شبكة همس الشوق - عرض مشاركة واحدة

26 - 7 - 2014, 08:59 AM

البارت الواحد والثلاثون .......♥

_31_............♥

قالو تتوب من الهواء قلت .. لا ..! لا ..! الا ان تتوب الشمس عن مطلع الشرق ........♥

ارعبني صوت الباب اللي انفتح بقوه ....! وقفت بصعوبة وانا اشوف وجه امير الغاضب ....!
ناظرت لة بإستغراب انتظرته يقول شيء .... تقدم لأتجاهي كانت ملامح الغضب كفيلة بانها ترعبني
اول ما وصل لعندي خبئت وجهي بين يديني خوفاً منه انة يضربني ....!
ناظر فيني بإستغراب يعكس غضبة مني ..! كان مستغرب كثير من حركتي .. امتدت يدية ليدي بحنان يناقض دخلته لي من شوي .. نزل يديني الثنتين ببطئ قال وهو شبه عاقد حاجبيه
.. : ما رح اضربك !
ابتعدت عنه وانا للحين مرعوبة منه ... : ليش معصب ؟
حاول يتكلم بهدوء بسبب تصرفي الاخير : ما فيني شيء رجلك تعورك روحي نامي ....!
ناظرت له بحده أكبر : لا رجلي ما تعورني قول وش سوت هالرغد ؟ تكلم !
ضحك من تفكيري ناسي او متناسي كلام رغد : ههههههههههههههههه ما سوت شيء نامي انتي !
.. : مو قادره انام ابي اعتذر من هاجر ما يصير بكرا زواجها وهي زعلانة مني ......! ودني لها
امتدت يديه لخصري ومشيت معه للدور الثاني ... وقفت قدام غرفة هاجر .. تركني من دون م يتكلم كان فية شيء غريب بس مو راضي يقوله وكان كل تفكيري ببقعه الدم وانا مو مصدقه كلامة بأنه حادث لنايف .. بقعه الدم كان سببها الجرح بوجه سالم اللي لامس ثوب امير ......!
ضرب باب الغرفة مرتين ... فتحت لي هاجر من دون ما تسأل مين ع الباب ... اول ما شافتني انرسمت على ثغرها ابتسامة ...! رديت لها الابتسامة وانا استند على الباب : بتدخليني ولا انزل ؟ رجلي عورتني
تقدمت لي والابتسامة لا زالت مرسومة على وجهها
.. : شلون اخليك .. لو بيدي ما خليتك تنزلين تحت ..
مشيت معاها لداخل الغرفة جلست على السرير وانا اناظر لأغراضها المصفوفة بشنطتين ..!
رفعت عيني لها : بهالسرعه بتروحين !!!!
تكلمت بصوت مخنوق حاولت تخفية لكنه كان واضح بالنسبة لي : الحمدلله على كل حال
امتدت يدي لكتفها : اذا ما تبينه انا مستعده اوقف بوجه امير ولا تتزوجين واحد ما تبينه ....!
التفت لي وابتسامتها الدائمه مرسومة على وجهها : لا انا مقتنعه بهالزواج بس ابيك تكونين معي
حضنتها بقوه وبادلتني نفس الحضن ...! ماقدرت اقاوم دموعي من نزولها
ابتعدت عني وعيونها بعيوني : انا اللي بتزوج ما بكيت لا تبكين ولله ما في شيء يستاهل تنزل دموعك علية كل يوم بتسمعين صوتي وما رح اقاطعك ابد ...! انتي اغلى عندي من امير !!!!
.. : انا اسفه ..! اددري ضلمتك بموضوع الحادث ... ما ابيك تروحين !!! شلون بكمل بهالبيت بدونك !!
رجعت ضمتني بكل قوتها ..

بالغرفة الثانية ...! او ننزل للدور الارضي عند امير ... اللي حاول يعدي الموضوع وما يسوي مشاكل وخاصه بعد تصرفي الاخير ...! كان كل بالة في سالم وكل امنياته اللي يخطط له ينجح ..!
وينتقم من سالم اشد انتقام ويتخلص منه للأبد .... لكن اللي كان محتار فية شلون رح يقول لي انة بيسافر مع رغد ..! ناوي يسافر مع رغد على شان خطته لسالم تنجح ... وبنفس الوقت ما يقدر يخبرني باللي رح يسوية بسالم لانه يعرف اني بمنعه ...!
خرج من الغرفة طالع للدور الثاني وتحديداً لغرفة هاجر ...

♥

بعد ربع ساعه خرجت ريمية من الحمام "اكرمكم الله" وملامح الغضب تكسوها ..!
رفع عينه محمد اللي كان مسترخي على الصوفا .. : أجلسي ريمية ..!
مشت بنفس الغضب لأتجاه السرير وجلست وهي تناضر لة بحده ...
عدل جلسته وهو يناضر لها : انتي مغصوبة علي ؟
ردت بنفس الحده : لا ..! اخذت برضاي ! محد جبرني ولا احد يقدر يجبرني ...!
عقد حواجبة وملامحه يكتسيها الغضب : كنتي مجبوره او لا مايهم كثر ما يهمني احترامك لي فية زوجة تكلم زوجها بهالطريقة ؟ وبأول يوم زواج !
ابتسمت بسخريه : مو لما يكون زواج يقنع هالزوجه ذيك الساعه بتلاقي الطريقة اللي تعجبك !
قام بغضب متوجه لها
ما انكر ان ملامح الخوف باينه على ريمية ..! مع انها حاولت تخفيها بنظراتها الحاده ..!
اقترب منها بغضب كبير و#################.

