن مسكت نفسها وجلست هادية وهي تدعي ربها ان اليوم يعدي على خير .. كلها دقايق وقالو لها تجي عشان توقع .. شافت ابوها جاي لها وماسك الدفتر كان ودها تضمه وتبكي وتقوله يبة قولهم خلاص .. لكن جاتها قوه ما تدري من وين .. ومسكت القلم ووقعت بسرعه .. وابتسمت لابوها الي كان يناظرها بنظرة كلها حنان ..!عبدالله وهو يضمها : والله وكبرتي يا ريمه ..!خانتها العبرة وجلست تبكي ما تدري ليه بس كان ودها ترتاح .. ما تدري ليه تحس نفسها مب خايفة منه ولا تحس بالكره اتجاه وبنفس الوقت مو مشتاقه لشوفته تحس نفسها عادي .. الجوهرة وهي تدخل : عبدالله يله ترا بيجي ابو سعود عشان هيا توقع .. ريم وهي تمسح دموعها : طيب طيب ..!الجوهرة تضحك : والله حالتج تضحك عبدالله يسوي نفسه معصب : كل شيء ولا ريما ما ارضى عليها هذة بنوتي !!الجوهرة : وينه ابوي انا بعد ابي اتدلع.............................تحس بالكل من حولها يتحرك ويرقص والكل باينه عليه السعادة الا هي .. ابتسمت بتسامه مو من قلبها وهي تشوف ريم .. لما راحت للمجلس عشان عبدالعزيز .. وحتى هيا ..!الله يهنيهم يا رب .. كل وحدة كانت جالسه جنب امها .. تمنت ان امها تكون موجودة معاها بهاللحظة .. بالايام الي فاتت ما كانت تتذكرها كثير .. كانت مشغوله بس الحين تتمنى لو ترمي نفسها بحضن امها وتفض فض لها .. وتقولها عن الي بقلبها والي خاطرها فيه .. تمنت لو تقدر تبكي على صدرها .. وتشكي لها همها ..!صحيح ان ابوها وجدتها وحتى امل مو مقصرين لكن أمها غير ..!مسحت دمعه طاحت من عينها بسرعه وراحت لفوق .. تبي تكون لوحدها .. تبي ترتاح .. خلاص اغلب الضيوف مشو وما بقى غير اهلهم .. ركضت على الدرج تبي توصل لغرفة ريم .. ما كان لها مزاج تصدم بأي أحد ولا تشوف اي حد .. بدال لا تدخل الغرفة الي ع اليمين راح لليسار ولان كل الغرف لها نفس الباب ما ركزت ودخلت الغرفة على طول .. دخلت غرفة مظلمه .. وباردة فتحت الليتات وشهقت اول ما شافت الغرفة .. هذة مو غرفة ريم .. غرفة ريم لونها عنابي وبيج وهذة لا .. غرفة ريم اثاثها غير .. هاي اكيد غرفة طلال لان غرفة فهد غير اما غفة طلال عمري ما دخلتها وشفتها ..ابتسمت لما شافت نفسها بغرفته كانت واثقة انه مستحيل يدخل الحين لان الكل مشغول تحت .. راحت صوب المكتب وشافت اوراق كثيرة مبعثرة .. مسكت ورقة من الاوراق وكانت تخص الشغل .. أغلب الاوراق الموجودة تخص الشغل ..! لفتت نظرها ورقة على جنب .. رفعتها وجلست ع المكتب تقرى على ضوء الابجورة الخفيف انا لاجيت أشبـه حبي في عمـرك يجي في بالي تشبيه عسى يرضيك انا موجـه قدرها تعيـش في بحـركواذا ماتت / تراها تموت في شاطيـك !!احبك كلمـه ماتملى سمـا قدرك ،، في قلـباً من غـلاك وكثر مايبغيـك تمنـي فالسمن صدري ويجي صدرك ،، عشان يكون لك دايم ولايخليك غلاك في مُهجتي وان مرني ذكركتعرف عيوني / عيوني وش تسميك ؟حلالي دنيتي اللي نورها فجرك وروحي اللي نفسها شوفك وطاريكفجأه حست بالنور يفتح و التفتت لجهه الباب وشهقت .. - عندل وش تسوين هنا .. العنود : موجوو ..الجوهرة تضحك : شفيك جالسه بغرفة طلال .. العنود: لا بس سمعت صوت رجال وانا طالعه ودخلت اول غرفة شفتها لحد ما يمشيالجوهرة : اهاا . يمكن عبدالله طلع فوق ..