شبكة همس الشوق - عرض مشاركة واحدة

26 - 7 - 2014, 09:07 AM

البارت السادس والثﻻثون. ............♥

_ 36 _ ................... ♥

لو هو بكيفي في منامي حلمتك من هو يعاف الحلم ﻻ صرت ضيفه. .................. ♥

رميت الجوال على السرير بغضب كبير ناضرت له بحده وانا اقول : هذي هاجر !!!!!!!
مشى للسرير .. من غير م يرد علي بس كان واضح التوتر عليه
بغضب : امير !!!!!!
التفت لي وهو رافع حاجبه وكأنه م يبي الكﻻم معي
قلت بنفس الغضب : وش سويت بهاجر ! ليش تسوي فيها كذا ... كنت حاسه وراء هالزواج شيء كبير بس م توقعتك تسوي كذا باختك .. شلون ترخصها كذا شلون قدرت!
تنهد بعمق وهو يقول : وش تبغيني اسوي اجي واسالها ببرود ... ! لو واحد غيري كان ذبحها من غير م يتكلم
.... : ليش هالتفكير المتخلف تذبحها من دون م تسمع دفاعها عن نفسها ! يمكن كانت مجبوره لو كان اللي انقال لك صدق ان هاجر مو بنت !! المفروض تجي تتكلم معها التفكير هذا متى ينتهي تخلفك هذا ﻻ تقرب فية لهاجر لأنك كسرتتها مثل ما سويت فيني قبل ...... !
ضغط ع اسنانه وهو يقول : الموضوع بيني وبين هاجر ﻻ تتدخلين
صرخت. .. : ﻻ بتدخل ومو بكيفك تطلعني برا الموضوع ..... انت مستحيل تكون إنسان بكامل وعيه !!!! ترخص اختك لاختبار تقدر بكل بساطة تسالها ورح تجاوبك بالصدق
مسك ذراعي وهو يصرخ بوجهي : اجي اسالها اذا قرب منك واحد وانتي مب متزوجه !!
رفعت حاجبي : وليش م تسألها ؟ وﻻ م تقدر تواجهى بهالموضوع ﻻنك بالاصل ملوث فية
شدني له بغضب وهو يناضر لي بحده تخيفني .. : اسمعي رهف اذا جبتي هالموضوع على لسانك م رح تلومين اﻻ نفسك ... وهاجر مالك شغل فيها
دفعني بعنف ومشى للباب لكن وقفته لما قلت : لو كانت اختك مغتصبه !!! وقال لك نايف انها مو بنت بتروح تذبحها وانت م تعرف انها مظلومه !!! ! اللي سويته اكبر غلط ﻻني بيوم من اﻻيام كنت مكانها بسببك وم كنت اتمنى يصير فيها اللي صار فيني
التفت لي ونفس نظرته الحاده : م اغتصبتك انتي اكثر وحده تعرفين انك بعد زواجي منك كنتي بنت !!
ابتسمت بسخرية : تكفيك المحاوله في اغتصابي ... يكفي حاولت بعيد ان كنت بنت بعد زواجي منك
اكثر سالفه تنرفز أمير سالفه اﻻغتصاب !!
مشى ببطئ وانزل وجهه مستواي : للحين هالموضوع في خاطرك ... للحين م سامحتيني رهف !!
ابتعدت عنه ﻻني عارفه بضعف له واستسلم له بسهوله .... : روح لشغلك .. م عندي كﻻم اقوله
... : ألبسي عبايتك وﻻ تسأليني وين .. انتظرك تحت .....

