شبكة همس الشوق - عرض مشاركة واحدة

10 - 9 - 2014, 02:31 PM

البارتي السادس والعشرون

الساعه3 الفجر ...///

كان جناح يجتاحه الهدوء و الظلال الا من نور القمر ....
كانت اجوان نايمه بعد اجهاد ...
رن جوالها (ودي ابكــي لين ما يبقى دمــــوع
من جروحٍ صارت بقلبي تنـــــوع

انطفت في دنيتي كل الشمـــــــوع
غربتي طالت متى وقت الرجـــوع

ان شكيت للحال محدٍ لي سمـــوع
طال صبري والزمن عيّ يطــــوع

ودي اشكي لين ما يبقى كـــــــلام
ومن همومٍ احرمت عيني المنـــام.....)....

...
اجوان تتقلب يمين يسار تنتظر المتصل يطفش ومايدق لكن مافي أمل مسكت الجوال تبي تعرف مين المزعج ....
آجوان تصغر عيونها عشان تشوف المتصل لان نور الجيهاز قوي..:الحمار له عين يدق بعد ...
اجوان عطته مشغول ....
جاها مسج ...فتحت المسج بكسل ...
صباح الخير حبي ...
مو قادر انام من دون حضنك ..
اممم عشان كيذا حبيت ابلغك ان بكرا لزوم اشوفك يا حلوه .. في حي العليا شار11 شقه رقم 33 ..اشوفك ....
اجوان : حقير يحسبني زي زبالته الي يقابلهم ... واثق الاخ ..
حطت جوالها ع الصامت .. وكملت نوم ....
في الامارات ......//
طبعا في الطياره طول الوقت ساكته وماتكلم الا لشي ضاروري ....

................
وصلت السياره لمقر بيتهم في احد احياء دبي الهاديئه ...
9:00م
حمدان يبتسم : تفضلي لبيتج اليديد..
عبير ببتسامه خفيفه :........<ونزلت ...
دخلت الفيلا ...كان اثاثها مره انيق ....وديكوراتها ناعمه ...
حمدان يفرجها ع الفيلا : هذي المطبخ ....وهذا مجلس الرياييل وهذي الصاله ومن هني تطلعين ع الحديقه....تفرجي ع باجي الغرف فوق وانا بسير مشور ..
عبير : اوكيه < وصعدت فوق ....
صاله صغيره با الوسط بعدين سيب
..فيه
غرفتين نوم ... الغرفه الاول غرفة نومهم كبيره وفيها ع جنب اريكه وشاشة بلازما وحمام داخلي ....والثانيه مابعد فرشت ...استغربت ليه هذي للحين مااثثها .!
وفيه غرفه في اخر السيب باين عليها غرفة الضيوف ...
دخلت عبير غرفة النوم ...فصخت عبايتها ...ودخلت الحمام تاحذلها شاور ....
عبت البانيو ... وواسترخت فيه ....
دخل حمدان البيت واخذ العشاء وحطه في طاوله الطعام ...
التفت يمين يسار ..ماشافها ... صعد فوق ..::
دخل غرفة النوم ... هدوء ...: غريبه وين راحت!!....
فصخ ملابسه ... وحط الفوطه ع خصره ... وتوجه للحمام ....حط يده ع مقبض الباب بيفتحه الا ينفتح قبل مايضغط عليه ...
عبير كانت لافه ع جسمها الوطه وتفوح رائحة الزكيه الشامبو ...
حمدان ابتسم بخيث:ليه .طلعتي خليج ابيج تدلكيني ..
عبير ارتبكت وبعدت عنه بسرعه :... تفضل الحمام جاهز ..
حمدان تنهد يارب صبرني :......<ودخل الحمام ...

