شبكة همس الشوق - عرض مشاركة واحدة

10 - 9 - 2014, 03:40 PM

ياللي نسيت الحب مثلك نسيناهـ
جرحي يهون ولا مذلة خضوعي
ღ
قصرك بقلبي طاح وانهد مبناهـ
لاتنتظر منــي لحبــــــك رجوعي
ღ
من عافنا ننسى غرامه وذكراهـ
لا واحسايف في غيابك دموعي
ღ
الغدر في نظراتك اليوم شفناهـ
اليوم نظراتــك لقلبـــــي تروعي
ღ
مليت حب ضاع عمري برجواهـ
وهديت من زود الغرابيل روعي
ღ
يامن قطع حبل الرجاوي بيمناهـ
من دمعتك أشعلت طافي شموعي
ღ
11 في الليل ...<<

طول اليوم وهي في الغرفه ماطلعت حتى بعد مانادوها للعشا وهي مانزلت لبست بيجامتها الي عباره عن بنطلون مريح قطني مقلم بزهر وتيشيرت عليه رسمة فراشه لونها بعد زهر ورافعه شعرها الطويل كستنائي ومحلها اكثر خاصه انه مناسبها رفعته بربطه زهريه ذيل حصان جلست ع الكنبه وماسكه البلاك بيري وتتكلم في البيبي (ماسنجر(...
تخاف تتكلم بصوت يسمعونها فضلت المسنجر :هيووف والله مو قادر اتحمل
هيفا : اصبري عليه شوي يا جيجي لا تنسين ان سلطان طيب وممكن يسامحك
اجوان تكابر : يسامح ولا مايسامح ماهمني اصلا
اجوان وهي تتذكر كيف اهله ياكلون بدون ملاعق وهي تحس با القرف مو متخيله نفسها ابد ماتبي تتكلم مع هيفا عنهم وتسبهم فضلت السكوت :
دخل وشافها جالسه ع الكنبه وبيدها البلاك كانت في البيجاما جذابه حيل وريحت الغرفه كله عطرها لكن لبس قناع الجمود ووقف فوق اسها:عطيني الجوال
اجوان رفعت راسها بأستغرب : ها
سلطان :من قال ها سمع اقولك هاتي وسحبه من يدها ورجع قال :هذا تنسينه يا ماما فاهمه ..
اجوان تنرفزت :شنو الي انساه اقول هات الجوال احسن لك وقامت بتسحت الجوال منه ..
لكنه بعد يده عنها ومسك شعرها وقرب شفايفه من اذنها وانفاسه تلفح في وجهها ويده الثانيه محاوطه خصرها وضاغط عليه يعني اجوان وهو يقاوم رغبته لا يتهور فيها لان عطرها حسسه برغبه اكثر ضغط ع خصرها اكثر وقال بصوت واضح :اذا قلت مافيه جوال يعني مافيه جوال واذا شفتك تعاندين مره ثانيه راح تشوفين تصرف ثاني
اجوان وهي ترجف من قربه لها وحاسه با التوتر وخوف بتفس الوقت : ااهـ خلاص تيب بعد عني سلطان ماتحرك وكل كلمه تقولها يضغط اكثر عليه
وهو يتحسس نعومة رقبتها ويشم شعرها وارتباكها زاد رغبته اكثر ..
اجوان خلاص موقادره تستحمل اكثر ضغطت ع رجله اليمنى بقوه اول ماتركها ركضت للحمام لانها مو قادره تمسك نفسها اول ماسكرت باب الحمام بكت وهي تتسند ع الباب ليه يا سلطان تسوي فيني كذا ليه تذلني وتتحسسني اني زي الخدامه لكـ ..
تذكرت كيف اليوم يشوف رنا وشوي بياكلها با النظارات انقهرت حيل ماتدري ليه اااهـ يا قلب ليكون حبيت وانا ماادري ....
اما سلطان صحيت من غيبوبتي ع رفسه برجلي بعدت عنها من الم ... انقهرت يوم انحاشت مني ايه مقيوله للحين ميت حب وهيام لفيصولوه النذل ااخ انا اوريك يا اجون ان ماخليتك تركضين وراي مااكون سلطان ولد ابوي .. بنطلون بيجاما بدون البلوزه طبعا ونسدح وطفى النور وبدا يدخن بتوتر وهو يتذكر شكلها بقربه
وكيف ماقدريحكم بنفسه ااهـ ياقلبي للحين احبها ومو قادر انساها الله يلعن القلب الي مايعرف يختار عارف انها للحين في الحمام وماطلعت وده يطق الباب يطمن عليها بس مايدري ليش مو قادر يقوم يروح لها كأنه وده يعاقبها ...
جلس ينتظرها لين ماشافها طلعت
جلست نص ساعه في الحمام انقهرت لانه ماحس فيها ولا في زعلها ولا كلف عمره يطق الباب عشان يطمن عليها ....
فتحت الباب بشويش شافت الانور مطفيه طلعت وراحت لفراشها الي في الارض ..انسدحت عليه وهي كاره نومت الارض ومو متعوده عليها ابد
اجوان من بكرا بشتري لي سرير ولا اني اتعب واكسر ظهري لسواد عيونه ....
خلوني شوي اتكلم عن سلطان (عمره 26 طوله 180 جسمه متناسق يعني مو يربي عضلات لا بس عريض من عند الاكتاف شعره بحياته ماطوله
كتـوم عنيد يحب القنص والبر بس من يوم ماحب اجوان وهو موفاضي يروح او انه يبي اكثر وقت يجلس فيه معها ويتلذذ بتعذيبه لها يحب يلبس اكثر شي الثياب <اتوقع عرفتو كيف شخصيته من حبه للبر )
+++++++++

