شبكة همس الشوق - عرض مشاركة واحدة

26 - 7 - 2014, 08:34 AM

( يـــــوم جديـــد )
الساعه 9:21 صباحاً ..
صحى من النوم .. ما لقاني جنبة .. رفع راسه شافني واقفه عند الجدار ومعطيت ظهري !
سحب الروب حقة وقرب مني بعد ما لبسة وهو يشد على خصري ويقول بإبتسامة ما تناسب الا وجهه
: للحينك خايفة وش موقفك هنا ؟
ما رديت علية ولا تحركت من مكاني !! أستغرب مني , لفني لجهته كنت ماسكة الجوال بيدي الثنتين وعيوني كلها دموع هزني بخوف وهو يقول : رهف .. وش فيك ؟
قلت بتمتمة بصعوبة فهمها امير : ماتت ,, ماتت
تهاوى بعدها جسمي إلى جسمه وسقط بلا وعي .. رفعني بين يدية وهو يرتجف من الكلام اللي قلتة !! هزني بقوه وهو يحاول يصحيني ما فكر مين اللي مات !! ما كان يفكر الا فيني انا راح ركض لغرفة الملابس وخذا عبايتي لبسني أياها بإهمال وحملني بين يدينة لأقرب مستشفى ...
*قبل ربع ساعه*
الساعه 9:4 صباحاً بالخُبر ..
صحيت من النوم رفعت عيوني للساعه تأففت بملل ما شبعت نوم ! بس مو قادره ارجع انام ! سحبت الروب ودخلت للحمام " اكرمكم الله " تحممت على السريع وتوضيت .. لبست قميص نوم طويل باللون الازرق الغامق " النيلي" من قماش الحرير وفوقه روب بنفي اللون والحجم فرشت سجادتي وبديت أصلي الفجر !! ... أنهيت الصلاه وانا احس بشعور غريب !! ما راح يعدي هاليوم على خير !!
مشيت للكومدينة بعدما نزلت شرشف الصلاه "الجلال" كان بيطفى لقلة البطارية فية !! شبكتة بالشاحن وخذيت القرآن وبديت أقرئة يمكن يهدى بالي شوي !! رن جوالي رنه وحده وسكر !! سكرت القرآن وانا مستغربة مين بيتصل علي هالوقت مشيت للجوال لقيت المكالمة من فهده !! ما اخبي عليكم إني خفت أكثر !! اتصلت عليها بسرعه لكن اللي رد علي بدر !! :الو ..
قلت بتسرع وخوف : أبي فهده
بدر بصوت مخنوق : انا اتصلت عليك الحين كنت ببلغك بس شفت الوقت مو مناسب حسبتك نايمة
أزدادت نبضات قلبي وعلى طول رفعت عيوني لأمير النايم براحه !! قلت وانا ارتجف : وش فية ؟
رد بصوت مرتجف ومخنوق !! : فهده عطتك عمرها !!
أكــيد يكذب !! صح يكذب !!! مو معقولة بفقد أمي واختي بأقل من سنة !! ما رديت علية كنت بصدمة ما احد يتخيلها أمس تكلمني وكانت فرحانة !!! مو معقوله تروح بهالسهوله !! ما بكيت !! ما ادري ليش اي احد يسمع بخبر وفاة اختة رح ينهار بالبكي !! انا اكتفيت بدموعي اللي تجمعت بعيوني ولا راضية تنزل واستمريت ماسكة الجوال وانا ارتجف إلى ان صحى أمير .....

صحيت على صوت الممرضات ! وعلى نظره امير الخايفة !! وعلى المغذي اللي بيدي اليُسرا
التفت عيوني للمكان كان كلة أبيض ! عرفت انا وين رجعت غمضتها بتعب وبعد ثواني فتحتها بعدما حسيت بشيء يمسح على راسي حطيت عيوني بعينة !! وكل املي انة يقول كان يكذب عليك بدر !! رح تجيك فهده الحين !! تذكرت كل شيء .... مكالمة بدر ! ... خبر موت فهده ... ضحكتها امس وسوالفها لي !! أبتدى صدري يعلو ويهبط أبي ابكي !! مو قادره !! يمكن كانت الصدمة أكبر من اي شي ثاني
رفع راسي بيدينه وهو يقول بخوف : رهف لا تسوين كذا !! راحت عند ربها أرحم مني ومنك !
ما سألتة شلون عرف !! ولا فكرت حتى ! كل تفكيري شلون بكمل حياتي بدون فهده !!
قربت راسي من كتفه وانا اتمسك فية بقوه ضمني بين يدية وهو يمسح على ظهري !!
قلت بصوت بالموت ينسمع : رجعني للبيت !
رد : راح نطلع بس لما يخلص المغذي
ما التفت للمغذي ولا همني كم بقى سحبته من يدي بعنف بقق عيونه وهو يناظر الدم اللي ينزل بغزاره بسبب سحبي العنيف لابره المغذي , كان يعرف ان مو وقته يهاوشني !! مسك يدي اللي انجرحت
وهو يقول بضيق : ليش سويتي كذا ؟
رديت بعنف : رجعني البيت الحين ما ابي اقعد هنا !!