شبكة همس الشوق - عرض مشاركة واحدة

26 - 7 - 2014, 09:04 AM

البارت الثالث والثلاثون .............♥

_ 33 _ ...........................♥

عشقيّ لكّ روايه لكننّي لنْ أروي لكّ تفاصيلَ هذه الروايه فسأكتفيّ بجملتين فقْط أننّي عشقتكَ منذ البدايه وأنني سأحُبكَ حتى النهايه.............. ♥

ضحكت بسخرية والدموع بعيونها : ادري بيتكلمون ..! وحده تطلقت بعد اول ليلة زواج وتبينهم يسكتون ..! كل اللي يصير فيني بسبب رهف ..! انا خليت الناس يتكلمون عنها ودارت الدنيا بهالسرعه والعالم قامو يتكلمون عني ...! حتى ابوي ما قام يناضر بوجهي بعد هالسالفة ..!
امتدت يد دلال لكتف ثنوى : ويمكن هذا درس لك على شان ما تأذين احد ..! الدنيا دواره ي ثنوى وكل اللي تسوينة اليوم بأحد بيتسوى فيك بكرا سوا كان زين او شين..!
انزلت رأسها ودموعي ابتدئت تتساقط ..!
كملت دلال : بس ثنوى يكفيك بكي ما راح يرد لك اللي فات صار لك اسبوعين على هالحال
رفعت عيونها الحمراء لدلال : وانتي صار لك اسبوعين هنا ..! يمكن صدق ضلمتي سامي
ناظرت لها بنظره غريبة : أنتي اللي تتكلمين ولا وحده ثانية ؟
نزلت دموعها بشكل اكبر : دلال , رهف لازم تسامحني الناس بدو يتكلمون عنها وكل هذا بسببي
بققت عيونها : وش مسوية لها ..! وش سويتي لهالمسكينة ؟
ردت : قبل زواجي بفتره رحت ازور البيوت اللي قريبة من بيت امير وقلت لهم ان سبب زواج امير رهف كذا وكذا .....! بس ولله ندمانة والحين الناس بدو شوي شوي يتكلمون عن امير ورهف ..!
بصدمة كبيره وقفت دلال من مكانها : انتي رحتي طلعتي اشاعه على البنت وقلتي عنها كلام على شان امير ..!
ردت بنفس الدموع : لالا ولله ما قلت شيء كذب رهف وامير تزوجو بسبب اغتصاب امير لرهف ..! انا ما كذبت بهالموضوع ..! رهف لو عرفت ما راح تسامحني بتسامحني على كل شيء سويته قبل الا هالشيء
أمسكت دلال معصم ثنوى بقوه وبغضب : انتي شلون تسوين كذا ..!!! لما تخلص عدتك تطلعين من البيت على طول لعند رهف تعتذرين لها ولا سبب طلاقك بيوصل لأمي وابوي ..! اعتبرية تهديد ي ثنوى ..!
طلعت دلال بغضب وبصدمة من ثنوى ....

♥

تسطحت على السرير وانا ابتسم ..! ابتسم لجيته على شاني ..! وابتسم على طلاقة لرغد ..! وابتسم لخوفة علي ..!
رن جواله مره .. ومرتين .. قمت بعد ما رن للمره الثالثه .. توجهت للتسريحه الموجود فيها جوال امير
استغربت من الاسم اللي يتصل فيه ..! رديت على المالكة بدون ما اتكلم .. : .................
لكن بدر تكلم بسرعه لما عرف ان امير رد او يحسب ان امير رد : لو طلع الكلام صدق موتك على يدي ..! فاهم موتتك على يدي وبتطلق رهف بعد هالسالفه ....!
كنت مصدومه من انفعاله ومن الكلام اللي يقوله : اي سالفة بدر ؟
سكت ثواني بعدها رد : رهف ..! ....... وين زوجك !! ابية بموضوع
صرخت بغضب : قلت لك اي سالفة اللي لازم امير يطلقني على شانها !!
رد بتردد : سبب زواجك انتي وامير ..! فهمتي اللي اقوله ما يحتاج اكمل
تراجعت للخلف وجلست على الصوفا بصدمة من كلامه شلون عرف ..؟ : ما لك علاقة بهالموضوع بدر لو كان صح او غلط ما تتدخل بيني وبين امير ما يحق لك تحاسبة ولا تحاسبني شيء بيني وبينه لا تدخل انت وهالتهديد بعده عن امير
رد بسخرية : ما أتدخل ..! بعد الكلام اللي سمعته ما اتدخل الناس تتكلم عنك بسببة وما تبيني اتدخل
صرخت : لا لاتتدخل ما لك حق تدخل فاهم ما لك حق وامير بعد عنه لان لو علقت معه انت الخسران ي بدر ...!
سكرت الجوال منه بإنفعال كبير ..! ما كان احد يعرف عن الموضوع الا رغد واخوها ..! لو كانو بيقولون شيء قالوه من زمان مستحيل اهم ..!
يمكن امير ...! مثل ما وصل الخبر لسالم بسبب امير عادي يوصل لأي احد تحت عذر كنت شارب ..!
طلع من الحمام " اكرمكم الله " بسرعه كبيره اخذ جواله اللي نزلته على التسريحه قبل ما يطلع بثواني
.. قلت بحده : أمير ..!
لبس شوزه " اكرمكم الله " بسرعه كبيره : بعدين رهف بعدين مستعجل
طلع بسرعه كبيره توجه لسيارته وبعدها انطلق بسرعه جنونيه

