شبكة همس الشوق - عرض مشاركة واحدة

26 - 7 - 2014, 09:10 AM

البارت الثامن والثلاثون .............

_38_ ....................

لو سالني عنك الورد علمني وش بقول وان وصفت اول جمالك كيف بوصل اخره ؟ ................

دخلت هاجر وعيونها تفيض بالشرار .. ! وقفت بسرعه خوفاً من المشكله اللي بتحل علينا بين هاجر وامير .. تقدمت لهاجر وانا اتصنع الابتسامه وقبل ما اقول اي شيء قالت هاجر .. : رهف ممكن تخلينا لحالنا ..!
مشيت متوجه للدرج من غير ما ارد .. لكن استوقفني صوت امير وهو يقول : لا تروحين .. ما في شيء ينقال .. اذا انتي جاية هنا على شان سالفة زواجك فتكلمنا انا ورهف فيها ومالي خلق اعيد السالفه .. ونايف رجل ما ينعاب وانا كنت ابي مصلحتك بهالزواج .. !
ردت بصــراخ : اي مصلحه تتكلم عنها .. تزوجني لصاحبك على شان تختبرني ! تحسب اني مثلك من حضن بنت لبنت ..!
كانت كلامتها اشبه بالسم هذي الحقيقه اللي ما كنت ابي اسمعها ..! اسمعها اليوم من هاجر ..!
كانت عيون امير علي وباين عليه الخوف من رده فعلي على كلام هاجر .. ابتسمت له وانا اخفي ضيقتي .. : صار اللي صار ياهاجر اخوك كان يبي يعرف الحقيقه ..
التفت هاجر لي بغضب اكبر : اي اكيد انتي واقفه معه مو هو زوجك !! انا اللي وقفت ضده على شانك بس انتم الاثنين ما تستاهلون اي شيء
مشيت لعندها وانا عاقده حاجبي : انا تهاوشت مع امير لموضوعك ..! كيف اوقف مع الغلط امير غلط ايه بس غلطته كانت على شانك
رجعت التفت له وهي تقول بغضب تبي تقهر امير باي طريقه : اسمعني انا بضل مع صاحبك لسبب واحد بس ! لانه ستر علي قدامك
التفت له بسرعه وعيوني مبققه : كيف ستر عليك!!!!!
كانت للحين عيونها على امير اللي مب فاهم شيء من كلامها : كيف يعني بيكون ستر علي ! اعتقد فهمتوها .. والرساله اللي وصلت لك ياامير وكانت سبب زواجي كل الكلام اللي فيها صح ..!! من الاخير صاحبك ماهو قد الامانه ولا قد صداقتك معه ... ومن اليوم منت اخوي ولا اعرفك .
ثار بجنون من كلامها اللي كان كذب ..! كانت حابه تقهره وتحسسه لو بشوية الحرقه اللي بقلبها وقفت بينهم بسرعه قبل لا يوصل لهاجر .. كان يصارخ ويتوعد ويهدد ..!اما هاجر واقفه بمكانه ببرود التفت لها وانا احاول اصد امير عنها .. : هاجر خلاص روحي تكفين لا تكبر السالفه ..
مشت بنفس البرود متجهه لخارج البيت ابتعدت عنه بحزن : كبرت السالفه امير ..! هاجر زعلت ومستحيل ترضى بسهوله ...!
كان مكور يديه والغضب باين عليه بشكل كبير : زعلت ولا رضت .. الله لا يخليني اذا خليتها !
تذكرت كلامها الاخير وانها مو بنت ...! والرساله اللي وصلت لأمير صحيحه ..! بلعت ريقي بصعوبه وفكر ان هاجر تسوي كذا مو داخله بالي ابد .........!

