شبكة همس الشوق - عرض مشاركة واحدة

26 - 7 - 2014, 08:51 AM

البارت الخامس والعشرون .......... ♥

_25_.............♥

انا كان قد كُتب لي الشقا فقد شُقيت بعشقك ..................♥

سكر الباب بهدوء .. كنت مبققة عيوني وخوفي واضح ........ صرخت : اطلع برااا

مشى بسرعه واقترب وجهه من وجهي .. : لا تخافين ياحلوه ما رح اسوي لك شيء بس جاي اسوي
لأمير قرصه اذن ويعرف ان تهديدي ماهو كلام وبس ...

بعدت وانا امشي لناحية الباب ودموعي تنزل والم رجلي يزيد سحبني بقوه للكنبه

وقال : قولي حق زوجك كنت اقدر بكل سهوله انفذ تهديدي له لكن هذا انذار بسيط لو ما رجع رغد ما يلوم الا نفسة وانتي رح تكونين الضحية ....!

رجعت على وراء ودموعي تنزل : انت شلون تتجرا وتدخل هنا امير لو عرف ما رح يرحمك ..! اطلع بسرعه قبل ما يجي

ضحك : ما رح اطلع الا لما اخلص كلامي معك ..

صرخت وانا خايفة يسوي فيني شيء : امـــــــــــيـــــــــــــــر ... امـــــــــيـ###

نط علي بسرعه البرق وهو يمسك فمي ضربني بيده الثانية على بطني ..! بكيت بشكل اكبر الا بطني لا يقرب منه ..! حطيت يدي على بطني وانا احاول ابعد وجهي عن يده سحبني من ذراعي لعنده

.. : بقدم هدية بسيطه لأمير رح تنفذينها انتي

بصراخ : بعد عني ....

حط يدينه على فمي وسحبني للسرير ..... لما شفته توجه للسرير خفت اكثر ودموعي ازدادت كان خوفي
اكبر من اي شيء رماني بقوه وسحب المخده .. حطها على وجهي ضغط عليها حاولت اسحبها من

وجهي لاني انكتمت ..... لكن ما قدرت ..! .......... فقدت الوعي ما كان هدفه اني اموت كان هدفه اني
افقد الوعي ..! طلع بسرعه وبخوف بعدما تأكد اني ما زلت اتنفس .. مشى وهو يلتفت يمين وشمال حتى

قدر يطلع برا المستشفى من غير ما يشوفة امير ..! بعدما ركب السياراه ارسل رسالة لأمير

.. : الحق على زوجتك بغرفتها بين الحياة والموت :)

♥

كانت متسطحه على الصوفا .. وما وقفت دموعها سمعت صوت الباب اللي انفتح مسحت دموعها لكن ما
تحركت من مكانها دخل وبيده الاغراض نزلها على الارض وهو يقول : تعالي اخذي الاغراض

وقفت من مكانها وهي مقهوره منه : أبي اكلم امي او ودني لها

توجه للغرفة وهو يقول : ما رح تكلمينها ولا تشوفينها .....

مشت وراءه عبير بغضب الدنيا كلها : بتوديني او رح تندم طول عمرك ياطارق

التفت لها وهو يضحك : ههههههههههه اعلى ما في خيلك اركيبة

طلعت برا وهي تقول: ماشي انا اعلمك ...

ارتمى على السرير ودخل بنوم عميق ... راحت للمطبخ بعدما شالت الاغراض اللي جابهم طارق رتبتهم

وصلحت لها اكل لانها بتموت جوع دخلت للغرفة بعدما اكلت كان نايم بعمق اقتربت منه وهي تحاول

تدخل يدها ب"مخبى" ثوبة بهدوء وبخوف ....! سحبت المفتاح بنفس الهدوء ويدها ترجف قدرت تطلع

المفتاح ورجعت يدها من جديد تبي الجوال سحبته بهدوء وطلعت وهي مو مصدقه ..!

