شبكة همس الشوق - عرض مشاركة واحدة

26 - 7 - 2014, 08:52 AM

البارت السادس والعشرون .......♥

_ 26 _ ...........♥

لا املك حقا كلام يصفكك ، او يصف م فعلته لي سوا اني احبكك بحجم السماء و اكثر * ...♥

قراءه ممتعه للجميع ...

صحيت من النوم ما لقيته جنبي .. قمت بسرعه واناضر للغرفة كان جالس على الكنبة باريحيه ومغمض عيونه بقوه .....
.. : امير ..!
فتح عيونه وانضاره تتوجه لي : سمي ..!
رديت : تعال نام ليش قمت ؟
..: نامي انتي ما فيني نوم
لمحت شيء في وجهه متغير ..! قمت من مكاني بسرعه وانا متغاضيه عن الم رجولي
جلست بجنبة وانا اناضر لوجه بصدمة كان عند شفايفة اثار دم وقميصه متقطع من فوق ..!
تكلمت بخوف : رحت له ؟ ليش سويت كذا انت وعدني انك ما تروح له
تراجع جسمة على الكنبة وغمض عيونه وهو يقول بتعب : خليني انام الحين بعدين رح اقولك
دمعت عيوني ابي اعرف قابلة ولا لا ؟ ووش صار بينهم .... لا تسئلوني انا كنت نايمة اذا صحى امير يخبركم بكل شيء ..!
حركت جسمة بشكل خفيف : امير امير .. قوم نام على السرير انا ما رح انام الحين
وقفت وانا احاول اسحبه معاي رامية بكل ثقلي على رجلي السليمة قام معي ومشى بتعب كبير وارتمى على السرير ودخل بنوم عميق
جلست بجنبة وانا اتامل وجهه وقميصه تنهدت بعمق : راح له ولا لا ؟
رن جوال امير الللي كان على الكنبة قمت بصعوبة سحبت الجوال وانا اجلس على الكنبة
كان المتصل بأسم هاجر رفعت الجوال على طول لأذني وانا مشتاقه لها : الو ..
ردت بتفاجئ : رهف !! متى صحيتي , الحمدلله على سلامتك شكل البيبي متعبك وانتكست حالتك من جديد بسببه "قالتها بضحكه "
عقد حواجبي وانا مستغربة امير ما قال لها عن شيء ...!
ابتئدت بيني وبينها سوالف وضحك ملت علي وقتي ....

♥

في الدمام ...
صحى بنص الليل بعد خروجها بأكثر من ساعه قام بتثاقل وهو يحس بجوع : عبير عـــــــــبير
عقد حواجبة وهو واقف بنص الصالة الشقه صغيره مره وما فيها الا غرفتين ومطبخ وصاله كانت الغرفة الثانية مفتوحه وباين ما فيها احد
وجه نظره للباب .. انصدم بتواجد المفتاح فية ...! دخل يدينة بـ "مخبئ" ثوبة وهو يفتش عن جوالها لكن ما لقاه حس ان الدنيا تدور فية وهو مو مستوعب خروجها بنص الليل وكان اللي صار من 3 سنوات يعيد نفسة لما هربت من الجامعه ورجعت للخبر ..! تكلم بخوف : وين راحت هذي بهالوقت !!!
رفع جواله واتصل عليها يتطمن اذا هي بخير او لا مو لازم ترجع مو لازم تعيش معاه بش اهم شيء انها بخير وبأمان ..!

في الخبر ...
جالسة على الرصيف وضامه ركبها لصدرها وما وقفت دموع كل معالم الخوف تكتسيها
: امي ضلمتني وطردتني من البيت ومو راضية تسمع مني شيء ي ليت اقدر ارجع ليت اقدر اعيد الوقت ولا اطلع من الشقه ...! ما معي ولا ريال ارجع فية للدمام ..!
سمعت صوت جوالها من داخل الشنطه فتشت الشنطه بسرعه وهي تحاول تطلع الجوال
ردت بسرعه بعدما شافت المتصل .. وبدموع تتليها شهقات كبيره : طارق تعال خذني من هنا الحين
رد بخوف اكبر وهو يسمع شهقاتها : انتي وينك ليش رحتي
ردت بدموع اكبر : انا جالسة بالشارع امي طردتني من البيت تعال خذني ما ابي انام هنا ..
رد بغضب من امها : جايك الحين لا تتحركين من مكانك

