شبكة همس الشوق - عرض مشاركة واحدة

30 - 8 - 2014, 04:29 PM

وبغرفة ريوف ..
ريم ..والله رغد تهبل اليوم مشاء الله عليها بيضاء وطولها حلوو وجسمها يهبل وعيونها وشعرها والله اخوك مو كفو يستاهل وحده مثل هالشيون الي نشوفهم
ريوف ..الحين انتي شفيك على بدر
ريم ..قاهرني على ايش شايف نفسه ولا كأنه فرحان بزواجه وربي لو هو خطيبي كان تحطمت واضح انه مايبي رغد
ريوف ..بكرا يحبها
ريم ...هههههههههههههههههههههه والله حلوه نكتتك بدر يحب مستحيل
ريوف اقول يالله اطلعي خليني انام
ريم ..واحلمي بحبيب القلب سلطانوه
ريوف وتأخذ المخده وترميها على ريم الي طلعت بسرعه وهي تضحك ..

مرت الايام والبنات مشغولين بالاختبارات وبدر مابين دوامه وتأثيث البيت ..انتهت الاختبارات وتمت ملكة بدر ورغد كانت رائعه
كانت رغد لابسه فستان فيروزي ناعم وحلوو وشعرها كستنائي لنصف ظهرها وعيونها مشاء الله تخلي الواحد يغرق فيه لكن ياخساره الي قدامها حجر مايلين جلس بدر مع رغد عشر دقايق لبسها الشبكه وصور معها بس وطلع بعدها رغد كانت هذي احلى لحظات عمرها ولاحست بشئ لان بدر فعلا ماقصر كان يبتسم لكن كل اهله عارفين ان هذا تمثيل الا المسكينه رغد ..
بعدها اتصل بدر برغد مرتين وكانت معظم المكالمه عن التأثيث والسفر وقليل ماكانت تتكلم معه عن نفسها او مره فرح قلبها وقال لها كلمه حلوه ولاتتعدى عشر دقايق لكن الي الكل مستغرب منه ان بدر من الملكه ماراح بيت عمه ولا شاف زوجته والكل كان مستغرب ولما جت نوف عند اهلها قالت لها امها وانها خايفه من تصرفات بدر لان البنت مالها ذنب عيب الي يسويه وقالت نوف انها بتكلم بدر وتتفاهم معه ..
وقتها بدر بغرفته وماسك جواله بيدق على رغد يسألها عن لون احد الغرف بالبيت وتوه بيعمل اتصال الا وتستأذن نوف وتدخل
وبعد السلام قالت نوف ..بدر ليه مارحت تشوف رغد..؟؟
بدر ..مو لازم زوجنا بعد عشر ايام
نوف ..بدر انت مو صغير والكل مستغرب ليه ماتروح لهم ..وبعدين البنت مالها ذنب من حقها تعيش فترة خطوبتها مثل كل البنات بعدين ماسألت نفسك عمي واخوانها شراح يقولون..؟؟
بدر وعصب والجوال بيده عمل اتصال من غير مايحس ردت رغد بعد ماشافت رقم أنت عمري وكانت مسجله رقم بدر بأسم أنت عمري
بدر ..نوف انتي تعرفين اني وافقت على هالزواج عشان خاطر ابوي وعماني والا انا ماني موافق خلاص مو كفايه نفذت لكم كل الي تبون لاتطالبوني بشئ ثاني ..انا قلت لك انا مااااابي رغد ولاابي اظلمها معي وانتم مافهمتوني لاتطلبون مني شئ مااقدر عليه ..
سمعت رغد هالكلام ولاقدرت تتحمل قفلت الاتصال وبكذا بدر ماحس ولاعرف ان رغد سمعت كلامه
نوف ..بدر لاتضحك على نفسك وتكون بدر المظلوم انت رجال واتخذت هالقرار ولاتنسى انك قلت رغد بتاخذ كل حقوقها
ومن حقها انك تروح لها وتشوفها مثل مايعمل كل العيال بعايلتنا ..فكر بكلامي بدر
وطلعت ن