شبكة همس الشوق - عرض مشاركة واحدة

10 - 9 - 2014, 11:43 AM

// البارتي الخامس عشر//
//الجزء الاول //
في الفندق //
يوم الاربعاء //

عبدالعزيز دخل ورمى نفسه في السرير ..
والابتسامه ع وجهه ...
::اااهـ.. احـلا صدفه وجت في الوقت المناسب
كيف ماعرفته يوم اشوفه يدخل للبيت ذاك اليوم !
من جد تغيرت ملاحه ..
لكنه اهو ماتغير في تصرفاته واسلوبه .
يالبا قلبك جسور ..
يتذكر:: ايام مع جاسر في المتوسطه كان معهم رائد لكنه يخاف يسوي أي شي يسببله مشاكل مع ادارة المدرسه اذكر ان امه شديده عليه في الدراسه ..
كان عبدالعزيز يسمي جاسر مفتاح الصلصه لانه يعرف يفتح قوارير الببسي والكولا.. بدون مفك..
عبدالعزيز دخل راسه في المخده ونااااااااااام ...

***********

المغرب 6:00
جاسر يدق ع رائد لكنه مايرد ::
جاسر دق ع البيت :
البندري دخلت الصاله وجلست ع الكنبه ومسكت الريموت تقلب في القنوات .. سمعت التلفون يرن ناعم:: الوو
جاسر ارتبك هذي البندري اعرف صوتها زين :احم السلام عليكم ..
البندري :وعليكم السلام .
جاسر : موجود رائد ..
البندري : لحظه ..
قامت وراحت لنص الصاله بعدين رجعت وجلست .تكيسلت تصعد الدور الثاني علشان تنادي رائد <
البندري تجلس ع الكنبه بكسل : الو
جاسر : هلا ..
البندري :مو موجود
جاسر باستغراب : وينه انا ادق عليه من اليوم ع جواله مايرد
البندري يوه هذا بيقصلي قصةحياته :عاتي دق مره ثانيه ..
جاسر عرف انها اصلا ماكلفت روحها تنادي رائد :طيب ..مشكوره .
البندري بدون ماترد عليه <سكرت الخط ..
جاسر : شف الحركه طيب يا بنت ابوك ..
جاسربملل رجع دق ع رائد : ...
رائد من الظهر وهو بغرفته نايم .. وبساابع نوومه لان امس مانام كويس .خصوصا بعد سهرت امس مع عبدالعزيز في المطعم . وبعد مااخذ قيلوله الظهر...
والغرفه بااارده وظلام دامس ..
رائد بكسل يرفع يده وياخذ الجوال بصوت كله نووووم :ليه الازعاج ..ياخي قدر خويك تعبان يبي ينام..
جاسر :كلل هذا نوم بل عليك .. كافي يله صحصح .. نسيت اليوم انا عازم عبدالعزيز عندي ..
رائد يتمغط في السرير :اهاا خلاص بعد صلاة العيشاء عندك ..
جاسر بتحذير : مو ترجع تنام ..
رائد يقلب جسمه ع الجهه الثانيه :نعم .. لا تكثر حكي
جاسر : يله انتظرك سلام ..
رائد <سكر علطول ..وكمل نوم ..

****************

جاسر شاف الساعه 7:30
جاسر لا هذا بيفشلي عنده لزم اروح واجره من كشته ..
(طبعا عبدالعزيز مارح يجي الا 8:30 ..م )
حمدان توه واصل لبيت جاسر نزل من السياره وقف قدام باب بيتهم بيرن الجرس الا جاسر يفتح الباب ..
حمدان :لهدرجه مشتاقلي ..
جاسر:لاتصدق نفسك واجد..
حمدان : افاا هذا وانا جاي افزعلك ..
جاسر : امزج معك يا رجال والله انك ابرك من الي انا رايح له الحين ..
حمدان : وين رايح .
جاسر : بروح لرائد .. تدخل دقايق وانا جايك لا تستحي مالمك احد..(جاسر ينادي اخوه الصغير عمر 11 سنه
احمد
احمد يلعب كوره في الحوش : نعم ....
جاسر : وصله للمجلس ..
احمد: طيب
جاسر طلع <

*****
في كرنيش ..الشرقيه ///8:00م
فيصل متسند ع السياره ..من قدام ...
ويفكر كيف يكسر خشم اجوان ويعلمها قدرها ...
:: ااه يا اجوان ..كيف اخليك تبوسي الارض الي امشي عليها ..انا مو من مقامك .. طيب بتشوفين مقامك .. وابتسم ابتسامة مكر ..:..

جواء السياره كان محمد في حالة سكر ..
محمد بصوت شبه عالي ومتارجح :يا الاخوو
قطع افكاره والتفت لمحمد بملل :انت للحين هينا ..!
محمد بنص ابتسامه : لا هناك ..
فيصل : تعرف تنكت انت وجهك ..
محمد :طالع عليك ..
فيصل : اذا انت مو قدر الشراب ليه تشرب يا الدرج ( توهم طالعين من حفله كلها سكر وبنات وقلة ادب .. )
محمد : وااه وش اسوي الي شفته شوي بنات قموور ابي اعرف وين عيونك ولا وحده اثرت فيك ..
فيصل يكفي الي شاغل بالي وحده :اخلص وش تبي مناديني ..
محمد : مطول ع ذا الحاله من يوم ماطالعنا من الحفله وانت كيذا ..
فيصل بطفش : وش فيني .
محمد : مسرح وتفكر الي يشوفك ع ذا التفكير بتحرر فلسطين هع ..
فيصل : يا ملغك ..اقول بس امش خليني اوصلك لبيتكم .احسن ..
محمد: انا اقول كيذا بعد ..