*****************

في الصباح ....
في الشركه...... 9:00م
دخل عبدالعزيز : مرحبا يا اغلا اب في العالم ..
ابو عبدالعزيز خلف مكتبه : ههههه ها المزاج رايق اليوم
عبدالعزيز وهو يتوجه لبوه : يله يا الغالي الطياره تنتظرنا للرياض
ابو عبدالعزبز يناظر الساعه : تو الناس بري باقي ساعه
عبدالعزيز : لالا اخاف نتأخر ع الملكه ...
ابو عبدالعزيز : شكل ريوف من الحين بتتحكم فيك ..
عبدالعزيز بغرور :انا عبدالعزيز محد يمشيني ع هواه ...
ابو عبدالعزيز : بعدي .... < وطلعو من الشركه بعد ماوصو ع بعض الموظفين ع الشركه متوجهين للمطار ..
في السياره رد عبدالعزيز ع سلطان ...
عبدالعزيز : هلا سلطان ..
سلطان : هلا والله ...ها كيف الاستعدادات اليوم بتود العزوبيه
عبدالعزيز ببتسامه : تمام ...
سلطان : اجل اشوفك هناك..
عبدالعزيز : اوكيه يله سلام .

*************

ساميه تقوم آجوان : يله بنتي أومي تأخرنا ..
آجوان تتمغط في السرير :اااه مو كنه بدري ..
ساميه: لا بدري ولا شي يله أدامي ابوكي واخوكي سبأونا للمطار ..
آجوان: الخدمات ججهزو شنطتي ..
ساميه : ايه من بدري وهي تحت ..
قامت اجوان وغسلت وجهها .. ولبست جينز مع بدي تفاحي وكاب لونه احمر .. ونظارت سودء لانها ماحت مي كاب وغير كيذا توها صاحيه من النوم .. اخذت عبايتها الكتف المطرزه ... وشنطتها الكبيره شوي وكل الوان الطيف فيها .. ونزلت وركبت السياره ...
فتحت جوالها .. شافت 22 مس كول 4 مسجات ..
آجوان بدلع : من جد في ناس نشبه ..<مسحت المسجات من دون ماتقراهم....
ساميه : ههههه حبيبتي لشو الكلام هيدا ..
آجوان : وحده حقير اربع وعشرين ساعد تدق ..
ساميه : طنشيها حبيبتي ..
آجوان : لك وهيدا الي بدي اعملو هلأ ...
سايمه تبوس بنتها من شفتها : لكت أبريني ان شالله ...

********************
في المطار //

عبداللعزيز ينتظر امه واخته يجون
سالم يدق ع مشاري : الو
مشاري : هلا والله با الغالي ..
سالم : اسمع اجل سهرت الثمامه لبعد يومين ..
مشاري : ليه ..
سالم : مشغول ومااقدر احظر..
مشاري : اوكيه ياقلبي ..
سالم : باي

*********************
في بيت ابو رئــد ...
الكل يشتغل ... كأنه خلية نحل.....
رائد ينادي الخدامه بصوت عالي : سنتاري كويتي شماغي ...
ام رائد وهو ماسكه فستانها : مو فاضيه هي روح انت اكوه عند الكواي ...
رائد : اف ...
البندري ماسكه منشفتها وداخله للحمام تاخذ شور قبل ماتروح للمشغل: رائد روح الحلويات نقي ع ذوقك وخله يرسلون لنا في للقاعه ...
رائد : اوكيه ..
في غرفة ريوف ... حوسه واكياس مرميه ... وفوق السرير كيسه حاطتها سمر فيها اغراض ريوف واغراضها بياخذونها للمشغل.
سمر لابسه عبايتها :بسرعه البسي أي شي خلينا نطلع للمشغل ...
ريوف تلبس البلوزه : تيب دقايق
ام رائد لابسه عبايتها ووقفه عند باب الغرفه: يله انا في السياره مع السايق انتظركم ...
سمر : اوكيه خالتي ...
طلعت سمر وريوف ومعهم الشغاله للسياره ... وتوجهو للمشغل ... ام رائد ارسلت السايق للمطعم يأكد حجز البوفيه ... عشان تطمن ...
اول مادخلت ام رائد للمشغل ...: ريوف وين البندري ..!
ريوف بصدمه : يؤ نسيناها كانت تأخذ شور ...

********************

في بيت ابو رائـد ....

