شبكة همس الشوق - عرض مشاركة واحدة

26 - 7 - 2014, 09:01 AM

البارت الثاني والثلاثون ...............♥

_ 32 _ ...................♥

مابيه يرجع إذا بيرجع على شاني......
......ما بيه يرد لمجرد ان انا تعبان
قولوا له لايرد اذا ماله سبب ثاني......
......قولوا له لايرد اذا مو علي ولهان
انا ادري موتني بعده لما خلاني .......
..وانا ادري مايشفي قلبي غير هالانسان
بس انتوا لو ماترجيتوه ماجاني.......
...انقاذ موقف رجعلي يعني مو خلان

ماراح ارضى يجيني بدافع انساني...
.....لما يجيني يجي مشتاق لي شفقان
فكره تفرح حبيبي رد على شاني.....
....لكنها تجرح اذا كان السبب احسان

ابتعدت عنه متوجه للسرير لكن استوقفتني نبره صوته الغاضبه : رهف !!!
وقفت بمكاني من غير ما التفت .. ما انكر ان الخوف سكني بعد سماعي لنبره صوته ...!
كمل كلامه : لا تكبرين الموضوع كلها سفره وراجع ..!
التفت له بحده : ما اكبر الموضوع !!! طيب انا ما ابي اظل بهالبيت لحالي ..!
عقد حواجبة وهو يقول : تبين تسافرين معي !!!
ابتسمت بسخريه : ماني طايقة اشوف وجهك على شان اسافر معك ومعها ..! انا بروح لبيت فهده اختي
رجعت له نظرته الحاده اللي ترعبني : هالموضوع لا تحلمين فية تقعدين بهالبيت الى ان اجي
مشيت لعنده وانا ابتسم واعيد نفس كلامه : لا تكبر الموضوع كلها كم يوم بضل فيها هناك وبرجع ..! وبنت عمه هناك !
طلع برا الغرفة وهو يقول : لا ...!
رجعت على السرير بغضب كنت ابي اغيضه واقهره مثل ما قهرني ..!
الاكيد اني ما رح اروح لبيت فهده ...! واسكن مع بدر وبنت عمه ...!

عطيت كامل جسمي باللحاف والدموع ما تفارقني ..! رح يروح معاها اليوم !! رح يسافر معاها شهر عسل يمكن ما كان يحبني ... يمكن كان اهتمامة لي عطف او تأنيب ضمير ولما عرفت كل شيء اختفى هالحب والاهتمام ..! ارتاح ضميره لما سامحته ..! ليش يوهمني بحبه اذا كان بيروح معها بيوم ... طلع من غير ما يودعني ...! ولا اهتم لي .. يمكن الحين سافر معها ... !

بعد نصف ساعه وانا على هالحال ...!
سمعت صوت باب الغرفة انفتح بهدوء غمضت عيوني على طول وانا اعرف انه اهو اللي جاءء ..!
ما كنت ابي اواجهه او اقول له اي شيء توقعت انه جاي يأخذ غرض وينزل ...
لكن تفأجئت بجلوسه جنبي ..... سحب اللحاف اللي على وجهي .... قبل خدي بهدوء
كنت احاول انظم انفاسي قد ما اقدر واخفي توتري واكمل تمثيلي بالنوم ...
طبع قبلة طويلة على جبيني .. وابتعد .. فتحت عيوني قبل ما يطلع كان لابس بنطلون جينز مع قميص رمادي غامق ...
التفت للجه الثانية وانا في صراع بين دموعي اللي منعتها تنززل ..!
: اذا كان يحبها لية جاء ؟ ليه ما راح من دون ما يودعني ...!
غلبني النوم ...

♥

في الدمام ...
... : وش تبين عشاء .. ؟
ردت : ما ابي عشاء رجعني للبيت ابي انام تعبانة ..!
ازداد غضبه منها : مو قبل شوي تقولين جوعانة ابي عشاء ؟
كانت عيونها على الشارع والناس من حولها : انسدت نفسي ممكن ترجعني الحين للبيت !
عقد حواجبه من انقلاب مزاج عبير المفاجئ : وش فيك ؟
كان كل اللي فيها ببساطه حنين لأمها ..! لحظات الصمت بالسياره ذكرتها بأمها اللي ما غابت عن بالها
.. : ما فيني شيء ابي انام ..