♥

كانت جالسة بالحوش وافكارها لبعيد .. قطع عليها كل شيء وجود رنا وهي تقول : بيأذن الفجر وانتي ما نمتي ما يصلح بكرا زواجك روحي نامي على شان ما تتعبين ..
درت بحزن : تسمين هذا زواج ؟ انا بعيش مع واحد ما اامن لنفسي معاه انا غلطت لما وافقت علية مع اني للحين احبه لكن الحُب مو كل شيء وش بيفيدني الحب وانا بعيش مع واحد ما يخاف ربة مثل تركي ؟
عنده الحلال والحرام واحد ..!
ردت رنا بعدما جلست جنب اريج : انتي وياه للحين على البر ..! تقدرين تنهين هالزواج بكلمة وحده لا تتزوجينه وانتي مو راضية بالعيشه معه
تنهدت بعمق : وتهديده لي بوليد ؟ امي لو عرفت رح تموت " تصنعت الابتسامة وهي تقول " رح يتغير ورح اعيش معه بشكل احسن ....! " تكذبين على رنا ولا على نفسك ياريج مين بيتغير تركي ...!!"

♥
دخل ويده بيدها للشقه تنهد بعمق : منال سمعيني انا زواجي بعد بكرا ما ابي اي احد يعرف اني رجعتك الى بعد الزواج بفتره انا رح اعلنه بنفسي
اعطته ظهرها تخفي دموعها : وانا بعد زوجتك ..! خلك معاي اليوم
رد بسخرية : منتي زوجتي انتي اختي هذا كان اختيارك تكونين اخت لزوجك ..! وما اعتقد فية زوج بالدنيا يقبل هالشيء من زوجته ..!
كانت بترد .... كانت بتعتذر له .... لكن طلع وتركها قبل ما تنطق حرف واحد ..!

♥

وقفت السياره قدامها مباشره قامت بسرعه وكبت جنبه وهي ما وقفت دموع قربها لحضنه ازدادت شهقاتها .. : طردني من البيت خلتني اجلس بالشارع لو انك ما اتصلت علي وين بروح انا
كان بخاطره يهاوشها ..! يضربها ...! يعاتبها على هروبها من البيت لكن ما قدر وهو يشوف حالتها
شد على حضنها : ليش ما اتصلتي علي ...!
تعقلت بثوبه وهي تقول : ما معي رصيد ..! وخفت منك ما ادري وش بتسوي فيني لو عرفت اني هربت برا البيت لكن لما شفت ردت فعل امي ندمت اني هربت ... لا ترجعني لهنا ياطارق .. ودني للدمام
قبل راسها وهو يأجل العتاب والهواش الى بعدين ..!
مشى متوجه للدمام ... وهو يفكر بأهله ..! شلون بيقولهم خذيت زوجتي وبسكن انا وياها بالدمام بدون عرس ... امه اللي كانت رافضه هالزواج لكن طارق اصر انه يأخذ حبه اللي انولد من 4 سنوات
وقف قدام البناية التفت لها : عبير وصلنا يلا انزلي ..
نزلت بصمت ومشت وراءه للطابق الثاني ودخلت معاه للشقه جلست على الكنبة بدون ما تنزل عبايتها
جلس قدامها وبهدوء : ليش سويتي كذا ؟ هربتي مني قبل 3 سنوات وعدتي هالشيء الحين
ردت بدموع اكبر وبمعاتبه : انت ليش سويت فيني كذا ليش خذيتني بعيد عن امي ليش تحملني ذنب انا ما سويتة ليش تطلعني قدام امي بالشينة ..! انا ما سويت لك شيء كنت تقدر ترفض هالشرط اللي من الاساس ما كنت ابغاه ..! كنت تقدر تنتظر اسبوعين ونتزوج بدون ما امي تزعل مني ..! انت خربت على نفسك وعلي اشياء كثيره كانت بتخلينها اسعد اثنين .... انا اكرهك اكرهكك ..!
قام من عندها وتوجه للباب وطلع لكن ما قفله لأنه متأكد هالمره ما رح تطلع برا الشقه ...
اما عند عبير فضلت تبكي حتى غالبها النعاس ... ونامت

