شبكة همس الشوق - عرض مشاركة واحدة

26 - 7 - 2014, 08:53 AM

البارت السابع والعشرون ............♥

_27_.................♥

حبني حب القدامى الاولين , حب عشاق الوفاء في ما مضى ..........♥

تراجعت خطواتي للوراء وانا اسمع الكلمة الاخيره من امير اللي قتلتني
.. : هذا الصدق ي هاجر انا تسببت في حرمانها من امها وفي حرمانها من بصرها ..!
رجعت للغرفة بصمت حسيت للحظه اني ضعيفه ..! ما اقدر انزل عند امير وهاجر واصرخ عليهم ما قدرت اقول اي شيء حتى دموعي رافضه تنزل التفت لملابسي الللي نزلتها على السرير
مشيت بسرعه لغرفة الملابس وخذيت شنطه متوسطه الحجم حطيت ملابسي اللي جهزتها وبعض الاشياء الضرورية وكانت قدامي ابره وحده وتكفي حق استخدام يوم واحد لانها على وشك تخلص خذيت جاكيت أمير الـ"الفرو" لبست عبايتي بصمت وبدون اي دموع او صراخ او زعل مشيت بحذر كبير كانت هاجر مندمجه على التلفزيون وامير موموجود شكله طلع ..!
مشيت بسرعه لعند الباب وطلعت بسرعه اكبر وصلت للشارع العام لكن ما ابتعد عن البيت وقفت بسبب الم رجولي ..! توقف لي تاكسي ركبت معه متوجهه لبيت ( بدر )

♥

رجع للبيت وبيده "عشاء" جاهز كانت نايمة على كنبة الصالة .. نزل الاكل على الطاولة وتقدم جنبها
طارق وهو يمسح على شعرها : عبير .. قومي اكلي .. جبت لك عشاء
قامت بتثاقل : ما ابي منك شيء ... ودني للرياض ابي اضل عند اعمامي
رد بحده كبيره : ما لك طلعه من هنـــــا .....!
..: طلقني ......! امي لو عرفت انك طلقتني رح ترضى علي ..!
رد بضحكه استفزت عبير : هههههههههههه انا ما اخذتك بعد كل هالمشاكل على شان اطلقك ..! انا ما سامحتك على هروبك مني من 3 سنين على شان اطلقك سامحت ونسيت وغفرت كل شيء تسوينة على شان زواجنا يتم ...! تعالي اكلي وشيلي هالافكار من راسك ...!
ضغطت على اسنانها : ما ابي تسامحني ولا تغفر لي بس ابيك تطلقني .....! يمكن هالطلاق يخلي امي ترضى علي ..!
جلس بشكل ملاصق لها : واذا ما رضت عليك ..! تكونين خسرتي امك وزوجك ....! امك مصيرها رح ترضى وتتقبل هالموضوع
ردت بصراخ : انت ما تفهم ما ابيك حتى لو امي تقبلت هالفكره انا مو متقبلتها .بتطلــ..
ما كملت وهي تشوف يد طارق اللي ارتفعت فوق وهبطت بسرعه على خدها ..!
تكلم بغضب : تبيني او لا ما اهتميت لك ... ولا تعلين صوتك علي فاهمه يا####
توجه للغرفة اغلقها بقوه .... اما هي فرجعت راسها على الكنبة واستمرت بالبكاء ...

