شبكة همس الشوق - عرض مشاركة واحدة

26 - 7 - 2014, 08:38 AM

البارت السادس عشر .. ♥

_ 16 _ ... ♥

لا أهوى سِواك ، لكن أعشقُ تحريض غيرتِك لأشعُر بجنونِ حبك .. ♥

قراءه ممتعه للجميع ..

فكــرت كثير بعزاء فهدهـ ...! لازم باقي ايام العزاء تكون عندي ..! ما راح تكون عند بدر .!
كنت امشي ويدي بيد أمير وعيني بالارض ..! حسيت بتوقفه المفاجئ ..! التفت له .. كان يناضر لشخص على طرف "الكُرنيش" ناظرت بالشخص اللي يناضر لة امير ..! كان واحد نحيف شوي لابس تيشيرت "برشلونة" مع بنطلون جينز .. رجعت عيوني لأمير .. قال وهو يصر باسنانة : هذا وش جابة هنا !
قلت بحيره : مين هذا ؟
رد بغضب : هذا سالم .. كــان صاحبي ..
ســآلم ..! صاحبة..! ذكرت كل شيء رساله التهديد اللي أنرسلت لأمير اما يطلقني او يموت ..! هذا أخو اللي اسمها رغد ..! هذا اللي هدد امير بالموت ..! جاي ينفذ تهديده ..! أو يمكن يجبر أمير يطلقني ..!
بلعت ريقي بصعوبة ..! تبللت عيوني بالدموع .. حركت راسي يمين وشمال احاول اشيل هالفكرهـ من رأسي .. مسكت يدهـ .. حس بخوفي وضغط على يدي وقربني منه ..
قلت ودموعي تنزل : أمير خلنا نرجع
رد وهو يصر بـأسنانة .. : ما راح اتحرك من هنا ...!
تقدم لنا سالم ومرسومة على وجهه إبتسامة مستفزهـ ..! رجعت عيوني لأمير اللي كان يناضر له بحدهـ
أمير : أرجعي للسيارة رح أجيك ..!
رديت : م َ رآح أتحرك من هنا .. الا معك ..!
كــان بيرد علي لكن وصول سالم قطع كل شيء تكلم بنفس الابتسامة المستفزهـ : صدفه حلوهـ يا امير ..! "التفت لي " هذي زوجتك اشوف تعدلت علاقتك معاها وانت مغتصبها .. مستغرب كيف اي وحدهـ تسمح لنفسها تمسك يد واحد اخذ منها اعز شيء عندها ...!
كانت كل كلمه يقولها أسمعها بصعوبة ..! استوعبها بشكل أصعب ..! التفت لأمير ببطئ وانا مبققه عيوني ..! كان ينار لسالم بحدهـ أكبر ... التفت لي ..! تنهد بعمق .. مد لي المُفتاح وهو يقول : أرجعي للسيارة .. ضرب يدهـ بقوهـ كبيرهـ ..! طار المُفتاح بعيد عني قلت ودموعي وقفتها لعيوني ..! ما ابيها تنزل لهالسبب ما ابي اضعف له : أنت أحقر شخص عرفته بحياتي ..!
كان ماسك اعصابة قد م يقدر ما يبي يمد يدهـ علي قدام المدعو "سالم" وقدام الناس ..!
أطلق نبرهـ ضحك عالية فيها صوت نرفزه كبير . : هههههههههههههههههههههه طلقــها ورجع أختي احسن لك من هالاشكال ما تدري كم واحد قرب ممنها قبلك ..!
تقدم له أمير بسرعه كبير مسك تيشيرته بيده الثنتين وهو يقول بغضب كبير : هذي اللي تتكلم عنها أشرف منك ومن اختك هذي انا خذيت منها هالشيء غصب عنها اما اختك خذيته برضاها
إلى هنا أنلجم سالم أكتفو بنضراتهم الحاده واللي فيها الكثير من التهديد .. ! مشيت لعند المُفتاح خذيتة وانا اقول . .. : يلا أمير ..!
ترك تيشيرته بقوهـ كبيرهـ وبغضب ومشى لعندي .. كان مستعد يبرر كل شيء ما كان بوعية لما قال لسالم هالكلام ..! مسك يدي لكني نفضتها منه بقوهـ ... رميت المُفتاح عند رجلة كور يدهـ بغضب وكان يحاول يكتم هالغضب الكبير ..! ما يبي يصرخ علي او يمد يدهت بمكان عام نزل يأخذ المُفتاح ومشى للسياره .. ركب وسكرت الباب بقوهـ كبيرهـ إلفت علي بغضب وهو يقول
.. : كسرتي الباب شوي شوي ..!
شويت حركة "طفولية" وفيها عناد كبير لكني مقهوره منه .. فتحت الباب من جديد ورجعت سكرته بشكل اكبر ..! مسك يدي وهو يناضر لي بغضب أخافني ..!
: انتي ما تفهمين ؟
رديت وانا اخفي خوفي : ليش معصب ؟ انا المفروض اعصب ولا اضل معك ثانية وحده بعد اللي سمعتة ..! أختي اللي اقرب لي من كل شيء ما تعرف بالجريمة اللي سويتها فيني ..! تروح انت تخبر هاللي اسمة سالم عن شيء مثل كذا ..! الى هنا وبس ما عاد اتحمل اغلاطك أكثر ..! ولا تبرر لي بأي شيء أبي اروح للبيت الحين ..!
مشى من دون م يرد علي بأي كلمة ....

