شبكة همس الشوق - عرض مشاركة واحدة

26 - 7 - 2014, 08:42 AM

البارت التاسع عشر ........♥

_ 19 _ ......♥

-

لأنك سعادتي ؟ لأنك كل افكاريَ ! لأنك تنزع الحزن من قلبَي ؛ أحبكك ~ ♥

طلع من الغرفة بعد تهديده ..! دخلت للحمام"اكرمكم الله" توضيت وصليت الفجر ..! طلعت من الغرفة وتوجهت رفعت عيوني للساعه الكبيره المعلقه بالجدار .. الساعه 8 ..! تذكرت المعزيات اللي بجون اليوم ..! هذا ثالث ايام العزاء اول يوم كان ببيت بدر ..! وامس واليوم عندي .. فهده صار لها كم يوم من توفت ..! للحين ماني مستوعبة رحيلها صح جرحها للحين م َ برى لكن اللي امر فية الحين خلاني انسى ولو شوي من غياب فهده .. تنهدت بعمق ..مشيت للباب بطلع لغرفتي ببدل ملابسي ..!
صعدت للدرج مشيت للغرفة دخلت لقيته يتعطر ..! كان لابس ثوب أبيض وشماغ .و وعلى التسريحه العقال حس بتواجدي لكنة ما التفت لي حط العقال على راسة ومشى برا الغرفة ولا كأني كنت متواجده فيها ..! ما عمري شفته بثوب ..! واظن المره الوحيده اللي لبس فيها ثوب يوم ملكتنا وبطعاً كنت عمياء .. لكن الثوب أضاف لهيبته هيبة ..! وزاد من وسامتة حبيته اكثر بالثوب ..

نزل وهو بنص الدرج وقف فكر بكلامي اللي قلته له .. : انا وش سويت لها على شان تقول مو سالم وبس اللي يعرف ..! التف جسمه ورجع من جديد للغرفة وهو عاقد حواجبة بإستغراب
دخل لغرفة الملابس المتحوسة بسببي ..! سحبني من يدي بدون اي كلمة ومشى للصوفا
نفضت يدي منه وانا بحاله غضب : ليش تسحبني كذا عورتني , وش تبي ؟
.. : أنتي وش سامعه ؟
رفعت حاجبي : وش سامعه انا ؟
جلست على الصوفا : وش الكلام اللي سمعته وخلاك تنهارين كذا ..! وتوصل لدرجه انك تمدين يدك علي .!
غمضت عيوني بقوه ورجعت فتحتها : انت تعرف وبما انك تعتبرني عدوتك فما استبعدها منك ..!
بغضب : رهــف تكلمي ..
رديت بعناد : م رح اتكلم ..!
وقف وهو يمسك ذراعي بقوه : وش سمعتي تكلمي ..
كنت احاول اقاوم الم يدي : قلت لك مَ رح أتكلم .. انت م َ تفهم ؟
م َ كان الموضوع يحمل انه يمد يده علي لكن ارتفعت يده لأقصى الوراء وضربني كف قوي رجع من جديد وهو يسحبني له
: بتتكلمين ولا كف ثاني يخليك تنطقين ؟
م َ كنت مستوعبة الموقف .. انزلت دموعي غصب عني : أنت واحد حقير ونذل خبرت الكل عن سبب زواجنا
ناظر لي بصدمة : انتي تعرفين ان م احد يعرف الا هاجر وسالم ..! واذا على موضوع سالم فانا اعتذرت بدال المره الف وقلت لك ما كنت بوعيي
رديت ودموعي تزداد : وش تفسر اللي جتني امس وحذرتني منك تقولي انك اي واحد تجلس معاه تقوله سبب زواجنا هذي وش عرفها ؟ اكيد كلامها صح كسرتني يا أمير قدام الناس
لا زالت الصدمة على وجهه : انتي مصدقه هذي ؟ تصدقينها وتكذبيني قلت لك ان ما احد يعرف عن هالموضوع الا هاجر وسالم ..
رديت بصراخ : طيب هالبيت وش عرفها هالموضوع للأسف انا مصدقتها وحاولت اكذبها واقنع نفسي انها تكذب لكن ما قدرت ... توقعتك تسوي كل شيء الا كذا
عطيته ظهري وانا اغطي عيوني وشهقاتي تتعالى ........... كان بخاطره يضمني .. ويهديني ويقولي ان هالكلام كذب بس علاقتي انا وياه هالفتره متوتره ..!
طلع من غير ما يرد .. ومشى بسرعه للسيارة ... توجه للشركه ..