كمل طريقة بصمت الى ان وصلو للشقه ... بدلت ملابسها ولبست بيجامة من اللي شرتهم كانت باللون الكحلي والرمادي ... جلست على الصوفا وهي سرحانة جلس بجنبها وهو يهمس : تبين تشوفين امك ؟
التفت له بسسرعه : اية !
ابتسم : بكرا راجعين للخبر على شان تشوفين امك
ابتسمت وواضح عليها الفرحه : لا تمزح معي طارق اذا ما رح توديني لها جد قول ..!
سحبها لحظنه وهو يهمس : لا ما امزح .. . بكرا رايحين لها .. حتى انا بشوف امي !!
غمضت عيونها بقوه وبداخلها سعاده تناقض حزنها قبل قليل ..

♥

ابتعدت عن السرير وملامحه غاضبة : كنتي متزوجه !
نزلت دموعها قبل ما تقول اي كلمة : انا ولله مـ....
قاطعها بصراخ : كنتي متزوجه ؟
ردت بدموع : انا مغتصبه ..! ولله العظيم
لو كانت وحده غيره ثنوى لستر عليها نواف لكن ما يعرف السبب اوالدافع القوي اللي خلاه يقول
.. : انتي طالق ..! لمي اغراضك نص ساعه وتكونين تحت ...

طلع بسرعه تاركه ثنوى غارقة في دموعها .. يمكن هذا عقابها ..! او يمكن ما لها نصيب تكمل مع نواف .. بس يطلقها من اول ليلة زواج ... كانت كفيلة بأنها تخلي ثنوى تتمنى الموت ولا ترجع لبيت اهلها ...!

لمت اغراضها الضرورية ونزلت تحت بخطوات بطيئه تتمنى انها ما توصل للسياره ..

وصل لعند بيت اهلها : انزلي ..!
ازدادت دموعها وسحبت شنطتها ونزلت بسرعه ضربت الباب اللي فتحت لها دلال بصدمة من تواجد ثنوى
حطت يديها على طول على فم ثنوى ومشت معاها بهدوء للغرفة
دلال : محد انتبه من الخدم او امي وابوي .. وش صار !!
نزلت راسها وبدموع اكبر : وش بيصير يعني .. م رضى بوحده يضن انها ######
جلست بجنبها وهي تواسيها ... ما توقعت دلال ان نواف ممكن يسوي كذا مع انها ما تعرفة لكن تعرف اهله اللي ما يرضون بالغلط ... ! ويمكن لان اهله مايرضون بالغلط ما رضى يكمل مع ثنوى اللي كان اختياره لها غلط ..!

♥

الساعه 7:30 من صباح اليوم التالي ..

صحيت من صوت التلفون اللي ما وقف من فتره طلعت من الغرفة اللي كان بابها مفتوح كان بجنب غرفتي طاولة باللون الذهبي موجود عليها هالتلفون رفعت السماعه وانا استند على الطاولة ..
.. : الو ..
رد الصوت : اخيراً رديتي موتيني رعب عليك .. امير مقفل وانتي ما معك جوال والبيت محد يرد علية
تذكرت امير وانة سافر مع رغد : امير مسافر .. كيفك وكيف المعرس معك :)
ردت هاجر بإستغراب : احنا بخير .. امير وين سافر ولية سافر غريبة ما قال لي ...!
ابتسمت بسخرية : راح شهر عسل مع رغد .....!
بققت عيونها : شهر عسل مع رغد ..! اكيد تمزحين !! شلون يسافر معها وهو ما يطيق يناظر بموجهها
على نفس السخرية رديت : هذاك اول ..! رغد الحين حالها من حالي ..! ليلة عندي وليلة عندها صح نام ليلة وحده عندها بس الليلة الثانية سافر معها ..!
ردت بغضب من امير : متى نام عندها !! امير ما طلع للدور اللي فوق وانتي مو معه من فتره ..!
بلعت ريقي بصعوبة : قبل امس ..!
سكتت لدقايق وبعدها قالت وهي تضحك : ههههههههههه قصدك لما اخذك من عندي وبعدها طلع فوق لحاله ما راح غرفة رغد راح لغرفتكم الاولى ..! نام هناك انا شفته ما دخل غرفة رغد ابد .. الظاهر متهاوشين مع بعض ويبي يقهرك ..
عقد حواجبي : ما رح لها !!
ردت : لا طبعاً ..!
هذاك اليوم ما تهاوشت معه الا لما قال انه بينام عندها ..! : طيب ما علينا .. كيفه معك ؟
ردت وهي تمثل السعاده : نايف يعاملني احسن معامله ..!
كان يسمع اخر كلمة قالتها هاجر ووقف يناضر لها من الخلف دون شعورها بعد دقائق نزلت هاجر الجوال والتفت وهي تبتسم بعد مكالمتها لي لكن اختفت الابتسامة لما شافته يناضر لها
مشى بدون ما يعبرها للحمام " اكرمكم الله"
جلست على الصوفا وهي محتاره من معاملته لها ..!