♥

سكرت الجوال من هاجر وانا كل اللي يدور ببالي الحين صوره سالم وهو يدخل عندي ....!
قمت بسرعه وبخوف مع الالم رجلي وصلت لعند السرير كانت فية مساحه ضيقه لكن تكفيني ..! حطيت راسي عند صدر امير وانا متعلقة بقميصه غمضت عيوني وانا احس اني بمكان امن محد يقدر يأذيني فية
ارتفعت يدينه لخصري وهو يشدني له وذقنه على راسي ..
.. : امير !!
رد : نامي
تنهدت : توني صحيت ! ما رح اقدر انام الا اذا قلت لي وش صار .. ولا تكذب علي لاني لو عرفت الحقيقة ما راح اسامحك
رد وهو يقول ....
بعدما سمعت السالفة من امير بقولها لكم بطريقتي اللي تعودتم عليها :)

♥

قبل ساعه ...
نايف التفت لأمير : امير سالم وصل ..
عدل جلسته امير وهو يناضر لسالم اللي نزل من سيارته ..
نزل امير بسرعه ومن غير ما يقول اي كلمة ضربه بقوه على وجهه التف جسم سالم معاه اللي كان مصدوم من تواجد امير .. التفت له سالم بغضب وهجم على امير وصار انواع الضرب اللي تخطر على بالكم ..! اما نايف فكان موقفه موقف المتفرج وما تدخل لأن امير حذره اكثر من مره
وبعد صراعات عنيفه بين الاثنين كان النصيب الاكبر من الضرب لسالم .. اللي توجه لسيارته ويده على بطنه من الالم : هذي قرصه اذن صغيره يا امير رح تشوف وش راح اسوي لو ما رجعت رغد
ناضر له امير بحده ارعبته تقدم له كان بيكمل علية لكن يد نايف كانت اسرع وامسك بأمير : خلاص امير اخذ جزاءه اتركه ..
رد امير وهو ما شال النظره الحاده اللي ترعبني انا شخصياً وترعب كل من هم حوالينه : حتى الموت ما رح يشفي غليلي منه ..
مشت سياره سالم بسرعه كبيره تحت انضار امير المرعبة