♥

وصلت لبيت بدر .. فتحت شنطتي ما كان معاي الا 500 ..! اعطيت التاكسي حقه .. ونزلت بسرعه والم رجولي يزداد ... ضربت الباب .. بعد دقائق فتح لي بدر ببيجامة زيتية
.. : رهف ....!
انطلقت دموعي بسرعه وانا اقول بصوت مبحوح : الله يخليك بدر ابيك توصلني لبيت امي ..! ما ادله تكفى
رد وهو عاقد حواجبه : ليش بتروحين هناك ..! البيت شبه مهدوم يعني مالك امان هناك وانتي لحالك وبهالوقت ..! ادخلي عندي في البيت ولا تخافين ريمية بنت عمي موجوده
كان البرد شديد قلت بصوت مرتجف : امير اول مكان يدور فية عني هنا ما رح يتوقع اني ببيت امي الله يخليك بدر اذا مو على شاني على فهده ....
تنهد بعمق : خلاص دقائق بروح اغير ملابسي واجيب المفتاح ..
حركت راسي وانا اقول : لا تتأخر ...
بعد 10 دقايق جاء بدر .. ركبت انا وياه السياره متوجهين لبيت امي ...

♥

دخل للبيت وتوجه على طول للغرفة شافها مثل ما هي ..! طلع من الغرفة وصعد فوق يدورني بالغرفه اللي فوق لكن كانت فاضية ..! نزل وهو عاقد حواجبه : هاجر وين رهف ...
ردت : فوق ..!
ناظر لها بحده : ما هي موجوده فوق وحتى بالغرفة اللي تحت وين راحت ؟
وقفت هاجر وكلها خوف : يمكن برا ..!
ناظر لها بحده اكبر : يمكن ..! ابي اعرف شلون تطلع وانتي قاعده هنا بالصالة ولا شفتيها ..
ردت هاجر : امير رهف ما نزلت انا كنت مستغربة انها ما نزلت عندي وجلست معي بس قلت يمكن تعبانة وتبي ترتاح ..!
طلع برا للمزرعه وهو يدورني بكل مكان ...رجع من جديد وهو يسأل الخدم عني لكن اجابتهم كلهم بنفس اجابة هاجر ..! ازداد خوفة وخوف هاجر جلس في الصالة ورجله تهتز بتوتر وخوف ..!
.. : ليش ما طلعت لها جوال اليوم ...! ليش ما شريت لها جوال جديد اول ما طلعت من المستشفى بدال اللي تكسر بالحادث ..!
بققت عيونها هاجر : توني اتذكر ان ما معاها جوال .. امير شلون بنعرف وينها
رد : رح انتظر شوي يمكن ترجع ...!

" ما رح ارجع يا امير ...! "

♥

وصلت لبيت اللي تربيت فيه ..! البيت اللي على انه "خرابه" لكن يشيل احلى ايام حياتي مع امي ومع فهده .. نزلت ونزل بدر ياخذ الشنطه وهو ملاحظ اني اتالم بسبب رجولي
اخذت منه الشنطه : شكراً بدر ..!
نفس الصوت ..! نفس العيون ...! نفس طريقتها في البكي ..! كان هذا حديث بدر بينه وبين نفسه
رد : فهده ..!
ناظرت له : وش فيها ..!
سكت بعدما حس على نفسه : لا تذكرت فهده من هالبيت
ابتسمت بألم كنت بروح لكن التفت بسرعه تذكرت شيء مهم .. استغربت ان يطالعني ومو راضي يشيل عيونه عني .. دخلت يدي بالشنطه طلعت له اللي باقي من الفلوس وطلعت الابره الوحيده اللي معي : بدر ادري تعبتك معي بس نسيت اُبري بالبيت وما اقدر ارجع اخذهم خذ الفلوس روح للصيدلية ابي نفس هالابره
اخذ الابره مني وهو للحين يطالعني : خلي فلوسك لك تحتاجينها ... نص ساعه وتكون الابر عندك
مشى ولا عطاني فرصه اقول له شكراً على الرغم من نضراته لي اللي خوفتني

♥

ارتمت على الفراش الابيض ببيجامتها الحمراء وهي تفكر : نواف بيتزوج بعد يومين ..! واكيد رح ينساني !! وعبدالله اكيد تزوج بس لأخر لحظه في زواجي من نواف كان يبيني .....! وحتى بعد زواجي كان يبيني ..!
رفعت جوالها بتهور "ماتابت" واتصلت بعبدالله ..
لكن ما رد ..! رمت جوالها على الكومدينة وكل اللي ببالها انها رح تحاول تتصل من جديد ....

