شبكة همس الشوق - عرض مشاركة واحدة - رواية امانه لا تطلع حرارة انفاسك بحضن غيري

19 - 8 - 2014, 12:45 PM

سكتنا شوي وبعدين تكلمت..

دانه:عندي سؤال محيرني..هو ليه طلب من امه تخطب له وحده ماتنشاف..

امينة بابتسامه:لانه هو مقرر انه ياخذك كخدامه له..ميبي وحده حلوة زيك ويروح فيها..او يضعف من ناحيتك..

دانه بحيره:ليه ميجيب خدامه..هو مشاء الله عليه عنده خيرر..

امينة تنهدت:مايبي يجيب خدامه عشان متضرب بنته الجوري..لانه قبل جاب خدامه من سنتين وكلا تضرب الجوري..وطردها وحرم من ذيك السنتين انه يجيب خدامه لبنته..

دانه(عشان كذا ضربني بعنف):اهاا..

امينة مسكت يدي:عاد لا اوصيك بالزين في الحفلة..

دانه بابتسامه:ابشرري..بس هو قال..

امينة قاطعتها:معليك منه..خليه علي..

دانه:اوكي..بس انتظري اسبوع بالاول..تدرين ماابي اروح الحفلة وانا اعرج..

امينة ودانه:ههههههه..

امينة:ابشرري..

وطلع بطني صوت..استحيت ونزلت راسي لتحت..
امينة بابتسامه:حتى انا جوعانه..وش رايك نطلب من المطعم وجبة..
دانه باندفاع:فكرة حلوة يلا..

ارتحت كثير لامينة حسيت انها اختي ألي مجابتها امي الله يرحمها..

وبعد نصف ساعة وصلت الوجبة..وضربنه فيها بالخمسه..ههههه..من الجوع.. وجلسنا نتكلم واحنا ناكل وتعرفنا على بعض اكثر واكثر..مر الوقت بسرعة علينا وراحت امينة مع واتي..

اصريت انها تجلس وياي اكثر بس قالت لي ان بناتها وراهم مدرسة..

لميت الاغراض والاوساخ ورميتهم في الزبالة"الله لايهينكم"

بنسبه لتركي
خفت الانوار زي متحب الجوري..وطلعت من غرفتها ورن جوالي رديت:نعم..

امينة:هلا تركي..

تركي:هلابيك..

امينة:روح ود دانه للمستشفى..جنبها يعورها..

تركي:نعم.نعم..وش قلتي ماسمعت..

امينة بحنيه:ياخوي..دانة في ذمتك دحين وان صار لها شيء فأنت المسئول..على الاقل كلم الدكتور تبعنا عشان يفحضها..

تركي:..........

امينة كملت:لاتخاف مني ولا منها ولا من احد..بس خاف من رب العالمين..ارحمها ياتركي..

تركي:.........

امينة تنهدت لما ماسمعت رد منه:ارحموا مافي الارض يرحمكم من في السماء..

تركي بداء يقتنع ويلين شوي:خلااص..خلاص..بوديها..

امينة(ادري انك طيب ياتركي بس تكابر شوي..)

سكر السماعة من دون ماينتظر ردها..

كلم دكتور العايلة.. ونزل تحت عشان يخبرها.. شافها متكيه وتمشي شوي شوي..كسرت خاطره..بس مابين اقترب منها..

تركي:كلمت الدكتور وراح يجي بعد كم دقيقة..

دانه:لاتخاف علي ر.....

يتبع....