شبكة همس الشوق - عرض مشاركة واحدة - رواية امانه لا تطلع حرارة انفاسك بحضن غيري

21 - 8 - 2014, 04:05 PM

ابو محمد تأثر:كفوا..كفوا واللهـ ي ولدي..والله والنعم بيكـ..
مشعل قام وضم اخوه تركي..
ابومحمد:رب أخ لم تلده امكـ..والله وذكرتوني بخويي الله يرحمه..كنه زيك ي مشعل..الله يررحمهـ ياررب..
مشعل وتركي:الله يرحمهـ يارب..
ابومحمد:احين عرفت ليه متبا تضربه..بس تصدق لو انا منك كوفنته..
تركي بثقه:ههههه إلا اخوي مشعل..ادري فيهـ يحبني..
مشعل:عااد ذا احين بيرفع خشمه..
تركي وابومحمد:هههههههه..
ورن جواله
بس مرد حطهـ صامت
مشعل:اقول بس روح رد عليها..
ابومحمد:يرد ع مين؟؟
تركي يرقع له:ذي وحده مغازلجيهـ كلا تدق لعوزتني..
ابو محمد بعدم اقتناع:مغازلجيهـ هااه..
تركي باندفاع:أي..وأنا بقوم أحين تأخرت..
مشعل بابتسامه:بحفظ الرحمن..
.
.
جاتها وهيا لابسهـ عبايتها وبخوف:يمه..يمه..
ام سعود بخوف:علامتس..
سحر بين دموعها:يمه..نجود خويتي سوت حادث..
ام سعود بخوف زياده:يالله..
سحر كملت:يمه انا ابي اروح لها..ذي خويتي الروح بالروح يمه..تكفين خليني اروح اتطمن عليها وارد ماني مطوله نصف ساعة وانا جايه..
ام سعود:بس من الي بيوديكـ..اخوكـ احين طالع مع الشباب وابوكي ببيت الكلبهـ دانه..
سحر باندفاع:راح تمر علي أفراح أخت نجود بالسواق حقهم..
ام سعود:طيب ببلغك ابوكي..
سحر بخوف:لاا..لا يمه لا تكلمينه..ملاداعي بجي قبل ميجي ابوي..اوعدك..
ام سعود بعدم رضى:ماشي بس لاتتأخرين..ترى ان درى ابوكي يمك يعمل لنا هواش..
سحر بابتسامه خفيفه:ماني مطوله..
وقامت على طول كان مخفيه لبسها فوق العبايهـ عشان امها متشك فيها..ضبطت روحها وتسبحت بالعطر وتلثمت وطلعت من البيت..
وابتعدت من البيت شويا وجاها يوسف..
صعدت السيارة معه..
يوسف داخ بريحتها:هلابش ي قلبي انتي..توا منوره سيارتي..
سحر بدلع:منوره بوجودك..
وحرك السيارة..
.
.