العنود : يمكن لاني ما ركزت بالصوت .. تركت الورقة على طول تطيح من يدها وراحت ورا الجوهرة الي نزلت لتحت اما العنود راحت جلست بغرفة ريم وهي تحس بالغصة من كان يقصد طلال بهالكلام .. تمنت لو يكون عندها حد تشكيله وتفض فض لها .. تمنت لو يكون عندها حد تقوله عن الي بقلبها .. بعد يومين راح يكون حفله تخرجها من المدرسة .. تحس بضيق ولا ودها تروح كل بنت راح تكون مع امها الا هي .. راح تكون وحيدة ..!من دون اي حد ..!........................................- السلام عليكم ..!أحمد بابتسامه : وعليكم الســلام .. ليه جالسه بعيد !هيا بحيا : لا مو بعيد .. أحمد: جالسه عند الباب وتقولين مو بعيد .. تعالي قربي !!هيا " افف .. من جده يبيني اقرب .. لا لا مستحيل " : لا لا ما ابي !!أحمد " والله مشكله البنات .. يسون نفسهم يستحون وهم بلاوي .. وش اقولها ذي الحين " هيا " اوووف هذا بيظل ساكت ويشوفني بهالنظرات على طوول " رن جوال احمد بهاللحظة وابتسم لما شافه جاسم .. لكن سكر بوجه وراح يجلس عند هيا ..هيا " اوووف هذا من جده جا جلس.. عادي اقوم .. لا لا فشله بكرة بيقول هذة مغصوبه " ..أحمد يضحك : اشفيك مو على بعضك كل هذا عشان جيت جلست جنبك ..هيا : لا لا وش دعوه .. عادي عادي .. أحمد : تدرين انك تجننين وانتي منحرجة .. بس فليها تراني ما احب الحيا كثير هيا " اووف ابي اطلع .. هذا وبعدين معاه .. والله فشله .. يا رب خدودي مب حمرة .. يا رب خدودي ما صارت حمرا "أحمد يبتسم : ردينا للهدوء .. خليفة قالي استمتع بهدوئها لانك بعد العرس ما ارح تشوفه ههههههههضحكت على كلامه غصبن عنها .. أما هو اتسعت ابتسامته يوم شافها تضحك .. هيا : لا عادي انا طبيعتي هادية ..احمد : اخيرا تكلمتي .. لا مو هادية اعرفك هيا : لا والله .. ترا ما حب اتكلم وايد لا تاخذ الموضوع شخصي .. احمد : اي تصدقين لاني بديت اعتقد ان سوالفي بايخةهيا : انت ما سولفت اصلا ..أحمد : مدري بس يوم اشوفك احس اني شبعانهيا : حد قالك اتفضل ع الاكل .. أحمد : شفتي انك ما تعرفين تسكتين .. هيا " يا ويلي فشله مريوم قالت لي لو تكلمتي وايد بيطلقك .. " أحمد : رجعنا للهدوء .. هيا بصوت واطي : الهدوء حلو .. احمد وهو يرفع راسها برقه ويبتسم : لا مب حلو نروح للريم الي دخلت المجلس الثاني .. وشافته واقف وماعطي ظهرة للباب .. سلمت بصوت واطي وجلست على اقرب كرسي للباب .." وش فيه حتى السلام ما رده علي .. " لف ناحيتها وابتسم ابتسامه صفرا .. عبدالعزيز : مبرووك .. ريم بصوت واطي : الله يبارك فيــك .. عبدالعزيز وهو جالس ع الكرسي القبالها : ادري انك مجبورة ماله داعي التمثيل .. ما تدري ليه بس حست نفسها تضايقت اكثر لما اسمعت هالكلمه .. استشغرت نفسها وحست انها مكشوفة قدامه .. لكن محد جبرها هي الي جبرت عمرها .. ريم بصوت واطي : محد جابرني .. عبدالعزيز بعصبية : الريــــــــــــم .. مب اهبل انا ادري اشكثر كنتي ما تطيقيني .. ريم بعصبية : من قال اني اطيقك انا ما كنت اعرفك عشان احبك او اكرهك .. انت تقدمت لي .. شفت مواصفاتك وافقت وبس عبدالعزيز : تبين تبينين انك مقتنعه .. ريم : لو مو مقتنعه وش كنت بتسوي مثلا .. عبدالعزيز بعصبية : حاليا ما راح اسوي شيء بس على الاقل اكون عارف وما له داعي نمثل قدام بعض ..ريم : لو انت تمثل تراني ما امثل .. ( وطلعت من المجلس بسرعه .. انتبهت عليها العنود الي كانت نازله من على الدرج )العنود: ريمي فيك شيء ليه تبكين .. ريم : لا سلامتك . لا تقولين لحد انك شفتيني .. ( وصعدت فوق على طول )