شبكة همس الشوق - عرض مشاركة واحدة - رواية تشبهين الصبح في اول شروقه تشرقين وكل من حولك يغيب

9 - 9 - 2014, 12:34 PM

** البـارت التـاسع**
** أحب التملك لذلك يتعبني الحب**

نورا توها مخلصه الزفه وانا رحت بصعد غرفتي بس سمعت صرخت اختي الجازي نظراتها اللي تشكك فيني تنرفزني وقفت قبالي وهي تقول:وش عندك فوق اجلسي قدامي انتي ما يتأمن لك
نورا من قالت كلمتها وانا متنرفزه مشيت وراها وجلست جنبهاا ناظرت يدي ولاخاتم حتى اتذكر اول كنت ألبس الألماس والذهب والاحجار الكريمه كانت يدي تبرق وين كل هالعز الحين ولا شي حتى عقد ناعم وكل الناس يناظروني بنظرات تخليني اخجل من نفسي اكيد عرفوا مافي شي يتخبئ واكيد ياسمين ما تركت احد الأ وقالت له اعرفها تحب اخوها بشكل مب طبيعي وبعد ان اللي سويته مهب طبيعي ألتفت لأختي الجازي وهي كانت تكلمني من طرف خشمها:روحي سوي شي ينفعك بالأخره روحي صلي الوتر
نورا الجازي تجرح وتجرح وما تحس قد ايش الخدوش اللي تخدشها تجرحني تخليني انزف يكفيني اللي فيني ليه تعذبني يكفي ان عيالي يجرحوني بكل ثانيه نايف اللي يجي كل يوم يسلم ويجرحني يخليني انزف طول اليوم وحتى أرجوان أما مها وعهود ما سألوا عني ومنصور وفيصل حتى اتصال ما اتصلوا واللي سمعته من الجازي ان مها وعهود مهب جايين عشاني فيه الكل جالس يجرحني دخلت غرفتي ناظرتها بتقيم فرق بين السماء والأرض أول كنت وين والحين صرت وين فتحت الشنطة وطلعت ظرف الصور اللي ذبه بوجهي نايف ومبين ان هذي نسخه ناظرتها الأول كنت واقفه اناظر نهر السين وعبدالله محاوط خصري بيد واليد الثانيه معه عصير وابتسامتي مشرقه ناظرت الصوره الثانيه وانا بالمقهى على شارع الشانزلزيه وعبدالله يبوسني على خدي برقه
استغربت جرائتي شلون كنت اطلع قدام الله وخلقه طاحت الصوره الأخيره اللي خلتني اشهق شلون قدر ياخذها كنت واقفه باللوبي وعبدالله محاوط خصري ويبوس رقبتي برقه تخليني اذوب !! طاحت الصور وانا اشوف اختي الجازي تدخل وناظرتني بنظرات موتتني اخذت الصور وكانت تذب بوجهي كل الصور وراحت بسرعه تقفل الباب واخذت الصور وحطتها بكيسها نزلت وراها وانا اشوفها تاخذ الكبريت وتحرقها لما انحرقت كلها سحبتني مع ذراعي للغرفه وذبتني على السرير وهي تصارخ:نورا انتي مهب مراهقه تناظرين صور اللي ما يخاف ربه هذا اذا يسوي معك كذا فاستغفرالله "فتحت الدولاب وذبت بوجهي السجاده والجلال"ويلا صلي
نورا نزلت دمعتي وهي تنهدت وطلعت حسبي الله ونعم الوكيل وش سويت انا ليه ياربي ليه عطيته رقمي ليه كلمته ليه شفته ليه سمحت له يسوي فيني كذا ليه ليه !!
خليت الكل يتكلم عني شرفي ضاع لما الحين ارجف شلون اذا عرف اخوي حمد شلون خفت من هالفكره والله يقطعني قطعه قطعه وكأني عارفه وش يصير رفعت عيوني وانا اشوف حمد يدخل جاء بسرعه عجيبه ومسكني مع شعري وضرب بوجهي بالجدار وبعدها ما حسيت بعمري !!