البندري طلعت من الحمام ... كان البيت مره هادي استغربت : هذولي وينهم ... خليني البس الحين واطلع اشوف وش فيهم ...
اخذت جينز وتيشيرت ... نشفت شعرها با الفوطه ع السرير وخلته رطب وطلعت بسرعه تدورهم ...في البيت ... مالقت احد : اكيد رايحين ..
سمعت جوالها يدق ...
لا زاد فيني الحزن
اكتم دموعي واون
واقول ابد ما ابيك
واذكر هوانا واحن
وين انت عني انا
وكلتني للعنا
ماكني اللي هويت
ولا كننا نفسنا
عيشتني بالوهم
قتلتني بالم
عودتني ع الدموع
عرفتني ع الندم
قلبي معك رجعه
كلامك بيسمعه
قله يشوف الحياه
وان انت ماتنفعهردت البندري بضيقه : الو ..
ام رائد : ويه نسيناك ... شوفي دقي ع رائد او ابوك خليهم يجبونك ..
البندري : اوك...
دقت البندري ع رائد بعد 4 رنات رد : الوو
البندري : تعال خذني للمشغل ..
رائد : لا وين مشغول حدي الحين ..
البندري : تستهبل انت اجل من يوديني
رائد: دقي ع السايق يجي ولا ابوي ...
البندري ارتفع ضغطها :ع تبن تجي يعني تجي تعرف انا ابوي مو فاضي ..
رائد : وجع تكلمي عدل .. خلاص تجهزي وبدبر احد يجيبك ...
ماسمع رد من البندري لانها قفلت الخط في وجهه ... رائد ارتفع ضغطه من البندري ....

************
**للمعلوميه الرياض زحمه مره وبين كل مشوار ومشوار ساعه هذا اذا ماكان ساعتين ....***

عنـد رائد ...يوه الحين من يجبها مافي وقت ! ..تذكر ان جاسر في نفس الحي .وخوي عمره ويثق فيه.:...
جاسر كان توه طالع من الحلاق متوجه للبيت بياخذ شور وبيتشخص عشان الملكه ... وهو في السياره متوجه للبيت دق جوال ...
يا حظ عينك تنام الليل مرتاحه
ما كنها اللي خذت ممساي من عيني
ما كنها اللي خذت من قلبي الراحة
من يوم شفتك نوت بالحيل تشقيني
علقت الآمال في نظرات مزاحه
طويلة الرمش تبعدني وتدنيني
مرة تسلهم و مرة حيل ذباحه
ومرة تواعد ومرات تجافيني
وشلون تسلب شجي النفس وافراحه
وتعلقه بالأمل حين ورى حيني
عذر المودة ومن نظرات لماحه
شفت أسود الرمش رغم الخوف يغريني

رد جاسر وهو يلمس السكسوكه توها مضبطها طالع روعه : هلا رئود ..
رائد : الو هلا والله جاسر طلبتك...
جاسر مسوي كاش ... يستهبل : كاش مني ماعندي ...
رائد :هههههه لا
جاسر : اذا كيذا قل وش عندك..
رائد : ابيك تمر ع البندري في البيت وتوديها للمشغل ..
جاسر :شايفني سواق ابوك انا ..
رائد : افا هذي الفزعه ..
جاسر : لا تصدق .. اوكيه يله سلام ...
جاسر فحط للبيت واخذ شور سريع وتكشخ ...ووقف قدام البيت ورن الجرس ...

***********

عند البندري جالسه في الحديقه..لبسه العبايه ومعها شنطتها وكيس اغراضها وحدها مولعه نار وتهز رجولها وكل شوي تشوف ساعة الجوال ...
رن الجرس ... قامت بسرعه بعصبيه وراحت فتحت الباب من بصوت غاضب : بدري كان.....سكتت متفشله .
لحــظه صمـت ... كل واحد يتأمل في عيون الثاني ....
..وغطت وجههابسرعه با الشيله او الصنافه ..=غطى راس
جاسرمستغرب ... نزل راسه بسرعه :...اسف ع التاخير....شاف كيس بيدها اخذه منها وقال: انا الي بوصلك ...
البندري بصوت مرتبك :أأ لا بيجي رائد .
جاسر :هو موصيني عليك ..