♥

لبست لقن باللن الازرق الفاتح .. مع تي شيرت ابيض وااسع .. كحلت اطراف عيونها وسحبت عبايتها وطلعت بسرعه ...
.. : ما تبين تشوفين امي ؟
ردت بلهفه وشوق لأمها : لا اول بشوف امي وانت تروح تشوف امك بعدين اروح لأمك ..!
ابتسم وهو يحط يدينه بيدها .. انطلق متوجه للخُبر ... بعد فتره توقفت سيارته امام البيت اللي حفظت تفاصيله .. نزلت بسرعه متوجهه للباب .. ضربت الباب بعد فتره قصيره انفتح الباب ودخلت ..

مشى طارق لأمة بعد أن تأكد ان عبير دخلت للبيت ...

انفتح الباب دخلت بفرحه ما توصف التفت بتشوف مين فتح الباب كانت خادمة مبين عليها من الجنسية الفلبينية .. مشت عبير للداخل حتى وصلت للمطبخ توقفت لدقائق وهي تتأمل امها اللي تفطر ..
تنهدت بعمق وامتلت عينها بالدموع .. دخلت وهي تنطقه : يمـ ..ـه !
رفعت عيونها لها وهي مو مصدقه الصوت اللي كان ينادديها !! : عبير !!!!!!!!
مشت بسرعه وانرمت بحضنها ودموعها تنزل بغزاره : سامحيني يمة ولله ما لي شغل بالموضوع طارق اخذني غصب للدمام ما كان بيدي اي شيء حاولت امنعه بس ما قدرت
تفاعلت ام عبير مع ابنتها المرميره بين احظانها لمتها بقوه كبيره : مسامحتك .. اذا ما رجعتي لطارق!
ابتعت عن حظنها بسرعه : كيف ..!!!!
ردت ام عبير بصرامة : اذا تبين رضاي لا ترجعين له ..!
بدون تفكير برغم حبها الكبير له : ما برجع له .. اهم شيء رضاك علي ..!

طلعت لغرفتها بسرعه بعدما طبعت قبله على رأس امها .. نزلت دموعها بشكل كبير
.. : يا اعيش مع طارق بعيد عن امي ..! او اعيش مع امي بعيد عن طارق ..! اخترت ابرد النارين !!
ممكن غياب طارق يتعوض مع اني عارفة هالشيء مستحيل لكن غياب امي اللي ما رح يتعوض ..!

بعد ساعه ..
رن جوالها وهي تعرف انه جاء وقت مواجهتها معه ردت : الو
.. يلا اطلعي انا عند الباب
ردت وهي تتنهدت : رضى امي مرهون ببعدك عني ..! ما رح ارجع لك .. شيء ماهو بيدي رضاها اهم عندي .. طارق بالرغم كل اللي سويته فيني انا للحين أحبك ... بس هالحب اذا بيستمر فـ رح يستمر من بعيد لبعيد ...! انسى هالرقم
سكرت بعدما سمعت صراخه نزلت الجوال وعيونها متورمه بسبب الدموع ...

بعد مرور اسبوعين .......♥

طبعاً امير ما عبرني ولا حتى فكر يكلمني ..! أو يسأل عني ...!

.

هاجر ونايف على نفس حالاتهم ...

.

ثنوى استنكرت فعله نواف قدام امها وابوها تحت كلمة : ما ادري عن سبب اللي خلاه يطلقني

.

نواف رجع للشقة اللي فيها منال بدون ما يعرف انه عايش بخدعه مع هالانسانة اللي كل محاولاتها لعبدالله يقترب منها ..

.

ريمية حاله عناد يصارعها محمد اللي ماهو فاهم تصرفاتها....

.

اريج وتركي بينهم ملاسنات كالعاده تنتهي بدموع اريج ..

.

عبدالله تنتهي كل محاولاته مع رنا بالفشل وعدم سماع رنــا له ..

.

عبير رفضت كل محاولات طارق بأنها ترجع له لكنها رفضت في سبيل رضى امها..

.

