شبكة همس الشوق - عرض مشاركة واحدة

30 - 8 - 2014, 04:33 PM

من بكرا صحى بدر ولا حصل رغد جنبه وطلع من الغرفه وحصل رغد نايمه عالكنبه ظل عشر دقايق يتأملها كان واضح انها كانت تصيح قبل ماتغفى عينها ..وشعرها كان على اكتافها وقف بدر وقرب عندها وحط ايده عليها
بدر وبكل هدوء ..رغد رغد قومي عيوني نامي داخل
رغد فتحت عيونها وابتسمت بدر انهار على ابتسامتها لكنها تذكرت فجأه كل شئ وتغيرت تعبيرات وجهها الي اجبرت بدر يبتعد عنها
بدر ..رغد ليه نايمه هنا ..؟؟
رغد ..ماقدرت انام قلت اتفرج عالتلفزيون وغفيت وبينها وبين نفسها تقول وشلون انام وانت جنبي حبيب عمري لكنك بعيد بقلبك
بدر ..ادخلي نامي وانا اصحيك ..بعد ساعه عشان موعد الطياره ..
رغد..لا لا خلاص باخذ لي شور عشان نروح لبيت عمي نسلم عليهم
ودخلت رغد للحمام وظل بدر بالصاله يفكر بكل شئ صار والاحدااث الي تتابعة الحين رغد زوجته على سنة الله ورسوله سواء قدام الناس او في بيتهم هي زوجته وهو زوجها والحب مو لازم المهم الاحترام بعلاقتهم ببعض ..كان هذا اخر شئ توصل له بدر واستبعد الحب نهائيا من حساباته
وبعد ماجهزت رغد وجهز بدر طلعوا يسلمون على بيت ابو سعود وبعدين بيت بو سلطان عشان رحلتهم لايطاليا العصر على اساس شهر العسل ..
دخلوا بيت بو سعود ..
بدر ورغد..السلام عليكم
ام سعود ..وعليكم السلام حيا الله المعاريس
وسلم بدر على امه وحب راسها ورغد سلمت على خالتها وجلسوا مع بعض
لحد ماوصلت ريم وريوف الي حضنت رغد وهي فرحانه ..
بدر ..خلاص ذبحتي البنيه اتركيها
ريم ..ياحليلك يابدر تغار هههههههههههه
بدر..بايخه ريموه بس والله عورت البنت ..
رغد حست ان بدر بدأ يجرحها بكلامه وشفيها لو ابتسم على كلمة ريم ليه غيرته على زوجته صارت شئ بايخ
ريم وهي تناظر بدر ..هارغد شلون بدر معك لايكون طفشك
رغد ..وهي تبتسم لا بدر ولد عمي مافيه مثله
ريم وبأبتسامه ..اووووووووووووووووه والله اخويي منتب سهل
بدر حس الموقف يحتاج تمثيل كثير قال .. اقول انا بطلع اسلم على سعود وابوي وارجع وطلع
ريم..والله بدر مايستحي غريبه طلع هههههههههه
ام سعود..ريموه انتي ماتستحين وشهالكلام عيب
ريم ..اسفين الغاليه رغد قومي راضي رجلك يالله فرصه
ريوف ورغد...هههههههههههههههه لا
رغد ..خالتي تامريني بشئ بطلع اسلم على عمي واروح اسلم على اخواني وابوي وبعدها نروح للمطار
ام سعود ..بحفظ الله يابنتي
طلعت رغد وعند الباب صادفت نوف وامل زوجة سعود سلمت على امل ولما جت تسلم على نوف ارتمت بحضنها لانها عارفه انها هي الي تدري عن بدر وحست امل برغد ودخلت وخلتها
نوف ..رغوده حبيبتي شفيك
رغد..لامافيني شئ بس فرحانه لاني شفتك
نوف حست بشئ غريب برغد وقالت لها
نوف ..رغد بدر ضايقك بشئ
رغد ..لا ابدا
نوف ..رغد بدر صعب شوي لكن مع الايام تتعودين عليه
وبهالحظه دخل بدر وحس ان رغد تمسح دموعها شافته نو