♥

أسترخى على السرير وملامحه العبوس مرسومة على وجهه ... واللي ما فارقته من اسبوعين
دخلت هاجر للغرفة متجاهله نظراته اللي توتره ..! تسطحت بجانبه في محاوله اولى للنوم ..
اقترب منها وهو يهمس : هاجر تأخرنا .. !
ما فهمت قصده التفت له : على ايش ؟
كانت قريبة بشكل كبير منه ما حست بنفسها الا متأخر .. : على امير ما ردينا له خبر
عقدت حواجبها : خبر ايش ...!!!
اقترب بشكل اكبر ازدادت فيها نبضات هاجر : بكرا الصباح تعرفينه ...!
ابتعد عنها وقام متوجه للباب طفى الانوار ورجع من جديد
للسرير و ####################.

♥

.. : مصره على الطلاق ولا تسألني وليد عن السبب انا وعبدالله مستحيل نتفق ابي الطلاق دام احنا على البر ..! ما ابي بكرا اندم
رد بحده : من اول سوء تفاهم تبين الطلاق ..! طلاق انسية ما اقدر اقول له طلقها على شانكم مب متفاهمين انتي اللي اخترتيه بالبداية وتتحملين هالاختيار ..
طلع بسرعه من دون ما يعطي رنا فرصه ترد ..!

.

اما اريج فأنصدمت من كلام تركي .. : ماهو على كيفك اسمع تركي اللي سويته فيني بيوم الزواج ما راح انساه ولا ابي يتكرر هالشيء
رد بحده : انتي اللي اسمعي الملكه بكرا رضيتي ولا انرضيتي بكرا بملك عليك واخذك
سكر الجوال بوجهها بغضب من اسلوبها معه ...

♥

جلست على طرف السرير وبين يديه الجوال اللي رن بأسم طارق ...!
ضلت عينها تتأمل اسمه وبعد وقت طويل ردت : ألو ...
ما كان مصدق انها ردت من اليوم اللي اعلنت فية انها رح تبقىعند امها ما سمع صوتها او شافها
.. : اطلعي لي انا بكون عند الباب بعد قايق ابي اكلمك
عبير ببرود : ما ابي اخسر رضى امي من جديد ..!
ردت بغضب : وانا ما ابي اخسرك اطلعي لي ابي اتفاهم معك ...!
ابتدت الدموع تملي عيونها : قلت لك ما ابي اخسر رضى امي ...! طارق روح لا توقف عند الباب
ضرب "الدايركسيون" بقوه وبغضب .. كان يغلي من جواه على ابتعاد عبير عنه ونادم أشد الندم على انه جابها للخُبر من جديد ..
.. : ما راح اطلقك عبير ..! لو امك طلبت هالشيء بجي اخذك غصب لهنا وبس
ضحكت بسخرية : رح تطلب هالشيء قريب ما راح تفاتحني بالموضوع الحين بس بتجي تقول لي تطلقي .. ما ابي اكون طليقتك ي طارق ..! ابي ابقى زوجتك
توقف بالسياره وسكر الجوال بغضب استرخى على المقعد وهو لا زال غاضب .. !
... : اذا ام عبير تبي الشر معي بتلاقي مثله..!

♥

كان يراقب كل شيء وهو يبتسم أشد ابتسامة ...! وكيف ما يبتسم وهو يشوف عدوه الاكبر "مقيد" اليد تحت تهمه متاجره المخدرات .. الموضوع اللي تعب فية تعب على شان يقدر يلاقي شيء يخلصه من سالم اللي حكمة معروف وهو الاعدام بسبب المتاجره بالمخدرات ..!
رجع للبيت بعد ان تأكد انه محجوز بين الحديد وانه بعد فتره بينتهي سالم من حياته معي ..!
رجع للبيت وهو يبتسم على عكسي تماماً ... وقفت من السرير مشيت بخطوات متزنه الى ان وقفت امامه
.. قال وهو يبتسم : اشوفك تمشين زين ..!! ما عادت تعورك رجلك !
ناظرت له بحده بدون ما ارد كنت مقهوره منه ..! كل ضني انه سبب الكلام اللي ينقال
انزل راسه وقبل خدي برقة وابتعد من جديد وانا على نفس وضعي
.. ابتسم من جديد وهو يقول : وش فيك ؟
أنفجرت بوجهه وكاني انتظر هالسؤال فقط على شان اتكلم : وش فيني ...!!!! شوف امير هالمره لو تتأسف وتعتذر بالشرب ما رح اسامحك فاهم ..!
عقد حواجبه واختفت ابتسامة : وش سويت ؟!!!
.. : ما احبك اكرهك امير اكرهك انت لوكان فيك ذره رجوله ما قلت اللي قلته ..!
قاطعني بحده ..: رهف !!
كملت من دون ما ارد علية .. :تدري عاد على كل اللي مرينا فية ما ندمت اني تزوجتك لكن الحين ندمانة
قاطعني من جديد بحده اكبر وبغضب وهو يصر على اسنانه ويحاول ما يمد يده علي قد ما يقدر
: رهف ...!
كملت كلامي وانا للحين غير مبالية بغضبة .. : ندمانة اني تزوجت واحد ما يستحق كلمة رجل ..! انت مجرد ذكر بعيد كل البعد عن الرجولة ...
اما ردت فعل امير على كلامي الاخير تعرفونها بالبارت الجاي ... ♥