مدخل :
هذا تالي تقديرك .. تجرحني ب/ تقصيرك
ليت الجرح مومنك .. ليت الجرح من غيرك
.
.
.
.
هذا .. جزاي إني عشانك تعنيت !
تنهي لي أيامي وتبدا بصده
وتتركني ل/ حالي وعني تخليت !
بين الدروب القاسيه و المكده
الله واكبر يا حبيبي تناسيت
وشمت بي كل العقول المضده
خيرك كثير وفي جفاك استقريت
عيشتني جو المواجع .. ب/ مده
علمتني .. ويش المحبه وقفيت
وحطيتني بين المفارق .. وحده
غايب .. ولا غيرك ف/عيني تحريت
وكم واحد(ن) قرب وعيني ترده
اشكرك ياللي .. من غلاه استشفيت
ان الغلا سيف(ن) .. ويقتل معده
ويا قلب لاتزعل على واحد ميت
حدرت من عينه .. ومامد يده
وقله يحبس اللي في صدره تقهويت
كأس العذاب اللي فراقه يمده
كفيت فيني يا حبيبي ووفيت
سلمتك احساسي وبيدك تهده
ياكبرها لارحت عني وصديت
وأنا الذي كنت الغلا والموده
وياكبرها لاعفت خلك وهديت
بيت الغرام اللي تعلا في سده
وتبغى الدليل إني في بعدك تعنيت
وإن الهجر قطع قليبي وهده
ناظر عيوني لارحلت وتعنيت
ب/ تشوفها غرقى .. وتبكي بشده
مخرج :
من غيرك يكون أهون .. يمن يوم ويهون
لكن اني متخيل .. إنك بالظهر تطعن