شبكة همس الشوق - عرض مشاركة واحدة

7 - 8 - 2014, 03:24 AM

صرخت بأعلى صوتي وأنا أطرق الباب بعنف : افتحــــــي .. افتحــــي ..

افتحـــــــــــي ..

وتلاشى صوتي .. عندما تلاشت أنفاسي ..

.

لكن الاثنين عادا إلي مجددا .. عداها !

*

يبــه .. تعرف عبـد الرحمن الـ ..

" شعرفك فيه "

بنته معاي في امريكا ..

" أحذرك تقترب من هـ الحيوان .. ولا راح تلاقي شي ما يعجبك "

*

ألــو ؟؟

انت عبد الرحمن ؟

.

.

نعــــم ؟

مستحيــــل ؟

شنو يعني خــلاص ؟

" يعني راحت .. وما في أمل ترجع "

*

وليــــد من شنو ربي خلقك ؟ أنا مستحيل أرد .. مستحيل ..

كيفي يا أخي .. ما في مكان في العالم يدرسون فيه غير امريكا ؟

.

.

.

وخر عن طريقي خلني أدخل ..

بابا ما في يرضى ..

قلت لك وخر ..

" خير .. نعم شبغيت "

.

.

.

" اذا خطيت قريب من هـ المكان .. قسم بالله بتموت انت وياها على ايدي .. "

واذا قلت لك انك بتلقاني باجر موجود بنفس المكان ..

.

" بنشـــوف "

*

شنو يعني انتقلو ؟ انت جنيت ؟

تباعد عن وجهي لا أمد يدي عليك ..

مستحيل ينتقلون .. مستحيل تروح وتخليني .. انت ما تفهم ؟

==

أكملت آخر ورقة .. وضعتها في الملف الخاص .. ونهضت والإرهاق مسيطر علي كليا .. تثائبت وأنا أخرج من مكتبي .. فكرت في أن أقصد أبا ياسر .. لكن ليس لدي طاقة لسير نحو مكتبه .. هرولت ناحية المصعد الكهربائي .. وما إن فتح .. حتى طل الوحش أبا وليد بجثته ..

نظر إلي بطرف عينه : على وين ؟

بضيق أجبته : على البيت ..

رمقني بحدة : الساعة 7 اللحين .. الناس توها تداوم وانت تطلع ؟

بنفس الضيق : خله دوامي يصير مثل الناس علشان أطلع معاهم ..

بحدة قال : تفضل مكتبك .. ولا تخليني أغلط عليك جدام الموظفين ..

ابتسمت بسخرية : شلي مانعك ؟

رمقني طويلا .. ثم أزاحني عن دربه وابتعـــد ..

حسننا فعلت به .. المهم عندي أنني أفرغت بعضا من شحنتاي عليه .. كم هو قاس .. ذي القلب الفولاذي .. تصوروا .. اتصل لي في الساعة 10 .. وأجبرني على البقاء لهذا الوقت .. محال أن أبقى حتى الثانية ظهرا .. لو على قطع رقبتي ..

==

مددت يدي تحت الوسادة وهمست : نعم ؟

وصلني صوته : صباح الخير وردتي ..

بصوت بارد برودة الثلج : صباح النور ..

شعرت بأنه مستغرب من صوتي : منتهاي ؟ فيج شي ..

.

منتهاي

منتهاي ..

.

سالت دموعي على وجنتي : لا ..

أجابني : عجل ليش صوتج جذي ؟

لا أستطيع إرغام نفسي على عدم البكاء : مازن .. أنا مشغولة شوي .. اتصل بعدين اوكي ؟

لم أسمع إجابته وهتفت بنفس الهمس : باي ..

أغلقت هاتفي .. وسمحت لدمعي بأخذ مجراه .. كم أثرت في قلبي تلك الكلمة .. لم يقولها إلي أحد بعد ذاك اليوم ..

أخذت أرتجف .. ويهتز جسدي بعنف .. وأنا أبكي .. مهلا .. فبكائي من دون صوت .. فقط الدمع .. وهزات عنيفة .. أشبه بملك الموت وهو يسحب الروح من الجســــد ..

أحبك يا هذا .. يا ساكنا أضلعي ..

==

أقول رنـــا ..

التفت نحوي : اسمعج ..

ابتسمت لها : إلا ليش أمس غايبة ؟

هزت كتفيها : مو لشي .. جذي .. دقت في بالي أغيب ..

غمزت لها : علي هـ الكلام ؟

همست بذعر : اشششش .. انتي ما ينقال لج شي ..

تبسمت لها : يعني الي في بالي صحيح ؟

أومأت بإيجاب : نص نص ..

رميت عليها علبة العصير : مالت علييييج ..

صرخت بي صفاء وهي قادمة من بعيد مع فطوم : شنو تقولون ؟؟ في منو تحشون ؟

ضحكت لها : كنت أقولها عن دعااء الدفشة ..

جلست فطوم بجانبي : اييي صح .. شفناها أمس ..

