شبكة همس الشوق - عرض مشاركة واحدة

26 - 7 - 2014, 08:28 AM

بعد عني بعد ما سوا اللي يبية .. ما أعترضت لانة أخذ الشيء الاهم .. سحبت اللحاف على باقي جسمي وتوجهت للحمام " اكرمكم الله " وانا احاول امسك دموعي قدامة !!! خذيت لي حمام دافي !! لبست لقن أبيض مع بلوزه وأسعة باللون الازرق الفاتح " السماوي " مع شوز "اكرمكم الله" بلون أغمق شوي عن البلوزه .. رفعت شعري ذيل حصان وطلعت من دون اي ميك اب ! ناظر لي بإبتسامة وهو يقول
.. : يعني رضيتي ؟
رديت بلا مبالة : أبي اغير هالغرفة !
عقد حواجبة وهو يقول : ليش ؟ وش فيها هالغرفه ؟
ضغط على اسناني وانا مو متحملة منة اي كلمة بخاطري اضربة ! : ما تبي مو لازم !
رد وهو مستغرب كل الاستغراب من تصرفاتي : خلاص نروح بكرا وتختارين لك غرفة !
مشيت من دون م ارد علية وتوجهت لغرفة هاجر ضربت الباب ما احد رد علي نزلت للصالة لقيتها مندمجه بفيلم رعب وتعابير وجهها اللي توحي لي بالضحك كانت مرعوبة !!! مشيت لعندها وانا احاول انسى أمير وحقدي علية !! ارتميت على الكنبة وانا اضحك على تعابير وجهها لكن أندمجت معاها بسرعه لان الفيلم كان مرعب !! .. بعد رعب طويل وخوف عشتة انا وهاجر انقطع الفيلم "لـ اعلان " مطول كالعاده ألتفت لها وانا ابتسم : فيلم حلو بس مو وقتة وقت مثل هالافلام بأخر الليل ..
أبتست وهي تقول : زين أني لقيت شي حلو أحسن من هالملل ..
أكتفيت إبتسامة لها .. * عم الصمت ثواني * حتى نطقت هاجر وهي تقول : رهف .. أنا فكرت بزواجي من صاحب أمير
بققت عيني وانا اقول : لا ي هاجر اذا كنتي موافقه على شان امير انا أكلمة واقنعه لا تتزوجين أحد وانتي مو مقتنعه فية هذي حياتك بتعيشين باقي عمرك معه !! يعني انتي الوحيده اللي تقدرين تقررين هنا خذي وقتك وفكري لا تستعجلين !!
هاجر بإبتسامة ذابلة : طيب انا موافقه على هالزواج , وامير ما له خص !! انا فكرت ما رح الاقي احسن من نايف صاحب أمير من سنين !!
رديت وانا أكثر من حزينة على وضعها : الله يوفقك $
رجع الفيلم من جديد لأكني ما قدرت أكملة لما سمعت جوالي يرن خذيتة وقمت على شان ما ازعج هاجر توجهت للغرفة بسرعه كان أمير تحمم ! و كان المتصل فهده أبتسمت بفرح رديت على طول : اشتقت لك !!
ردت بضحكة : ههههههه انا اكثر , اتصلت عليك على شان اقولك شي !
فكرت لثواني وش هالشي لكن ما لقيت الاجابة قلت بإندفاع : وش هالشي ؟
ردت علي وأبتسامتها مرسومة على وجهها : أنــا حامل بولد
صرخت بفرحه كبيره : ججججججججد !!! بصير خالة مو مصدققة
أبتسمت بشكل أكبر : انا بعد ابي اصير خالة شدي حيلك أبي ولد أو بنت بأقرب وقت
ضحكت بخجل وانا اخفي بركان قهر بداخلي : إن شاء الله بأقرب وقت رح أخبرك بحملي وقبل ما يعرف أمير ! كم عندي فهده أنا
شد على خصري وشفتة عند اذني وهو يقول : تبيني اخليها تسمعها بأسبوع ؟
التفت بسرعه ووجهي أحمر قلت بكلام متقطع : أكلمك بعدين!!
سكرت على طول حتى قبل ما اسمع ردها وقلت له من دون ما احط عيوني بعيونة لانة كان لاف الفوطه على خصره وصدره مبلل وشعره !! : كانت مزحه لا تصدق !!
ضحك بخفة وهو يقول : وش رايك تكملين دراستك ؟ على حسب ما عرفت من هاجر انك ما كملتي ثالث ثانوي !! بسبب الحادث !!
رديت بغباء : هااه ؟
ضحك وهو يقول : رح تكملين دراستك ..
رديت وانا اقول : تبيني اكمل دراستي !!! ليش ؟ انا مرتاحه كذا خلني
ناظر لي نظره غريبة وهو يقول : كيف مرتاحه وانتي ما معك شهاده ؟
رديت علية وانا مقهوره منة : مثل ما انت مرتاح وانت ما تصلي وتشرب هالسم وتسوي علاقات محرمة مع بنات !
رد وهو يحاول ما يفلت اعصابة : تعالي نشفي شعري !!
رديت بسرعه وانا اناظر لة بشراسة : ما ابي!
ظهر صوتة الغاضب اللي يخيفني : رهــف ! قلت لك تعالي
تنهت بغضب وقربت منة وانا اقول : أجلس على شان اقدر انشفة لك !
مشى للسرير وجلس علية وهو يبتسم بإنتصار مشيت بغضب لعنده وانا انشف شعرة سمعتة يقول
.. : شكلك جميل وأنتي معصبة !!
غمضت عيوني بقوه وفتحته وانا اقول بغضب اكبر : ليش تحب تضايقني ؟
سحبني لحضنة وهو يشد على حضني ووجهي مدفون بصدره العاري
رد على سؤالي وهو يقول : مدري أحب احارش مثل ما احارش الاطفال
رفعت راسي له وانا اقول : ابي اروح أتابع الفيلم مع هاجر بعد عني
رد علي : ما ابي !
حاولت امسك اعصابي وانا اقول : أمير ابي اتابع الفيلم ..
طبع بوسة طويلة على خدي وبعد عني وهو يبتسم : يلا روحي تابعي الفيلم
مشيت بسرعه ما أبي احط عيني بعينة ! .. ما ابي اضعف قدامة .. ما ابي ابكي بعد اليوم .. يأخذ حقوقة بكيفة ما ابي الملائكة تلعني بسببة ! .. لكن ما راح يلاقي رهف اللي يبيها .. ! ي انا ي انت ي امير ..
نزلت عند هاجر واندمجت معاها بالفيلم من جديد اللي ندمت على قد شعري راسي اني تابعتة !!