♥
جلست وانا اضرب كتفه وامتلت عيوني بالدموع : امـــــــير انت وعدتني ليش رحت له
ناظر لي بنفس نظرته الحاده : يعني تبيني اتركه بعد اللي سواه ؟ انا ما خلفت وعدك انا وعدتك اني ما اروح له لكن هو اللي جاني ... ومو انا اللي ما اخذ حقي يارهف ...
تراجعت للكنبة وانا اجلس عليها بهدوء يعكس البركان اللي بداخلي دخل للحمام "اكرمكم الله"
مسح اثار الدم اللي تحت شفته جلس بجنبي وعيونه في عيوني الغاضبة : رح يتأجل زواج هاجر واذا تشافت رجلك نحدد موعد الزواج
ناضرت له بنفس الغضب : زواج هاجر رح يتم الخميس وانا ما فيني شيء ... ابي ارجع للبيت
رد : ليش معصبه ؟
رديت بصراخ : ماتفهم رجعني للبيت ... ما ابي اسمع شيء منك
رجعت له النظره الحاده اللي تموتني رعب وبصوت عالي قريب للصراخ : لا ترفعين صوتك علي رح نرجع للبيت اليوم وانا سواً وعدتك او لا .. حقي رح اخذه من سالم ومن كل اللي يقربون من ممتلكاتي
رديت بغضب : انا مو قطعه ارض عندك ولا شركه من شركاتك او اي شيء من تجارتك انا زوجتك عاملني ولو مره على هالاساس
عقد حواجبه : وشلون كنت اعاملك انا ؟ انتي زوجتي وكل شيء لي ..! وش اللي مضايقك مني
ضميت ركبي لصدري وحطيت راسي بينهم كان ينتظر مني رد لكن اللي كان ينسمع صوت شهقاتي
تنهدت بعمق وهو يسحب يدي : كل ما قلت لك شيء صحتي ؟ وش فيك
...: ليش رحت له ؟ هذا تجراء وجاء لعندي وسوا اللي سواه , وما تبيني اقول شيء. لو ذبحك الحين
ضحك وهو يقربني له : وين عايشين فية على شان يذبحني ؟ هاذا انا قدامك ما فيني شيء ..
زفرت بضيق : لا عاد تروح له ..!
بأبتسامة جانبية ما تليق الا علية : ما رح اروح له ..!
ناضرت للأرض لدقائق كان يتأمل وجهي فيها رفعت عيونه له كنت ابي اقوله متى نطلع لكنه كان سريع وقبل شفتي ابتعد عني شفته لكن وجهه قريب جداً مني كان صدري يعلو ويهبط وانفاسه اختطلت بأنفاسي وجسمي اكتساه اللون الالاحمر ..!
ضمني بقوه وهو في راحه كبيره فتح بيني وبينه كل العقد الا عقده واحده وهي حادث اللي من اشهر ..!
تمسكت بصدره اطلق تنهيده كبيره وكل تفكيره لو عرفت بسامحه مثل كل مره ولا لا ؟
.. : رهف ..
رفعت صدري منه وانا اناضر له : نعم ..!
رد : مهما عرفتي او سمعتي ومهما قلت لك تأكدي اني احبك حتى لو وصل لك شيء يفرقنا تاكدي اني ما حبيت وحده كثرك ولا اي بنت تملئ عيني بعدك
احتضنت يده بين يديني الثنتين : لا تقول كذا ما رح نفترق انا وانت ...... "سكت شوي " والبنات اللي تعرفهم ؟
رد وهو يحط يده الثانية فوق يدينه : انتي الغالية وهم الرخيصات ..!
ابتسمت بخجل كنت احس بكل كلمة تطلع منه وانا عارفة ان هالكلام من قلبة ..
.. : ما عمرك قلتي لي احبك ..! بخاطري اسمعها منك ..!
اخذت نفس كبيره وانا ما اقدر اقولها مع اني متأكده بكل ذره مشاعر فيني انها لأمير ..نطقتها بصعوبه وبخجل
: أحبك
نزل شفاته لعنقي وهو يهمس
: اذا كان فيك شيء بعد العشق فهذي مشاعري اتجاهك ..!
قبل عنقي بحراره .. وسط خجلي الكبير .. لأول مره اصارحه بحبي ..!
♥
ملخص للأحداث
كانت فرحته اكبر من اي شيء لما سمع هالكلمه : انا حامل
ضمها بين يدينه : هذا رح يعوضنا عن اللي قبله ي دلال .. حافظي علية
..
من دوامه للبيت ومن البيت لدوامه كان يشغل نفسة باي شيء على شان ما يقابل ريمية ..
اما ريمية فكانت معزوله بغرفتها ما تطلع الا للمطبخ ..
..
تركي تشوفون هداء شوي لكن ترقبو القنبلة في البارت الجاي ..

♥

دخلت للبيت بعدما حضنت هاجر بشوق وبحراره : انا بتحمم فوق وبرتاح بعدين انزل للغرفة اللي تحت
حرك راسه امير : انا بطلع عندي شغل ..
طلعت لفوق بمساعده امير : خليك تحت ليش فوق رجلك ما تتحمل
رديت بإبتسامة : ابي اخذ لي اغراض وبالمره احتمم فوق ..
دخلني للغرفة وقفت مقابل له حط يدينة على بطني وبأجمل أبتسامة : انتظره يجي ..!
ضربت يده وانا اقول : بنت ماهي ولد ..! قول انتظرها تجي
عقد حواجبه : بنت !!
حطيت يدي على خصري : اية ابيها بنت ليش مو عاجبتك ؟
ضحك وهو يقرص خشمي : ما عاد ابي اولاد .. ابي بنات
ضحكت : روح لا تتاخر على شغلك ..
قبل عيوني وهو يضمني له بشده ... وطلع برا الغرفة
طلعت لي بيجامة سوداء حرير وجهزت بعض ملابسي بنزلها تحت للغرفة
لكن تذكرت الشاش اللي على رجلي وانا بتحمم ..! يعني لازم افك الشاش طلعت من الغرفة على امل
اني الاقي امير واقول له يجيب شاش معه لكن صعقت باللي اسمعه تمنيت اني ما نزلت
وقفت عند الدرج بصدمة كبيره ..وانا اسمع الرجل اللي حبيته وصاحبة عمري يقولون كلام اشبة بالسم اللي يدخل في عروقي
امير : ابي اقول لها وارتاح لكن اخاف تتركني
هاجر بغضب : امير وش بتقولها بتقول انا سبب الحادث اللي ماتت فية امك واللي انعميتي فية ؟ تتوقع بتسوي نفس اي مشكله واجهتها معك ؟ اصحى هي فقدت امها بسبب هالحادث يعني انسى تسامحك