البندري :.........<مشت وراه .. حست نفسها صغيره قدام جسمه
ركبت السياره ... خلفه كل ماترفع راسها البندري تلتقي العيون وتضطر هي تنزل عيونها بسرعه ...طول الطريق وهي ساكته حست ان المسافه طويله ..
شغل اغنيه ... على كثر القصيد وكثر ما جاب الخيال أفكار تعبت وما لقيت إلا ثمان أشياء تشبهلك *** لون الشمس لون الغيم طهر الماء وصمت النار لين الورد فجر العيد ملك وإنسان يا سهلك

أنا وش عاد أقول أن صرت في وسط الغلا xxxxx شعور ما قدر يوصل سماك وقلت اسم أهلك *** ورثتي مجد أبوك وجاك منهو زبنه المنجار أبو خيرين لماح الخطأ والعمر مدهلك

على كثر القصيد وكثر ما قلنا من الأشعار عجزت وما لقيت إلا سموك بس تشبهلك......
وقفت السياره فجأه ...:..
البندري باستغرب : وصلنا ..
جاسر وهو يناظر قدامه..ولا التفت لها:لا ...بسألك سؤال .اتمنى تجاوبي..ممكن ...قبل مااوصلك..
البندري !!: تفضل ..
جاسرقلها وهو خايف من الجواب :بقلبك احد...؟؟
البندري صدمها السؤال وارتبكت :.......
جاسر : افهم انه فيه احد بقلبك ..من صمتك..
البندري :لا مافيه ...ليه السؤال
جاسر :بتعرفين قريب...
البندري ماحبت تكثر الاسأله .. كافي احراجات من اليوم :....فضلت السكوت

*********************

المــــــــلـــكه .......

في فندق ..//في احد الصالات المخصصه للحفلات الفخمه
كان الحظور من الطبقات الراقيه ... ومن بعض معاف ابو رائد ... طاولات من الجهتين اليمين واليسار ... وعليها مفارش لونها موف والورد الابيض .. وشموع .. وبعض الحلويات .. اما الشاهي والقهوه ومشرورب كان فيه مضيفات .. يكونون عند الطاولات للخدمه ... كان جدا ولا اروع التقديم .. وفيه مطربه ...
آجوان كانت ولا اروع ... فستان لونه خربزي ..توب ..وطويل .. وتحت الصدر فيه كرستالات ... رفعت شعرها كله وحطت بوف من قدام يزينه التاج السخيف ..
كانت تمشي بشموخ بين الحظور وتوزع ابتسامات ع الي تعرفهم ...
الكل كان يناظرها .. ويتكلم ... كانت جدا روعه ....
وحده من الحظور من طرف معارف.. ابو رائد: شوفي هذي الي رافعه شعرها ...
الثانيه : ايه هذي ماشاءالله عليها تهبل ... تتوقعي من بنته
الاول : هدي بنت ابو عبدالعزيز ...اخت المعرس ..
الثانيه بأنبهار : ماشاءالله عليها .. بس باين عليها مغروره شوفي كيف تمشي ..
الاول : يحقلها مال وجمال ودلال ..

في احد الغرف .. في نفس المكان ...///

ريوف .. كانت فستانها لونه سكري ... وفتحة الصدر مربعه وحويفها كرستالات
لونه فضي ناعم والاكمام سير والفستان مخصر الي الركبه ومن تحتها وسيع وطويل زيل .. زي قصة السمكه ...والظهر نصه طالع .. ومكياجها..لبناني ..بارز انوثتها اول مره.... وشعرها طبعا قصته فكتوريا .. حاطه بوف وتاج صغير ..

ريوف تلتفت للبندري يتوتر : بنوو شوي حلو..
البندري ملت من سؤالها ميت مره تعيده من يوم المشغل :ميت مره تسألين ..
ريوف : اخر مره ..هااا
البندري بأستسلام : والله حلو تجنني تخبلي ..
البندري كانت لابسه اسود وفيه قصه صدر والفستان طبقا طالي الاخر ... وكمه جوبنيز ... وحاطه بروش ع جنب فتحت الصدر ..ومكسره شعرها .. زي التسريحات الكلاسيكيه ... وحاطه مكياج دخاني .. وروج احمر ... كانت جدا مذهله صارخ الانوثه منها ..خصوخا ان ملامحها حاده شوي زي ابوها ابو عبدالعزيز ....))
البندري : انا بروح اشوف التجهيزات ..
ريوف بخوف : لا بنو لا تتركيني ...
البندري ابتسمت لختها وراحت لمها وضمتها وقالت :حبيبتي والله اني فرحان هلك حيل ... اتمنى لك الخير ..
ريوف تجمعت دموعها .. بعدت عنها البندري :لالا مانبي دموع لا يخرب الميك اب ..وتفشلينا عند زوجك ..
ريوف ابتسمت : ...
فتحت الباب سمر فجأه : هاااي ...
كانت لابسه فستان قصير احمر ... توب وشعرها خلته مفرود وحطت بوف ..
مره طالعه نعوومه .. وجذابه بنفس الوقت ((
البندري بفزع : بسم الله شوي شوي ع الباب خرعتيني
وكملت ...:: زين جيتي في وقتك تعالي .. اجلسي معها وانا بروح اشوف الزفه ..وساعد ماما ..
سمر : اوكيه ...