//

طلعت من البيت ومشت بسرعه للشارع العام وهي تمسح دموعها وقفت تاكسي وتوجهت للبيت .. كل املها توصل للبيت قبل تواجد نايف .. دخلت للبيت بسرعه وبدلت ملابسها وغسلت وجهها ز. بعد نص ساعه دخل نايف بغضب كبير ما انكرت خوفها منه .. مشى من دون ان يتكلم مسك ذراعها بعنف
... : وش اللي قلتيه لأمير ..!!!!
فهمت انه امير كلمه او قابله .. ! وقال له عن الكلام اللي انقال اليوم ..! نفضت يدها بقوه
.. : قلت اللي لازم ينقال .. !
رد بنفس الغضب : انتي تدرين وش سويتي !!!! امير يحسب انك ####### وانا اللي سترت عليك من دون م يعرف
ضحكت بسخرية : ههههههههههههه قول له هاجر ماهي مثلك !!!!
تنهد بعمق : هاجر وش اللي غيرك فجئه !!
اعطته ظهرها لتخفي دموعها : ليش ما اتغير تبي هاجر الطيبه اللي تسكت عن حقها ..! الا في هالشيء مليون خط احمر .. وتخطى هالخط أمير وانا ما اسمح له يتمادى !!
حط يدينه على كتفها بحنيه : مهما كان هذا اخوك اللي مالك غيره ..
ردت بدموع : أخوي مات في اليوم اللي تنازل عن ثقته فيني !
ابتسم لها وهو يشوف طريقتها في مسح دموعها ضمها بقوه لصدره وهو يمسح على ظهرها قال .. : الوقت تأخر خلينا ننام ..

//

يوم جديد .......... وصلت فية رغد ..! لأراضي الشرقية وتحديداً في الخُبر اللي توجهت على طول لبيت أمير بحجه انه بيت صاحبتها اللي بتتزوج ..! وقفت أمام البيت لأكثر من 10 دقايق كانت متردده تضرب البابا خوفاً من تواجد امير .. لكن فجئه انتفتح الباب الكبير وعلى طول تخبت رغد خلف احدى السيارات اللي بجانب البيوت المقابله طلعت سيارة امير ولما اختفت عن انظار رغد مشت بسرعه وضربت الباب وكل املها ان احد الخادمات تفتح لها .. وفعلا فتحت لها الخادمه "لأن" اللي سحبتها رغد على طول لخارج البيت
.. رفعت نقابها وهي تقول : لآن هذا انا مدام رغد اللي جيت في البيت زمان !
حركت راسها لان وهي تبتسم لانها عرفتها ... رغد : اسمعي زين .. بعطيك فلوس بالمبلغ اللي تبينه بس تنفذين شيء واحد .. تعطين مدام رهف عصير اناناس وتقولين انه من أمير ...! اوكي
عقدت حواجبها : مدام رهف حامل ما يصلح اشرب عصير اناناس !
سحبت رغد كل المبلغ اللي بشنطتها : بعطيك مثل هذي 3 اضعاف ..!
حركت راسها وعينها على الفلوس .. : ما احد يعرف عن شيء ولا تقولين لهم اني جيت ولا شفتيني ابداً
لان .. : متى عطي عصير ؟
رغد : الحين ..! بابا امير ما فية روحي بسرعه عطي رهف وقولي انه بابا امير قال اشربي هالعصير
مدت رغد جوال رخيص جداً للأن وهي تقول : هذا الجوال خبية بكلمك منه لا احد يشوفه اوكي
ردت لان : اوكي
دخلت بسرعه وهي بتنفذ خطه رغد .. ( للمعلومية عصير الاناناس او الاناناس يسقط الجنين لانه يسبب انقباضات بالرحم )

//

عــند عبير اللي ابت كل محاولات طارق في ارجاعها ومحاولات امها الجديه
بصراخ : يمه تبين تتزوجين تزوجي .. حياتي انا وطارق محد يتدخل فيها .. قبل كم اسبوع خليتيني اتركه والحين بتتركيني وتبيني ارجع له .!!!
ردت ام عبير : محد بيبقى لك هنا الا طارق
.. : معي الله .. ماني محتاجه منه طارق ولا زوجك !!!
مشت ام عبير بلا اهتمام من حرقه قلب عبير اللي تسببت فيها امها

//

عنـــد دلال وثنوى ...