♥

ضرب الباب الخشب لبست عبايتي وفتحت له كانت نفس النظره يناضرها لي .. ما ادري يمكن شاف فيني شيء او مستغرب طلعتي بالليل او تذكر شيء ..! خذيت الابُر وانا ابتسم رغم كل ما فيني : مشكور
على نفس النظره : العفو ..
سكرت الباب بسرعه وبخوف منه حطيت ابري بالثلاجه الصغيره كان البيت كله غبار الا غرفة امي ..!
لانها الغرفة الوحيده اللي ما فيها فتحات او شبابيك كان الباب ثقيل وبالموت ينفتح على الرغم انه خشب
رميت اغراضي على السرير ورميت نفسي بعدها : ليش امير .....! ليش اهو بالذات ......! ليش ما اكن اي احد ثاني غيره ليش يكسرني للمره الالف ..! "ابتدئت دموعي تنزل" على كل اللي عرفته ماني قادره اكرهك ولا قادره اواجهك واقولك ليش سويت كذا ...!
دخلت تحت الشرشف الخفيف وانا ارتجف من البرد ما وقفت دموعي : لو ما كان امير طالع برا البيت هذيك الليلة لو كان مسافر ..! او نايم ...! يمكن كنت الحين نايمة جنب امي ...!
ضربت الابجوره اللي بجنبي الخربانة والقديمة ..! كنت اشوفها تطيح على الارض وتتحول لقطع صغيره
سحبت الشنطه وانا اطلع جاكيت امير اللي اخذته كان طويل شوي يوصل لنص فخذي حطيته علي ورائحه عطره معبيه المكان ازدادت دموعي وانا افكر بهاجر ..! شلون تخبي عني موضوع مثل كذا ..! شلون قدرت تسكت طول هالفتره .....!
تسلل النوم لعيوني ... نمت بدون ما احس على نفسي

♥

طلع امير للمزرعه وهو بيموت من الخوف صارت الساعه 3:30 الفجر وانا ما رجعت تذكر شيء اخافة طلع بسرعه للغرفة اللي فوق شاف كل ملابسي موجوده ..! ازداد خوفه : ملابسها هنا وين ممكن تكون راحت .. بعد تفكير سريع .. جاء بباله سالم وتهديده فار دمة ..! ما يبي حتى يفكر اني مع سالم اتصل على طول ولما سمع كلمة سالم تأكد اني عنده
.. : امير متصل علي ..! وش عندك لا يكون فكرت وبترجع رغد
.. : اسمعني ي ### انا رح ارجع اختك لكن لو قربت من رهف او لمست منها شعره وحده لا تلوم الا نفسك فاهم
عقد حواجبة بإستغراب .. لكن سرعان ما استوعب كل شيء وتكلم بخبث ومرسومه علية اخبث ابتسامة
... : ما رح اقرب لها وانا بلغتك قبل كذا لكن انت ما كنت مصدقني ... انا الحين بالمطار رايح للندن زوجتك موجوده بالخُبر وبمكان امن مع اشخاص ينتظرون اي اشاره مني ترجع رغد وبعد اسبوع كامل ترجع لك رهف وكل ما تاخرت في رجعت اختي رح تتاخر رجعت زوجتك
لهنا جن جنونه وقال بصراخ : ولله لأذبحك واشرب من دمك ..!
رد وبنفس الابتسامة : لا تهددني وانت تعرف ان زوجتك معي "كذب الكذبة وصدقها :(" وبكرا تجي تاخذ رغد ولا ما رح تشوف زوجتك ابد ...!
سكر سالم على طول وسط غضب وجنون امير : كيف اخذها ...!!!!!! الله لا يخليني اذا خليتك حي ي سالم