♥

غمضت عيونها وهي تقول : بتضلين الليلة كلها عندي ؟
التفتت ثنوى لها : بكرا بتزوج ..! م تبين اكون معك بأخر يوم لي بهالبيت !
ردت دلال وهي للحين مغمضه عيونها : توقعين ظلمته ؟ قال انه يبغى يفهمني السالفة كلها بس انا رفضت يمكن يقول شيء مقنع وأكون ظالمته !
عدلت ثنوى بيجامتها الصفراء وهي تقول : ليش دايم تضنين انك ظالمته وانه اللي ما يخطى انا شفته بعيوني وانتي شفتي الصور ما له اي تبرير ..! ولا تحاولين حتى تكلمينة
ردت : بس يمكن ..
قاطعتها ثنوى بغضب : قلت لا تبررين له كل شيء واضح قفلي على موضوع سامي ...!

♥

رمت الجوال بقوه ارعبت اريج اللي قامت من الصوفا للسرير في محاوله انها تهدي رنا ...!
احتضنت يديها الثنتين وهي تقول : لية ما رديتي علية اتصل اكثر من مره اكيد ندمان ..!
كانت عيون رنا على جوالها اللي تحول لقطع صغيره جداً ما قدرت تتحمل اتصالاته فرمت الجوال على الجدار اللي قدامة مباشره ..
.. : خلي ندمة له ما ابية دام قلبة مع حبيبته الاولى ...!
ردت اريج : طيب اخذيها من الناحية الاجابية ..! هي مجرد تسلية اما انتي زوجته واكيد يحبك ولو ما يحبك ما كان اتصل واحرق جوالك بالاتصالات
ادارت عدستها لأريج بغضب : تسلية .!!!!!!!!!! منال بالنسبة لعبدالله عمرها ما كانت تسلية انا اللي كنت مجرد تسلية بحياته انبة ضميره لما عرفت بالموضوع وجاء خطبني ....!!!

♥

ضرب باب الغرفة .. ردت هاجر من دون ما تقوم .. : مين ؟
.. : مطولين انتي ورهف خليها تطلع ابيها ...!
ضحكت هاجر وهي تلتفت لي : يلا قومي زوجك يبيك ..
امتدت يدي لها وحضنتها بقوه .... وقفت ووقفت معي هاجر اللي استندت عليها .... نزلت مع امير توقعت نروح للغرفة لكن طلع للمزرعه ..! جلسني على الزرع ..! وجلس خلفي بحيث يكون ظهري ملاصق لظهره .. : امير ليش طلعتني من عند هاجر كنت ابي اظل معاها الليلة ..!
رد وهو يتنهدت : وانا ابي اظل معك الليلة ..! انا اولى من هاجر ...!
اكتفيت بإبتسامة بدون ما ارد اسند رأسه على رأسي لفتره وعدها ابتعد عني بسرعه سقط فيها
ما تحركت من مكاني بسبب قربه لي غرس يدية بشعري وعينه بعيوني ...!
قبل عنقي بحراره وكاأنه يعرف لما يقول لي الموضوع اللي ببالة رح ابتعد عنه وما رح اسمح له يقرب مني ... قبل ثغري وبعدها ابتعت ... ! سحب يدي ووقف مشيت معه لداخل وانا مستغربة صمته ...!
دخلنا للغرفة ... لما جلست على السرير قلت : امير فيك شيء قول !
رد : ابي اقولك شيء مهم
ابتسمت له : قول اسمعك ..........
رد وهو يتنهد : انا ما حبيت تصحين الصبح وانتي عند هاجر وتعرفين بالموضوع صدفة ...! انتي تعرفين ان رغد زوجتي مثلها مثلك تماماً ...! وانا قررت ان رح تكون ليلة لها وليلة لك ..!
ناظرت له بحده كبيره : انت من جدك ....!؟ اكيد تمزح امير ! تبي تروح تنام عند رغد !!!
ردت بجمود : كلامي واضح ليلة لك وليله لها ...!
رديت بغضب كبير : لا ماهو واضح ...! انا او هي ي امير ..! ما رح ارضى تكون منقسم بيني وبينها
رد : اسمعيني رهف انا جاي ابلغك بالقرار ما اخذ رايك ...! وهالليلة اول ليلة لرغد وبكرا لك
قام من السرير تاركني بغضب لا يوصف وبصدمة من قراره لكن قبل ما يطلع قلت
.... : قبل ما تروح لها طلقني ......!!! مثل ما رغد تنتظرك ترى حتى انا للحين بدر ينتظرني ومستعد يوقف معي الا ان احصل ورقتي منك ....!
التفت لي بغضب كبير يمكن لو قلت طلقني مشى وتركني من دون م يرد لكن كلامي عن بدر استفزه
رد بصراخ ارعبني : لا تحلمين بورقتك ولو تكلمتي بهالموضوع مره ثانية م رح يصير لك طيب
رديت : لا رح اتكلم بهالموضوع مره ثانية وثالثه ورابعه ..! فكره اني رح ارووح عند بدر واضل معه تستفزك ..! ترى حتى فكره انك رايح الحين لرغد تموتني ...!
تقدم لي بسرعه وهو يمسك معصمي بقوه : اسمعيني زين لرغد حقوق مثل ما لك .. وانا ما سويت شيء حرام ..! ما ابي هالموضوع يوصل لنهاية انتي ما تحبينها وبدر انسية وانسي موضوعه "وكمل بصراخ" ولا ترحمي على نفسك ...!
تركني بعنف سقطت على السرير بقوه انتظرته حتى يخرج ونزلت دموعي بسببة ..!

اما امير فماراح لغرفة رغد ...! المكان اللي توجه له هو غرفتي وغرفته الاولى اوهمني انه رح ينام عندها على شان يسهل علي موضوع تقبلي لسفره معاها ....! اما مسئله سفره فبوقت ثاني تعرفونها