من ناحيه ثنوى فكانت سعيده بأن أحد جاءء خطبها بعد اللي صار ولو كان هالاحد "تركي" !!! اللي وصلها لهالحال واللي سلب منها كل شيءء

امــــا دلال فكانت تمثل السعاده بطلاقها وتتمنى تخلص عدها بأسرع وقت على شان تملك على نواف ! وترتاح من سامي وتفكيرها فيه ..! : اكيد هو الحين معها ما سال عني ولا كلف خاطره يتصل .. اصلا ليش يتصل وانا طليقته .! اكيد يقضي وقته معها وماهو معبرني ابد ..!
رفعت جوالها وكالعاده اتصلت على نورا ..

//

عنـــد رنا وأريج ..

.. : خطبتها !! , وانا ياتركي وش بالنسبه لك لعبه تسليت فية وبترميها والحين رايح تخطب ثنوى !
رد بهدوءء عاكس طبع تركي الدائم : انا خطبت ثنوى على شان أكفر عن ذنبي !! مرضي ماله علاج وبعد كم سنه بصير مشلول شلل كامل واموت !!! خليني احل غلطتي الزواج على الورق ما رح اخذها من بيت اهلها .. انتي اللي ابيها.
بعدت الجوال عن اذنها ودموعها تنزل ببشكل كبير على كلامه .. انه بعد كم سنه رح ينتهي!
برغم انها مبعده جوالها عنها الان انه سمع صوت شهقاتها !!
سكر الجوال ورجع اتصل من جديد رفعت الجوال لأذنها .. :الو
.. : كم سنه تكفينا نعيش مع بعض وكم سنه تكفي اني اخليك تسامحيني
حاولت ما تنزل دموعها من جديد .. : متى بتتملك على ثنوى !
رد : لما تخلص عدتها ..

اما رنـــــــــا اللي واخيراً قررت ترد على عبدالله اللي احرق الجوال وهو يتصل ..
.. : نعم .
رد : من الاخير يا رنـــا .. طلاق ماني مطلق وانا متصل أخبرك اني رايح أخطب ولو كبرتي السالفه ووصلتيها لأخوك صدقيني بخبره بكل شيء كان بيننا
سكر الجوال على طول تاركه بصدمه خطبته وبصدمه تهديده لها ..!

//

كنت اتقلب على السرير في محاوله للنوم بعدما طلع امير لدوامه .. أنضرب الباب وبعدها دخلت الخادمه وبيدها كوب عصير مدته لي وهي تقول : بابا امير يقول اشرب !
عدلت جلستي وانا ابتسم مديت يدي للعصير وانا اقول : شكراً ..
طلعت لان بسرعه وكان باين عليها التوتر تجاهلت خوفها الواضح وانا ارفع الكوب لفمي كنت متوقعه انه عصير مانجا ..!! بس كان عصير اناناس بارد $ شربته كله وبعد تسطحت من جديد على الفراش وانا ارفع اللحاف لي ..

في المقابل نزلت لآن بسرعه للمطبخ وجمعت باقي الخدم للحديقه على اساس ان البيت فاضي ويرتاحون شوي .. دخلت لأن للبيت بحجه انها تبي الحمام " اكرمكم الله" لتتأكد من نجاح خطتها مع رغد صعدت الدرج ولما وصلت لنص الدرج سمعت صراخي العالي .. نزلت بسرعه للحديقه وقعدت بين الخدم .. قامت بعيد شوي وسحبت الجوال اللي "بخبئ" ثوبها وطلعت الجوال بسرعه واتصلت على الرقم الوحيد الموجود في الجوال .. : كل شيء تمام مدام ..
ابتسمت رغد بشكل اكبر : اذا طلع امير ورهف اكيد بياخذها للمستشفى اتصلي علي على شان امرك واعطيك الفلوس ...
كان صوت الصراخ ما يوصل ابد للحديقه مع ان صراخي كان عالي جداً .. صرخت اكثر من مره على امل احد يجي لان الم بطني كان فضيع لدرجه اني ما اقدر اقوم من مكاني حاولت اوصل للتلفون لكن كان على الطاولة البعيده وللأسف للحين ما معي جوال ..! ابتديت شوي شوي اتخدر بسبب الالم مع اني اتالم بشكل كبير الا اني بديت اهدا وكنت شبه فاقد الوعي ! بسبب انقباض الرحم ....... بعد تقريباً ساعه من لما فقدت الوعي دخل امير للغرفة و ........