♥

تفجرت بوجهه وعيونها كلها دموع : الحين فهمت ليش م قربت مني اكثر من اسبوعين !! الحين فهمت ليش حتى نظره م تناظرني ... اخوي رخصني لك معذور باللي تسويه .. بس اذا امير يبي يرخصني لك انا م رح اسمح لك تهيني اكثر .. وان قعدت معك اكثر هذي اهانه لي كل شيء بينتهي مثل ما بدا ي نايف اعتبرنا م عشنا ليله امس ! اعتبر م قربت مني اعتبر نفسك م تزوجت للحين ... طلقني نايف !!
انصدم منها شلون عرفت هالموضوع ..! اقترب منها وعينه بعينها المليئه بالدموع مسك كفتها وهو يهمس .. : محد رخصك اخوك كان خايف عليك وانا ولله م كنت ابي هالزواج من البداية ، بس م ابيك تبتعدين عني الحين! لذالك اقواك ي هاجر .. م لك عندي طﻻق ! ادري انك بحاله صدمه وانا م هان علي اقرب منك وانتي م تعرفين سبب زواجك مني .. حقك علي انا اسف ي هاجر ! ظلمانك انا واخوك واطلب منك السماح مدري كيف عرفتي بهالموضوع بس حتى لو كنتي م تعرفين كنت بجي واقولك لاني ابي أكمل حياتي معك ومب مستعد اكملها وانتي ما تعرفين كل شيء!
هدئت شوي بعد كﻻمه ...... بدموع : لو جيت لي من اول يوم وقلت لي كل هالكﻻم لصار وضعنا افضل .....
قبل رأسها بحنان : لو م رح تفيدنا ... خلينا نعيش ونترك كل شيء

♥

عند عبير اللي تفاجئت باللي تقوله امها ..: اكيد تمزحين!
ام عبير بجديه : زواج ع سنه الله ورسوله انتي بتتزوجين وتتركيني لحالي ويمكن هذي اخر فرصه لي
بققت عيونها : يمه الرجال متزوج وعنده عيال تاخذين واحد متزوج !! واذا ع زواجي انا ما رح أتزوج اذا كان هذا قرارك بسبب زواجي
التفت لها امها وابتسامة غريبه مرسومه ع وجهها : ارجعي لطارق اذا تبين .. انا وافقت على الرجال ما راح اقعد بدون زوج طول عمرى !!
زفرت عبير بضيق كبير : م ابي طارق! !!!!! ابيك انتي ﻻ تتزوجين .. يمه شرطه بيموتني شلون بتبقين بعيده عني هذا بياخذك معه 3 سنين بدبي
ردت ام عبير ببرود ... : من بعد دبي اذا اشتقي لي تعالي لي انتي وطارق
قامت بغضب وهي معترضه على هالزواج صعدت غرفتها وسحبت جوالها بسرعه وبغضب اول م سمعت صوته قالت : تعال خذني الحين ...
سكرت الجوال من غير م تسمع رده .. حركت رجلها بتوتر .. وهي تفكر كيف أمها تتركها وتسافر مع االي بتتزوجه ل3 سنين !!
وقفت وهي تجهز أغراضها بعد أكثر من ساعه من انتظار عبير لطارق اللي ما جاء للحين اتصلت عليه وسريعا جاها الرد من طارق .. : الو
بغضب قالت عبير : صار لي ساعه انتظرك وينك؟
رد بجمود : وش تبين ؟
بصراخ : وش وش ابي تعال خذني م ابي اضل هنا
ردت بهدوء : م لك رجعه عندي انتي اللي اخترتي تضلين عند امك وانا مب لعبه عندك كل م جاء بخاطرك طلعتي من عندي واذا مليتي اتصلتي وقلتي تعال خذني !
... : اوكي خﻻص ﻻ تجي باي ...
سكرت الجوال على طول وبداخلها قهر منه !

♥

رفعت جوالها تتصل عليه بعد ما فكرت كثير ووافقت ع الزواج من نواف .. حين جاءها صوته قالت بسرعه .. م تبي تضعف له ... : اسمع سامي انا على وجه زواج ووافقت ع الخطبه .. ابي ورقتي وﻻ تطولها مهما كان التبرير م رح ارضى ارجع لك .. معك لبكرا لو ورقتي ك وصلت لي بيني وبينك المحاكم
بغضب رد : اسمعي دﻻل الطﻻق اخر ما تفكرين فيه سامعه !
ردت بنفس الغضب : اسمع انت ورقتي مثل ما قلت لك توصلني بكرا ما احبك تفهم شلون يعني ما احبك ولو م وصلتني ورقتي رح اخلي ابوي يتدخل بالموضوع ... انا مصره ع هالطﻻق ...!
بهدوء يعكس البركان اللي جواته .. : بكرا توصل لك الورقة ...
سكر الجوال من غير م يعطي دﻻل فرصه ترد ..