♥♥♥

رفعت جوالها .. بحثت عن رقمة وأتصلت .. ثـواني معدودهـ وأسمعت صوتة سحبت اللحاف لباقي جسمها .. :الو
ردت : كيفك ســآمي ؟
بنبره حزن .. : رح ترجعين ؟
تنهدت : بفكر ..!
رد : انتي السبب في موت الطفل ماهو انا انتي ما حميتية ..!
ردت بدفاع عن نفسها : أنــا ...! ما كان اي شيء بيدي ما قدرت اسوي اي شيء على شان احمية كل شيء صار فجئه .. لا تحاسبني على شيء ما كان لي ذنب فية ..!
أسترخى أكثر بجلستة.. : هذا اللي ابي اوصلة لك .. حتى انتي لا تحاسبيني على شيء انا مالي ذنب فية كل شيء صار بسرعه طلعت السيارة قدام بسرعه كبيره م قدرت اتحكم في السيارةوانتي متوقعه اني اخاطر بحياتك وبحياتي على شأن طفل ما بعد انولد ..!
سكتت لثواني .. كل الكلام اللي يقولة صح ..! ولو كان غلط هي تسمع كل حرف منة صحيح !
: رح أرجع ..!
رد بفرحه كبيره : بترجعين ..! اجي اخذك اليوم ؟
ردت بإبتسامة : لا تعالي بكرا ..! ما ابي اروح اليوم !
بإبتسامة عريضه : رح اجيك بكرا ..!

بعد سوالف مطولة "عادية" سكرت جوالها منه وقامت توجهت للمُكيف وطفتة طلعت من الغرفة ببيجامة صفراء إلى نص الساق بأكمام قصيره جداً تـاركه شعرها مفتوح بأريحيه ..
توجهت للمطبخ خذت لها ساندوش مُرتديلا مع كوب عصير برتقال .. جلست قدام التلفزيون وأبتدئت تأكل
جلست جنبها امها بفستان أسود " ســادهـ " مع ميك أب خفيف نارظت لها دلال بإبتسامة
: على وين ؟
ردت أم دلال الابتسامة وهي تقول : طول يومك نايمة ولا تدرين عن شيء ام نواف بتجي تخطب ثنوى قومي تجهزي معك وقت ...!
ردت وهي مبققه عيونها .. : جججد بيجون ... !
قامت بسرعه تاركه أكلها .. دخلت لغرفة ثنوى لقتها تتجهز كانت لابسة فُستان رمــآدي مع شوز"مكرمين" أحمر وروج أحمر وكحل فرنسي مسوية شعرها "ريترو"
دلال بأبتسامة فرح : ماني مصدقه ..! ليش ما صحيتيني ..!
أبتسمت بخوف : روحي تجهزي هذا انتي صحيتي ..!
ما حبت تخبر ثنوى بأنها رح ترجع لسآمي ..! ما تبي اي شيء يشتت أفكارها .. : وش فيك ليش خايفة تراها خطبة مو زواج ..!
ردت ثنوى : خايفة من هالخطوه ..! شلون بتزوج واانا ماني بنت ..! مع ذالك اني استخرت ومرتاحه بهالقرار ..!
ردت دلال : انتي قمة التناقض مره تقولين مرتاحه ومره تقولين خايفة .. م علية لما يشوفك بهالشكل بينسى كل شيء صدقيني ..!