لبست عبايتها ونقابها سحبت شنطتها وطلعت بسرعه اخذت تكسي مع ان الوقت متأخر وتوجهت للخُبر

♥

وقف عند باب غرفتها بعدما ضرب الباب : ريمية ..... عندك شروط ؟

ردت بملل : لا ..!

تنهد من طريقه ردها : طيب ! الزواج بهالاسبوعين ما رح ينتظر اكثر

.. : سو اللي تبية ...

نزل وهو عارف انها ما تبي الزواج من محمد لكن هو ما يبيها عنده ..!

اما ريمية فدخلت كالعاده بنوبة بكاء بعد اي محادثة تصير لها مع بدر ..! تبية يكون لها لكن هو لغيرها

مع ان غيرها تحت التراب غايب عن هالحياه لكن حي بقلب بدر اللي مستحيل ينسى فهده

♥

توجهه لبيت ابو منال وهو مقرر ينهي الموضوع ..! استقبلة ابومنال بفرحه على امل يرجع منال لنواف

اما نواف كانت مشاعره اتجاه ابو نواف بغض وحقد ..! : انا ما ابي اكثر حكي انا جاي ارجع منال

وباخذها معاي اليوم بس ما ابي احد يعرف اني رجعتها ..!

عقد حواجبه : وليش تبي ترجعها بالسر

رد نواف : هالفتره عندي ظروف اخاف برجعه منال تتأزم وبعد هالظروف رح اعلن للكل اني رجعتها ..

ابتسم ابو منال وهو يبي الفكه منها : خذها من الحين .....!

♥

كان جالس بالاستراحه مع نايف والسوالف والضحك معبية المكان

.. : شلون خذيت جوالك ؟

عقد حواجبة امير : قلت لهم ابي جوالي ما يبي لها تفكير ..!

ضحك : هههههههه انا اقصد ان جوالك ما جاءه شيء من الحادث

رد امير وهو يبتسم : الا راح فيها الجوال بس اهم شيء اشتغل ..!

اعلن صوت صدر من الجوال رسالة فتحها امير لينصدم بنصها : الحق على زوجتك بغرفتها بين الحياة والموت

قام بسرعه اخاف نايف اللي قام وراءه توجه لغرفتي وهو يركض فتح باب الغرفة كنت شبه ميته .. تراجع نايف لبرا الغرفة بعدما عرف اني زوجته

قرب يده من وجهي وهو يرتجف من الخوف التمس انفاسي الضيقه قام على طول بعدما عرف اني للحين
على قيد الحياه صرخ حتى جاء الدكتور لعندي طلعو برا جلس على الارض وهو حاط يدينه على راسة

... . : سواها فيني ..! انا المفروض ما اتركها بعد تهديده انا الغلطان !!

جلس بجنبه نايف : يا ا مير اهدئ شوي ان شاء الله هي بخير ... من الي هددك ووصلت فية انه يحاول يذبح زوجتك

رد من دون ما يتحرك : سالم ..! صاحب عمري يبغى يذبح زوجتي على شان اتزوج اخته

بقق عيونه نايف : وش صاير بينك وبين سالم قبل نص ساعه مكلمني ويسالني عنك قلت له انك سويت حادث وسالني عن المستشفى

التفت له امير بحده وبصراخ: شلون تخبره انت سالم ماهو صاحبي الحين هذا عدوي

رد نايف وهو للحين مصدوم : انا ما كنت اعرف بتوتر العلاقة بينكم ليش ما قلت لي اللي صار ؟ وهذا صاحبك اللي لقيته من الشرب والبنات كيف بيكون يعني ؟ اكيد خبيث ..! ياخوك اللي انبنى على باطل هو باطل وعلاقتك مع سالم بالاساس غلط وطريقه تعارفكم على الخمر والسكر هي اساس الغلط هذا انت جنيت ثمار صحبتك مع واحد سكير ما يخاف الله

غمض عيونه وهو يتنهد : اهم شيء رهف تصحى وهالسالم اعلمة من اكون ..! ومع مين يلعب

جت هاجر لغرفة رهف شافت امير وكان بجنبه شخص ما توقعت تشوفة الا بزواجهم ..!

