شبكة همس الشوق - عرض مشاركة واحدة

26 - 7 - 2014, 08:39 AM

الساعه 8:23 في الخُبر ...♥
صحت من نومها توجهت للحمام "مكرمين" توضت .. لبست بيجامة زرقاء .. طلعت صلت كل الصلوات اللي فاتتها ... نزلت تحت وراسها يعورها .. مرت للمطبخ وطلبت من الخدم أكل .. جلست بالصالة كان موجود فيها امير .. كان عاقد حواجبة بغضب ..! وباله مو معه كان يفكر .. صحيح هي زعلانة منه لكن م َ طاوعها قلبها تشوفة كذا وتسكت ..!
هـاجر : أمير .. وش فيك ؟
ناظر لها بتشتت ولما استوعب كل شيء رد : رهف .. !
ردت بخوف : وش فيها رهف ؟
قال لها كل شيء شافه , وقفت بخوف كبير : رح أشوف وش فيها ..!
رد : لا لا تروحين لها ..1 صار لها كم ساعه بالغرفة ولا طلعت قالت لي ابي اضل لحالي ..
تنهدت بعمق : الله يستر ..!
أمير : هاجر زواج رح يكون عائلي ..!
التفت له بسرعه : ليش!!!
..: على شان اخت رهف !
حركت راسها برضى ومرسوم على وجهها ابتسامة ...
بتردد وبكذبة : هاجر .. نايف مستعجل ..! وقالي ابي الزواج الاسبوع الجاي وبما انة عائلي وافقت !!
التفت عليه وهي مبققه عيونها : الاسبوع الجاي ....!
رد : انا عطيته كلمة
تنهدت بقهر وبرضى بنفس الوقت ..: اللي تشوفة ..!

♥♥♥

متسطحه على السرير تتأمل مستقبلها مع "عبدالله" دخلت عليها أريج بسرعه ودموعها بعيونها قالت لها كل شيء من غير مقدمات ..
أبتسمت رنــا : هههههه خليك كذا ..! كرهيه بعيشته !
ردت ودموعها انزلت : زواجي يوم الاربعاء ورح يكون بسيط جداً !! واذا ما وافقت رح يخبر وليد بكل شيء
بققت عيونها : عطيني رقمة ابي اكلمة
ردت بسرعه : لا انتي بتخربينها زياده خلاص رح اتزوجه الاربعاء ..!
ضمتها بدموعها : اريج لا تسوين كذا انتي تستاهل اللي احسن منه وافخم زواج ..!
تصنعت الابتسامة : انا راضية ..!

♥♥♥

خذت لها تاكسي من غير م َ تخبر سالم انها خلصت وانجزت المهمه ..! توجهت للسوق وبعدها للشقه
دخلت وارتمت جنبة بالصالة التفت عليها وهو مبقق عينه : مع مين جيتي ؟
ردت : مع تاكسي .. سويت كل اللي تبية لو تشوفها تلخبطت فوق تحت ..!
اكيد صارت مشكلة كبيره الحين بينهم ..!
ردت بإبتسامة واسعه : م َ شفتي أمير ؟
ردت : لا .. ما شفته أبد كانت لحالها بالبيت ..!
حرك راسه برضى وهو يقول : ما رح نتحرك من الخُبر الا وهو مطلقها ..!

♥♥♥

مسحت دموعها .. رفعت جوالها واتصلت على رقم "نواف"
بعد وقت طويل رد من دون م يشوف الرقم : ألــو ..
بكت من جديد : نـــــــــــواف ..!
عقد حواجبة بخوف : منال ! وش فيك ؟
تسطحت على الفراش وهي تقول : انا عايشه بجحم هنا تعال خذني اعتبرني ديكور عندك اعتبرني خدامة بس طلعني من هالمكان ...!
لانة يحبها ما رفض هالطلب لها : رح أجي اخذك وارجعك على ذمتي بس بعد شهر العشل لاني بعد فتره رح اتزوج ....!
بصدمة : تتزوج ..! دامك بتتزوج ليش رح ترجعني ...!
رد : لاني عارف ابوك .. رح تتحملينة كم شهر ؟
إزدات دموعها ... : بتحمل بس اوعدني ما تتركني ..
هو فعلا اشتاق لها وبروده وراء حبة الكبير لكنة ما يقدر يتراجع عن زواجه من ثنوى بعد الخطبة الرسمية : وعد ..!

♥♥♥
حضرت العشا عباره عن معكرونة بالبشميل ..!
حطت له لكنة ما له نفس .. رفع عيونه لها .. : ريمية ما تفكرين تتزوجين ؟
بققت عيونها وكل تفكيرها انه يبيها : م َ جاء النصيب ..!
رد : واذا جاء بتتزوجين ؟
ردت بخجل وبمياعه : أي ..
رد : واذا زوجتك لواحد وظيفته طيار .. صاحبي ويدور زوجه بتوافقين .. ؟
بققت عينها بغضب : لا ما راح اوافق ولا عاد تجيب لي هالسالفة لاني ما بي اتزوج
عقد حواجبة : وليش ؟
بمياعه : مين يخدمك ؟
تنهد ... : انا ما راح اضل هنا رح أطلع لجده م َ راح ابقى هنا وانتي مالك احد تزوجي هالانسان بيسعدك صدقيني ..!

♥♥♥

الساعه 9:03 بالخُبر .....♥
قام وهو يوجه الكلام لهاجر : انا رح اطلع اشوفها مهما سمعت او طولت ما طلعت لا تجين ولا تتدخلين فاهمه
ردت من دون ما تناظر له : فاهمه ..
مشى بخطوات سريعه للغرفه .. دخل كنت جالسه على الصوفا الشيء الوحيد اللي ما خربتة..!
جلس جنبي وهو ماسك يدي : وش فيك ؟
بسخرية : اول مره اشوف احد يهتم بعدوه ..!
وقفت وتوجهت للحمام"مكرمين" لكنه كان اسرع مني سحبني للجدار وحط يدينة الثنتين حولي وعينة بعيني : ردي علي وش فيك ..
فجرت بكل شيء بقلبي بتهور وانا ارفع يدي لأقصى الوراء وهبطت على خده بقوه .!
كان هالرد عباره عن انتقام للكف اللي اخذته امس وللكلام اللي سمعته منه وللكلام اللي قالة للكل صح كان هالرد جريئ ومتهور وعواقبه ماهي سليمة لكن كان هذا كل اللي بخاطري كف قوي يغني عن كل الكلام انتقام بسيط لدموعي ..!
كانت رده فعله .............