♥♥♥

مرتمية على الصــوفـا بسعــادهـ كبيره ..! وعيونها على جوالها مندمجه فية إندماج كبير ..! دخلت بصمت وجلست جنبها وهي تقول بحزن : رنـــا .. تركي كلمني ....!
نزلت جوالها وهي مبققه عيونها لأريج : رديتي ؟
.. : أي رديت ..
بصراخ : انتي ما تفهمين بعد كل هاللي قلته لك رديتي علية ؟
قالت لها كل شيء قالة لها تركي ..!
ردت : لا تتزوجينة دام هذي بدايتها شلون لو صرتي معه ببيت واحد ..! حتى لو كنتي تحبينة الاحترام قبل كل ششيء وهذا ما يحترمك أبد ..
ردت بدموع : هددني بوليد ..! يقولي لو رفضتي هالزواج رح أخبره بكل شيء بيننا ..!
ردت بغضب كبير .. : أنتي من وين عرفتي هالاشكال ..! الله يوريني فية يوم ..!
ازدادت دموعها وهي تقول : ساعديني وش اسوي ..!
ضمتها بقوهـ وهي تقول : ما فية حل الا انك تتزوجينة على شان ما تنفضحين قدام ولــيد ....!

♥♥♥

بــعد تواجد المعزين وأداء واجب العزاء أبتدئ مجلس الرجال يخلو الا من كم واحد كــان يظهر انة مُتماسك ويحـاول يقاوم شعور الوحده بدونها ..!

في مجالس النساء كان ممتلئ عن بكره ابية .. تقدمت لها وحده على معرفة قديمة بفهدهـ .. !
وسألت بصوت عالي : وين رهف ؟ ما شفتها من لما دخلت ..!
ردت ريمية وهي تتصنع الحزن : مين رهف ؟
ردت : أخت فهدهـ ..
تذكرت أن فهده عندها اخت متزوجه : ببيت زوجها ما جت ..!
ردت بصوت عالي : العزاء رح يكون ببيت أمير الـ**** .. زوج اخت فهده ما حضرت للعزاء يعني اكيد تبي يكون العزاء عندها
ردت وحده من المُعزيات : عطيني عنوان هالبيت
ردت عليهم بعنوان البيت .. كانت هالبنت المُسمية بـ سارا جارة فهدهـ وحضرت لملكتي ..