♥

ارجعو لي من جديد ... ♥
لبست عبايتي وطلعت معه .. ركبت بجنبه انا اقول .. : وين موديني .. ؟
حرك السياره من غير م يرد علي .. ومشى بسرعه كعادته اللي كادت ان تقتلنا بيوم من اﻻيام وقف هدءت سرعته ﻻن كان زحمه شوي ع الطريق م كنت مستوعبه احنا وين اﻻ لما ناظرت للبحر .. ! كنا على جسر الملك فهد ! متوجهين بكذا للبحرين .. التفت له بسرعه وانا ابلع ريقي .. : ليش رايح للبحرين !!!
التفت لي وهو يبتسم : خطرت ببالي فجئه نروح كم ساعه ونرجع ..
عقدت حواجبي بعدم فهم : وش اللي خطر ببالك !!!
ركز بعينه على الطريق وهو يقول : بحقق شيء كنتي تتمنينه !
جلست باريحيه أكبر. .. وكل تفكيري باللي بيسويه !
بعد نص ساعه تقريباً دخلنا للبحرين اللي تشابه للخبر كثير .. وقفنا امام مجمع يعرف باسم الستي سنتر نزل وهو يقول بسرعه
.. : يﻻ انزلي
نزلت وراءه .. كنت احسبه بحط يده بيدي لما قرب مني بس اللي شلني عن الحركه انه شد على خصري له بقوه وهو يبتسم
.. : امير بعد عني احنا قدام الناس !
توسعت ابتسامته اكثر .. : احنا بالبحرين مب بالشرقية .. ﻻ تتوترين كذا
دخل للمجمع ويده ملتفه على خصري بشكل احرجني كثير ماني متعوده يمسكني كذا قدام احد شريت كم لبس اعجبني .. طلعنا من المجمع بعد عشاء بمطعم هندي اتعب وانا اقول لذيذ ! وقفت امام السياره وانا مستغربه ان امير راح للجهه الثانية رمى المفتاح وهو يقول : يﻻ سوقي ..
بققت عيووني بصدمه من اللي يقوله ركب السياره من دون م يعطيني فرصه اعترض
ركبت للسياره من جهه السواق التفت له : امير مو من جدك تبيني اسوق !
رد وهو يبتسم : انتي قلتي لي ابي اسوق وقلت لك اوديك للبحرين وتسويقين ! تذكرين هالكﻻم وﻻ ﻻ !
فعﻻ انا قلت له ابي اسوق قبل م نسوي الحادث بس م توقعته يفكر بالموضوت للحين ! : م اعرف احركها!
بدا يعلمني وحركت السياره ومشيت بين الشوارع والضحكه اللي اسمعها من امير بسبب خوفي من السيارات ... وفقت وانا مستانسه على هالتجربه التفت له .. : يﻻ تعال استلم مكانك !
نزل وهو يضحك نطيت للمقعد الثاني من دون م انزل ركب وهو معصب ناظرت له باستغراب تو نزل وهو يضحك بس عرفت سبب غضبه لما قال : في وحده متزوجة وحامل وتنط كذا
رفعت حاجبي : امير بﻻ محارشك الحين !
رجعت له اﻻبتسامه بسرعه .. كنت اتامل تفاصيل وجهه الاقل م يقال عنه ف ا ت ن !
وابتسامته اللي تنسيني كل شيء ..

