شبكة همس الشوق - عرض مشاركة واحدة - رواية امانه لا تطلع حرارة انفاسك بحضن غيري

20 - 8 - 2014, 03:19 PM

البارت التاسع عشر

مكان بيتركها كذا..بس لازم يروح
وراح يتوضأ ونزل تحت وشاف الجوري نايمه في الصاله ع الكنب..والتلفزيون مشغل..اول مره يخلي الجوري كذا بعمره مهملها وخلها تنام من دون ميحكي لها قصة..
شالها وحطها بسريرها..
وراح للمسجد..
.
.
.
كانت تصلي للفجر..قرت قران بعد مخلصت من القرائه.. رن تلفونهاا..
ام تركي بترحيب:هلااا والله بحماتي..
المها:هلابيكي..اخبارتس؟؟
ام تركي:طيبة طاب حالتس..انتي اخبارتس؟؟
المها:الحمدلله زينه..عذريني اني دقيت عليتس بهالوقت..
ام تركي قاطعتها:لاعاادي..اصلا انا قايمه مشانا صلي ولما خلصت دقيتي علي..المهم طمنيني عنتس؟؟
المها:انا طيبة فديتك..إلا اخبار ولد اخوي ماجد وتروك؟؟
ام تركي:والله الحمدلله طيبين..
المها:ولحد الان عااكف عن الزواج السيد تركي..
ام تركي:خبرك عتيج ويفشل..
المها باندفاع:ليييه تزوج؟؟
ام تركي:أي وبيخلص الشهر احين من زواجه..
المها بعدم تصديق:انتي اكيد تمزحين معي..
ام تركي:.........
المها كملت:غريبة مدقت علي ليان وقالت لي انها تزوجت منه..
ام تركي:لاا هوا ماتزوج ليان..
المهاا بصدمه:كييف؟؟ ومين ماااخذ؟؟
.
.
رجع من المسجد وراح صعد فوق وشافها في سريرهاا ماتزحزحت..رمى مفتاح سيارته بالتسريحه واقترب منها ولمس جبينها ونفس حرارتها منزلت..خاف عليهاا كثير.. وبلل المنشفة بالمويه البارده وحطها في جبينها..ودق ع الطبيب مره ثانيه بس مارد..انقهر..
بنعومه وحذر لمس كتفها وبهمس:دانه..دانه..دانه..
دانه:........
حس كنها الميت وحركهاا بكتفها وبخوف:دانه..داانه..ردي علي..
دانه بهمس:ن..نعم..
تركي وبراحه:الحمدلله...خوفتيني عليك..يلا قومي عشان تلبسين عبايتك..
دانه بصوت رايح:لا..ماابي..
تركي:اشلون ماتبين..حرارتك مرتفعه..يلا قومي..
واسندها عليه..وحس بحرارة جسدها على جسده..
دانه بتعب:ماابي اروح المشفى تركي..
تركي بعناد:إلا بتروحين..
دانه(واالله ان اجننك ياتركي ياوجه الفقع..)والم:آآآه..
تركي بخوف:ايش فيك؟؟
دانه بدلع:مقدر امشي..احس ان وشوي وبيطيح..
وعملت حالها كنها بتطيح..