♥♥♥

دخلت للبيت .. دخل وراي وهو يقول : تعالي معي للغرفة نتفاهم
شلت نقابي والتفت علية وانا اقول : ما بيني وبينك أي تفاهم ..! والغرفة مالي نوم فيها معك رح انام عند هاجر ..!
رد بغضب : رح تنامين عندي وغصب عليك اللي صار قبل شوي بالكُرنيش مشيتها لك لاني ما ابي امد يدي عليك بمكان عام ..!
رديت بتهور .. وبصراخ : تعــال اضربني الحين أحنا مو بمكان عام ..! وما فية شيء بالغصب نوم عندك ما راح انام تروح تخبر واحد مثل سالم هددك بالموت بشيء كبير مثل هالشيء ..!
أقترب مني بغضب وهو يقول : ولله لو مامشيتي قدامي الحين للغرفة تشوفين شيء ما يعجبك ..!
نزلت هاجر بسرعه على صراخنا : هي انتم وش هالصراخ ما تعيشون بدون هواش لازم تتزاعلون ولا ما ترتاحون ..
ألتفت لهاجر وغضب الدنيا كلة فيه .. : أطلعي لغرفتك ولا تتدخلين بيني وين رهف لأطلع حرتي كلها فيك
نزلت لعندنا بعناد وهي تقول : ما راح اتحرك من هنا وبشوف وش بتسوي يا امير مليت من تحكمك
توجه لها لكني وقفت بوجهه بخوف كبير على هاجر : تعال معي للغرفة رح نتناقش باللي تبية ..!
سسحبني من يدي بقوه وتوجه للغرفة سكر الباب بقوه : أبي تفسير لكل اللي سويتية اليوم ..!
نزلت عبايتي ببرود وانا اقول : مو قبل ما تعطيني انت تفسير للي قلتة لسالم ..!
رد : ما كنت بوعيي كنت شارب
رديت بغضب كبير : ومتى كنت بوعيك انت ..! كل غلطة تغلطها تقولي ما كنت بوعيي ..! انت تطلع تستعرض رجولتك على البنات ..! لكن قدام اصحابك تختفي هالرجولة تفضح عرضك قدام اصحابك أنت منت رجال ..!
كان رده كف قوي شد شعري بعدها وهو يقول : ما كنت بوعيي لما خذيت وحده عمياء ماتسوى شيء ولا كنت بوعيي لما عالجتها ولا كنت بوعيي لما قلت لها كل كلمة حلوه ..! انا ما كنت وعيي لما حبيتك اذا انتي ما تقدرين رجولتي انا ما راح اقدرك أقدر بلحظه وحده اهينك ونرجع لنقطه الصفر ولو كنت احبك منتي اهم من كرامتي ..! متوقعه أني بقولك انا اسف وان ما كان قصدي اقول لسالم كل هالشيء غلطانة أنتي بعد هالكلام عدوتي ..! تركني بعد هالكلام اللي دخل مثل السكاكين ..! ترددت في داخلي أخر كلمة ..! انا عدوتة ؟ وش كان يقصد بأننا رح نرجع لنقطه الصفر ..! انا كلامي كان قوي صح لكن كلامة كان اقوى وجرحني بشكل اقوى واقوى ..! قاومت دموعي .. جلست على الارض من دون اي حركة ! لو فهده الى الان عايشة رحت لها وضليت عندها ..! وما قعدت عنده دقيقه وحده بعد هالكلام بلحظه يقدر بنسيني كل شيء وبلحظه يخليني أتعس من بهالدنيا ..!

♥♥♥

تحدد زواجها بعد ما جت أمة لخطبتها .. زواجها رح يكون بعد اسبوعين ..! بالبداية امها رفضت لكن عبير كانت موافقه فأضطرت أمها توافق على سرعه زواجها ...!
دخلت لغرفتها وقفت الباب وراءها بعدلت ملابسها ولبست بيجامة سوداء مسحت الميك أب ... ارتمت على السرير تنتظر مكالمته .. بعد دقائق
أتصل .. ردت بسرعه وبفرحه مرسومة على وجهها ... : ألــو ..
.. : أسبوعين ورح تكونين لي ..!
ردت بخجل : أنا من 4 سنوات وانا لك ..!!
ردت بفرحه : اسبوعين طويلة أبغاك اليوم ..!
ردت وهي مبققه عيونها : اسبوعين طويله ..! امي رفضت بالبداية تقول بدري ..! لكني بالموت اقنعتها وانت تقول مطولين ..!
ضحك : طيب أشتقت لك من لما هربتي من الجامعه الى الان ما شفتك..!
ردت : رح تشوفني بعد اسبوعين ..!
رد : طيب على الاقل تكون الملكة بكرا بس ملكة ..1
ردت بخجل : كلم أمي ..!

♥♥♥

طلع من البيت وركب السيارة متوجه لبيت نايف .. بعد حوار طويل ..
أمير : وش رايك يكون الزواج الاسبوع الجاي ويكون عائلي ..!
عقد حواجبة وبإستغراب : رح يكون الاسبوع الجاي مثل ما تبي بس ليش عائلي ؟
رد : اخت زوجتي ماتت وما رح نقدر سوي زواج كبيره وهي توها ميتة ..!
ردت نايف بإقتناع : خلاص اللي تشوفة رح أخبر اهلي انة بيكون عائلي والاسبوع الجاي مع اني ادري مارح يتقبلونها بالبداية بس لما يعرفون ظروف اهلك رح يوافقون ..
ابتسم وهو يخفي بداخله أنتقام ولو بسيط مني كان رح يأجل الزواج مثل ما طلبت 3 اشهر لكن يبي يقهرني ويخلي الزواج الاسبوع الجاي ...

