شبكة همس الشوق - عرض مشاركة واحدة - رواية تشبهين الصبح في اول شروقه تشرقين وكل من حولك يغيب

9 - 9 - 2014, 09:22 AM

أم خيال بدون شعور صارت تشرح له كل الخمس شهور اللي فاتت من تعب:تعبت ياصقر هذي
تبي مدري وشو وذي تصيح وذيك تبي حليب والشغاله تنظف البيت وتطبخ بعد تبيها تمسك
بناتك لا أدري انك تعبان نفسينا بس أنا تعبت نفسيا وجسديا أنا كبرت خلاص ما بقاء
بالعمر مثل ماضى أبي أصلي بدون إزعاج اقرأ قرآن بدون ما أخذ واحده بحضني واشربها
حليب والثانيه تقلب أوراق المصحف أبي أنام بدون ما تجي واحده تدخل بيحضني تبكي
بفقد أمها والثانيه تصيح تبي حليب معد صرت أعرف اطلع من البيت إلا للملاهي ولا
إشتري لهم حلويات "بدت تنزل دموعها"أرحم حال أمك أرحم حالها أول كنت بنشاط
بعز شباب أقدر بس الحين ما أقدر خلاص ياصقر جب لك خدامه ولا تزوج مافيني حيل
يالله أشيل نفسي وأخوانك يتشرهون بس عيال صقر واختك نوال كل يوم تجي عشان
عيالك وتترك زوجها من الصبح لما الليل أرهقتنا أنا مافيني حيل أبدا لا ليلي ليل
ولا نهاري نهار وانت من جهه ثاني كل بكوم لا صرت لا تأكل ولا تشرب نفسيتك
بالحضيض وبناتك يتعبون معك أرحمنا ندري أنها غاليه وبعد أن غاليه حياتنا بس هذي
الحياة راحت هي وجت لك بنتك زي القمر وعندك غيره بنتين عسل وقشطه
أرجع لطبيعتك أبي إشوف وجههك منور مبتسم بدون الهلات السودا تحت عينك
بدون خطوط التعب على وجههك أبي إشوف صحتك الحين رح قيس وزنك نحفت
وجههك الدائري بداء يطول اهتم بنفسك عشان بناتك كافي يتم الأم بعد الأب خلاص
لا تسوي بنفسك كذا لا تعصر كذا أخوك ضاري ماتت وتزوج وبدا من جديد أدري انك
تموت بتربها بس خلص رجعت للتراب راحت للثرئ راحت أصحى للنفسك للبناتك
للصحتك أبي أهوشك كل يوم على تأخيرك مع الشباب بالاستراحه أرجع زي أول
-الرد الوحيد اللي همس فيه صقر(صعب بدونها صعب)

----
ويهمني كثير توقعاتكم !!
جابر&جنى
احمد&الجواهر
ثامر&نوف
صقر&نادية
__