طلعت البندري ...من الغرفه شافت قدامها آجوان ...كان باين عليها انها كانت بتدخل الفرفه ..
البندري تبسمت : مرحبا ...
آجوان : اهين...
البندري بعدت البندري عن باب الغرفه : تفضلي ..
آجوان بغرور : انتي اخت العروسه ..
البندري :ايوه ...
آجوان : اها < ودخلت الغرفه ..
البندري في نفسها يوه هذي رافعه خشمها .. الله يعين اختي المسكينه عليها :.....

في الغرفه ///

ريوف التفتت لمصدر الصوت الانثوي : هلا
آجوان ..:كيفك ..؟
ريوف : تمام,, ببتسامه .. شخبارك ...
آجوان : الحمدالله ...<<< ولا عبرت سمر ولا سألت عن احوالها
رن جوال اجوان ...
سمر عصبت منها : ردي ع جوالك ..
آجوان قامت :... يله باي تشرفت ...

طلعت من الغرفه ///

وشافت الرقم ..الحقير يتصل بك ....
آجوان : ااف ... منه من بكرا راح اغير رقم جوالي .. <قفلت جوالها ....

في الغرفه ///

سمر : صراحه حلوه بس عليها غرور ودي اتوطى في بطنها ..الله يعينك عليها
ريوف :هههههههه ..حرام عليك ..
سمر :والله انتي الهبلا الي ع نياتك ..
ام رائد دخلت عليهم ومعها الدفتر :وه وه يازين بنيتي ..(.وتضمها
سمر : ياعيني ..
ريوف : ماما لا تبكيني ..
ام رائد :لا ماتبغى دموع ... خذي وقعي
ريوف :......
ام رائد : حبيبتي .. يله وقعي ...
ريوف مسكت القلم ويدها ترتجف ووقعت بصعوبه :وقعت ..
ام رائد بحنان : الحين صرتي حرم عبدالعزيز عبدالله ..الرميح ..
ريوف ضمت سمر :.....
ام رائد : يله تجهزي لزفه ...
تطفت الانوار .. وصار ضوء وحد ع ريوف ... والشموع في كل مكان ..
وبدت اغنيه حسين الجسمي سيرت العشاق زفه .... ..
سيرت العشاق....
قرينا سيره العشاق بألف كتاب.... وذقنا الحب في صفحات ذكراها قريت ان الحلا هيا حلاها ما يجابه شبيه ....ولا انخلق زيه.... قريت ان القمر معها يطيح و ينكسر ضيه وحال من البدر يطلع مع طلعت محياها ..و في صفحة أهل الشيمه قريت المجد والهيبه.... قرينا سيرت العشاق بالف كتاب... وذقنا الحب في صفحت ذكراها ....
الكل كان منبهر فيها ...
كانت وولا اروع ......
قالت المطربه :... الرجال الحين بيدخلون ..< الحريم تغطو .
دخل بهيبته وشموخه با البشت الاسود .. عبدالعزيز... وفي يمينه ابو عبدالعزيز واليسار ابو رائد ....
الكل كان يطالع عبدالعزيز ..بأنبهار ...
وحده من الحضرين : وي وي وي قلبي بيوقف من جد جوووح
الثانيه :اااه يالباا الاسمراني ولا عيوونه مدري وش لونها ..شوفي رزته هيبته طوله وعرضه ااخ قهر البزر هذي بياخذها ...
الاول : ههههههه قولي مشاءالله ليطيح قبل مايوصل ...
وصل لريوف وقفت ريوف له.. ... وقف قبالها للحظات ... وهو يطالعها.... لكن عند ريوف حستها دهر وجهها صار طماطه من الحياء ...صغيره حيل قدام جسمه الرياضي ورزته ...
رفع راسها بيده .. وباسها من راسها ....ريوف تمنت الارض تبلعها ...الكل تصفير ..
وحده من المضيفات فلبينيه ... تقدمت ومعها عربانه مزينه بشكل رائع .. ذهبيه وفيها طقم الماس ...
اخذه عبدالعزيز وبداء يلبسها وصل للخروص او الخماخم ..هينا تمنت ريوف تصرخ من الحياء ....
عبدالعزيز .. قرب منها حيل ولبسها بهدوء ... ريوف من حياء غمضت عيونها عبدالعزيز ابتسم ع حركتها البيبي ...واخيرا لبسها الخاتم ومسك يدها وباسها بلطف ..
جاء دور ريوف ..اخذت علبه فيها خاتم ولبسه اياه ....