**********
الجزء الثاني //
وصل جاسر ابيت رائد وكان طول الطريق يدق ع رائد لكن لا حياة لمن تنادي ..
وقف قدام الباب .. ورن الجرس ...
ترن .. ترن ..
فتحت الباب الشغاله ..
الشغاله : نأم =نعم ..
جاسر : بابا رائد موجود .
الشغاله : ايوه فوق نايم ..
جاسر: الله يقطع ابليسك يا رئؤوود
الشغاله : ايش قولي ..
جاسر : ولا شي طيب وين ثامر ..
الشغاله : عند عيال في الخيمه..
جاسر : شوفيلي الدرب ..
الشغاله : ايش درب .
جاسر : ااف هذي الي بتجنني ..
الشغاله :!!!
جاسر : اقول روحي نادي ثامر بس..
الشغاله : تيب ..

********
في الخيمه ..//
ثامر كان جالس مع اخوياه ..
عند باب الخيمه //
الشغاله :بابا ثامر ؟؟
ثامرقام وراح : نعم ..
الشغاله: صديق انتا عند باب
ثامر باستغرب ؟؟:خلاص روحي داخل ..
عند الباب //
شاف ثامر متجه له ..
جاسر : وينك ساعه .
ثامر: جاسر ؟ هلا وش بغيت .
جاسر : كيس طماط ..
ثامر :هههههه حلوه .. بس لا تعيدها ..رائد نايم ..
جاسر : روح قومه .. ضروري يصحصح ويجي..
ثامر : خلاص ولا يهمك بنفضه لك واجيبه برسم الخدمه
جاسر : يله انتظرك ..
ثامر : لا حياك دخل في الخيمه لحد مااجي ..
جاسر : لاتطول ترا بروح
ثامر : ربع ساعه وعندك .
****
دخل ثامر ع اخوه رائد الي نااااايم ...
ثامر يقفل التكييف .. ويجر الغطاء ..
لكن رائد ماتحرك ..
ثامر دخل الحمام وجاب مويه ورشها ع رائد ..
رائد قام مفزوع ..
ثامر ماتحمل الموقف ومات ضحك :هههههههه .. عليك وجه ..
رائد بعصبيه : اوريك يا الطعس
ثامر : قم بسرعه جاسر ينتظرك تحت ..
رائد يتذكر : يييوه نسيت < وقام بسرعه وتروش ع السريع ولبس وطلع ..
جاسر : بدري ..
رائد يحب خشمه : اسفين ..
جاسر يمسك ايده ويروح للسياره : قلبي طيب وبسامحك .. بس لا تتعود مو كل مره يصير ابيض ..
رائد يغمز له :هههههههه ليكون احيانا ينقلب احمر
جاسر : ع حسب المزاج هههههههه

*********
في بيت جاسر ..
جاسر : عسى ماطولنا عليك ..
حمدان : لا .. وشلون قام عمنا
جاسر :الله يعافي اخوه ولا هو ماعنده نيه يقوم
رائد : اقول بس لايكثر انت وياه من اليوم مستلميني ..
في اللحظه هذي رن الجرس ..
جاسر : وصل عزوز وكيذا كملت الجلسه .
طبعا عبدالعزيز جاي بلحاله ومحذر البدي قارد يلحقونه .. مايبي يحسس ربعه انهم اقل منه ..
عبدالعزيز : السلام عليكم ..
الكل وعليكم السلام ..
رائد : شخبارك عقب امس .
عبدالعزيز : والله اني نمت نوومه ..
رائد : نفس الحاله ..
جاسر : هههههههه خيشة نوم .. اجل انت وياه ..
عبدالعزيز : لا يا خفيف ..شخبارك حمود
حمدان : الحمدالله بخير ..
عبدالعزيز : الحمدالله .. دوم ..
حمدان : تسلم
دق جوال رائد في اللحظه هذي شاف الرقم واستاذن .
رائد : هلا
ريوف : اهلين كيفوو
رائد يجاريها : تمام .. الانسه وش تبي داقه ع معزبها..
ريوف :وااي انت مره واثق ..
رائد : وش بغيتي ..
ريوف : ماماا تقول بتجي ع العشاء ..
رائد يقلد دلعها بصوته: لأ..مو جاي ..
ريوف : ممكن اعرف ليه ..
رائد : معزوم ..
ريوف : ع شنو
رائد يقلد صوتها : مالك شغل يا قلبوو
ريوف : اف تيب باي ..
رائد :باي ..
دخل مره ثانيه للمجلس ..
جاسر بلقافه : مين ..
رائد : الاهل ..
عبد العزيز: ايش ناوين تسوون اذا تخرجتو ..
رائد : والله انا ودي اطقطق في السوق .
جاسر : حتى انا زيه ..
عبدالعزيز : وانت يا حمدان ..
حمدان : انا بتخرج من هينا وبروح للامارات مع الولد ..
عبدالعزيز : اهاا زين ..
وكل السهره..
لا تخلو من
.. ضحك ووناسه .. .

*********
نهايه البارتي