شبكة همس الشوق - عرض مشاركة واحدة

26 - 7 - 2014, 08:29 AM

وصلو لأراضي الشرقية الجميلة وتوجه على طول لبيت أمير وقف قدام بيت ضخم بأحجار متراصه جنب بعض بأحجام مختلفة .. كان البيت يدل على ثراء اصحابة التفت رغد لسالم وهي تقول
.. : ليش وقفت هنا ؟
سالم وهو يناظر للبيت بأكملة : وش رأيك بهالبيت ؟
ناظرت لة بتفحص وهي تقول : حلوو ليش ؟
أيتسم وهو يلتفت لها : هذا بيت زوجك ! أمـــير ! ..
بادلتها الابتسامة من تحت نقابها وهي تقول : جد هذا بيتة !
سالم .. : أية هذا بيتة الحين تنزلين عندهم وتخلين نقابك عليك لا تنزلينة وزوجتة اكيد موجوده تروحين لها وتسولفين معاها هي ما تعرفك ولا تخلين أمير يشوفك ولا تقولين لها اسمك الحقيقي !
بققت عينها : بأي صفه تبيني أروح لها ؟
رد بلا مبالاه : تصرفي ويلا انزلي ..
رغد بتشتت : زين ليش تبيني انزل لها وش بنستفيد ؟
رد بإبتسامة خبيثة : تهديد صغير , أول قرصة اذن لأمير .. تقولين لها انك تعرفين سبب زواجها من أمير وهو أنة اغتصبها قبل الزواج !
بققت عيونها بقوه : وانت وش عرفك انة أغتصبها قبل ما يتزوجها ؟
سالم بنفس الابتسامة : لما جاء يعالجها بلندن وصلتة للفندق وكان سكران وقالي كل شي .. ويلا انزلي بسرعه ..
أبتسمت نفس ابتسامة اخوها الخبيثة ونزلت متوجهه للباب ضربت الجرس أكثر من مره ... فتحت لها الخادمة دخلت وهي تناظر كل مكان بالبيت الفخم , جاء ببالها انها بيوم من الايام رح تكون هنا عايشة مع أمير أبتسمت على هالفكره وكملت طريقها لداخل البيت .. التفت للخادمة وهي تقول : مدام رهف موجوده ؟
التفت لها انا وهاجر بعدما كنا مندمجات بفيلم الرعب وقفت وانا مستغربة تواجدها : نعم أختي أنا رهف ! وش بغيتي ..
كان بخاطرها تضربني .. تموتني .. تعذبني .. تسوي أي شي على شان ترتاح مني !!
ردت وهي تتصنع اللطف : ممكن أتكلم معك
رديت وانا وهاجر مستغربين من تواجدها هالوقت : تفضلي !
ردت : ما يصير هنا ابي مكان خاص شوي
لفت لي هاجر وهي تقول : خذيها وأطلعي لغرفتك ..
رديت بصوت مسموع زاد من قهر رغد : أمير بالغرفة وين اوديها ؟
هاجر بإبتسامة ما تفارقها : روحي لغرفتي ..
بأدلتها الابتسامة ومشيت لعند الدرج وانا اوجه الكلام لرغد : تعالي معي ..
رحت معاها لغرفة هاجر بعدما قلت للخادمة تسوي لنا عصير ! : أمريني حبيبتي وش بغيتي
رغد بتردد : الوقت مو مناسب أبداً بجيك بوقت ثاني السالفة تبي لها وقت وانا مو جاهزه اتكلم الحين انا جيت اتأكد ان هذا بيتك .. رح أمر عليك وقت ثاني إن شاء الله ..
أستغربت توترها وانا اقول: براحتك أي وقت تعالي !!!
قامت من عندي بسرعه ونزلت متوجه للباب .. طلعت من دون ما اشوفها من جديد ..
التفت على هاجر وانا اقول : ما ادري عن شي ما قالت ولا شي تقول بجيك بعدين واقولك !!
ضحكت على اندفاعي بالكلام من دون ما تسال : تعالي كملي هالفيلم اللي مو راضي يخلص !