شبكة همس الشوق - عرض مشاركة واحدة

26 - 7 - 2014, 09:00 AM

في صباح اليوم التالي ... بعد الظهر ...

همست دلال بإذن ثنوى : يلا قومي ... قومي تجهزي الساعه 3 ..! فيه عروس نايمة للحين ؟
قامت بسرعه كبيره وسط ابتسامة دلال دخلت على طول للحمام "مكرمين" خرجت بعد دقايق بنفس السرعه .. : الكوافيرا ما جت ؟
دلال وهي تعدل بنطلونها : اي جت تنتظرك تحت ...
نزلت بسرعه من دون ما ترد على دلال اللي رفعت جوالها كان المتصل بإسم سامي احتارت ترد او تتركه ..! رمت الجوال على السرير ونزلت لتحت .......

♥

صحيت بتعب كبير .. التفت للساعه كانت 3 ...! قمت بسرعه وكل تفكيري بهاجر دخلت للحمام " اكمكم الله" وضيت وصليت ... مشيت بصعوبة وطلعت من الغرفة كان توه امير نازل من الدرج وكل ضني انه طالع من غرفة رغد صعدت الدرج بصعوبة متغاضية عن وجوده توقف بنص الدرج وهو يراقبني
مشيت لعند غرفة هاجر قبل ما اضرب الباب سمعته يقول : الغرفة الجديد جهزت تقدرين تشوفينها !
ما رديت علية . ضربت باب غرفة هاجر وفتحت لي وكان باين عليها التوتر ..
دخلت اساعدها وانا ناسية اني ما شريت اي شيء لهالزواج ...!!!

♥

اما عبير فلبست عبايتها وطلعت مع طارق للسوق وهي ببالها تشتري كل شيء سواً عجبها او لا
دخلت وهي تاخذ كل شيء وسط ترقب طارق اللي كان مبتسم طول الوقت ...!
بعد ربع ساعه وبعدما اخذت تقريباً كل شيء مقاسها بهالمحل .. التفت لطارق وبادلته الابتسامة وهي متاكده انه كان مقهور : خلصت ..!
رد : تبين المحل بعد ؟ بس باقي المحل اللي تاخذينه !!!
كتمت ضحكتها وهي تمثل الجدية : اذا مو عاجبك ردني لبيت امي واخذ ملابس ..
رد : لا عاجبني خلصتي ولا باقي ... !
ردت عبير : لا وين خلصت ابي اشوف باقي المحلات ..!
مشى وراءها وهو يحاول يكون هادئ قد ما يقدر ....!

♥

الساعه 8:30 .. بالخُبر ...

حاولت تبين انها هادية امامه : ما ابي اشوفة تعابنة شوي ..!
وليد .. : انزلي له ثواني بس ..! مصر على انه يشوفك ..!
حركت راسها رنــا ونزلت وراءه كانت تلبس بيجامة باللون الاخضراء الغامق رافعه شعرها بإهمال
دخلت للملحق الخارجي كان يلبس ثوب ابيض ونظراته البارده ماتفارقه ..!
. ... : قول اللي عندك ما عندي وقت اضيعه !
رد : اسمعيني رنا اللي شفتيه كانت مجرد ....
ردت بغضب : تسلية ..! مجرد تسلية بالنسبة لك صح ؟ مثل ما كنت انا قبل ويأنبك ضميرك عليها وتتزوجها ! صح ؟ اسمع عبدالله احنا للحين على البر وانا ما عاد ابيك ولا ابي اعيش معك طلقني وريحني منك لاني ادري نسيانك لمنال من سابع المستحيلات ...
خرجت بسرعه من دون ما تعطي فرصه لعبدالله ان يرد ...

♥

بنفس التوقيت لكن بالدمام ...!

.. : اخذتي كل السوق ! من العصر واحناهنا ما تعبتي يلا خلينا نرجع للبيت ...
ردت : اي تعبت ولاني تعبت ما رح اقدر اسسوي عشاء ابي عشاء الحين ...!
ناظر لها بحده وهو يقول : امشي للسياره ناخذ عشاء واحنا راجعين ...!

♥

نرجع للخُبر ....