عبير للحين ماصحت من البنج ...
ام عبير جايه تركض بعباتها الي باين عليها جايه للزواج : ويييه يمه حمدان قلي وش فيها ..
حمدان : مافيها الا الخير .. بس نزلت الجنين ..
ام عبير بحسره : يابعدي عمري يابنتي ويييه الله يعينها ... اقدر اشوفها ..
حمدان : للحين في تأثير البنج ..
ام عبير وهي تجلس ع لكرسي :خنت حيلي ماقالتلي انها حامل
حمدان :ليه هي ماتدري عن حملها ..
ام عبير : والله مااتوقع تدري ولا كان بشرتني
حمدان :اقول خالتي
ام عبير : هلا شنو
حمدان : ماله دعي يدري عمي ع الي صار لها
ام عبير : ايه ليش
حمدان : لا بس اخاف يقطع سفرته ويتعب روحه وهي ان شاءالله انها بخير
ام عبير : ايه الي تشوفه ...
____________

في بيت ابو عبدالعزيز ...
منسدخ في غرفته وهو فاقدها حيل مو متعود ع فراقها اخذ مخدتها وضمها له وهو يشم ريحتها اااهـ يا ريوف انا مدري ليه العناد وليه تبين تجلسين عند اهلج وش فيك يا عبدالعزيز خلها شوي مسكينه ماشافتهم لها مده ...
قطع عليه رساله الجوال ...(اهليين حووبي مشتااقتلك حييل حييل متى تعطف علينا وترد ع جوالك .... حبيبتك فنوون ..)
عبدالعزيز : هذي وبعدين معها ماتفهم ...
خليني انا بكر وراي قومه من الصبح ....
وناام وهو ضام المخده ....
____________

بعد مرور اســـبوع ....
الصبح 8 ...
ابو عبدالعزيز وهو يجلس في الكنبه الي في غرفته ... وهو من امس مو جايه النوم ومجافي عيونه من يوم حضر ملكة البندري بنته وقطه منه وهو احساس تأنيب الضمير ذاابحه وقرقر يعترف لسامه بكل شي واي يصير يصير المهم بنته ترجع لحضن ابوها مايدري ليه توه يفكر با هشي يممكن ابتعاد اجوان لها فتره عنه وانشغالها بزوجها فيض مشاعره زياده وحسسه با الفقدان خاص هان البيت صاير هااادي جداا سالم في الرياض وعبدالعزيز لهي با الشركه ومرته في الرياض الي مستغرب جلستها هناك واجوان ماترد ع جوالها ...
ساميه : حبيبي ليه ماغيرت تيابك ...
ابو عبدالعزيز وهو يأشر لها انها تجي تجلس معه ..
وهو مقرر يقولها اليوووم ...>>>