الكل كان مبسوط ... وفرحان لهم ... ماعدا شخص واحد كان يناظرهم بحسد ...
بعدين راحو لغرفه منعزله عن الضيف من بعد مابارك لهم الاهل ..

في الامارات ... في الليل ... الساعه تقريبا 11 م

عبير طلعت من الغرفه ونزلت تحت ...شافت حمدان منسدح في كنب الصاله....
حمدان :تعالي ابي اتحج وياج..
عبير تقدمت له وجلس في الكنبه الي جنبه : شنو
حمدان عدل جلسه وكان خايف من ردة فعلها:اكيد بخاطرج نسافر شهر عسل .. سكت شوي يشوف عيونها مافهم منها شي ... كمل :: مانقدر نروح
عبير : ليه
حمدان : مافي احد يساعد الولد في الشغل
عبير بلامبالاه : اوكيه
حمدان استغرب ردها البارد :......<وقف ...مشي لحد الدرج التفت عليها
حمدان : مارح تنامين !
عبير :لا
<<مشي وتركها وهو محبط

********************

في الملــكه ///
في الغرفه .....
جلست ريوف وجلس عبدالعزيز جنبها ...
عبدالعزيز :مبروك
ريوف وهي منزله راسها بصوت مايسمعه الا هي :الله يبارك فيك ..
عبدالعزيز ابتسم :مااسمع ...
ريوف :..........
عبدالعزيز رفع وجهها بيده والتقت العيون العطشانه لحظه صمت ......بعدين نطق....:.......ليه رفضتي اشوفك ...
ريوف ارتبكت ونزلت عيونها بسرعه ... كانت نظرات عبدالعزيز جريئه :....كنت مـ..
عبدالعزيز :كنتي ايش..
ريوف : كنت متفشله منك عقب ذيك السالفه,,,
عبدالعزيز :مو عذر ..
ريوف :....
عبدالعزيز بغرور : يله عطيني بوسه ولا ..
ريوف رفعت راسها بسرعه: ولا ايش...<وباسها مع شفايفها ...
عبدالعزيز بعد وجهه بهدوء عنها :ابي الزواج بعد اسبوع ....
ريوف وجهها صار طماطه ... مع الصدمه ماقدرت تتكلم :....
عبدالعزيز بخبث: ماعندك مانع ..
ريوف منزله راسها مو قادره ترفعه ...وتحس جسمها مولع نار تبي تطلع وبس : ...
عبدالعزيز : اوكيه .
ريوف خافت يصير الموضوع جد: لا مايمديني اجهز نفسي ...
عبدالعزيز : كملي معي ...
ريوف : بس
عبدالعزيز مسك خشمها زي الطفله : اذا قلت كلمه تقولي حاضر ...
ريوف بوزت : ...
عبدالعزيز : ههههههه شكلك تحفه ... يله الحين بطلع بين اتصال ...
وقف ووقفت معه...اشر بأصبعه عبدالعزيز بمعنى بوسه ....
ريوف ابتسمت وباسته تبي تخلص وتطلع... حدها منحرجه :..

**********************
في احد الشقق .... في الشرقيه ..
في غرفه اضائتها حمراء ...
يعلق الصور بحذر ... وهو مبتسم بخبث.... ::وين بتروحي مني يا آجـوان .. انا تسكري السماعه بوجهي وماتردي على اتصالاتي وتجي لموعدك ..... هين ....الوعد قريب ....

*