وتحديداً عند ثنوى اللي كانت بميك اب لبناني وبفستان أوف وايت ...! ضيق جداً ويصل للركبة ويبدا يتوسع ... اما دلال فكان لبسها باللون الازرق الغامق جداً "الكحلي" بدون اكمام ويصل طولة للركبة ..!
بعد 3 ساعات تقريباً ...
دخلت دلال والابتسامة مرسومة على وجهها : يلا ثنوى ..! امي رح تأخذك الحين لزوجك بس انا حبيت اقولك قبل على شان تستعدين ..!
ارتجفت وهي تقول : دلال انا خايفة ...! ما ابي اروح .........!
ردت : الحين تقولين ما ابي اروح ..! الخوف طبيعي عادي رح تكون اول ليلة خوف ...
قاطعتها ثنوى : انا مو خايفة من هالليلة !! انا خايفة من اللي بعدها لما يعرف نواف اني مو بنت ..!
ردت وهي عارفة حجم المصيبه : توكلي على الله وان شاء الله خير ..!

♥

اما عند هاجر ... فكان ميك اب كلاسيكي وبفستان ابيض ضيق يتوسع من الخصر .. مع تسريحه "شينيون" مرتفع ... ! اما انا فلبست واحد من الفساتين اللي عندي باللون الاحمر ... مع ميك اب فرنسي وروج احمر صارخ ... استغربت كثير عدم نزول رغد ...!
عدت الحفلة بسلام وكان موعد رحيل هاجر مع نايف ...! دخلت بسرعه كان كل وقتي جالسة بسبب رجلي لكن قمت بسرعه لغرفة اللي فيها هاجر اودعها قبل ما تطلع ضميتها بقوه كانت ترتجف من الخوف ... ما كنت اقدر اقول شي لها دخل امير متجاهل تواجدي ومشى مع هاجر اللي لبست عبايتها وطلعت ......

♥

اقترب منها وهو معجب جداً فيها ... لكن الجمال مو كل شيء ي نواف ..!!!
قبل عنقها بحراره و.........####

اما عند هاجر فما قدر نايف انه يقرب منها كان جالس على طرف السرير ومو عارف وش يقول ...!
.. : نامي ... بكرا ورانا طياره من الصبح ..
استغربت كل الاستغراب منه ... لكنها ما تكلمت مشت للسرير بعدما بدلت ملابسها لبست قميص نوم ابيض وتسطحت بجانبه وللحين الخوف يسكنها الى ان غلبها النوم .....

♥

اما عندي فبدلت ملابسي ولبست قميص نوم اسود وارتميت على السرير ... بعد دقائق دخل امير للغرفة
.. : ليش نايمة هنا .. الغرفة اللي فوق جاهزه قومي تعالي معي ابي اخذ رايك فيها
اعطيته ظهري وانا اقول : روح نام فيها انت انا تعابنة مالي خلق اصعد فوق ..
سحب يدي ومشى ولا كأني رفضت اني اطلع معه فوق ... صعدت وانا استند على يدية
دخلت للغرفة اللي اعجبتني اكثر من اللي قبلها .. كانت بارضية بيضاء .. الجدار باللون الاسود الغامق
اما السرير فكان باللون الابيض والفرش باللون الاسود .. والكوميدينه باللون الابيض ..
التفت لي وهو يقول : اعجبتك ....
رديت : ابي انام امير .. الغرفة حلوه اوكي .. بعد عني خلني انام وروح انت لرغد ..!
نزل راسه لمستواي وقبل ثغري بسرعه وابتعد وهو يقول : انا مسافر مع رغد ... رح ارجع بعد شهر ..!
يعني اعتبرية شهر عسل لنا ..
بققت عيوني بقوه : بتروح معها ...! شهر عسل !
ابتسم على جنب وهو يقول : اي !. اكيد لاحظتي عدم وجودها بالحفلة اليوم كانت مشغولة بترتيب اغراضها ...!
صرخت بغضب : طلقني امير طلقني ..! رضيت تقضي ليلة معاها بس ما ارضى تسافر معاها شهر ...!
ما كنت عارفة سبب تغيره علي وحبه المفاجئ لرغد ..!
رد : ماني محتاج لرضاك او عدمة واعيدها من جديد انا جاي ابلغك بقراري ماني جاي استشيرك
تجمعت الدموع بعيوني : ليش تسوي كذاا .؟ امير ليش تغيرت فجئه "وكملت بأنفعال وانا اضرب صدره" ليش تبي تموتني قهر ليش !
كان يناضر لي ببرود وبخاطره يقول لي كل شيء بيسوية لكن ماكان يقدر : ما تغيرت هذا اللي لازم اسوية من زمان
ابتعدت عنه وانا امسح دموعي : اذا رحت الحين انسى ان لك زوجه وانسى ان لك ببطنها شيء !!!