كانت بترجع لغرفتها لكن حالة امير خوفتها وقفت بمكانها وعليها عبايتها : امــير ..

رفع عينه لها وارتفعت عيون نايف لها ازداد توترها : رهف وين ؟

تنهد بعمق : تعبت ودخل عندها الدكتور

بخوف كبير : وش فيها ؟ وش صار لها

قام من مكانه وهو ينتظر الدكتور يطلع : هاجر قلت لك تعبت شوي ارجعي لغرفتك

طالع لها نايف بحده اكبر لما قال امير " هاجر " كان يبي يقولها عن كل شيء ويرتاح ضميره قبل الزواج لكن علاقته معاها اللي ما عمره كلمها ولاشافها تمنعه من اللي بيسوية ..!

مشت هاجر بسرعه لغرفتها وهي ملاحظه نظرات نايف الحاده لها ...!

♥

وصلت عبير عند باب البيت لهنا تطمنت على الاخير ضربت الباب وهي تنتظر امها تفتح لها لكن ما احد رد

رفعت جوالها وهي تتصل على امها : الو ..

عبير بفرح : يمة انا عند الباب افتحي لي

ردت بصراخ : توك تتذكرين ان عندك ام الشرهه مو عليك الشرهه علي انا اللي خليتك على راحتك تروحين وترجعين ...!

نزلت دموعها واللي كانت خايفة منه صار امها فهت روحتها مع طارق بإرادتها ..! : يمة ولله انا ....

قاطعتها : ما لك عندي بيت ولا ابي تبريرك روح مع زوجك اللي خليتي امك ورحتي له

سكرت الجوال بوجهها انهارت عبير من الصياح ..! وين تروح بهالوقت من الليل ما عندها احد هنا امها تخلت عنها وطارق اخذها غصب عنها ... ما عندها الا عمامها بس هم بالرياض ..!

جلست على الرصيف وهي تشاهق : ما عاد معي ولا ريال كل اللي معي عطيته للتكسي

♥

اشترت سلسال فضي ناعم بقطعه الماس دائرية من اختيار دلال اللي كان مزاجها جميل بعدما سمعت خبر حملها

ركبو للسيارة التفت دلال لثنوى : عجبك السلسال ولا لا ؟

ابتسمت وهي تقول : اي حلو وماهو غالي يعني على قيمتة ..!

تنهدت دلال وهي تكلم السواق : روح لبيت دلال اول بعدين رجع ثنوى للبيت

التفت لها ثنوى وهي مبققه عيونها : ليش بتروحين الحين خليك بعد شوي يجي سامي ياخذك

ردت : لا ابي اروح الحين سامي عنده شغل ...!

♥

في زاوية من زوايا المستشفى

اريج : انت وش تبي كل شوي متصل ؟

ضحك تركي بوقاحه : ههههههههههه نسيت اقولك اني ابيك بيوم الزواج ابي مكياجك خفيف وابي الروج صارخ حبيت اقولك بما ان الزواج قرب يعني

ردت : اية كنت عارفة ان الموضوع سخيف ثل سخافتك لا تتصل على لو فيك الموت سامع ؟

سكرت على طول من ومشت بغضب لعند غرفة عبدالله تنتظر رنا على شان يطلعون

ضمته بقوه كبيره همس بأذنها : بكرا اشوفك لما اطلع ..

حركت راسها رنا بخجل كبير وطلعت من المستشفى ومعاها اريج وامها ..