♥♥♥

رجع للشقه المستأجره اللي باللون الرمادي والاخضر الغامق ..! أبتسم لأختة اللي كانت لابسه بيجامة بيضاء من الحرير .. استغربت هالتصرف منه .. مو عادتة يبتسم بوجهها فجئه ..!
جلس بأريحية كبيره على الصوفا : شفت أمير هو وزوجته على الكُرنيش بالصدفة
جلست جنبة بقهر كبير : متى اسمع طلاقها هالرهف ..!
ردت بأبتسمه عريضه : تهاوشت معاه .. عن قريب رح تسمعين هالخبر ان شاء الله
التفت له بفرحه كبيره : تهاوشت معاه ..! شلون ؟
قال لها كل شيء .. ردت بفرحه أكبر : ليتني معاك .. زين تسوي فيها
رد : الحين بتتغير الخطة ..! تروحين لها على اساس ان هالامير كل ما جلس مع احد يقول له كيف تزوجها ..! وان فضيحتها صارت على كل لسسان ..!
ضحكت بخبث وهي تقول : هالفكره عجبتني اكثر .. رح اروح لها بكرا وافجر هالقنبلة بوجهها ..!

♥♥♥

وضع منال يُرثى إلية..! عايشة بجحيم وسط تسلط ابوها خاصة ً بعدما تطلقت ..!
كان معتبرها عم وإلى ان تزوجت أرتاح منها لكن بعد زوجاها رجع همها أقوى وأكبر ..!

عبدالله ونواف .. منتظرين زواجهم بفارغ الصبر واحد للعيش مع حبيبتة والاخر لنسيان جرح "منال"

تحدد زواجها بعد شهر ..! ورح تكون الملكة قبل الزواج بيوم ..! كانت موافقه وما عندها اي مانع ناسيه همها وفرحانة للغاية .. ! إلى ان فاتحتها دلال بموضوع رجعتها لسامي .. ! اكتفت بكلمة براحتك وسط نيران الغضب اللي تخفيها ..!

تركي .. ما كان همه أريج ولا وليد ولا حتى ثنوى كل همه تسليتة وبس ..!

♥♥♥

رجع للبيت توجه للدرج كانت هاجر نازل من هالدرج ما ناظرت له ونزلت بغضب منة
تبي تعطية درس انة ماعاد يرفع صوتة عليها وتبي تخبره انها تقدر تزعل منه ..!
مشى وهو حاس بزعل هاجر لكن ما عبرها ..! دخل للغرفة شافني منسدحه على الصوفا والغرفة بارده جداً م كنت نايمة لكن من سمعت صوت الباب مثلت النوم ..! تفادياً للجدال معه ..!
حملني بين يدينة للسرير تسطح جنبي وسحب اللحاف لباقي جسمي قبلي جبيني وألتفت ودخل بسابع نومة .. أستغربت منه بعد كل هالكلام للحين حنون علي ..!
نمت انا الاخرى ..

يوم جديد .. ♥
أستقبلت أكثر من معزية طوال فتره العصر .. لكنهم راحو وما عاد جت ولا وحده طلعت فوق وتحممت لبست بيجامة زرقاء طويلة وبأكمام قصيره جداً

الساعه 5:08 المغرب في الخُبر ..
نزلت للصالة كانت هاجر نايمة لآنها تسهر طوال الصباح وتنام بعد اذان الظهر ما كان امير موجود ..
بعد ثلث ساعه تقريباً دخلت علي الخادمة ومعاها نفس البنت اللي جنتي ذالك اليوم ..
رغد : السلام عليكم ..
رديت بإبتسامة : وعليكم السلام .. تفضلي ..!
تقدمت للصالة وجلست جنبي .. : انا جاية بقولك موضوع ماني قادرة اسكت عنه ..!
رديت بإستغراب : أسمــعك ..