♥

نزل الجوال وهو يضحك : رغــــــــــــــــد
طلعت من المطبخ وتوجهت للصاله : نعم ؟
ابتسم وهو يقول : يلا روحي جهزي اغراضك بكرا بيجي امير ياخذك ...!
بققت عيونها : ججد ..! انا برجع لأمير شلون ....
قال لها كل السالفه وهو ميت ضحك ابتسمت بنفس ابتسامة اخوها الخبيثه : وين تتوقع ذلفت هالرهف
ابتسم : حريقة تحرقها وش عليك منها .. بكرا بيجي ياخذك وانا قلت له اني مسافر وبرجع بعد اسبوع ي ويلك تقولين له اني هنا ...!
حركت راسها والدنيا مو سايعتها من الفرح راحت بسرعه للغرفة ترتب اغراضها

♥
يوم جديد ...
تستعد فية العروس " اريج " لمواجهه شرسه مع تركي قد تستمر لطول حياتها ...
وبما ان الحفلة عائلية فكان لبس رنا بسيط وهو فستان أسود ضيق ويبداء يتوسع من الخصر بدون اكمام تاركه شعرها مفتوح حاطه روج احمر واساور ذهبية وشوز عالي ذهبي " مكرمين " مع كحل فرنسي
اما العروس فكانت مقرره ميك اب خفيف لكن لما سالتها الكوافيرا : كيف بتحبي ماكياجيك ..
جاء ببالها على طول كلام تركي لما قال لها يبغى مكياجها خفيف .. ردت بعناد : ابي ميك اب خليجي ابيه ثقيل جداً
التفت لها رنا وهي مبققه عيونها : اريج وش تبين بالميك اب الثقيل خليها تحط لك ميك اب خفيف ما رح يصير حلو ...!
ردت بإصرار : انا ابي ثقيل ....

♥

وقفت قدام البيت كانت بتنزل كن شافت سامي وهو طالع من البيت بسرعه لكن ما ركب سيارته ركب سياره باللون الكحلي مضلله من كل الجوانب ومشى بسرعه
ثنوى للسواق : امش وراء هالسياراه بسرعه ...
بعد نص ساعه وقفت السياره قدام فندق من افخم فنادق الخُبر ... نزل منه سامي ويده بيد وحده طويلة بيضاء ومشى والابتسامة مرسومة على وجهه رفعت جوالها على طول وصورت سامي وهي مو مصدقه اللي تشوفه ...
.. : ارجع لبيت دلال ....
تحركت السياره متوجهه لبيت دلال ...

♥

عقدت حواجبها : يعني كيف رح اتزوج بعد بكرا ورهف ماهي فية زواجي ما رح يتم بدون رهف ي امير
رد بصراخ : الزواج رح يتم وما ابي اي احد يحس بغياب رهف
ردت : امير شلون بتزوج ورهف مع هذا المجرم
تنهد بغضب : حتى لو ما تزوجتي ما رح ترجع الا بعد اسبوع ... لا تشككين احد بغيابها الزواج رح يتم ورح تقولين لهم ما قدرت تجي بسبب موت اختها .. فاهمه
حركت راسها بقبول وهي مو راضيه انها تتزوج بدوني ...!

اما امير فطلع برا البيت متوجه لرغد تارك هاجر في حيره : شلون اخذها .. !!

♥

انضرب الباب صحيت بسرعه وبخوف وقفت وانا اناضر لوجهي بالمرايا كان خشمي للحين احمر وعيوني حمرا سحبت عبايتي وانا اوقف وراء الباب : مين ؟
رد : انا بدر ..
فتحت الباب وانا عاقده حواجبي : خير بدر ؟
ابتسم وعيونه بعيوني وبنفس نظرته : خير بوجهك ... جبت لك شوي اغراض للبيت ...
تنهدت : ما كان له داعي ....
نزلت عيوني لاني انحرجت من نظرته : انا ابيك ..!
رفعت عيوني بسرعه وبصدمة : ايش ...!
.. : مستعد اخلصك من امير بس تتزوجيني ؟