♥

الساعه 6:15 مساء ..

بعد مرور هالاسبوعين الم رجلي زال تماماً .. ! كنت امشي بشكل طبيعي ....!
كلمتني هاجر وقالت لي انها محضره لي مفاجاه .. رح توصل لي اليوم ..!
كنت محتاره في مفاجئتها ... طلعت فوق واخذت شاور سريع .. طلعت بروب ابيض وعلى راسي المنشفه ..
نشفت شعري بالمنشفة وابتديت امشط شعري .. جلست على الكرسي الصغير المتواجد امام التسريحه
كنت مشغولة باللوش اللي احطه على جسمي .. وفجئه .. اخافتني يد احاطت فيني من الخلف .. يعني يكون ظهري ملاصق لصدره ..! همس بإذني : الحمدلله على سلامتك ..!
ابتعدت عنه وانا عاقده حاجبي من تواجده المفاجئ : على ايش تتحمد لي ..!!!!
سحبني من جديد لحظنه : قالت لي هاجر انها كانت معك بالمستشفى من قبل امس كنت ابي ارجع بدري لما عرفت بس ما لقيت حجز الا اليوم ..!
ابعدت عن حظنه اللي وحشني من اسبوعين .! كانها اطول ..! كانها شهرين او اكثر ..!
ناظرت له بحده : ما فيني شيء وما دخلت للمستشفى .. روح كمل شهر العسل مع زوجتك م يصير تتركها !!!!!!
ضحك بطريقة استفزتني : ههههههههه طلقت رغد ..!
رفعت عيوني له من جديد
تكلم قبل ما اقول اي شيء : طلقتها .. وما كنت رايح معها شهرعسل كنت رايح معها على شان اقدر اوصلها لأهلها بلندن ..! لو طلقتها ما رح اقدر ..!
تحولت ملامحي للغضب والجديه : ليش قلت لي انك بتروح معها شهر عسل كنت تقدر تقول كل هذا قبل ما تسافر معها كنت تقدر تقولي انابطلقها وابي اوصلها لأهلها ...! كنت تقدر تقول كل هذا بدال ما تجرحني وتموتني قهر ..!
ردت وهو يبتسم : لا ما كنت اقدر ..! كلها كم يوم وينتهي الموضوع وتعرفين كل شيء ..! .. انا اشتقت لك ! ما اشتقتي لي ؟
زالت ملامح الغضب مني .. وانا افكر بهاجر اللي كذبت هالكذبة على شان يرجع لي امير ..!
.. : اية واضح اشتقت لي والدليل انك ما تذكرتني حتى برسالة ..!
رد بجدية : انا ما تذكرت ان م معك جوال الا لما ركبت الطياره ..! وكنت اتصل على تيلفون البيت كل فتره واسال عنك الخدم ...!
رديت : اي تيلفون كنت تتصل علية ...! انا كان طول وقتي بالصاله محد اتصل والتليفون اللي فوق محد اتصل علية الا هاجر ..!
رد بأبتسامة جانبية : عندك تيلفون المطبخ ..! ما تأكدتي منه ؟
اعطيته ظهري من دون ما ارد
.. : حسابي مع هاجر وكذبتها بعدين ... رحتي لموعد الدكتوره ؟
جلست على السرير : لا .!
ناظرلي بطريقة غريبة : نروح لها بكرا ..
ناظرت له : أرجع لهها امير ..!
التفت لي من جديد : أرجع لها ...!!!!
تكلمت وهو ملاحظ لمعه الدموع بعيوني : انت ما رجعت على شاني ..! خوفك على اللي ببطني لو هاجر ما قالت اني تعبانة مارجعت لي !!
مسك يدي .. : طيب لوقلت لي ان كان كل تفكيري فيك ويوم قالت لي هاجر انك تعبانه كنت ناسي انك حامل ..!!! وجيت بس على شان اشوفك ..!!!!
عم الصمت لدقايق ثم ..
رفعت عيونه له وانا اتنهدت : وش اللي بتسوية امير ؟
.. : وش اللي بسوية !!.؟
التفت له بحده : وش ناوي تسوي ...! امير الله يخليك لا تسوي شيء يخليك تندم بعدين
قرب شفته من اذني وهو يهمس : اللي بسوية في مصلحتي ومصلحتك ..!
ارتجفت من قربه لي .. ارتفعت شفته لشفتي وقبلها ... بعد فتره طويلة ابتعدت وهو يهمس
... : بتروش وراجعلك ..!