-

الساعه 3:48 ..
دخلت امها عليها فتحت الانوار توجهت لها بسرعه : عبيير عبييير .. أصحي الشيخ يبيك ..!
فتحت عيونها بقوه : الساعه كم ؟
ام عبير: الساعه تقريب 4 ..! فجئه جاء . م قال لنا انة جاي المفروض يقول لنا
قامت بسرعه وتوجهت للمدخل الرجال ..
ردت : نعم ي شيخ ؟
الشيخ : موافقه على الزواج من طارق ال####
أبتسمت بخجل : أي موافقه ...
الشيخ : عندك شروط ؟
عبير : لا ..
قطعت عليها امها بسرعه : الا عندها تبي بيت لحالها ..!
بققت عينها بأمها .. سمعت الشيخ يقول : بس هذا شرطك ؟
ناظرت لأمها بحده : اية بس ..!
مشت عبير بسرعه بعيد عن باب مدخل الرجال .. جت وراءها امها .. : ليش زعلانة ؟ انا ابي مصلحتك
ردت بغضب : اهو اللي يبي اعيش مع اهله
ام عبير : وانتي وش عرفك انه يبيك تعيشين مع اهله ؟
ردت بتوتر : اكيد كل رجل يبي زوجته تكون مع اهله ..
مشت امها من دون ما ترد ونظرات الشك ما تفارقها .........

-
دخل للبيت وتوجه لغرفتها على طول لقاها جالسة على الفراش وعينها على جوالها ..
: قومي بسرعه البسي عبايتك والحقيني للسيارة من دون اسئله
لبست عبايتها بإستغراب ونزلت وراءه .. : هاه وش تبي ؟
: بتروحين لبيت امير عرفت ان اخت زوجته ماتت وبتقولين لها ان زوجك م وقف كلام للناس ..
ردت بملل : طيب بس وش عرفك ان اختها ماتت .. ؟
: واحد من اصحابتي هو صاحب امير خبرني ..

-

رفع جواله وابتسامة سخرية على وجهه يضن اني للحين أحبه ..! أرسل لجوالي رسالة
: زواجي يوم الثلاثاء الجاي .. اذا كنتي تبين تكونين مكان العروسة تطلقي .. ورح تكونين بمكانها بعد العده على طول .. تركي .
وصلت لي الرسالة لكن ما فتحت الجوال .. كنت مع المعزيات ..! فضى المكان الا من وحده
قامت من مكانها وجلست جنبي عرفتها ..! هي نفسها اللي تكلمت عن امير ..
سحبت جوالي من غير ما اقول اي شيء ارسلت لأمير رسالة : تعال للبيت بسرعه ابيك ..!
سكرت الجوال من دون ما اشوف باقي الرسائل ..
سكتت تقريباً 10 دقايق ..
ناظرت لها : مين انتي ؟
ردت : أحسن الله عزاك بأختك ..
تنهدت : مين انتي ؟
عدلت نقابها : زوجك راح يتكلم للكل .. ومو مخلي احد الا وقال له الكل يتكلم عنك ويطلعون كلام عن اللي يقوله زوجك ..
حاولت اتمالك نفسي واعصابي على اللي اسمعه .. سحبت جوالي وانا اقول : طيب برجع لك بس عطيني ثواني عندي مكالمه ضروية ..
ردت : خذي راحتك ..
طلعت بسرعه وانا اتصل على امير : وينك ؟
رد : ثواني واكـون عندك وش فيك ؟
خبرته بالبنت اللي عندي .. : أبي اشوف حل لهالموضوع تعال
رد بغضب : جاي ..

-

توجه لمحل "المجوهرات" أخذ اغلى ساعه موجوده من الالماس وخاتم فخم ..
توجه لبيتها م يضن ان احد رح يمنعه يشوفها وهي زوجته ..!
وبالفعل ما مانع وليد مشت رنا لعنده بعدما لبست فستان باللون ال"اوف وايت" وتاركه شعرها على طبيعته ومكتفية بكحل على اطراف عيونها .. مدت يدها بخجل وهي تسلم عليه ..
لكنها تفأجئه بإصتدامها بحضنه بقوه .. همس بإذنها : أشتقت لك ...
بعدت عنه وعينها على الارض سحب الكيس اللي بجنبة ومده لها : هذا شيء بسيط لك ما حبيت اجي ويدي فاضيه ..! أفتحيها ..
امتدت يدها للهدية وفتحتها .. كانت الساعه بقمه الروعه .. باللون الفضي و"فصوص" خضراء .. والخاتم مثله ..
رفعت عيونها له : كلفت على نفسك واضح انها غالية ..! ما كان له داعي .. الهدية جميلة ويكفي انها منك
سحبها من جديد لحضنه وهو يبتسم : ما تغلى عليك .. اهم شيء انها عجبتك ..!
ردت : عبدالله ..
رد وهو يشد على حضنها : عيونة ..
ردت وهي متعقده من سالفة اريج : ما رح تحدد موعد الزواج وانا مو راضية صح ؟
رد : ما رح يكون الزواج الا في اليوم اللي انتي تبينة ..

-
ملخص الاحداث ...
نايف .. أستئجر شقه مفروشة .. ما كان فية وقت يغير بأثاثها كانت حلوه ...
اما هاجر .. اللي باقي على زوجها كم يوم ماهي مهتمه ابد لكن خايفة من مستقبلها معه ..!
منال تحاول تتحمل ضغط ابوها وقسوتة عليها .. !
ثنوى .. جهزت كل شيء وما عاد باقي اي شي للزواج ..
أريج .. اكتفت بقميص نوم واحد على شان تبعد امها عن الشك .. وفستان الزواج .. اما الباقي تنازلت عنه لان بنظرها تركي ما يستاهل من يتعب نفسة ..

-