♥

عند اريج اللي سكرت الجوال وهي تبكي بحرقه .. : تركي مريض بشلل الرعاش !
ارتمت على السرير وهي تبكي بشكل كبير نست كل اللي سواه فيها لما عرفت بمرضه .. في هاللحظه دخلت رنا وعيونها دموع وصدمتها كبيره لكن نست كل شيء لما شافت حاله اريج جلست جنبها وهي تقول : اريج وش فيك ! ﻻ تصيحين كذا وقفتي قلبي قولي وش صاير
عدلت جلسها وهي تقول من بين دموعها : تركي مريض بشلل الرعاش !
م انكر ان رنا كانت مصدومه من مرض تركي بس حاولت تبين قواتها لتتقوى اريج فيها .. : قل لن يصيبنا اﻻ م كتبه الله لنا .. اذكري الله وقولي الحمدلله لعلها خيره ! جيت اشكي لك همي طلعتي مهموه اكثر مني
رفعت اريج عيونها لرنا .. : وش صاير؟
تنهدت بعمق وهي تقول : عبدالله بيتزوج ! قال زواج اجبراي وبتكون في بيت اهله م رح يقرب لها ابد ... سكرت بوجهه من دون م اتجادل معه ﻻني انصدمت من اللي يقوله
عقدت حواجبها بصدمه : بيتزوج مين !!!
ردت رنا وهي تمسح دموعها: م ادري من م قال لي

♥

في مكان بعيد جداً في مدينة الضباب لندن ..

اللي حالتها كانت سيئه بالمره وازدادت سو لما عرفت ان من تسبب بسجن اخوها سالم هو امير تنهدت بقهر كبير : كله من تحت راسك ي رهف *وانا وش دخلتي :/*
وقفت من مكانها متوجهه لابوها تطلب منه بحجز له ولها الشرقيه تحت عذر .. : زواج صديقتي عاﻻسبوع وﻻزم احضر !
رد ابو سالم: تبين تحضيرين زواجات واخوك محكوم عليه اعدام !
ردت بقهر اكبر وهي تتوعدني : حضرت ولا محضرت اخوي مب طالع .. وانا ﻻزم أحضر زواجها
حرك راسه ب"نعم" وهو يعرف لو رفض بتلح عليه اﻻ ان يوافق

♥

... : بعد هالفضيحه اللي تسببتيها لنا م لي وجه ارد الرجال اللي جاي يخطبك انا وافقت ..
ردت ثنوى بدموع من كﻻم ابوها : وأنا موافقه على تركي ... !
طلع ابوها تاركها بدوامها حزن ! من ان تنتهي عدتها رح ترتبط بتركي ! اﻻنسان اللي تسبب بكل اللي تمر فيه الحين .. ويمكن مرضه بسبب دعواتها عليه ! يمكن م ندري !
اما دﻻل فكلمت نورا لتعطيها الموافقه على الزواج من نواف وخصوصاً بعد م تاكدت أن ثنوى م رح تزعل لو اخذته !

♥

عوده لي مجدداً .. رجعنا للبيت بعد مشوار جميل للبحرين ارتميت على السرير وانا ابتسم لامير الاي يناضر لي .. :. شكرا امير ع كل شيء كان مشوار جميل !
تصطح بجنبي وهو يبتسم : لو زعلتي م حقدتي ترجعين وتضحكين انتي م مثلك ي رهف قلبك بساعه يلين !
مسح على خدي بحنان : لو يرجع فيني الزمن م حاولت اسوي شيء يأذيك محد يقدر يأذي شيء يعتبره حياته ! تأكدي اني م كنت بوعي بهذيك الليله احتضنت يدينه بين يدي وانا اقول : انا احمد ربي مليون مره ان صار كل هذا .. لان لو م صار هالشيء بالذات م كنت جنبك الحين !
قبل شفتاي بقوه .. كنت احسبه بيبتعد لكنه تعمق اكثر فيها انزل شفتيه لاذني : نامي بكرا موعدك مع الطبيبه
نمت ونام امير ووجه على عنقي .... ♥