قالت صفاء : في ويييييين ؟ مع أبوها في سيارته المرسيدس ؟

ضحكت : لا .. مع أخوي ..

فتحت عينيها بصدمة : هااا ؟

ضحكت أنا وفطوم .. وضربنا كفينا ببعضهما البعض : كانت مع أخوها .. وأخوي راح لهم .. طلع أخوي صديق أخوها ..

صفاء : واخوج ليش مصادق هـ الأشكال ؟

التفت إلي فطوم وابتسمت لي فبادلتها الابتسام وقالت : ما تعرفينه أخوها .. فرق السما والأرض وياها ..

قالت رنا بذهول : لهدرجة ؟

تبسمت لهم : ايي .. أحمد أخوها متواضع لدرجة فضيعة .. بس ما ينعرف ليه .. يعني شلون أوضح ؟

أكملت فطوم : يعني كل يوم تشوفينه بحال .. صحيح اني ما أشوفه واجد واجد .. بس كل شي بسرعة فيه ينقلب .. حتى طريقة لبسه ..

صفاء : شوقتوني .. أبي أشوووفه ..

غمزت لها : نونو .. أخاف تطيحين ومحد يمسي علييييج ..

[ رنا : 17 سنة ]

[ صفاء : 17 سنة ]

==

دخلت " السكشن " وعيني لم تتوقفان عن البحث عنها .. وكما توقعت .. لم تحظر .. تنهدت .. وجلست مكاني .. وأنا أتمنى أن تحدث معجزة وتأتي .. لا لا .. لا يذهب بالكم بعيدا .. ليس لأني أعجبت بها أو من هذا القبيل .. وإنما لأني أود أن أطمئن عليها .. وأسألها سؤالا واحدا أشبع به غليل فضــولي !

أجل .. أصبتم .. وهو سر العدسات تلك ! التي تغطي جمال عينيها ..

وقطعت أفكاري ليس بصوت شرح الدكتور الذي لا يكف عن الثرثرة .. وإنما بصوت وصول رسالة ..

فتحت هاتفي .. وألقيت نظرة .. لأرى بأنه مازن .. وكان في الرسالة :

هلا يعقوب .. اذا خلصت الجامعة مرني .. بكلمك في موضوع شاغلني .. لا تنسى ..

أغلقت الهاتف .. ونظرت نحو الساعة المطوقة معصمي .. يا الله بقي الكثير على انتهاء المحاضرة ..

وما إن انتهت بعد طول صبر .. نهضت قاصدا سيارتي لأتجه نحو منزل مازن ..

فرأيته جالسا عند عتبة منزله بانتظاري ..

مرحبـــا ..

تبسم لي : مراحب .. حياك ..

قلت له : عصافير بطني تزقزق .. لو سمحت اركب بسرعة .. أنا جوعان ..

نهض من مكانه .. وفتح الباب الذي بجاني وجلس .. كان ساكتا وشارد الذهن .. فسألته : شفيك يا أخي ؟

رفع عينيه ونظر نحوي وقال بهدوء لم أعده منه : يعقوب .. تذكر البنية الي كلمتك عنها ؟

ضحكت هازئا : لا تقولي حبيتها ..

تبسم : مو هذا موضوعنا .. متغيرة .. صايرة طيبة معاي .. ما ادري شسالفتها ؟

التفت للطريق وبسخرية : وهذا الي شاغلك ؟

بضيق أجابني : لا ..

التفت له : عجل ؟

تنهد : مبين عليها انها مو صاحية ..

ضحكت لحين صرخ علي : لا تفهم خطأ .. مو محنونة .. أقصد ان فيها شي مو طبيعي ..

انتبهت للطريق : مثل شنو ؟

ابتسم لي : ما ادري .. بس قلبي يقول جذي ..

لم ألتفت إليه : والمطلوب مني ؟

رمقني ثم أجاب : حشى .. ما ينقال لك شي .. بدال ما تقولي حل .. تقعد تسألني شنو أبي منك ؟

ابتسمت له : حل لشنو ؟ ليش اللحين انت بمشكلة علشان ندور لها حلول ؟

هز رأسه بإيجاب : وأكبر مشكلة بعد ..

تبسمت ابتسامة واسعة : إلا هي مشكلة الحب ..

ضربني لحين أني شعرت بأني سأفقد السيطرة على السيارة : يا المجنون والله آسف .. هدني بتقتلني وبتموت معاي ..

==

تناولت قطعة سكر : غسان ..

همممم

هززته بعنف : يا غبي .. قوم .. بسك رقاد ..

لمست الشاي الذي كببته له بطرف إصبعي رأيته قد برد فسميت بسم الله .. وكببته عليه ..

نهض مذعورا : ويييش ؟

ضحكت : طالع نفسك ..

ألقى على نفسه نظرة وصرخ بي : يالخاااااااااين ..

ضحكت بعنف : شسوي فيك ؟ جاي تزورني ولا جاي