شبكة همس الشوق - عرض مشاركة واحدة - رواية امانه لا تطلع حرارة انفاسك بحضن غيري

21 - 8 - 2014, 02:35 PM

سحر بدلع:ههههه..
يوسف:فديت هالضحكه اناا..
سحر بحيا:تسلم..
يوسف:متى نتقابل؟؟
سحر بتفكير:امممم..بحن على امي وان شاء الله تقتنع..
يوسف:مالي شغل وافقت ولا ماوافقت انا ابي اقابلك..
سحر بابتسامه:لا ان شاء الله بتوافق..
************
ام سعود في التلفون:مسكينه ليان..وش يبي بدانه الغبيهـ ذي..
ام راشد تنهدت:والله مدري عنهم..بس من ملك عليها ولا فكر يجيها ولا حتى يسلم عليها ولا يبي يكلمها بعد..
ام سعود كشرت بوجها:مدري ويش مسويهـ فيه الست دانه..لحست عقله مره وحدهـ...
ام راشد:...........
ام سعود باندفاع:المهم امر تركي مع ليان ولا مع دانه..
ام راشد:لا هيا مع بنتي ليان..
ام سعود تنهدت براحه:أي اهم شيء انها مع بنتكـ..
ام راشد:انا خايفه ع بنتي ي ام سعود..
ام سعود:ليه ايشبهاا؟؟
ام راشد:كلا مسكره عليها الغرفه..
ام سعود استغربت:ووي..وش تسوي بالغرفه؟؟
ام راشد:كلا ع التلفون ولا ع المسن..واخوهاا راشد واقف ع كبدها..مافي طلعه إلا معي ومعه..اما انها تطلع من دونه مستحيل..
ام سعود:الحمدلله والشكر بس..انا ولدي سعود موسذا...انا معطيه بناتي كل الحرريه..انا واثقه فيهم..وخصوصاً سحورره..
.
.
كانت تشوفها وهي تحرك الملعقه في صحنها التفت لها:ماما ليه انتي متاكلين؟؟
دانه:مو مشتهيه حبيبتي..
الجوري:بس انتي مكلتي لا فطور ولا غداء ولا عشى..
دانه التفتت لها:نفسيتي مسدوده..
وقامت لمت صحونها وحطتهم في الحوض وغسلتهم..
والجوري ساعدتها..
وبعد نصف ساعهـ
فتح الباب بمفتاحه فاحت ريحه حلوه من البيت..
وشاف الجوري منسدحه ع حضن دانه
ابتسم بلا شعور لما شافها..
تركي وعيونه عليها:السلامـ عليكم..
دانه من دون متطالع فيه:وعليكمـ السلامـ والرحمهـ..
الجوري بابتسامه:اهلين بابا..
تركي:تعشيتوا..
الجوري:اي انا تعشيت بس ماما مكلت شيء..
تركي:ولييه؟؟
دانه:......
الجوري:تقول انها مو مشتهيه..
تركي اقترب منها:وليه مو مشتهيه؟؟
دانه:............
تركي:دانه انا جالس اكلمك..
دانه رفعت عينها عليه وعطته نظره عتاب..
وقامت من مكانها..ومسكت يد الجوري:تبين تنامين حبيبتي..
الجوري:أي ماما..
ووديتها لغرفتها ولحفتها وخففت من النور..
والتفت ولقيته بوجهي..
ونزلت عيوني ع طول ومريت يمه..
ودخلت غرفتي
ورحت ع التوليت وفرشت اسناني ولبست قميصي وطلعت من التوليت
وتعطرت ودهنت يدي باللوشن..
تركي فتح الباب

يتبع..