♥

صحيت لقيت امير جالس على الكنبة وباين على وجهه التعب ..! كان مبدل ملابسة لابس بنطلون جينز وقميص بُني غامق

قمت من السرير .. المتني رجلي بقوه . . انتبه لي امير وقف على طول وتقدم لعندي وهو يمسك يديني : الحمدلله اللي سلمك لي

بالبداية عقدت حواجبي بإستغراب من كلامه لكن تذكرت سالم وهجومة علي

تجمعت بعيوني الدموعي وصدري يعلو ويهبط سحبني لصدره وهو يمسح على راسي : لا تبكين !! انا رح اخذ لك حقك من سالم ومن رغد

ما سالته وش عرفة ان سالم السبب تمسكت فية اكثر وانا اقول بين شهقاتي : كان بيصير فيني مثل اللي صار بفهده اختي ..! كنت بموت وانا ما جبت اللي ببطني للدنيا ما ابي البيبي يموت

شد على حضني وهو يصر على اسنانة غضبً من سالم : كلكم بتعيشون ما راح يصير لكم شيء وانا موجود

ابتعدت عنه وانا اناظر بعيونه اللي كانت تميل للغضب والقهر ..! احتضن وجهي وهو يمسح دموعي بأطراف اصابعه

وحاول يبتسم رغم غضبة اللي ما يقدر يخبية : كتبو لي انا وهاجر خروج انتي بتضلين بعد كم يوم هنا

تنهدت وانا احاول امسك دموعي : وينها هاجر ؟

رد : رجعتها للبيت

غمضت عيوني بقوه وفتحتها : انت تعبان روح للبيت ارتاح ...

شد على خصري وجبينه على جبيني : ما ابي البيت اذا انتي مو فية ..!

ضحكت : نام على السرير انا ما رح انام الحين

حملني من دون ما يرد وسطحني على السرير وهو يقول : اذا بتخليني انام جنبك انا موافق ..!

ابتسمت بخجل كبير ابتعدت له بمسافه تسطح بجنبي وهو يشدني له بقوه : أمير .. ابي منك وعد

ابتسم لي ووجه ممزوج بالتعب والغضب والانتقام والحب ..! : اوعدك

.. : انك ما تروح لسالم ولا تقرب له ولا تتركني هنا بالمستشفى لحالي

ضحك بقوه وهو يط يده على خشمي: هههههههههههههههه يا متناقضه قبل شوي تقولين لي روحي للبيت ارتاح والحين تقولين لا تتركني ..! ما راح اتركك لحالك اما سالم فمالك شغل فية

نزلت دموعي بالغصب خوفاً من سالم وخوف على امير اخاف يدخل علي باي لحظه ويعيد نفس الشيء

لاحظ دموعي اللي تجمعت بعيوني هي نقطه ضعفه الوحيده .. تنهد : خلاص امسحي دموعك ماني رايح له

ابتسمت له رغم دموعي : الله يخليك لي ..!

قبل شفتي بهدوء وابتعت وهو يغمض عيونه : ويخليك لي

نام .. او عمل نفسة نايم ... نمت انا وراءه .. يسحب جواله بعدما تأكد اني نمت قالم من عندي لانه يعرف نومي خفيف اتصل على نايف

ثواني ورد : الو

.. : اسمع اتصل على سالم وقل له يجي لـ#### وتعال انت ابيك تأخذني لنفس المكان الحين لا تقل حق سالم انيقلت لك وسو نفسك ما تعرف بسالفتي معه ولا تسال عن شي اذا جيت خبرتك

رد نايف : نص ساعه ويكون سالم هناك ... انا جايك الحين

بعد نص ساعه ..

كانو بمنطقه خالية من الناس بعديه كل البعد عن الحياه الاجتماعية تنهد امير وهويقول بينه وبين حاله

: ما اخلفت وعدي يارهف ..! وعدتك اني ما اروح له و انا مارحت له اهو اللي جاء لهنا وحقك رح اخذه

التفت له نايف : امير سالم وصل ..!

نزل امير من السياره و .....